siuchc的個人專頁

同朋友去呢度試印度野食，見幾多人話幾好就book左呢一間試下可能係平日，一入到去個環境都幾靜幾舒服。周圍有好多印度風既裝飾，感覺唔錯。我地叫左幾樣野食，share一齊食。特色肉類拼盤，上碟靚，九種小食，有好多選擇比你去揀，配一個pita bread，想食既話可以另外再落order。鐵板烤牛肉賣相唔錯，下面鋪左大量既燈籠椒，上枱既時候好香，食落質感好厚實，好惹味👍🏻BBQ鷄肉pizza個汁甜甜地幾吸引。pizza既餅底厚度適中，唔會話一咬落去成口粉。成個pizza焗得夠，所以好香口。千層麵比我地想像中大份，上枱既時候聞到好香。個麵用左好多蕃茄醬同肉醬，但係食落唔會膩，旁邊仲有沙律菜配埋一齊，令口感好清爽。海鮮炒飯就係咁多樣入面我覺得最好食既。個炒飯好香口惹味，但係偏辣。食到辣既人就冇問題，食唔到辣既就唔太建議啦。4個人叫左4杯野酒，平均每人250我覺得都好抵，值得推介…查看更多

今日晏晝同同事特登黎銅鑼灣呢一間dodam chicken 食韓國雞，同事們為左呢餐雞真係期待已久喇。首先，係呢度食lunch set 前菜有自家醃泡菜同埋熱辣辣既韓式粉絲，大大盤任拎唔嫐。我同同事們一共叫左三個set黎share，全部都真係好食夾大份，而且仲包埋野飲添,我地都不約而同咁飲熱柚子茶。第一樣到既係呢味黃金鹹蛋脆雞。顧名思義，即係將件雞沾滿極度邪惡既鹹蛋黃然後拎去炸炸炸，炸完熱辣辣得黎肉質都仲係咁juicy。成班麻甩佬又唔係要減肥，怕咩高卡？好食最緊要！第二道係鮑魚人蔘雞湯飯，完完全全抵消曬食完第一道既黃金鹹蛋脆雞既罪惡感，人蔘雞湯可謂養生之選，有埋大大隻鮑魚食落啖啖肉，唔怪得湯底咁香濃，配白飯食，乜膩感都解曬最後呢道白雪芝士雞，係我最愛！因為我好鍾意食甜野。白雪食落甜甜地，又有芝士味，然後仲要食得出烤雞獨有既脆皮感，好滋味！…查看更多

呢次同朋友聚舊，揀左呢間位於太子既容記小菜王，太子站落車行幾分鐘就到，真係好方便。 揚名國際燒肉燒肉皮脆，肉質嫩，無豬肉腥味，醃得入味之餘亦唔會太鹹。一切都唔多亦唔少，全部啱啱好，啱曬口味。招牌沙拉骨排骨骨中帶肉既特質，通常都令人食髓知味，整沙拉骨真係最啱。除左醬汁甜甜酸酸非常醒胃之外，排骨肉掛汁後既脆脆口感更係令人讚不絕口。配以沙拉醬點綴，餸飯一流。濃湯海鮮雜菜煲煲中既濃湯有齊海鮮既鮮味，以及田園雜菜既清甜，兩者互為補足，一解前兩道菜既油膩感。值得一讚既係佢用料十足，有齊大粒帶子、鮮蝦、珊瑚蚌等海鮮，蔬菜亦非常新鮮。總括而言，呢間小菜館食物真係水準好高，如果想緬懷廣府粵菜韻味，但又食厭出面連鎖粗製濫造既酒樓，容記小菜王絕對值得一試。…查看更多

