plc9129's Profile

中環英倫風雪榚屋食記：三款朱古力雪榚嘅治愈碰撞 閒逛中環時偶然闖入呢間兩層樓雪榚店，一入門就被兩層嘅反差感吸引——下層係滿溢奶香嘅雪榚櫃檯，上層就像藏咗個小歐洲，木質傢俬配淺色軟裝，英倫風格紋靠墊、復古吊燈散係周圍，陽光透過玻璃窗灑落，座位闊落得可以隨便攤坐，完全冇逼仄感。 背景音係輕輕嘅英文歌，旋律唔吵唔鬧，啱啱蓋過街頭嘅喧囂，又唔會礙住同朋友傾計，懶洋洋嘅氛圍一坐低就想放慢節奏。店員態度亦都好gentle，全程冇半點催促，完全可以悠悠閒閒咁耗成個下午，係中環鬧市入面難得嘅鬆弛空間。 今次專登揀咗三款朱古力系列雪榚，仲有一杯凍latte同一件曲奇，每款都有驚喜。70%黑朱古力味，入口首先係微苦嘅醇正可可香，冇半分多餘嘅甜膩，可可嘅焦香喺口腔慢慢散開，後調先透出淡淡奶香中和苦味。冰質細到完全食唔出冰粒，抿開時感受到可可嘅厚實感，食完嘴裏仲留住可可嘅餘韻，濃郁得啱啱好，所以我是放在最後先食。 Jasmine白朱古力味簡直係驚喜集合體！入口係綿密到化開嘅甜，不是死甜，反而滲出陣陣清新嘅jasmine花香，係好淡好柔嘅花韻，唔會搶咗奶香，反而像喺奶甜裏加咗層「春日滤镜」，順住喉嚨滑落時仲有花香回甘。最妙係入面藏咗細細粒嘅脆珠，咬落「沙沙」聲好治愈，唔會太硬，反而同白朱古力嘅絲滑形成反差，脆感搭住奶香、花香，三種味道同口感層層疊加，甜得輕盈又有層次，食完仲想舔多幾下唇回味。 最驚喜嘅要數薄荷朱古力味，完全避開咗薄荷味過重嘅「牙膏感」——清新嘅薄荷香一入口好鲜明，但又唔會沖鼻，好快就同朱古力碎嘅醇厚融合埋一齊，慢慢用舌尖感覺到朱古力碎的融化感，很自癒。薄荷嘅涼感啱啱好，多食幾啖都唔會覺得刺激，反而可以中和朱古力嘅厚重，每一口都係「涼而唔冰、甜而唔膩」嘅平衡，食完嘴裏仲留住淡淡薄荷清香，夏天食真係好清爽。 今次點嘅曲奇仲有個「隱藏吃法」——將雪榚放喺曲奇面一齊食，簡直係神仙搭配！平時食開嘅曲奇，一旦搭凍雪榚，好容易變得「呲牙呲牙」硬邦邦，仲會粘牙。但呢塊完全唔同，外皮始終保持住脆卜卜嘅口感，咬落「咔嚓」聲好治愈，內芯又帶少少軟綿，就算蘸住雪榚食，都冇半分粘牙，脆感同雪榚嘅綿密完美融合，我個人比較喜歡配搭白朱古力雪糕。 配埋凍latte就更完美，咖啡嘅焦香同牛奶嘅絲滑融合得啱啱好，入口先有淡淡奶甜，後調係咖啡微苦，冰球融得慢，飲到最後一口都仲係均勻口感，唔會因為冰融咗变寡淡。 呢間可以放低焦慮、慢慢享受嘅店，大概就係中環入面最治愈嘅小角落，下次一定再嚟試多幾款雪榚同曲奇嘅搭配！…Read More

