fanfan.daily's Profile

- 吉列大蝦白咖喱烏冬 $88 芒果梳打 +$6- 明太子蟹肉意粉 $98 波子汽水- 原味金寶梳乎厘班㦸 $108 蘋果汁 (走冰)- 山梨縣白桃刨冰 $88 西瓜香橙梳打 +$6由月頭忙到月尾 難得放假真係要嘆下午茶慰勞辛苦嘅自己 呢度嘅下午茶包咗味噌湯同一杯$42或以下嘅飲品 (過咗$42就補差價) 可以揀甜品或者主食 身為烏冬控見到餐牌有烏冬就秒選咗 面頭個層白色係忌廉薯蓉 口感幼滑綿密 撈勻咖喱同烏冬之後質地就比較濃稠 咖喱微微辣 另外仲有三隻外脆內彈牙嘅吉列大蝦明太子蟹肉意粉 醬汁好creamy 每條意粉都掛滿明太子忌廉 仲有蟹肉蟹籽 食落一啲都唔膩 忍唔住清晒成碟😋要食埋甜品先至叫完滿 所以叫咗兩個甜品開心share 原味金寶梳乎厘班㦸 三層高嘅班㦸真係好有動感 鬆軟又有香濃嘅蛋香 呢度嘅pancake真係要再encore就算天氣凍咗都唔會阻止到我食刨冰嘅決心😆刨冰上面係芝士奶蓋 刨冰入面就有椰果 白桃肉同埋有陣桃味嘅牛奶冰 如果鍾意食濃味啲嘅話 可以再落埋另外附上嘅桃汁另外好想講個杯西瓜香橙梳打 估唔到味道好清新清爽 唔會太甜 仲有啲解膩感覺💰$433…Read More

蟹子鮮蝦燒賣皇翡翠鮮蝦腸粉魚茸煎釀雙寶北菇棉花雞鮮竹牛肉球醬皇金錢肚順德鯪魚球薑蜜叉燒蟹子鮮蝦燒賣皇 飲茶必點點心 內餡蝦肉彈牙 大隻蝦仁再混合埋軟嫩嘅豬絞肉 點埋辣椒油食 真滿足翡翠鮮蝦腸粉 腸粉皮口感軟滑 唔會太厚身 入面又係有一大隻蝦仁 沾醬油唔會太咸魚茸煎釀雙寶 雙寶係釀茄子同釀尖椒 魚茸餡唔係薄薄一層 口感紮實 茄子煎完都仲係好juicy 尖椒食落就辣辣地同外表焦香北菇棉花雞 冬菇好大粒 魚肚好軟綿 兩個都吸滿湯汁鮮竹牛肉球 牛肉球食落幾足料又彈牙 仲有一陣陣嘅芫荽香味 平時除咗鍾意食牛肉球 仲好鍾意食牛肉球個塊腐竹😂因為佢吸收晒牛肉嘅精華 醬皇金錢肚 呢度係用咗XO醬 平時食開都係黑椒或者沙嗲 感覺呢度嘅金錢肚高級咗😆金錢肚幾有嚼勁 醬汁香氣十足 仲好索味 順德鯪魚球 仲大粒過乒乓波 魚味濃郁但唔會腥薑蜜叉燒用鐵板上枱 底部仲有蠟燭繼續持續加熱 叉燒可以保持溫度 真係夠晒貼心 叉燒大大舊又超厚切 肥瘦適中 蜜汁唔會過甜見到夜晚有晚市開心孖寶($338) 焗龍蝦唔係伊麵底 反而係我好鍾意嘅烏冬底 下次再嚟試吓先😋💰$397…Read More

- 海鮮媽媽麵 $178- 泰式燒墨魚仔串（2串） $38- 青咖哩軟殼蟹（配蒜蓉包） $168- 馬拉盞通菜 $88- 芒果糯米飯 $88- 椰青*2 $52/1海鮮媽媽麵個湯底可以揀Thai Suki或冬蔭功 冬蔭功平時都食到就揀咗個特別啲嘅Thai Suki 湯底有齊甜酸辣 媽媽麵放耐咗都依然彈牙 海鮮有魚片 蝦 同墨魚 仲有泰式燒腩肉 生菜索晒個湯底食起嚟比較辣 其他食材就甜中帶酸辣泰式燒墨魚仔串 手機落單個時發掘到呢個新菜式 泰式醬好開胃 墨魚仔燒得幾爽口青咖哩軟殼蟹 濃郁嘅青咖哩唔會太辣 軟殼蟹啖啖肉 炸得幾酥脆 蒜蓉包好香嘅牛油蒜蓉味 甜甜地 單食都好好食馬拉盞通菜 通菜份量好多 唔鍾意馬拉盞嘅話 可以揀蒜蓉/飛天/清炒 碟菜炒得好惹味食泰國菜梗係唔少得要叫返個甜品芒果糯米飯 芒果肉好甜好重芒果味 軟糯嘅糯米飯食落又幾有嚼勁 椰青好大個 椰青水多到滿瀉 好清甜又解膩 仲可以解辣添 飲到尾仲可以食埋入面啲椰青肉 滿足👍🏻餐牌有好多選擇 沙律 泰式小食 燒烤 海鮮 當然唔少得佢哋嘅signature dish 真係應有盡有 每枱都必點火山排骨 但見到兩個辣椒都係留返下次先😆💰$730…Read More