之前一直聽朋友介紹話呢間金豪d野大件夾抵食，一直好想試。今次終於等到呢個機會可以麻麻甩甩咁食個靚飯啦！我地都收好早，見Openrice 啲人寫成日好多人排隊，所以預早Book定6點入座。好彩時間仲早，未見有人排隊。親切既靚姐安排左我地坐旁邊，啲座位都幾鬆動，又唔會太嘈，好方便傾計。呢樣勁加分，所以真係好適合一大班人去食。首先我地叫左個日本毛豬整既酸酸甜甜醬烤骨，食落好滑好軟身，啱曬餸飯。 呢度既招牌避風塘尿蝦肉，啱曬懶人食，殼都唔駛剝，又夠辣夠惹味。呢味砂煲芥蘭啫爽肉又係夠曬特別， 首先炒好d芥蘭同爽肉， 到上檯個陣就將芥蘭爽肉放係預熱既砂煲度。仲有呢味蒜茸粉絲聖子真係三個字：鮮、甜、大。 食完真係回味無窮。最後我地驚唔夠飽又叫左個事頭婆炒面，有鑊氣，炒得好！極力推廣：砂煲芥蘭啫爽肉，因為炒得唔會好油膩。👍🏻其實同知己良朋叫幾款小菜跟啤酒真係一流。真係推薦朋友黎食！🤘🏻…查看更多

同老婆hea遊奧運貪呢度呢度好feel又夠chill, hea下hea下hea到可以歎個下午茶，試下呢間泰爸爸，懷緬過去同老婆去泰國食既好東西。黎泰爸爸食泰菜，首選飛天通菜。點解？香而帶辣，菜身爽脆入味，更重要係佢泰式調味，調完真係食到飛天！無錯係誇張左d,但真係炒得有鑊氣又好食。呢味喀比滷水豬手飯，英文叫thai stewed pork knuckles with rice，睇埋英文其實係因為我睇左中文但唔知喀比點解。 唔理佢點解，總之呢味餸啖啖肉，軟滑而入味，又有滷蛋配滷汁餸飯食，真係齒頰留香，回味無窮。呢度既泰式湯河亦都非常出眾，尤其係佢個湯底，清而入味，再配埋有嚼勁既豬頸肉， 一碗成功既豬頸肉湯河唔止呈現係你眼前，仲令你大快朵頤。小食方面，呢度既炸蝦餅係佢招牌黎，新鮮炸到外皮酥脆，內裏仲啖啖蝦肉，配埋甜酸醬，份都係令人忍唔住一啖接一啖咁食曬佢食得辣既朋友，不妨可以試試呢度既美味海鮮粉絲沙律，除左有足料海鮮，最重要係一試呢度既調味功夫，辣得好過癮。食到慶曬，當然飲返杯足料龍眼冰消消暑氣啦，大大粒龍眼，甜度又適中，無可挑剔，好感恩今時今日可以咁chill 咁relax咁係香港品嚐咁地道既高質泰菜。…查看更多

一入到深水埗呢間餐廳，見到成間鋪頭都係櫻桃小丸子個位永澤同學個頭， 用永澤同學個頭黎埋生煎包，真係有趣好啦既然周圍都係「永澤同學」，咁我就即管試下食佢啦！呢度既生煎包表皮固然十分香脆，咬落去肉汁出曬黎，而且仲係新鮮滾熱辣，食個陣記住小心辣親啊，認真抵讚跟住黎一碟雞絲粉皮，呢度用既係有別傳統既日式胡麻醬，好似酸酸甜甜咁既沙律醬芝麻醬，用黎襯粉皮同雞絲都好開胃下。由於我個人好鍾意食埋曬d鹹酸野，食呢味糖醋排骨菜飯就啱曬。啖啖肉之餘仲要酸酸甜甜到令人食指大動，好啱餸飯。店內親切既店員姐姐又為我們端上呢味雪菜黃魚濃湯拉麵。首先麵既份量多，然後黃魚脆香而且鹹度適中，而且有兩大棵碧綠菜心，最後襯埋啖清清地既魚湯，不俗不俗飲品方面我就叫左大大杯豆漿而我老婆就飲左杯桂圓紅棗水，整體都幾滿意。最緊要係真係抵食，我地兩個人叫咁多野，加埋都只係二百幾。去邊搵？…查看更多

