刑應歲的个人专页

能夠入得海港城的食肆差極有限,一來到便看到一堆人在等位,我們要找6人枱更要等候較久,即使已用了某app訂位。等了約半小時終可入座,遇上手機沒電,期間在門口看看女店員隔著廚窗切片皮鴨,是打發時間唯一的選擇。先說座位位置,我們被安排到餐廳最盡頭的卡位,入了內堂還要轉彎好像進了一個胡同,好處是自成一角,朋友間聊天沒有受什麼打擾,還可一邊欣賞海景,壞處就是叫侍應很不方便,要站起來揮手一會才有人來點菜及拿餐具。部份餐具配合了此店鴨的主題,整體感覺是高檔了,只是那個鴨形筷子座怪怪的,要"瞓低"才能放上雙筷,不然便不穩,很易掉下來,哈。如果以美食的外觀來說,這裡的菜式做得不錯,幾款菜式賣相做得相當精緻。蒜泥白肉、鴨片桂花榚及高力炸雪榚,只看外表的確能吸引食客,而味道也不過不失。這些大路菜正常也不會弄得不好吃,正如片皮鴨亦然,廚師大概明白味道難有突破,倒不如在賣相上攪攪新意思,結果是味覺視覺都能享受了這只幾道佳餚。價錢方面,鴨片桂花榚$7、80只有4件(如有記錯價錢不介意指正),值不值得因人而異。此店名鴨,但不見得鴨的菜式有太大驚喜,相比之下其他菜式反見優勝。菜式正確名稱很多也忘了,個人覺得有款醉雞最好,肉嫩而酒香; 而這裡菜式似乎肉類較好吃,不慎點了款黑松露炒菜的,不覺有黑松露味,此菜也實在太普通。飲品方面,點了幾杯水果梳打什飲之類,而份量也很足夠,值得一試。…查看更多

一向不太喜歡連鎖壽司店,原因是對流水作業式下出產的壽司質數不敢認同。平時見人來人往要等位, 難得今日閒日沒太多人便拿票等候,結果吃了又貴又唔好食的一餐。款式是多元化的,看菜單的確很吸引,還點了幾款季節限定壽司。其中點了平貝黑松露壽司,....,一來到忍唔住哇了一聲,雖云實物如圖不相符,但也沒理由差那麼遠,理應一件平貝卻切成兩件,黑松露少到半隻手指尾甲, 極其量只能叫迷你壽司,兩件咁野就盛惠16蚊,味道仲要好似食緊塊塑膠皮咁。在其他小店吃過活北寄貝刺身, 因為即叫即開殼,所以吃的時候還在郁郁下,感覺很鮮。本來這是夏季才有的,見到這裡有便點了一客。一來到又是嚇了一跳,北寄貝刺身亂放一堆,明顯是師傅冇心機去整, 一件放入口, 不但沒有鮮味,還感覺像吃死屍一樣,白白浪費了55蚊。平目魚背壽司, 下年可以應萬聖節改名叫木乃伊壽屍,原因像乾屍一樣。心想以後冷門壽司還是不要點,去貨去得慢,吃著乾屍的機會相對也高一點。唯一叫做好吃的算是芝士飛魚子、芥辣八爪魚。說好吃只因濃味的,可以蓋過其他缺點。其他壽司一般,不值一提,總括吃過的壽司飯,偶然會吃到有點粒粒感覺,像是吃到隔夜飯似的。落order亦不見好,有些點兩件來了4件,點了綠茶冷麵卻沒有來。追單三次才覆, 有位小妹妹回我時只說句,幫你CHECK左,冇落單喎,便走左去,一句唔好意思都唔識得講.如果係大牌檔或茶餐廳我唔介意,至少人地唔會收你加一。埋單也是, 拎張單過黎時,"250蚊丫",多謝都冇句。成間餐廳只係得個高級的叫做有禮貌,到拎番張咭俾我簽名時先聽到第一句多謝。離開一刻,驀然想起入去前太太的一句說話,"不如去樓下美心快餐打邊爐丫...........",...心中不禁泛起陣陣悔意。…查看更多

