entranceclose's Profile

🔥🔥初嘗渝味麻辣火鍋🔥🔥渝味曉宇近期係地鐵商場鋪天蓋地嘅火鍋廣告，想喺疫情之後同一班朋友一齊坐低打邊爐，除左可以選擇佢哋嘅生酮火鍋，健康飲食。😁因為朋友愛食麻、辣，我哋就揀咗個重慶辣大紅鍋，湯底材料非常之豐富，名副其實嘅真材實料，用秘製辣椒醬、花椒油、八角等十多種配料熬製而成，吃得辣的我地梗係不可錯過！🫡因為食麻辣火鍋，根據經驗，開始時要食一啲蔬菜類為胃部打底，大刀荀片（$28） 、皇帝菜 （$28）。蔬菜類大部分都係劃一價$28 ，本身見裝修都幾裝修唐皇，以為價錢會偏高，但配料類價錢都幾合理。👌👌特別推介， 鰻魚白鱔（$108），魚肉新鮮，皮肉結實，魚香油脂感，煮完食落比較爽口，口感一流👍🏻另外亦叫左騰椒牛舌🐮🐮，牛舌上嘅配料非常入味，喺翻滾嘅火鍋湯底煮30秒左右就可以上碟，牛舌非常大牙爽口，咬落去亦好有咬勁，爽爽脆脆，係麻辣火鍋湯底嘅陪襯下，非常惹味。😍😍重頭戲唔可以唔叫紐西蘭精品牛肉 （半份 $58），值得一讚份量都唔少，四個人足夠食，半肥瘦羊肉 ，係湯底滾完之後唔會感覺到任何羊臊味，羊肉極新鮮，冇任何雪藏味。…Read More

好耐都冇食過泰國菜，九龍城由細食到大，次次食泰菜都會入到嚟九龍城，今次嚟咗小曼谷海鮮燒烤屋，仲記得以前好墟冚，次次都要等位。估唔到原來泰國餐廳都有得食馬友魚，馬友魚不嬲係我嘅最愛，鹽燒馬友魚更加帶出佢嘅鹹香味，外皮微微燒燶，揭開魚皮，就係雪白魚肉，入口即溶唔係講笑，好重魚油香，真係一流，次次食馬友都回味無窮。另外仲叫咗個泰式醃粉絲海鮮沙律，呢個平時比較少食，原來係粉絲為主，有啲甜酸汁，酸酸甜甜好開胃，仲有好多海鮮，魷魚鮮蝦等等。最後叫多個泰式炒牛肉河，比起乾炒牛河我更加鍾意濕炒牛河，一黎冇咁油，二來濕濕滑滑，更加容易扣汁掛湯。兩個人食咗咁多嘢先$400，人均200，性價比都算幾高，最緊要係好食。…Read More

和富中心喺北角地鐵站都要行5分鐘左右嘅路程，最近有幾間新餐廳進駐咗商場，所以今日收工就同朋友去試吓一間日本餐廳-竜王（讀音:龍）串燒三食 - 牛舌、雞翼、白鱔 $38、48、58三款串燒，燒得都好惹味，尤其是係牛舌，燒完之後香脆可口，鎖緊肉汁，白鱔亦都係，香口而不油膩。雞翼方面就燒得非常香脆，將所有雞油迫晒出嚟，雞皮亦燒得好脆口。佐水豚骨湯烏冬 128白湯湯底濃郁，重豚骨味道，烏冬爽口彈牙，湯底唔止坊間一般嘅日本餐廳選用普通食材，湯底應該係經過長時間熬製，濃郁嘅湯底味，飲完唔會怕口渴。除此之外飲品亦都可以叫烏龍茶， $28一支免治雞軟骨棒$38雞軟骨棒係選用日本雞肉設計而成，配以特選醬汁同日本雞蛋，日本雞蛋需要同醬汁完全攪拌，將雞肉沾上醬汁，格外嘢味…Read More

