ckwinnie's Profile

最近熱愛串燒，喜歡這裏選擇夠多不會無聊，基本上想吃甚麼都可以滿足。譬如今天主力吃肉，海鮮就先退下，哪天想點海鮮也有不少選擇。串燒缺點可能是「不會飽」，聊著天配啤酒真的不知不覺就吃很多，應該點了差不多20款串燒，精選幾款個人推薦：鹽燒牛舌心：這家有幾款舌料理，牛舌心是最愛，口感夠嫩，爽口有彈性即燒乳豬：真心皮脆肉嫩，燒完keep到肉汁，估唔到乳豬都適合做串燒燒羊架：愛羊可以點，有烤出羊肉的香，肉質不乾不柴無骨白鱔：緊致爽口，唔會腥，無骨啖啖肉好爽燒雞泡魚干：送酒必點，好香口芝士年糕：不是平常放題常見的炸芝士年糕，用炭烤更香更軟糯，重點是用煉奶做醬真的超級適合！可能有人覺得芝士年糕跟串燒格格不入，但真心推薦，不是因為太飽絕對會encore！說到怪，有點好奇餐牌上的烤龜苓膏味道如何平日晚上大約7點入座只有一兩台客人，想不到越夜越精彩，座無虛席。Cheers! …Read More

雖然喺大商場入面但都幾易錯過呢間，可能因為好易就俾旁邊台式火鍋店搶走注意力。平日晚上唔算多人，有種難得嘅寧靜感，同埋冇限時間可以慢慢食（講真未必食到90分鐘，但冇限時心情就是比較好）有2人或1人set，喺商場又舒服嘅cafe嚟講個人覺得算合理價錢，朋友唔食蠔只好放棄2人餐，點了安格斯封門柳一人餐，以及單點雞胸南瓜栗子意大利飯。5成熟封門柳絕對係期待以上，非常嫩滑完全冇筋，配搭青醬帶些微酸味，唔會油膩，一邊食一邊覺得有個特別香氣，去到尾先諗到係咖啡味，望返menu原來人哋一早寫咗，頗有層次估唔到同牛肉咁夾，下次自己煮牛肉都可以試試！意大利飯嚟講有南瓜栗子，自帶食材本身嘅甜味，整體感覺幾健康清爽，雞胸都冇過多調味，想清淡少少唔油膩，係一個幾好嘅選擇。跟餐有湯同飲品，備差價點了杯Matcha Latte，抹茶味好濃郁，重點係個拉花好有心機！識拉花嘅朋友可否分享一下呢個圖案難度如何？Anyway見到得意拉花心情都好啲～…Read More

見週末都有同行折扣優惠，乾脆點最貴的和牛C餐試一試。鴛鴦湯底一邊麻辣一邊野菌，野菌一上嚟已經好香，估唔到比麻辣仲搶味用QR code落肉類、小食、海鮮，其他丸同蔬菜自己夾，每次轉身都好似開盲盒，牛腩、滷肉飯、台式甜品等等都有，飲品亦有唔少。食肉獸主攻牛肉，和牛軟滑香口，牛舌同五花趾平時任食火鍋比較少見，口感唔錯，值得encore。台式小食點咗幾款都新鮮熱辣，幾款經典小食地瓜條、甜不辣、香腸都唔錯，點完唔後悔冇浪費quota點心選擇都好多，蝦餃燒賣菜苗餃牛柏葉金錢肚鮮竹卷等等，連芒果糯米糍都有，可能因為餐廳早午市專賣點心，就是港式酒樓味道。食物選擇真係非常多，仲有部分餃類、海鮮未能盡錄，好啱選擇困難又三心兩意嘅人，樣樣都可以試。特別分享，卡位電視可以接駁手機播片，即係可以睇住Netflix打邊爐，呢個設計啱晒我…Read More