話說沉晚同老婆去行街見肚餓就諗住黎天后清風街搵野食醫肚。 行到清風街呢間火五越式牛肉粉專門店，堂食唔少人，而睇落都好多外賣客，於是入黎坐低試試先。火五火車頭牛肉河粉呢碗河粉簡直份量十足，有生牛肉、熟牛肉、牛丸同埋扎肉添。啱啱遞上黎，我地就已經聞到濃濃既牛肉香，加埋洋蔥同青檸、九層塔等香料，簡直錦上添花，令人食慾大增。 除左牛肉片之外，牛丸亦做得非常出色，爽口之餘仲有濃厚既牛肉香，啱曬牛肉控食。值得一提既當然係個扎肉啦，三個字：爽、香、嫩。越式鹹菜腐竹胡椒豬肚湯檬之前個碗叫左河粉，而家呢碗當然係揀檬粉試試佢啦。呢碗湯檬個湯頭好特別，除左鹹菜香好突出之外， 飲落鹹香帶微甜亦微辣，有埋胡椒非常暖肚醒胃，豬肚好林身，唔會好似橡筋咁，而腐竹豆香軟滑，亦令成碗粉麵大大加分。飲品方面，我地叫左碗熱檸水同埋越南三色冰。杯三色冰椰香味濃，又有綠豆蓉， 品嚐完真係樂也融融。D24 榴槤炸彈呢款甜品我諗一定深受榴槤控既歡迎。 首先， 佢外觀上由於有酥炸過所以有少少似大粒少少既台灣地瓜球， 一咬落去，濃郁香醇既榴槤漿就湧流而出。榴槤餡漿完全唔稀身， 咬完一啖即刻充滿曬整個口腔，甜度適中，果然係飯後甜品首選。…查看更多

近日疫情肆虐，大家都儘量減少外出，但日日困在家中都唔係好辦法，於是今日同老婆出去愉景新城既呢間chef’s stage kitchen撐枱腳。入餐廳之前，呢度既侍應會先幫我地用酒精搓手，再提供紙袋等我哋暫時袋住口罩。見到呢間餐廳對衛生咁講究，我地係度食都安樂好多。首先我地品嚐一下呢度既是日餐湯-甘筍忌廉湯。呢味湯香氣四溢，雖然唔算太濃稠，但特別在於流露出淡淡而甘甜既甘筍香，再淋上橄欖油點綴，配埋特製微酸蕃茄餐包點自家醬料，真係令人食指大動。跟住我地再品嚐呢道初榨橄欖油蒜香白酒煮紐西蘭海鑽蜆扁意粉。首先，呢度選用由紐西蘭空運到港既大大粒海鑽蜆，粒粒都咁鮮甜，而意粉既軟硬適中，扁意粉、橄欖油同香蒜真係非常配合，好高水準。跟住上黎既係岸燒美國天然厚切黑豬鞍扒配薯菜，我從來無食過件豬扒既肉質好似呢度整得香嫩，唔肥亦唔硬，更加無豬膄味。薯條方面個人認為粗幼程度啱啱好，新鮮炸完外脆內綿，只係少少鹹所以格外香口。估唔到呢度既飲品亦都非常出色。好似我老婆飲既抹茶鮮奶咁，抹茶十分香濃，溝埋鮮奶飲真係好夾。至於我飲既紫薯椰奶紫薯味出，好有特色。…查看更多

