Read full review
2023-11-13
4502 views
平時經過見到都需要排隊,星期三晚餐時間竟然見到唔洗排!立即決定一試!餐廳內佈置以日式復古為主調,除咗影起相更好睇,整個氣氛都好柔和舒適,而且用餐時間唔會有好趕嘅感覺,適合同三兩好友嚟食飯傾計。食物方面選擇頗多,小食、主菜、甜品同飲料都有好多配搭,仲有素食選擇。個人諗為蛋包飯算係餐廳招牌必點,蛋奄列烹調時間掌握得好好,口感嫩滑又唔會太生;炒飯加上蔬菜粒口感好豐富。今次選擇炸海老做配菜,蝦嘅size好有睇頭,而且唔係用炸粉充撐場面,蝦肉彈牙飽滿;餐廳選擇用龍蝦汁作配,同蛋包飯味道好夾,鮮甜又唔會太濃味,食到尾都唔覺得膩。另一主食選擇 – 牛肉芝士漢堡,相比美式濃味大件,呢度風格應該算係日式小巧精緻,不過睇落份量唔大但食起好豐富,盡力食都係淨咗少少薯條好可惜。牛肉漢堡扒非常厚身,鎖到肉汁。香口小食炸雞軟骨,發現呢度嘅炸物都好出色,香脆唔油膩。南瓜芝士蛋糕好有趣,真係原件南瓜上,芝士蛋糕部分口感似奶皇同吉士,芝士味較淡,但同南瓜一齊食口感同味道都出奇地配合,鍾意甜品不妨一試~熱紅豆牛乳牛乳夾紅豆味道相信大家都好熟識,暖笠笠之選,呢度係基本味道之上加咗玫瑰花瓣,有股花香好舒服。焙茶麻糬沙冰清新解
餐廳內佈置以日式復古為主調,除咗影起相更好睇,整個氣氛都好柔和舒適,而且用餐時間唔會有好趕嘅感覺,適合同三兩好友嚟食飯傾計。 食物方面選擇頗多,小食、主菜、 甜品同飲料都有好多配搭,仲有素食選擇。個人諗為蛋包飯算係餐廳招牌必點,蛋奄列烹調時間掌握得好好,口感嫩滑又唔會太生;炒飯加上蔬菜粒口感好豐富。
今次選擇炸海老做配菜,蝦嘅size好有睇頭,而且唔係用炸粉充撐場面,蝦肉彈牙飽滿;餐廳選擇用龍蝦汁作配,同蛋包飯味道好夾,鮮甜又唔會太濃味,食到尾都唔覺得膩。
另一主食選擇 – 牛肉芝士漢堡,相比美式濃味大件,呢度風格應該算係日式小巧精緻,不過睇落份量唔大但食起好豐富,盡力食都係淨咗少少薯條好可惜。
牛肉漢堡扒非常厚身,鎖到肉汁。
香口小食炸雞軟骨,發現呢度嘅炸物都好出色,香脆唔油膩。
南瓜芝士蛋糕好有趣,真係原件南瓜上,芝士蛋糕部分口感似奶皇同吉士,芝士味較淡,但同南瓜一齊食口感同味道都出奇地配合,鍾意甜品不妨一試~ 熱紅豆牛乳
牛乳夾紅豆味道相信大家都好熟識,暖笠笠之選,呢度係基本味道之上加咗玫瑰花瓣,有股花香好舒服。
焙茶麻糬沙冰
清新解膩之選,焙茶夠香而且無糖,啱我口味。
附上餐點及價錢參考
Post