工業風設計在教育路上可謂非常搶眼，以為舖頭細細只會有些老生常談的cafe菜式，沒想到這裡餐廳選擇非常多。加$58轉套餐有前菜、飲品、是日甜品，而且飲品可以任選都不用再加錢，比單點划算。前菜分別點火腿哈密瓜沙律與虎蝦金柚泰式沙律，有心思搭配不馬虎。主菜先上M7和牛、野菌、蘭王蛋、牛肉忌廉汁手工意大利麵，由名字已經知道有多豐富😂。牛肉軟滑有牛香，唯調味對我來說稍為重手；手工意大利麵質感好特別，形狀較一般粗身，類似烏冬，但入口軟滑又不至太淋身，而且掛汁一流，好味👍🏻另一主菜選了軟殼蟹、牛油果、煙三文魚、野菌意大利飯，一樣是非常豐富的配搭。大大隻軟殼蟹適合打卡，炸得香脆；飯煮得剛剛好，醬汁香濃但不油膩，不錯。飲品嘗試了玫瑰士多啤梨Latte，仲有萬聖節拉花好可愛。單點都要$44，加套餐相當划算😂朋友選了酒精飲品，套餐價+$20，單看顏值很高，但近排戒酒就沒有嘗試。最尾仲有兩件是日甜品…Read More

平時食開韓國嘢嘅餐廳多數走街頭風格，今次朋友介紹試高檔韓食，由裝修到食物都頗有耳目一新嘅感覺先講裝修真係幾出色，精緻有格調，空間寬敞寧靜，燈光同佈置都令人好舒適。先上韓國餐廳必備小菜，種類好多除咗最基本嘅泡菜，竟然有醬醃八爪魚同芥菜泡菜。韓式生牛肉與生蛋黃拌勻後口感非常嫩滑，平時食生牛肉多數配梨，但呢度準備咗好多配料，放上炸海苔好夾擺碟好有心思！是日主角韓牛肩肉，上菜時牛肉已經預先燒好，睇唔到原本油花有些許可惜。店員即場燒烤調整生熟度，再剪開方便進食，份量幾大我哋兩個人食唔晒牛肉冇加額外調味，食到最原汁原味嘅肉香同油脂香。煎肉後嘅牛油都唔好浪費，用嚟炒菜吸返牛油香味。再整埋泡菜炒飯，新鮮炒起熱辣辣，好惹味！鮑魚釜飯調味偏向清淡，係食完比較heavy嘅韓牛之後，食佢都唔會好有負擔。鮑魚爽口，米飯飽滿有糯性，軟硬適中，係我喜歡嘅口感蜂蜜Makgeolli，米酒算係我食韓國菜必點。加咗蜜糖但唔會太甜，時不時仲咬到蜂巢幾得意。叫一支份量都幾多，可以同多幾位朋友Share飲。呢度仲有韓國酒cocktail，感覺幾有特色總括來說，價錢屬中高價，但食物質素同環境都唔錯，想食精緻韓國菜又坐得舒服啲，係幾好嘅選擇…Read More

平時經過見到都需要排隊，星期三晚餐時間竟然見到唔洗排！立即決定一試！餐廳內佈置以日式復古為主調，除咗影起相更好睇，整個氣氛都好柔和舒適，而且用餐時間唔會有好趕嘅感覺，適合同三兩好友嚟食飯傾計。食物方面選擇頗多，小食、主菜、甜品同飲料都有好多配搭，仲有素食選擇。個人諗為蛋包飯算係餐廳招牌必點，蛋奄列烹調時間掌握得好好，口感嫩滑又唔會太生；炒飯加上蔬菜粒口感好豐富。今次選擇炸海老做配菜，蝦嘅size好有睇頭，而且唔係用炸粉充撐場面，蝦肉彈牙飽滿；餐廳選擇用龍蝦汁作配，同蛋包飯味道好夾，鮮甜又唔會太濃味，食到尾都唔覺得膩。另一主食選擇 – 牛肉芝士漢堡，相比美式濃味大件，呢度風格應該算係日式小巧精緻，不過睇落份量唔大但食起好豐富，盡力食都係淨咗少少薯條好可惜。牛肉漢堡扒非常厚身，鎖到肉汁。香口小食炸雞軟骨，發現呢度嘅炸物都好出色，香脆唔油膩。南瓜芝士蛋糕好有趣，真係原件南瓜上，芝士蛋糕部分口感似奶皇同吉士，芝士味較淡，但同南瓜一齊食口感同味道都出奇地配合，鍾意甜品不妨一試～熱紅豆牛乳牛乳夾紅豆味道相信大家都好熟識，暖笠笠之選，呢度係基本味道之上加咗玫瑰花瓣，有股花香好舒服。焙茶麻糬沙冰清新解膩之選，焙茶夠香而且無糖，啱我口味。附上餐點及價錢參考…Read More