今次同老婆試呢間開業左幾耐既凱富菜館，鍾意食比較傳統地道少少既潮州菜既話不妨一試。首先我地叫左個潮式春菜煲。聽講春菜係潮州盛產既一種菜，食起上黎感覺介乎芥菜同菜心之間，浸係清湯裡面，每一啖都好鮮甜，食落咁多菜好似好健康咁跟住我地叫呢款九肚魚烙，煎得非常香脆，而且九肚魚足料，好香口好惹味，食厭左蠔餅既話可以試試呢款九肚魚烙蠔仔粥係我同老婆潮州菜黎講既至愛。菜館師傅落得好足料係粥入面，好多粒珍珠蠔係碗粥入面，非常鮮甜，完全唔腥，真係忍唔住一碗接一碗咁食曬佢。甜品方面，傳統潮州菜甜品邊少得反沙芋頭呢？反沙芋頭既材料非常簡單，但就好考師傅手勢，煮熔砂糖然後放入條狀芋頭不停係咁兜，直到砂糖均勻包住芋頭表面，造成脆面外皮而內裡芋頭粉糯的效果。而呢度既反沙芋頭就做得恰到好處，食落非常滋味整體上呢間餐廳實而不華，平民化得黎亦有高水準表現，而且價錢同份量都合理，就算一大班人黎食飯聚舊都幾適合。…查看更多

呢間黃色既台式小店座落於荔枝角，由於正值國難，小店牆上都會貼滿曬支持香港字句，為香港人注入正能量。講返呢度既美食先，款款都好吸引，最重要係價錢相宜。不過雖然店面空間有限，但鋪頭都好細心咁善用佢有限既空間擺左張靠牆長檯比人即場立食。我地點完餐之後十分鐘左右就有得拎餐，都算快手。首先講返呢度個古早魯肉飯先。滷肉飯咁大份都只係$29 ，肉質香嫩，五香味好出，連飯食一流。至於呢度既生煎包三件都只係$17 ，由於佢係即叫即煎，所以食落外脆內嫩，肉汁豐富，性價比高。呢度既台式肉鬆蛋捲餅唔算太heavy，可以俾一眾ladies細細品嚐肉鬆同充滿蛋香既捲餅。醬汁肥牛捲餅入面既醬汁簡直係靈魂黎，除左令肥牛入味之外，連埋塊捲餅食配合得恰到好處，唔會太鹹。黑白花枝丸顧名思義姐係兩款花枝丸一款加左墨汁。呢度既花枝丸仲會加上調味粉調味，香口之餘亦唔渴喉。我地叫左杯奶茶同紅茶黎飲，味道都幾好，唔會太淡。…查看更多

今日同老婆去左呢間南洋麵屋，係一間東南亞餐廳黎，好抵又好食。我哋首先叫咗個海南雞撈麵。個賣相相當唔錯，令人食指大動。雞好嫩滑有雞味，而撈麵帶有少少辣都幾惹味，撈埋芽菜同埋豆卜，食完已經好滿足。個餐仲包埋一碗冬瓜湯，有暖又窩心。跟住我哋叫埋一個泰式豬手飯。豬手既份量都幾多，而且去曬骨，食落好方便。因為啖啖肉可以配白飯食 。個餐仲包埋半隻蛋同菜添。呢味馬拉盞貴妃苗係我至愛，貴妃苗好食在於菜爽甜嫩綠得黎又無渣。再配埋惹味馬拉盞炒，好惹味啊。 飲品方面，我地叫左杯凍薏米檸檬水。都幾多薏米，同埋感覺好健康。而羅漢果茶亦都幾清新，又唔會過甜。甜品方面我地揀左士多啤梨雪糕配糯米飯。原來士多啤梨都可以配糯米飯真係第一次，估唔到都ok喜出望外…查看更多

以為九龍城淨係得泰國菜？咁諗就大錯特錯喇，話說有日經開九龍城思考緊應該食邊間泰國餐廳之際，無意之中就發現左呢個極高質既隱世小店，簡直係一改我對於呢個地區嘅印象。一入餐廳就比入面好有節日氣氛既裝飾吸引住，雖然距離聖誕仲有差唔多一個月，但感覺已經好似去左食聖誕大餐咁。坐低冇耐店員就送上熱辣辣既餐包，當晚天氣好凍，可以食到鬆軟好味既麵包原來都係件好幸福既事。前菜要左個煙三文魚凱撒沙律，三文魚既份量都比想像中多，係一個唔錯既開胃前菜選擇。主菜方面叫左個黑松露菌忌廉汁意大利飯，新鮮製成既意大利飯加埋濃郁既黑松露汁口感好豐富，比起平日喺cafe食到既risotto好食好多。而另外一個主菜-燒澳洲羊架同樣係十分之有驚喜。三件羊架都份量十足，加上自家製既醬汁，味道惹味之餘又唔會蓋過左羊架本身既鮮味，中意食羊既朋友一定唔可以錯過！最後加左個法式焦糖燉蛋為今次既九龍城西餐之旅劃上完美既句號。…查看更多