呢間Cafe除咗有貓貓之外估唔到嘢食都唔錯，同朋友試咗以下幾款嘢食。挪威煙三文魚芝士墨西哥餅68薄脆墨西哥餅，配上新鮮嘅煙三文魚，同埋咸咸地嘅芝士粒粒，建議可以加少少沙律菜入去夾埋一齊食🤩口感上有甜有咸，好豐富！菲力牛柳配黑松露粉紅胡椒燒汁扁意粉 168食牛柳最忌厚而韌、薄而老，呢碟菲力牛柳不但厚度適中，生熟程度都掌控得好好🤤配埋黑松露燒汁，簡單係絕配✨而且份量都好充足，下次再黎一定要encore!!Oreo 脆脆特濃朱古力鐘意係甜點嘅女仕們，相信都抵受唔住oreo 嘅魔力😍 喺出面飲嘅朱古力，好多都會好甜，但呢杯oreo 特濃朱古力，朱古力味好濃得嚟甜度適中，仲好突出到oreo 脆脆嘅配料！未黎主菜之前，已經飲左一大半，大滿足😛…Read More

喺旺角家樂坊本身就多唔同嘅餐廳，而且每到夜晚時刻，六個升降機每次都迫滿人，每次上到餐廳都要排至少五至十分鐘先上到去，今次去到家樂坊，喺地下收到宣傳單張見到8樓有間餐廳，可以一次過滿足三個願望，包括日本刺身、日式烤肉、以及熟食火鍋。套餐選擇方面，總共有三個唔同嘅套餐可以選擇，今次就破費一次揀咗最高級嘅套餐時， A5熊本和王日本和牛精選燒肉拼盤套餐，晚市$688 加一，套餐包括和式日本前菜小食，刺身拼盤，蔬菜拼盤，火鍋放題。首先入到去要揀火鍋湯底，喺六國款項入邊可以揀兩款，今次做揀咗龍蝦蕃茄湯底，呢個都相對比較推介，龍蝦味道相對濃郁寫實，相信係用咗龍蝦頭去熬製而成嘅湯底，第二款做揀咗比較清淡啲嘅海鹽牛奶豆乳。燒肉方面，餐廳職員會介紹每一款牛肉嘅特點以及食用嘅次序，通常係由味道淡至濃，油膩感由輕至重開始。首先係日本和牛上脾，再到和牛肩胛，之後到黃牛三角，黃牛背峰，最後到熊本和王。每一塊和牛每邊最合適時間係煎五至十秒，接近七成熟，咁樣先可以達到最佳效果，入口即溶嘅感覺，牛肉油而不膩。個人建議可以試吓唔配任何醬汁了，最新鮮最原始嘅味道直入口中。火鍋方面，可以選擇嘅料理配料，接近100款， 120分鐘任食任叫，任君選擇。留意番，每一個套餐會有限制肉食嘅選擇，ASet 只可以叫返Set A嘅肉類，所以為咗食得盡興，個人都係建議叫Set C咁就可以一次過食曬所有牛肉款，所有肉類都可以食到。…Read More

屋企人很喜歡吃火鍋，早兩個月曾經在胡爐吃過他們任食火鍋套餐，覺得抵食及食物質素很好，所以一直念念不忘，今個星期找機會年尾當獎勵大家，一起來吃火鍋。一如既往職員服務很好，另外位置舒適，枱與枱之間不會太逼夾，整晚的體驗相當的不錯 。之前嘗試他們的麻辣湯底以及金玉滿堂，材料竹枝魚味道也非常不錯，今次試試新口味，特意選了平時比較少吃的，川味酸菜鴨湯鍋，鍋底裏邊也有大概半隻鴨，肉質挺嫩，不會感到老和硬，確實是不錯。游水海蝦 $98海蝦相當之新鮮，是即叫即在水池撈的，上枱時還會郁，肉質彈牙，雖然$98大概六至七隻，不過非常之新鮮值得一試，配在鴨湯，鮮味十足。香荽涼拌魷魚頭 $68 家人很喜歡吃芫荽，所以特意選了這一個前菜，魷魚頭很爽口，另外醬汁非常之開胃。新鮮脆鯇腩 $148 本身打算叫白鱔，不過職員說今天的脆鯇腩很新鮮，一於試試，果然是爽脆的，比起平時街市買的質素好很多。XO鮑魚蝦餃王 $58蝦餃王裏面配了XO醬及鮑魚，感覺餡料誠意十足，味道也相當不錯，一咬落口XO醬在口中蔓延，另外鮑魚令到蝦餃王口感豐富多層次。…Read More