- 豬頸肉撈檬漢堡包餐 配泰式酸辣醬 (套餐跟薯餅及汽水) $68- 黑松露帶子牛肉漢堡包餐 配黑松露醬 (套餐跟薯餅及汽水) $104- 蜜糖炸雞髀 $28未行到去舖頭門口已經聞到好香嘅炸嘢味見到豬頸肉撈檬漢堡包套餐有限時試食價 $68 (原價$78) 組合幾特別又有我鍾意嘅泰式風味又有優惠當然要試吓 入面除咗有豬頸肉之外仲有煙肉 豬頸肉肥瘦均勻 食落非常腍又好嫩滑 啲肉沾滿晒佢個泰式醬 辣得好過癮 洋蔥同生菜可以稍微平衡一下佢嘅辣 食到辣嘅朋友真係要試吓平時黑松露帶子意大利粉就見得多 意大利粉轉換成漢堡包我都係第一次見 黑松露醬落得好重手 每一啖都食到醬加包同配料 唔會係乾啃 入面有三粒帶子 熟度啱啱好 塊牛肉好juicy好重牛味 果然一分錢一分貨 真心幾足料👍🏻套餐會跟一塊薯餅 味道唔會太鹹同外脆內軟 唔想食薯餅嘅話仲可以套餐加$20轉炸雞髀 (單點$28) 我覺得呢個雞髀係必試 炸雞髀我最怕食完會滿口油 呢個一啲油膩感都冇 雞皮炸到脆卜卜 仲有一層蜜糖喺面頭 甜甜地好滿足 雞肉肉質多汁 男士們食一個漢堡包再加雞髀應該都會好夠飽😋套餐$58起就有交易 仲可以預先WhatsApp落單 咁就慳返唔少時間 好適合喺附近返工又唔想排隊等位又想試吓創新口味嘅朋友仔題外話 好鍾意佢哋個包裝盒 疑似拆開咗個「懶」字 顏色鮮色啲望完人都開心啲 …Read More

- 超巨型吉列魚柳滑蛋丼 $88- 牛肉壽喜燒鍋定食 $128 +$10 轉烏冬- 豆腐天婦羅 $28- 沖繩豬肉煎餃 $38- 炸章魚丸 $38- 香芒粒粒紅茶 $38- 沖繩四季柑梳打 $38聽聞呢間餐廳開業2個月備受好評 難怪過咗食飯時間過嚟都依然要等一陣先至有位🫨一打開餐牌見到有各式各樣嘅日式料理 定食 拉麵 日式咖喱 鍋物 仲有唔同嘅小食 應有盡有 價錢仲要好親民我要咗人氣No.1 超巨型吉列魚柳滑蛋丼 魚柳全長25cm左右(餐牌上寫咗😂 實測應該都有）仲大隻過我隻手 魚柳啖啖肉 食落冇腥味 滑蛋濕潤 撈埋飯一齊食真係正 絕對係必食之選 佢呢個「超巨大」系列打卡一流 味道又同樣出色烏冬控都想試吓佢哋個壽喜燒鍋定食 湯底甜甜地 烏冬同牛肉都索晒啲湯嘅精華 食肉獸朋友表示滿足 牛肉唔韌又份量多 定食仲包咗滑溜溜嘅茶碗蒸同前菜我哋另外仲叫咗三款小食 三款都幾好味 尤其係我好耐冇食嘅章魚丸 食完有啲掛住日本🥲餃子就外皮微脆內juicy 沖繩四季柑梳打 好清新仲好開胃香芒粒粒紅茶 唔會太甜 夜媽媽飲完紅茶都唔會眼光光😆仲有一粒粒芒果蓉話說食食下發現原來佢係EN Group旗下餐廳 即係我好鍾意嘅炙宴嘅同一集團😂 唔怪得大大份又抵食 CP值唔錯👍🏻💰$447…Read More

