羅宋湯好飲，好重蕃茄味
亦好多料，好飲
但可惜唔太夠熱，略為扣分
叫左招牌脆脆豬扒飯
豬扒炸得脆，可惜無切開
而且炸得比較油，食到最後成碟都係油
豬扒飯美味，但芫荽我個人好麻麻
同樣，豬扒飯唔夠熱，去唔到「熱騰騰」既溫度
同時點了招牌蝦多士
未有太大驚喜
會想食番舊式炸蝦多士的口感
最令人側目的，是侍應的衛生意識
由於疫情持續，今晚食飯我準備了餐具
而餐廳提供的餐具則全晚放了在餐桌的角落
埋單的時候，侍應見餐廳餐具無用過
於是順手收番入櫃，留待下一枱客人使用
雖然我地並無用過set 餐具，但用膳期間餐具仍有可能被食客的飛沫污染
侍應的衛生意識令人擔心