大學時期食韓燒就會諗起呢度，同朋友興起想食燒肉立即記起好耐冇嚟！肉質依舊出色，料理好似比以前更加出色，回憶返晒嚟好開心！時近萬聖節，啲裝飾同餐廳氣氛好夾。用餐環境本來有種街頭輕鬆感覺，一大班人聚會又可以，我同朋友兩個人傾計吹水感覺都好好，而且侍應有禮貌反應又快欣賞小菜同生菜都可以自助任拎！可以按個人需要拎，唔怕浪費，如果好似我咁鍾意生菜包肉同埋熱愛泡菜直情係抵。雪花牛&牛肋骨肉前者雪花分佈好靚，油脂香大爆發，肉質相對軟滑，牛味更濃郁；後者更有咬口，就算燒耐少少都唔會乾同「鞋」，牛味相對冇咁濃。口感上個人比較喜歡牛肋骨肉。兩款各有優點，份量好足性價比幾高。萬聖節特別將蘑菇整到骷髏骨頭咁樣，好得意！牛肉拌飯上面都有骷髏骨頭煎蛋。熱辣辣韓式拌飯真係好有滿足感，醬唔會太辣好惹味，仲有香口飯焦。平時多數叫泡菜餅，今次試試海鮮蔥煎餅，又係份量十足，每啖都有海鮮，煎到外脆內軟，好鍾意食邊邊位夠香口！飲品都有萬聖節特別版，好得意冇理由唔影相。一段時間冇食水準都Keep到，味道、服務都好好，選擇多而且性價比幾高！…Read More

出品認真而且環境舒適，價錢公道，元朗街坊之選，難怪附近返工朋友時不時就去食中午飯。今次晚飯時間去，餐單選擇好多食台灣菜其中一個滿足位是有手調飲品選擇，今次選擇了熱黑糖珍珠鮮奶，喜歡這裡的黑糖不會過份濃郁以至有帶苦澀味，香甜又有奶香很適合初秋天氣，珍珠煙韌有咬口，很不錯！主食是店家推薦的三盛紅燒牛肉麵，份量真係超級多！牛肉湯濃郁不油膩，帶輕微辣味，與有少少厚度的台灣麵很配。三盛牛肉即是牛腩、牛筋、腱心牛肉(樣子及口感應該是牛𦟌)，肉質不乾柴，三種口感混搭食感覺很豐富。朋友點的鹽酥雞麵，清湯比想像中濃郁，有微微的藥材香氣。鹽酥雞也是超級大份，新鮮出爐很香脆，炸皮略為厚了一點，食到尾有少少油膩。另外點了一份小食拼盤，各種類都有不用選擇，份量又是比想像中更多，兩個女生表示真的食不完！個人最愛炸花枝丸，餃子出符意料地好食，桂花雞翼不太感受到桂花的存在，少少可惜。份量大，價錢也合理，用餐環境光猛舒服，仲有台灣金曲做背景音樂，性價比夠高！…Read More