四個男人出黎聚會, 吹水多個食野, 揀呢間最岩,放題得黎又不限時間。可以訂位,所以入黎唔試等。先講食物,刺身不過不失,部份細細件,不過明白放題係咁樣,而且落完order出得好快, 唔夠喉唯有密密落補番數。刺身款式唔算多,唔好有太大期望,不過不失。寫幾多件真係黎足咁多件,唔會多唔會少呢樣要讚。熟食有串燒等等,芝士焗蠔友人讚好味,但我就嫌佢太細隻。燒雞翼也不錯,寫四件真係黎四件,燒得幾香口。野菜牛肉普普通通,份量好足,冇期望之下可以一試。天婦羅OK,其中炸蝦同炸冬菇真係好好味, 雖然等耐少少,但知道即叫即制,所以都覺合理。手卷可以唔駛叫,出黎個樣有點嚇人, 蒽吞拿魚只係得個頂少少, 仲要好似謝左既花咁撻係度, 侍應提我地快D吃否則紫菜會腍晒,其實未溫馨提示前一出黎已經腍。甜品款式唔多,只有雲呢拿泡芙最好味,芝麻什麼其實只係煎堆,可以不叫。飲品有啤酒汽水,果汁當日則有柑桔青檸、蘋果汁。蘋果汁很難飲,後來留意其他人張枱唔見有人叫,唔通佢難飲係人都知? 友人叫左柑桔青檸冇乜問題,侍應行過亦不停REFILL,十分周到, 後來我改了點啤酒,雖然唔知係乜野牌子但都不錯幾易入口,仲俾埋隻冰杯你裝,放題唔駛加錢包埋飲品咁樣質素覺得幾好了。最值得讚係服務好,招呼殷勤, 不停同我地換碟勘茶,侍應笑容夠態度佳,而且四個人坐大卡位,好舒服,四周有電視睇,邊吃邊嘆電視,總括黎講呢餐食得幾痛快。…查看更多

第二次黎試呢間野,發覺冇第一次咁好食今次坐正BAR 枱,可以一邊食野一邊睇住師傅整鐵板燒,見到師傅已經換了人,估唔到連手勢都唔同埋。唔知係咪因為好多ORDER,快快手手求求其其,薄燒牛肉竟然幾件都有好明顯地方係冇煎過,雖然牛肉生吃都冇問題,..但我食得鐵板燒都係想食香口果種感覺嘛。鐵板魷魚鬚冇以前咁香口,同埋冇乜味咁,上次來我ORDER3次,今次一次就夠了。魚生方面,款式不算太多,但今次吃到的海螺很鮮甜,赤貝亦有那種帶點腥的鮮味,正是我喜歡的口味,所以亦點了兩次。三文魚刺身今次食著有皮的,同埋一件切開兩件孤寒成咁,睇見已經唔係好想食。串燒等了很久,所以只能ORDER一次。反正唔係太好食,所以一次也沒所謂。雞軟骨猶如乾屍,好似放左好耐咁, 一點油的色澤也沒有,見到已經反胃。燒墨魚串,跟雞軟骨剛好相反,唔係太熟。一品料理款式頗多,其中點了芝士年糕,幾香芝士味,但係呢D食物太"漏", 點了一客便夠了。總括唔算難食,但咁既價錢我期望質素應該好D…查看更多

呢個商場睇完戲,想飯番餐好既,呢間係不錯既選擇。留意到佢新開張冇耐,裝潢不俗,同埋係日式拉麵,岩晒我咀型,望下餐牌又唔算貴,即管試下。兩個人結果揀左二人套餐$188,可選普通拉麵兩客及三款小吃。不過,店員推介說+$10可以自選任何拉麵,呢方面我覺得幾貼心。拉麵大大碗,份量足夠,加埋三款小吃其實都幾飽下。湯底可選濃或淡,不過落單時店員冇提示,直至我等食果陣周圍望先見到貼左係牆度。湯底味道不錯,配菜亦很足料,有齊我最愛的海苔粟米,賣相很誘人,只係D主要食材食落口就冇乜驚喜,所以下次還是點回普通拉麵算了。煎餃子:冇諗過有六隻咁多,不過好味多食一點冇所謂。餃子落足料,脹起晒,但係一點都唔油膩,好多時出去食都煎到乾晒同濃濃地,呢度就恰到好處,真係值得一試。串燒: 有四串,雞軟骨,無乜特別; 燒大蔥, 難吃,外面濃裡面好似未燒熟; 雞翼,煎得幾香口;燒冬菇,估唔到係最好,落少少檸汁又幾夾燒牛舌:一入黎就聞到陣陣燒牛肉的香氣,所以或多或少對燒牛舌都有點期望。出黎既時候雖然唔係熱辣辣,但灑上少許檸汁,配合點點盬香,作為小食的確係不錯的選擇。服務方面我覺得幾好,每逢叫人會即時到,加茶唔駛叫亦會不停幫你加添。剛巧見到有一行八人來,其中一人諸多要求,坐低又話迫,店員也幫他拉多一張枱;落單又問多多野,又要要求某幾碗D麵要腍D,調味料又要拎多一SET,因為自己多人方便D......店員亦不厭其煩一一為佢張羅,呢方面真係要讚。如果第日加多一個飲品餐牌就好了,我入到黎實在唔知有乜飲品可揀。…查看更多