臨近年尾，接近收爐時間，今年大家尚算表現良好，為咗獎勵一家人今年嘅付出，破費一次去咗灣仔會展，一邊遠眺維港夜景，一邊品嚐美食佳餚，為2021年畫上一個完美嘅句號。餐廳位於灣仔會議展覽中心博覽商場地下一樓，喺餐廳享用晚宴，可以付費享用3小時代客泊車（$88）。餐廳環境高貴華麗，侍應體貼熱情招待，更設有獨立私人包廂。今次我哋一行六人，夜晚八時喺餐廳享用晚宴，前菜分別有鳳梨黑毛豬咕嚕肉以及生煎手剁蓮藕餅，兩款食物精緻美味，黑毛豬肉質煙韌，酸甜醒胃，蓮藕餅香酥皮脆，蓮藕飽滿。香蔥海鹽煎馬友油氈過後嘅馬友，皮香肉滑，非常惹味，魚肉非常亂畫，魚皮脆香金黃。酒灼海中蝦蝦肉爽口彈牙，蝦身肥美鮮甜，每隻蝦都比較大隻，蝦肉飽滿。雞蛋焗魚腸味道相對比較濃郁，食物入邊有不同嘅食材，包括陳皮、雞蛋、薑蔥、芝士、以及魚腸，第一次食，口感特別，配飯一流。香蔥鮑魚砂煲焗飯砂煲焗飯米粒分明，米飯邊有焦香感，香氣濃郁，飯面鮑魚甘香細膩，配上香蔥豉油，畫龍點睛，味覺一流。…Read More

蚊蚊豬 ？個名好搞笑啊，睇完都唔知食咩嘢，原來係食任食嘅火鍋刺身烤魚羊腩煲雞煲，咩煲都有，啱晒選擇困難症同埋大食嘅人。價錢都幾平，每個人都係$268，就可以食晒咁多款煲，同埋刺身任食，我哋就叫咗個四川麻辣烤魚，烤魚份量都好大，麻辣到啱啱好，怕辣嘅都唔使驚 ，可以好似我哋咁揀BB辣。嘢食嘅種類都好多，一定要叫佢哋嘅安格斯牛頸脊，牛香滿滿，入口即溶，性價比極高，食多幾盆都已經回本。另外佢哋仲有好多牛肉嘅選擇，例如牛胸花 牛柳粒等等 ，太多款式都食唔完，每人叫少少。另外一日做佢哋已經上咗個海鮮拼盤 有鮑魚鮮蝦等等，鮮蝦都幾新鮮所以追加左幾隻。食到最尾已經飽飽地，叫埋個羊腩煲收尾，羊腩煲好多羊肉唔算好蘇，冬天食就最啱啦，食完之後全身都熱晒。另外佢哋仲有其他甜品選擇我就揀咗個雪糕，榴槤味，榴槤味都幾重下，不過我朋友就好驚榴槤，所以喳喳林食完，就再食多個朱古力味。總括嚟講性價比都好高，聖誕節同屋企人一齊去食慶祝都係一個唔錯嘅選擇。…Read More

今日朋友生日，我哋約定喺尖東搵一間餐廳，一出咗地鐵站出口就見到有一間有happy hour嘅意大利餐廳。燈光明媚，絡繹不絕，都有七八成滿座，咁我哋就決定四個人食呢間餐廳。首先有新鮮時令生蠔，由外地直送，一盤$188，有六大件生蠔，蠔汁鮮甜，蠔肉結實可口。係一個幾好嘅開胃菜。Freshly shucked seasonal oysters $188 主食方面我哋做嗌咗兩款，包括野生蘑菇黑松露pizza，Pizza皮底薄脆，餡料充足，黑松味香濃，食落去唔會好乾身。第二款煮食嗌咗Pan fried cod fish $298，肉質結實，魚味鮮甜，配埋薯蓉蔬菜，值得encore。仲有一份意式Beef ragu $208，意粉比較闊身，同一般闊條意粉唔同，煮得好香口有咬勁，味道亦好濃郁，牛肉份量不少，物美實惠。…Read More