最近多去Vcity搵食，好遲先發現開咗間燒肉店，當然要去試一試。環境舒適乾淨，張檯夠晒大點多幾款嘢食都唔會太迫；燒肉店有肉味就當然避唔到，但佢個爐係自帶「吸煙」功能，燒起唔會好大油煙。每檯客人無論點咩都會附上沙津，仲可以無限添，好貼心。食完咁多肉配返啲菜清新好多。跟住要講超級加分位！店員會幫手燒肉，唔洗自己動手就有得食真係好爽！仲要唔係Hea燒㗎，火候控制得好之餘連擺碟都好有心機。每燒一款肉就換鐵板又換碟，好有誠意！全晚見佢哋走嚟走去，有條不紊兼顧幾檯燒肉，真心欣賞！當晚點嘅肉大部份都由店員幫忙燒，至於確實邊種佢哋會幫忙就自己問問更清楚啦~醬汁牛肋燒嫩滑冇筋，油脂比例適中，本身醬汁已經醃到入晒味，完全唔洗加其他調味。和牛壽喜燒先將和牛燒至半熟，放入拌有蛋漿嘅壽喜燒醬汁中，再包裹飯團一齊食，勁有滿足感嘅配搭，牛香、油香、蛋香齊晒！店員好有功架一本漬和牛牛肋肉對我嚟講燒肉必備兩樣嘢 - 牛肉同菠蘿一次有齊。兩者夾埋都幾相得益彰，加入菠蘿令肉質更幼嫩，酸酸甜甜又解膩。唔好睇個菠蘿仔細細隻，入面都有唔少肉，當然要燒埋嚟食！特上豬梅花肉豬肉香甜有肉鮮味，稍為乾咗少少可以多返啲脂肪就更正(肥仔口味)，明明好飽但因為店員剪成細細塊，不知不覺就食晒。大八爪魚腳有人幫手燒先敢點系列，勁大隻好厚肉，咬落去咸鮮味滿瀉。龍蝦尾又係有人幫手燒先敢點系列，蝦肉結實彈牙，望落去加咗好多蒜但味道唔會過濃，個人覺得可以沾埋個蒜蓉牛油更香口。一定要點嘢飲！唔想飲酒可以叫梳打，口味選擇幾多，食完肉再飲啖真係好爽。附上餐廳環境俾大家參考，坐得舒適食得舒適已經好加分，店員服務超級好，有下次！…Read More

急搵朋友陪食飯兼吹水，選擇食串燒主要是想慢慢食慢慢傾。餐牌好豐富，密密麻麻要決定食哪一款都糾結很久。環境比較昏暗，完全就是為飲酒傾計而設。手工啤酒味道總會有驚喜，可惜另外想試的兩款都售罄了……下次再試啦！見到整齊排好的串燒，莫名有種療癒感。燒得有心機，辣粉夠惹味，雖然只選了BB辣但比想像中更勁，配啤酒最爽！推薦牛肉露筍串，夠肉味而且露筍爽口冇渣；雞肉軟骨棒口感幾得意，咬雞肉時軟滑得有少少似豆腐，不時有軟骨出現增加口感，醬汁味道都好夾。選擇太多一個唔小心點太多，邊食邊傾計全部KO，結果就是超級無敵飽。…Read More