已經光顧了幾次,本身熱愛刺身魚生日本菜,加上呢間小店甚合我口味, 服務殷勤,師傅又好客,所以一次比一次食得豪店子很小,只有五個位, 我其他朋友黎試過FULL晒冇位坐。今次收工同最疼錫個妹黎吃番餐好既,原本打算吃魚生飯既細妹見到個刺身雪櫃,便改變主意主攻手卷同壽司。此店雖小,但有多款特別的壽司選擇。紅酒三文魚壽司係必食既, ,好味到唔識形容, 只知一啖放入口即溶, 感覺太美妙,自此之後每次光顧必點一客(緊記唔好點豉油)黎之前睇過下面有人讚玉子壽司,加上細妹一向鍾意呢款壽司,所以ORDER試試。呢度既玉子壽司係蛋長過個飯,好似成件帆立貝撻係舊飯度咁,絕對唔係超市見到果D流水作業既質素,又係好好味,果然係冇介紹錯。手卷:有兩款我最鍾意,分別係海膽魷魚同蔥吞拿魚。一啖咬落去第一感覺係好鮮味, 前幾次仲食到好脆既紫菜,包埋D飯簡直一絕。山葵甜蝦,又係另一推介。唔好以為係一隻甜蝦舖係面,其實係砌碎左混山葵。但依然爽口,甚有口感。牡丹蝦刺身: 細妹同我講笑話唔大隻唔食,師傅唔知係咪聽到,隻大牡丹蝦拎埋黎真係比我平時係第二度食既大隻少少。師傅話個蝦頭仲可以拎去煲湯,享受完個蝦身後,再試埋個湯,估唔到連一向咀刁既細妹都讚個湯好。食左好多野, 埋單結果係$341…查看更多

見到新開走去幫襯下,雖然間舖小小,得兩張4人枱及1張二人枱, 6點幾去,冇人,坐落去都舒適唔算迫。叫了兩樣野,醉雞客飯,$30,送豆漿;煎鍋貼$22先講醉雞, 半隻雞,雞肉夠嫰夠滑,酒味唔算太重,可以一試。,其後兩班人入來都係叫呢味,我諗大家都係俾佢賣相吸引。飯可以揀菜飯或白飯,不過菜飯感覺也只是像白飯加菜碎,冇乜分別。煎鍋貼一碟5隻,但要等,吃完碗飯連餸佢先黎,問樓面佢話即叫即整....早知要等咁耐就唔點呢味。鍋貼大大隻,看起來好似幾好食,不過外面層皮好似有D蘇蘇地......唔算難食,但係$22食呢碟野,我會寧願幫襯附近莉苑既鍋貼。不過,呢間舖令我最討厭既地方係廚房。因為間舖好細,廚房同外面坐位只係一門之隔,傳菜便要開門,點知一開門就嘈到拆天,廚房裡面開大部機係度播歌,闔埋眼會以為自己去錯的士高。作為食客,黎到只係想舒舒服食一餐,但係一路食一路嘈,仲有咩心情去慢慢嘆呢?…查看更多

搵左慶祝復活節為藉口,19/3約埋一班同事去呢度食自助晚餐。期待左好耐,但去到又唔係食左好多野,我諗係排隊等芝士焗龍蝦浪費左d時間。芝士焗龍蝦:個個讚好冇理由唔試,雖然要等至少15分鐘先有得食,但係唔試過又唔會心息。師傅的確好有心機煮,排隊時已聞到好香,淋埋芝士又真的不錯。不過要等咁耐先得半隻,......我就懶得去等二隻了壽司:花款很多,而且細細件,可讓食客試多幾款,不過帶子壽司乾爭爭,冇晒鮮味,其他又不過不失。長腳蟹:好多人讚好但我就覺得普通,蟹殼好腍,用埋工具都唔易拆開。味道有點咸,唔食唔係損失。甜品:唔知係咪食左d濃味野,幾款甜品都好似冇乜味咁,不過梳乎里就真係要試下,即製關係,香軟綿三個字可以形容佢。飲品:要加廿幾蚊先有但會refill,不過唔叫係唔會refill,仲要等到唔記得左先黎,廿幾蚊飲得兩杯唔好味既果汁又唔係咁抵。環境:8個人有張圓,很不錯,傾到計ok…查看更多