- 手打馬沙文咖哩(雞肉) $88 加配蒜蓉包(五塊) +$35- 串燒半打(雞牛豬) $88- 生牛肉船麵 $65- 青檸沙冰 $48筲箕灣東大街好多美食雲集 但天氣咁熱始終都係坐喺室內同朋友傾吓偈會舒服啲😂咖哩有兩款 青咖哩同馬沙文咖哩 最後揀咗後者 仲有得揀雞肉/牛肉/豬肉/雜菜/海鮮 真係總有一種啱你心意 佢哋嘅咖哩係Kaeng咖哩濃湯 所以會比較水狀 (QR落單個時有提醒😉)馬沙文咖哩一啲都唔辣 仲甜甜地 我哋仲專登加埋蒜蓉包 沾埋啲咖哩一齊食 咁樣就唔會嘥咗啲汁😋蒜蓉包搽滿蒜蓉又脆卜卜 不過真係要記得趁熱食串燒燒得幾香口 沙爹醬仲有一粒粒花生 微微辣又夠濃稠 可以喺雞牛豬裡面揀你各自要幾多串 我哋就要咗每樣兩串 生牛肉船麵 咁大碗先$65😱有好多牛肉同炸豬皮 豬皮炸得幾脆 朋友表示鍾意豬皮浸落去索晒湯底嘅精華先食 金邊粉煮得啱啱好👍🏻有時食湯麵最怕就係麵質太腍會好難夾起🙂‍↕️最後飲返杯青檸沙冰 檸檬嘅酸味再加埋冰涼嘅沙冰 即刻消暑解渴之餘 仲可以解膩💰$356.4…Read More

- 楊枝甘露 $32- 甘露豆腐布甸 $35N年前曾經試過兩次 咁啱喺附近想食個糖水先返屋企 就一於睇吓有冇差到同貴咗先😂作為豆腐控我揀咗甘露豆腐布甸 朋友就揀咗楊枝甘露 芒果布甸就見得多 豆腐布甸相對比較少有 唔知係咪楊枝甘露太濃味 布甸嘅豆腐味唔算太出 以前食落豆腐好多🤔不過係滑嘅 楊枝甘露幾足料 芒果味夠重 亦都有唔少芒果粒 呢個價錢呢個份量我覺得唔錯咁啱隔離枱有人揀綿綿冰 份量望落就比較少 建議嚟呢度都係揀返傳統啲嘅糖水CP值會比較高啲😂💰$67…Read More

- 芒多多楊枝甘露雪花冰 $118- 芋圓香芋紅豆奶凍 $40門口有個大射燈寫住養顏手工糖水 見到「養顏」兩個字已經忍唔住睇吓佢哋個menu 佢哋有唔同系列可以選擇 真係迎合到唔同人嘅需求我哋最後敵不過炎炎夏日 所以揀咗佢哋嘅消暑聖品雪花冰系列🤤雪花冰有單人版同分享版 我哋呢個係分享版嚟 好大一碗真係要share先清得晒 面頭有藍莓同奇異果 仲有QQ嘅椰子凍同埋好多大大粒好甜嘅新鮮芒果 雪花冰大大一塊 軟綿綿入口即溶 又幾足料 食幾啖已經可以降下溫😂身為芋圓控 我揀咗芋圓香芋紅豆奶凍 椰汁西米露做底 椰香味幾重 仲有一大球嘅香芋同紅豆 地瓜圓芋圓同樣煙煙韌韌 配埋佢哋滑溜嘅奶凍一齊食 食落唔會過甜 真係好滿足 下次等我試吓養顏滋潤嘅蛋白杏仁茶先😋 💰$158…Read More