尖沙咀胡爐 半自助火鍋初體驗一共有三個時段可以選擇，假若五時半以及9:30入座的話，只需要$238一位，假若是7:30入座的話，$298一位，早點吃健康點，因此我們選擇5:30，入咗起計兩小時，非常化算。一入座職員便送上至尊拼盤以及要麵包凍蟹。有時令海鮮四款，我們今天分別有扇貝，游水海蝦，鮑魚，幾款海鮮尚算新鮮，唯獨鮑魚可能我們煮得太久比較硬。麵包凍蟹相當不錯，非常新鮮以及鮮甜，另外有很多蟹膏，回味無窮。湯底方面因為朋友不能吃辣所以我們選了蕃茄牛腩鍋，裏面有蕃茄洋蔥以及很多的牛腩，牛腩還以為是湯底的材料質素一般，想不到挺入味及軟嫩的，蕃茄湯也挺濃郁，比起麻辣火鍋這個湯底適合健康之選 另外搬自助火鍋本身已提供了胡爐拼盤，有三款肉，分別是半自助餐已經包左 三款肉類，分別是澳洲和牛 ，牛舌心 ，以及黑毛豬，雖說不是頂級的牛肉，不過$238可以吃到澳洲和牛，也是相當不錯，牛香很重，半肥半瘦，喜歡吃牛舌的也可以試試他們這裏的招牌牛舌，薄薄一片，不會過硬。另外套餐也包了三種餃和丸，黑松露墨魚丸，黑松露丸黑松露味很重，手打蝦丸，蝦丸彈牙牛肉芝心丸，一咬下去芝士爆漿，三款丸都挺出色的 。另外還有鮮蝦雲吞，XO醬帶子餃，魚皮餃 。任叫材料的分別有娃娃菜 ，豬頸肉，豬紅，牛柏葉，豆腐，肥牛，響鈴 ，出前一丁 ，紅薯粉等等。當中豬頸肉挺好吃的，有一點花雕酒味道。總括而言性價比挺高，假若下次不想吃日式任食火鍋，可以試試胡爐。…Read More

川粵時光睇個名就知道又係川菜又有粵菜個名幾特別穿越時光 一定會記得幾鍾意去v point食嘢因為有海景 淨係睇個景都一流今次特登早幾日打黎book枱 希望坐喺近海景位餐廳都好好咁幫我哋安排 環境都幾靚叫咗三款涼菜蒜泥拍青瓜涼拌海蜇雲耳酸辣魚皮其中酸辣魚皮 幾特別用咗泡椒同埋小米辣椒所以酸酸地又辣辣地魚皮又超級爽口彈牙幾出色 黃金椰菜花原來係用鹹蛋黃作為調料鹹蛋黃包住晒椰菜花每粒椰菜花都有鹹蛋黃嘅鹹香非常之惹味 另外鹹蛋黃起沙真係好香酸辣鱸魚其實即係酸菜魚酸味較重由於朋友唔係太食得辣特登揀咗小辣 鱸魚非常之嫩滑食完一片又一片 另外入邊都有啲薯粉兩個人來講份量都幾大幾飽肚食完啲鹹鹹辣辣嘅嘢梗係要食少少甜品同埋解辣啦我哋就叫咗紅糖冰粉冰粉同出邊比較唔一樣 係整碎咗變成一粒粒估唔到呢個口感都幾好喎 同埋落咗啲紅糖甜甜地好解辣…Read More