標題這樣寫絕非因為本來期待太低，反而因為餐廳位於又一城，先天上就令人有一定要求。先說味道，在Cafe成行成市經常遇到一式一樣Template味道的香港，這裡的菜有感覺到設計和用心，感覺滿足；再說服務，侍應有禮不時更換餐碟又主動問味道如何，用餐過程很愉快。餐包三款，叫不出名字，只記得有軟有脆有煙韌，味道都不錯，快餓死又等出餐時更是美味。前菜點了Scallop Carpaccio，純粹因為我愛貝類🤓。鮮甜度十足，佐醬帶微微芹菜香氣，偶爾會食到青蘋果的甜，是一道恰如其分的前菜，成功令我對後續的餐點更期待。⭐️超級推薦⭐️上桌時感覺普通，切開後見到嫩粉色的肉覺得好像不錯，食入口的嫩滑程度與調味直接滿分！估佢唔到的驚喜！豬鞍本來已醃製入味，單食較濃味，配上蘋果蓉立即成為最佳平衡組合。而且我滿喜歡這裡的蘋果蓉沒有打成泥，反而保留少少蘋果的咬口。老實說之前在不同餐廳食過的慢煮豬鞍架成功率極低，所以不排除有放大美味程度之嫌，建議大家來試一試啦😂！Homemade Tagliolini，又要老實講點之前完全不知道是什麼，我就是衝著北海道海膽點的🤣。醬汁比想像更濃郁鮮甜，頗欣賞沒有為了營造香濃感加大量Cream令整道菜變膩，而是直接利用海膽的鮮。反而Tagliolini的口感有點出乎意料，有點像全蛋麵，又有點像偏硬的伊麵，掛汁能力不錯，愛爽口彈牙的朋友應該會喜歡。食得開心少不了甜品，飽了8成看到Tiramisu的份量嚇了一跳，但傾傾講講就完食了，真的不要低估甜品胃。當然都因為味道啱心水，中間的蛋糕浸得夠濕潤，甜度適中不會過膩。這杯叫La Farfalla，Google了解蝴蝶，很配這個Fancy的造型；紅色的是Strawberry Basil，清清爽爽。與好友食好嘢，少不了兩杯美美的飲品調劑😌。總括來說，食物味道非常驚喜，特別是豬鞍；侍應亦非常有禮；加上店內氣氛很好，有種放鬆感，推薦大家可以一試🫶🏻。（離開趁沒有食客拍的，整體氣氛很不錯）（參考一下價錢和餐點）…Read More

近排多咗嚟呢邊搵食，今次試烤魚啱口味得嚟服務又好，放入可encore之列。有自知之明唔太食得辣，點個酸菜魚惹味得嚟又冇咁刺激。見到侍應拎串燒出嚟香噴噴，又點咗少少試一試。串燒先上，燒得好靚，有炭香加埋孜然同醬汁真係不敗！羊肉串個人覺得好正，因為佢夠羶；麻吉燒比預期好食，外邊香口惹味入面麻糬又好煙韌，之前淨係用佢打邊爐真係埋沒咗佢；雞肉大蔥重點在蔥，幾甜口。等咗一陣主角上場，今次選咗貴少少嘅江團魚，其實冇概念係咩魚，純粹見到介紹話「肉質嫩滑」，食落果然好滑特別係尾位真係一流，最正係成條魚除咗主骨基本上係冇細骨，我哋一邊食一邊驚嘆冇骨好神奇！酸菜魚湯底味道濃郁，鮮同酸中間個平衡幾好，最愛湯水嘅我飲完一碗接一碗。另外要大讚呢度加湯可以直接加魚湯，唔係加水或者清湯溝淡晒！加點咗份蔬菜組合，吸晒個湯嘅精華好好味，又可以refresh一下。食烤魚一定要叫飲品啦，冇諗過會咁巨型，唔怕兩啖飲晒食惹味嘢必備！呢個湯杓設計幾好，倒湯同時隔埋啲骨走。我哋早食飯，趁冇人影張相先，過多一排已經滿座。店舖空間唔算好大，不過乾淨整齊，仲有最重要係夠冷氣。餐牌俾大家參考一下，選擇唔少。總括今餐食得開心兼滿足，烤魚值得一試。…Read More

直入正題食評，皆因叫得太多食物要慢慢講～燒醬油黑毛豬白切肉飯擺盤同味道都令我諗起去韓國必食嘅烤肉店炒飯。辣度比想像中輕微，亦唔重咸或者過油；腩位白切肉肥瘦相間，入口好嫩滑幾有驚喜！一個感覺咁Heavy嘅飯食落完全唔覺得油同重口味牛油果飯卷平時都好鍾意食韓式飯卷，估唔到走肉換上牛油果味道一樣咁夾，口感好豐富調味亦適中，成為個人私心encore之選。蟹籽雞蛋蘋果薯仔沙律抵受唔到蛋沙律誘惑，冇諗過會咁大份量，味道不過不失，如果蛋沙津可以做沙津個底就更加好啦。水果忌廉三文治見隔離台食好靚，忌唔住叫一份。上到嚟都冇失望，外表100分，忌廉偏厚實，有水果嘅酸甜中和唔會覺得好膩。柑橘窩夫成日見到士多啤梨同抹茶味，遇到冇咁常見嘅柑橘口味要試一試。窩夫外脆內軟質感一流，柑橘元素唔只上面幾塊，仲有柑橘果醬㗎，甜中帶酸味道唔錯！小小建議可以落少啲Cream，或者放旁邊，就更加好啦！濟洲柑橘乳酪台台都有一杯，招牌果然係有原因，柑橘同乳酪好夾，另一加分位係唔會太甜，乳酪亦唔會過於濃郁而搶過柑橘味，整體感覺好Fresh。總體嚟講，食物擺盤真係好靚，打卡一流，味道亦都有兼顧到。上菜非常有效率，當日見到店員好忙但依然非常有禮貌，跟得好足。附上可愛餐牌俾大家參考：…Read More