打咗兩日風又返咗一日工 係時候要擦餐好嘅去彌補返打風訓唔着覺🥹- 六道菜晚市二人套餐 $699 (原價$1398)1️⃣香草魚茸薯仔沙律配檸檬醬 澳洲M8和牛他他 +$282️⃣野菌忌廉湯*23️⃣低溫慢煮雞胸扁意麵配冬蔭功醬汁*24️⃣紅館姜母鴨 法式香草焗蝸牛配薯茸5️⃣芒果拿破崙 鮮果芝士撻6️⃣凍檸茶 凍檸水落完單之後就會即刻送上兩塊餐前麵包 可以沾橄欖油同黑醋嚟食 食落好鬆軟第一道菜我要咗香草魚茸薯仔沙律配檸檬醬 沙律份量好多 魚茸薯仔酸酸甜甜 好開胃 啲沙律菜亦都好新鮮 一啲苦澀味都冇 而和牛他他配上脆卜卜嘅多士 口感幾豐富我食咗第一道菜已經五成飽😂野菌忌廉湯 菇菌味好濃 飲落好creamy低溫慢煮雞胸扁意麵配冬蔭功醬汁 估唔到法國菜都會食到咁惹味嘅冬蔭功醬 酸酸辣辣又幾開胃 嫩滑嘅慢煮雞胸 近期好需要嘅蛋白質紅館姜母鴨 鴨髀熟度恰度好處 外皮又脆又香 鴨肉連同甜甜地嘅杏桃醬一齊食又真係幾夾 仲可以解下膩法式香草焗蝸牛配薯茸 有八隻彈牙嘅蝸牛配上綿密幼滑嘅薯茸 食到尾段已經好飽好飽芒果拿破崙 芒果好甜 拿破崙好酥脆 仲要面頭有塊吸晴嘅金箔鮮果芝士撻 平時食鮮果撻通常都係配吉士醬 估唔到呢度係用咗芝士醬 芝士味又幾出💰$800…Read More

- 極上肉眼壽喜燒套餐 180g $288- 特選肩胛壽喜燒套餐 180g $238我哋冇預先book位 純粹碰下運氣有就食 冇就食下一間 套餐包咗前菜 野菜盛合 日本產黑毛A4+和牛 蘭王蛋 日本米飯或讚岐烏冬 甜品 一人揀咗一款牛 我肉眼覺得呢碟肉眼唔係我想像中嘅A4+肉眼😂牛肉質素同網上睇到嘅有啲落差兩款肉味係幾濃 但兩款嘅油花就唔太符合我所期待另外上傳食物照去社交媒體就可以送和牛一份或者生啤 而送個份和牛唔知係咪隨機嘅關係 又係麻麻地座位有啲窄同食得有啲chur 牛肉質素唔太穩定 確實有啲失望 慳返啲錢食其他好過 呢間唯一好處係免加一😉💰$526…Read More

之前喺附近做嘢 呢間食過一次之後就成為咗我嘅飯堂 幾乎每一次都係嗌同一樣野食😂(好彩我冇食厭)有一年時間未食過 舊地重遊 今次再嗌返同一樣野食 睇下有冇唔同先😎- 老何十餸*2 $68*2 跟餐 黑松露薯條 +$27我每次都係揀蒜油咖哩撈麵底 個人認為呢間撈麵底好食過湯麵(個人口味嚟😂)十餸有魚春卷 豬大腸 豬紅 糖心蘿蔔 何B雞翼尖 鹵水雞翼皇 陳皮魚蛋 燒腩肉 炸魚片頭 炸腐皮蝦卷溫馨提示 如果有食材賣灑 佢哋係會隨機轉做其他餸燒腩肉 腐皮蝦卷都幾香口同相對幾特別 陳皮魚蛋就唔係度度有得食 我都好鍾意食陳皮魚蛋 因為比較易入味同有嚼勁 如果十餸食唔晒 佢仲有個細何五餸😎佢哋嘅份量真係依舊好足料👍🏻我有啲佩服當年嘅自己點解咁大食 伊家再食返 已經飽到不要不要的😂由於口痕嘅關係 我哋仲叫咗黑松露薯條 鍾意黑松露嘅朋友可以試吓 跟餐又幾抵💰$163…Read More

- Set dinner for 2 $498 是日餐湯 芝士蒜蓉包 燒美國安格斯三蔥醬牛小排配黑松露花菇比諾飯 +$98 炭燒澳洲西冷 8oz 脆炸海蝦春卷 +$68 巴斯克流心芝士蛋糕 原味&焙茶 凍檸茶 & 熱檸水有時唔想用腦又想食甜品又乜都想試吓 二人餐就係最好嘅選擇 呢間餐廳做緊新開張晚市優惠全單九折 即係變相唔洗加一😆落完單就送咗個餐前小食 雞蛋上面有口感脆脆嘅鹹香煙肉 又幾特別餐湯係甘荀忌廉湯 口感濃郁又creamy 我仲覺得有啲橙味🧐芝士蒜蓉包好蒜蓉又好脆 食得好滋味 意大利火腿雜菜沙律 色澤粉嫩 肉質柔軟又有肉香燒美國安格斯三蔥醬牛小排配黑松露花菇比諾飯 個煲真係好大個 一打開見到份量十足 入面仲有個流心蛋黃 我哋將佢撈勻之後啲飯依然粒粒分明 而且好重黑松露味 牛小排就算全熟都完全唔韌 油脂豐富 齋食呢個都已經好夠飽😆炭燒澳洲西冷 熟度我覺得拿捏得唔錯 西冷牛味相對牛小排重啲 同埋食落冇咁油膩 伴碟嘅薯蓉有濃烈嘅黑松露味 多咗黑松露味就冇咁單調脆炸海蝦春卷 春卷有五條 每條都好大條 海蝦好彈牙 春卷皮卜卜脆 沾埋醬一齊食就冇咁腬巴斯克流心芝士蛋糕 有原味/焙茶/桂花/冧酒提子可以揀 雖然桂花味好特別 但都係抵擋唔到茶味嘅魅力 最後揀咗原味同焙茶 中間流心效果做得唔錯👍🏻滑順細膩嘅口感 而原味會比焙茶甜啲 濃郁嘅焙茶香真係幾啱我呢個茶控二人餐都包咗餐飲 食咗一餐好飽肚嘅二人餐 我哋都揀咗檸水 幫助消化一下💰$664…Read More