山林道多野食就係香港人都知嫁喇，最近就喺個度發現多左一間高質黃店！上網睇完啲食評已經覺得啲野食好吸引，即刻拿拿臨book番個位先，由於餐廳地方唔算好大，所以記住要打定電話book位呀。一入到餐廳就比周圍既霓虹燈吸引住，有香港本土特式又有外國風既style，岩曬野食黎到之前打個靚卡先。野食黎到真係比佢既份量嚇親，呢個門西牛魔王vs蝦兵蟹將完全係滿足到海鮮愛好者既要求，從來都冇試過食一個海鮮拼盤會咁多選擇。有回本既海鮮例如龍蝦、軟殼蟹之餘仲有得加少少錢轉牛扒。海鮮樣樣都新鮮爽口，另外不得不提拼盤既薯條同炸雞翼都一樣好食！呢個拼盤一定滿足到你既願望。食完拼盤之後就黎左很大唷！原條鰻魚飯。果然唔係得個名，成條鰻魚原條上有成個碟咁長，淨係拎黎打卡都夠矚目。鰻魚加上秘製既醬汁好惹味，真係幾飽都要清曬佢。最後值得一讚既位係用餐前店員會親自送上每人濕紙巾一包，免卻食完野又要揾地方洗手既麻煩。…查看更多

呢間火五坐落太子站附近，未入餐廳先睇menu，價錢方面真係幾吸引，於是入去試試。侍應好熱情咁招待我地，仲話呢度既牛肉粉麵係招牌菜添。我地點左個火五火車頭牛肉河。 有牛腩扎肉牛肉片，份量好多，真抵食。香茅豬頸肉油香飯都唔錯，好大份之餘，豬頸肉整得好香脆，大量既青瓜絲紅蘿蔔絲為呢碗飯增添色彩。至於法式咖哩牛肋配越式炸蝦春卷，咖哩好香，牛肋好林身，炸蝦春卷炸得好香口，配埋咖哩汁咁食又幾得意。呢味手作扎肉米紙卷，食落感覺非常清新健康，大量蔬菜同粉絲被扎肉同米紙包住，口感層次豐富。嘢飲方面，我地叫左鹹檸梳打同越南椰汁冰。鹹檸好足料，飲落好解渴。至於椰汁冰， 原來佢係用椰子水再加埋椰皇既椰肉製成，感覺非常清新健康。…查看更多

呢日同老婆去將軍澳呢間mee...lemongrass，先發覺呢間泰菜餐廳原來咁高質。 我地首先點左個mee...脆香雞翼配沙律。佢一碟有五件雞翼，件件都好香好酥脆，連埋沙律食感覺無咁油膩。跟住落黎係牛骨湯河。呢碗湯河好大份，而且個清湯熬得非常清香，唔似平時街邊味精個隻味。仲有好足料：蘿蔔啊牛丸啊牛肉啊腩筋啊樣樣都好出色，實屬高水準之作。呢度既海南雞飯都好好食。我地係一個餐咁叫，所以有湯有菜同埋油飯，份量好夠，碟菜仲好大碟添。 海南雞非常嫩滑有雞味， 個飯鹹度適中之餘亦有陣陣油香。而個湯有紅蘿蔔同蘿蔔，都幾清甜。飲品方面，呢杯杏仁黑糖珍奶，杏味香濃，而且珍珠都幾多，原來黑糖同杏仁都可以咁配搭。另外西柚芝芝冰相比之下就清新好多， 飲完無咁有罪疚感添。…查看更多