放在Bucket List已久的餐廳，無心插柳柳成蔭，有時或許就是無目的向前反而成事。不要矯情，實際入正題，平日午後過了繁忙Lunch Time依然滿座，晚餐同假日應該更加爆滿，提早Book位穩陣。午市套餐有湯有沙津有主菜有飲品，傳統羅宋湯同我個人喜好100 % match！溫柔的酸而不刺喉，加上奶油更香滑，傳統果然有其魅力。不好酸的可以點南瓜湯，濃郁美味但驚喜當然不及羅宋湯。蘋果燜鴨胸大啖薯仔大啖肉，豪邁又有滿足感的選擇。鴨胸雖然未到非常嫩滑，但不乾柴有肉香，醬汁相信是加上酒調味，與蘋果的甜互相配合，令薯仔同鴨胸味道大加分！亞美尼亞烤羊仔扒羊仔扒超級嫩，不過預先提醒有羊腥味，對愛羊的我來說反而是加分位。招牌芝士焗牛脷本來最為期待的牛脷風頭被搶，要怪上兩樣太驚喜！厚切牛脷夾上芝士咸香十足，不過食牛脷是爽口是硬還是軟，都有少少講運。芝士牛脷下面還有焗飯，夠飽肚。烏克蘭風味蜂蜜蛋糕未試甜品心不熄，有種未加雕琢的天然感，有麵粉的香氣、有碎果仁增加感，再有香甜的蜂蜜，意想不到的複雜口感，好奇的朋友記得點一件試試。明明是特色異國菜，卻試到啖啖家庭味，喜歡這種奇妙又得意的氛圍。特別一提餐廳內的擺設與基輔市風景畫，沒有設計上的刻意感，總讓我想起故鄉二字，不為打卡只係記念。…Read More

同媽媽撐枱腳，試試屯市新開Cafe。其實都唔算新，屋企人之前食過幾滿意先介紹中午時份需要排隊，少等咗一陣入得。假期瞓得晏早餐午餐一齊嚟，兩個大胃王有理冇理叫咗先辣蕃茄蟹肉扁意粉鍾意食辣嘅朋友可以一試，辣中帶酸夠開胃，比想像中更辣邊飲水邊食，都幾過癮（鍾意食辣又唔太食得嘅朋友實明）蟹肉份量都幾多白色聖誕車厘子疏乎厘Pancke應下節揀咗呢款，個樣真係幾有聖誕feel，成功吸引媽媽勁影一輪。鬆軟度夠，蛋香夠，呢款配車厘子果醬酸酸地唔會太甜，再有白朱古力同曲奇碎口感豐富少少。總體評分幾高，會想試埋原味再食真啲塊pancake。超鍾意呢隻杯，鮮奶咖啡icon 好可愛！食食吓飯都引到個購物慾出嚟，搞錯！焦糖脆脆鮮奶咖啡冇咩特別，想像到嘅味道，唔算好識咖啡對我嚟講最緊要飲落開心；提拉米蘇造型加分見到好多人叫。最尾仲叫多件咖啡mouse cake，幾香滑帶少少肉桂香，咖啡味再濃多少少就更好啦～大胃兩人組全部完食，行屯市又多一間啱口味餐廳揀。睇Openrice見餐牌好似時不時轉，放喺度俾大家參考…Read More