- 香蕉雪糕窩夫 $56 加配 曲奇雪糕 +$10- 杏仁露椰皇燉蛋白配湯圓芋圓 (熱) $69- 雪糕糯米糍 豆腐味 $25睇音樂會之前仲有啲時間就去附近食返個甜品先 呢間見好多人推介 仲有我鍾意食嘅窩夫就一於試吓😋香蕉雪糕窩夫 雪糕可以自己揀味道 作為豆腐控就梗係揀豆腐味啦🤭另外仲加多咗一球曲奇雪糕 一人一球真係大滿足 豆腐味好重我好鍾意😋 雪糕仲要有埋個窩夫雪糕筒 唔係就咁一個雪糕球放喺個碟上面 真係賣相加分 窩夫即叫即整 窩夫切落去超脆😱上面仲有啲朱古力醬 香蕉本身都甜 再加埋脆卜卜嘅焦糖喺上面甜度又再提升杏仁露椰皇燉蛋白配湯圓芋圓 用椰皇燉蛋白 睇見都覺得原汁原味 每啖都有椰子香又幾清甜 呢個真係四季滋潤佳品 除咗燉蛋白之外 入面仲有湯圓芋圓 湯圓可以揀花生同芝麻味 我揀咗花生 煙煙韌韌再配埋滑溜溜嘅蛋白 口感豐富 旁邊仲有一碗仔杏仁露 微微堅果香🌰 (堅果呀🥹) 一個甜品有齊美容養顏又滋補豆腐味雪糕實在幾啱我心水😂忍唔住叫多個雪糕糯米糍 可以邊行街邊食再消消暑 軟糯嘅糯米糍皮加冰凍嘅雪糕 真係透心涼 面頭仲有脆卜卜嘅朱古力碎💰$160 …Read More

- 泰式海南雞飯 $82- 泰式乾炒豬肉片河粉 $78出面天氣太熱唔想走出商場搵食 喺度行下行下見價錢ok就試吓泰式海南雞飯會有一碗湯包埋 湯比較鹹😂 油飯幾好食 唔算油膩 仲好重椰香味 食落好開胃 轉雞髀或者雞胸要額外加$10 我對於食邊個部位冇嘜要求 所以就冇特登加錢😂雞肉中規中矩 兩個醬汁我傾向鍾意辣醬多啲泰式乾炒豬肉片河粉 豬肉片份量唔多 好彩嘅係佢啲河粉幾入味同幾滑 我覺得炒得幾有鑊氣 唔會太鹹 不過唔鍾意油膩嘅朋友就可能會唔啱食🤭💰$176…Read More

- 蜜汁叉燒湯通粉 配 火腿奄列及丹麥多士 $59- 日式照燒雞扒蝦球飯 $60我揀咗常餐 要蜜汁叉燒湯通粉 可以揀蒜蓉多士或者丹麥多士 佢叫得丹麥冰室 咁就要試吓佢哋個丹麥多士 叉燒有少少嚡 可能浸咗落湯通粉關係 叉燒啲味都淡咗 丹麥多士四邊都幾脆 烘得幾好 奄列就正正常常幾滑同事揀咗日式照燒雞扒蝦球飯 蝦係煎得幾好亦都幾彈牙 不過蝦球得一粒 一上枱真係有啲失望 雞皮幾脆 飯份量都ok 揀咗一個中湯一個紅湯 正正常常 唔覺有味精 呢間食lunch喺呢區唔算貴 但座位都係有啲迫💰$119…Read More