中環士丹利街「大阪燒過江龍」Lunch 食的：望住師傅整大阪燒，慢等都值得！ 中午喺中環搵 Lunch，坐喺鐵板bar枱前，全程望住日本師傅整大阪燒，雖然等嘅時間確實有啲長，但睇住個過程同最後上枱嘅效果，覺得完全抵返晒！ 日本師傅喺鐵板度整大阪燒好認真，每步都慢工出細活，火候控制得好緊慎，驚啲大阪燒煎過火變硬。我坐喺度望住佢手腕輕輕翻動鐵板鏟，聽住食材喺鐵板上「滋滋」作響，蛋香同肉香慢慢飄過嚟，等嘅時候反而多咗份期待，唔會覺得枯燥。 終於等到大阪燒上枱，最窩心嘅係師傅直接用個熱辣辣嘅鐵板裝住上嚟，啲熱氣一路冒，蛋餅邊位依然脆卜卜，醬汁配合得剛剛好，中間保持住嫩滑。咬落去有蛋香、雜菜爽同肉末咸香，仲有2款味粉加上，熱辣辣嘅口感超正！我分了四份，先食原味，第二食加入海苔粉，第三食加入鰹魚粉，第四食加入五味粉！ 增加了每次食的感覺！已經完全忘記了影相！仲有沙律同麵豉湯配埋一齊，沙律清爽解膩，湯底暖笠笠，成個套餐食完好匹配。雖然等餐需時，但坐喺度望住師傅整美食，再食住熱辣辣嘅鐵板大阪燒，呢種 Lunch 嘅儀式感，係快餐比唔到嘅，下次都願意再來食！ 仲有沙律同面食湯配埋一齊，沙律清爽解膩，湯底暖笠笠，成個套餐食完好落胃。雖然等餐需時，但坐喺度望住師傅整餸，再食住熱辣辣嘅铁板大阪燒，呢種 Lunch 嘅儀式感，係快餐比唔到嘅，下次都願意慢啲等！…Read More

點了香煎海蝦龍蝦汁卷卷意粉、開心果蛋糕，再加杯維也納咖啡，由醇香到鹹鮮再到甜潤，一口接一口，啱晒放空嘅時光。主角海蝦龍蝦汁卷卷意粉一上台，碟邊整整齊齊擺咗四隻大 𫩥 海蝦，蝦身飽滿彈牙，睇住就好有食慾；中間嘅卷卷意粉居然係空心㗎，螺旋形嘅意粉能掛住嘅龍蝦汁，但龍蝦汁味道不是很濃郁或減香。咬落第一啖意粉，首先feel到外層嘅煙韌，跟住空心位裏面嘅龍蝦汁口感豐富，龍蝦汁沒有腥氣；空心面咬落「彈中帶脆」，唔會腍痴痴亦唔使咬到腮痛，每啖都有嚼勁。食完意粉再拎起碟邊嘅海蝦，肉質雪白彈牙，蘸少少龍蝦汁食，海蝦嘅清甜同意粉夾埋，簡直冇得彈。性價比很高！凍維也納咖啡，杯身帶住適中嘅冰感，入口剛好解膩。望入杯裏，中間浮住幾粒冰，唔多唔少，啱啱好凍住成杯咖啡，又唔會影響飲用口感。 最靚係面層——厚厚一舊忌廉蓬鬆得似朵雲，頂頭仲均勻撒咗層咖啡粉，賣相即刻靚晒！用羹舀一啖忌廉，滑捋捋嘅，入口居然有啲似提拉米蘇嘅綿綿口感，淡淡奶香Cream混住上層的咖啡粉很特別有一點點咖啡苦味，口感好像吃燒過的棉花糖。 再啜返啖下層咖啡，冰涼口感好順滑，入嘴滿是濃郁嘅咖啡香，醇厚度好足，完全冇半分微苦，只係純粹嘅香滑咖啡味。配埋頂層嘅忌廉同咖啡粉，先嘆到粉嘅細緻、忌廉嘅柔滑，再嚐到咖啡嘅濃醇，幾種味道搭得啱啱好，一口落肚，下晝嘅倦意即刻散走，忍不住要點多一個開心果芝士蛋糕配合咖啡！最後呢件開心果芝士蛋糕真係成餐嘅亮點！上層係淡淡73比例3份是原味芝士，滑捋捋又夠香；下層7分就係混入咗開心果嘅芝士底，咬落有淡淡堅果香，兩層口感好分明。最妙係中間位置——軟糯到有少少流心感，又唔會完全水汪汪，用羹舀起時會微微「掛住」，入口滿滿都係濃郁嘅芝士香同開心果味，甜得好夠層次，又唔會齁喉，食完個口仲留住淡淡堅果香，正到冇朋友！…Read More