將軍澳海旁開了很多餐廳，朋友叫我們去走走吹海風順便吃晚餐，海旁有很多酒吧，可惜不勝酒力，所以最後選了這間台式料理。戀上蝦蝦，蝦雖然唔係好大隻，不過都幾新鮮，淋上芝麻，香戀上軟Q鴨血，鴨血是我一直挺喜歡的食物，麻辣味深透在鴨血當中，滋味無窮。水蜜桃生炒骨，想不到台式料理也有生炒骨，水蜜桃甜甜，配上菠蘿酸酸，生炒骨炸粉不太厚，整體還不錯，配碗滷肉飯一流。另外原來還有些燉湯可以叫，選了松茸燉雞，松茸是很健康的菇類，配上雞挺鮮甜的另外朋友叫了古早藥膳排骨，藥膳味也挺重，湯類算是不錯價錢也不貴。飲品就叫了台灣有名的冬瓜茶，下火。…Read More

剛好朋友生日，喜歡吃中菜，尋尋覓覓最終打幾點定在銅鑼灣cubus的顏府 ，環境高檔，主要以黑色及紅色配搭，慶生確實是個好場地。前菜先叫了籐椒木耳，無辣不歡的人必定要試，不能吃辣的，要再三考慮。想不到真的非常辣，木耳的爽脆配上又麻又辣，刺激。早幾年去南京旅行，吃了當地特產鹽水鴨，一直念念不忘 ，想不到這裏也有鹽水鴨，肉質不霉，鴨皮薄，有特色。另外叫了主菜慢煮牛肋排，牛粒排相當出色，非常嫩 ，朋友少說假若老人家來吃，帶假牙也能吃得動，完全沒有筋位，相信餐廳也特意挑選部位，醬汁甜甜，一不留神已吃完。另外也想特別讚賞餐廳送的合桃小食以及XO醬，合桃脆口甜甜，XO醬很香，足料，另有大量乾瑤柱。…Read More

和女朋友拍拖紀念日，選了這間有情調的西餐廳，位於西環，一進門口有少許音樂，還有調酒師專門調配酒精飲品，挺有情調的，樓高三層，一早告知了是拍拖紀念日，所以餐廳也很好，安排了頂層的位置給我，安靜的私人空間。前菜叫了 Bresaola roll，看英文也不太懂是什麼 ，只知道是用HAM ，原來是用bresaola ham 包裹火箭菜，是一道可口的前菜。Oxtail Ravioli ，Ravioli 原來是意大利雲吞，比較特別的是裏面的餡料是用了牛尾，而非普通的豬肉或雞肉餡，有創意之餘還配搭一流非常好吃，牛尾味道非常之濃郁，包裹在雲吞內，絕對有驚喜。另外還配了少許火箭菜。Lamb rack $255朋友叫了羊架做主食，有三件，烹飪得絕對出色，叫了medium ，五成熟，羊架煎得剛好，切開非常之粉嫩，還一點都不So，還配有薯菜，二百多元有三件羊架，性價比很高還要高質素。Tiramisu $78晚餐的尾聲叫了一個Tiramisu作為完美作結，味道非常濃郁，還有酒香，不過稍嫌夾層的蛋糕面稍為過於濕潤，不過整體還是很好吃的。總括來說這間餐廳，以西餐廳來說水準非常不錯，價錢還便宜很多，餐廳有情調，很適合情侶來拍拖打卡。…Read More

同朋友好耐冇見，突然有啲想食泰國嘢，喺銅鑼灣揀咗我哋嘅老地方，小曼谷泰國美食站。照舊一樣性價比高食物質素唔錯青木瓜沙律 $82青木瓜沙律口感很爽很新鮮，木瓜口感一流，酸甜適中。好適合大熱天氣解暑，酸爽味好開胃。泰啤 $29係以前泰國成日飲既泰國啤酒，夠啤酒香味又可以啤酒送飯。芝士烤餅 $48芝士份量好足夠，烤餅啱啱烤起仲好香脆，一啲都唔漏，好適合同咖喱夾埋一齊食。同時又唔會搶奪啲咖喱味，同芝士搭配到啱啱好。生菜包 $8x食生菜包啲肉碎唔會太鹹，個人比較偏好啲Fresh啲嘅味道, 同埋份量好足👍 芒果糯米飯 $82最後份芒果糯米飯啲芒果好甜，同埋份量都好夠，為泥餐飯作完美的句號。大推！…Read More