今日就去試下佢地既cafe!
因為成日食肉好膩，
今次就點左和風沙律汁大蘑菇漢堡！
上碟時薯條熱辣辣，
絕對唔係炸起好耐乾晒等客order既貨色，
已令熱愛炸物既我食指大動！
伴碟既前菜係凍既菇類沙律，
酸酸甜甜，非常醒胃，如果可以大碟d 就好了！
再講漢堡，由於係和風沙律汁，
食落好開胃，唔會有油膩同飽滯感，亦唔覺漏
蘑菇非常厚身，絕不欺場，直情可以話係蘑菇扒！
漢堡包包面烘過才上碟，鋪面芝麻亦非常甘香！
10 分入面值9 分！係有誠意既素漢堡！
值得一讚的是侍應哥哥非常有禮！
不但多謝前多謝後，更在結帳時致歉指待慢左我地好唔好意思。其實邊有咁既事呢
呢間絕對有下次！
要再試埋又一城分店！