觀塘東廣場呢間米線鋪，鋪面夠大唔使排隊，吊龍+莴笋片+薄切豬潤超正！ 尋日經過觀塘，行到東廣場上一層，無意間發現間米線鋪——第一眼就覺得驚喜，鋪面比想像中大好多，座位闊落又舒服，唔會迫逼哋，環境仲乾淨企理，桌面同地面都冇油污，連餐具擺放都整整齐齊。最正嘅係完全唔使排隊，入到去就有位坐，落單快，服務員態度亦幾好，第一印象直接拉滿！ 仲有一樣要提，呢度唔止得米線，仲有好多其他嘢食選擇，無論想食小食定係其他粉面都有，下次可以試下其他款。今次我就專心「攻」米線，點粉面套餐時直接「加料加到滿」：除咗之前試過好正嘅吊龍同莴笋片，今次仲追加咗份豬潤，成碗米線秒變「豪華版」！ 先講個豬潤，真係驚喜到我：切得好薄一片，透光睇都好均勻，而且分量好足，一碟倒落湯底满满當當。新鮮度完全冇得彈，薄切款唔使浸太耐，湯底滾時涮3-5秒，邊緣微微捲起就啱好，咬落滑嫩到痹，冇半點腥味，仲吸晒麻辣湯底嘅香，一口落去超惹味。 吊龍都保持高水準，上台時仲帶住少少鮮紅，切得厚身又唔痴牙，趁湯底滾拎筷子夾住浸10秒以內，肉質鮮嫩得咬落有汁，完全唔會韌。而莴笋片就係「解膩神器」，切得大件，浸湯底後依然脆口，唔會腍淋淋，咬落爽爽地，仲吸咗少少辣湯味，同軟滑豬潤、鮮嫩吊龍配埋一齊，口感層次直接拉滿。 湯底始終係靈魂！自選嘅麻辣味夠勁但唔燒心，骨湯底嘅醇厚完全滲出嚟，飲落好香，冇陣味精嘅澀味，飲完成個人暖笠笠，仲唔會口干。米線亦好掂，夠軟滑但唔腍散，咬落有少少彈牙，吸埋啲湯底，鮮味直頭翻倍。 食嘅時候有個小技巧：建議先涮豬潤（薄切易熟，唔好浸耐），再浸吊龍，食完兩款鮮肉，咬返幾口脆莴笋片解膩，最後先嗦米線，每樣食材嘅鮮味都唔會被搶，湯底香味亦會層層遞進。 整體来讲，呢間鋪真係「樣樣都掂」——環境好、唔使等、選擇多，仲要味道同分量都好足，今次加料加得超值，食完飽到唔想郁，性價比超高。如果去觀塘行街或者住附近，想食碗足料又好味嘅米線，呢間一定要試，尤其推薦「吊龍+豬潤+莴笋片」呢個組合，試過真係會返尋味！…Read More

行到累，去飮個下午茶休息一下！裝修後第一次來，但位置有點偏，好彩是剛在office落黎，才看見！這分店比中環的坐得比較舒服！平時也有在這裏食tea set，但份量太多，所以今次沒有點！但這間店的scone一定要來一份,所滿足！ 閒時也會買一份回家吃！點了scone ，當然要配一杯ice latte!凍latte咖啡味超濃郁，奶香溫順不搶，口感超平衡。兩個scone特地加熱過，咬落鬆軟中，不會太乾，超有咬口。士多啤梨醬滿是果肉碎粒，酸甜剛剛好，牛油cream綿密不會融，配埋食正到。…Read More