Kid Szde's Profile

放工落樓突然想食生蠔，就轉彎入黎坐低，黎過幾次，環境舒服乾淨，員工雖冇乜服務，但有禮貌。今天點了半打9元蠔，2隻南非蠔（29元），2隻Gillardeau No.0 (39元)。Gillardeau 0號39元是非常便宜。大大隻，十分飽滿，最主要是檸檬汁滴下去時，裙邊仍識郁，E盤生蠔非常新鮮。9元蠔並唔細隻，海水味唔濃，薄身，適合不喜歡重口味人士。南非蠔海水礦物味很重，偏咸，帶子位鮮甜。法國🇫🇷蠔，睇相已知好大隻，非常飽滿，味淡，但食後會有回甘，口腔一直保留住一陣鮮味。肉身很滑，鮮甜，一個字正。三款生蠔的帶子位都非常易割開，可以食到帶子位的甜，大美味了。埋單209，很滿足。…Read More

同朋友來到諾士佛台10號4樓食飯，上到來環境很有氣氛，乾淨，職員安排了一個近outdoor的梳化位置，經常有人行岀行入，因為是自動門，經過就會被打開，全晚吹著熱風🥶🥶串燒不錯，很惹味，選擇也多。但居然西餐沒有供應🥶真的滴汗，我們三人上來吃晚餐，西餐卻沒供應，O嘴。說實話，我們消費800多元吃串燒，沒有飽肚就下樓，我回家再吃杯面🙁另外他們的shisha很不錯，要試。但有一個麻煩位就是食幾啖要吹番樽入面既空氣，唔係會好嗆喉😑但價錢很便宜。9:30前有happy hour，很抵飲。但沒有茶選擇，mocktail選擇也不多。但仍會再來shisha，relax一下。…Read More

19/4 同女朋友來到慶祝生日來到時人不太多，侍應見我手擰紙袋，仍好細心擰一個膠箱俾我放野。我地目標明確先來一碗生牛河，加一碟炸春卷、椰青及芒果糯米飯。上菜好快，先黎左椰青，好甜好夠凍👍🏼睇過食評D相, 唔見生牛河有跟九層塔，我就問侍應姐姐可唔可以俾碟九層塔？侍應姐姐話另上俾我，我好唔客氣問: 可唔可以俾多D😝（因為我女朋友鍾意食🤭）九層塔上枱，侍應姐姐仲問我夠唔夠多tim😝言歸正傳，生牛河個湯底真心好飲，唔會死咸，我番屋企後都冇勁口乾。肉味令個湯好鮮甜。靚牛肉，好有牛味👍🏼👍🏼春卷係豬肉餡，一般啦，有加D花生碎都香口。但佢做法唔係炸得好脆，又唔係煎得好香口，唔3唔4，所以一般。但不得不提，佢跟生菜，D菜靚到不得了，好新鮮，冇穿㝫，好青新爽口。最後到期待已久既芒果糯米飯。因為同女友食親泰國菜，想叫芒果糯米飯，都唔知點解話賣晒，好鬼邪。今次終於食到，救命呀，好好食，叫我為左芒果糯米飯過海黎食我都願意。糯米飯係一球正常糯米，一球紫糯米。椰醬上枱時已淋上去，兩側各4片芒果。糯米飯夠熱夠黏身，椰醬唔太甜、好香，食多都唔漏。芒果又係一流，好甜，唔會有陣過熟味👍🏼👍🏼👍🏼總結: E餐好好食，好高質餐廳。但唔知點解好少人。侍應都好helpful，好滿足既生日飯。…Read More

上次19/4試過隔離鋪Le Viet生牛河後，發現Combo同 Le Viet係同一集團，Le Viet食物質素不錯，決定同女友試埋泰菜Cambo。黎到好快安排靠牆座位入座。張枱幾細下，但因為靠牆冇膠板。我同女友都不喜歡有塊板係張枱，因為普遍餐廳既膠板都好污糟，就算經常清潔，一樣留有水印，望落真係影響食慾。我地預先諗好食咩，一埋位就落單今晚食冬陰公湯、串燒半打、蝦餅、椰菜苗及甜品拼盤。餐廳幅牆係點色磚，凹凸不平，將食物放埋去影，好有feel好專業嘅感覺😆冬陰公湯好失望碗湯既餸只有一隻半 唔大既蝦，同2粒蘑菇仔。隻蝦D肉好霉爛，勁霉爛，勁爆霉爛，唔講唔知係蝦肉，好扣分。湯唔夠辣，偏甜味的。炸蝦餅夠脆，但冇補充，同每一間泰菜都一樣，冇特別之處。串燒係好食既，唔洗點醬已好香口，燒既時間掌握得剛剛好，好juicy, 但各試一串已足夠, 會飽。上次係隔離見有人嗌甜品拼盤，賣相吸引，加上芒果糯米飯實在太好食。所以我十分期待個拼盤。先講芒果糯米飯，冇得輸，必食。飯夠熱夠煙韌，椰漿唔太甜又濃。芒果係原個芒果，好甜好多汁。硬係要彈就係芒果係連皮上，我地食要先刮芒果啲肉，唔方便。千層糕好失望味度好，但太淋啦，好似凝固得唔夠。大菜糕味道淡，但好爽口，都ok。椰汁西米糕又係唔得，D西米太硬，變左白色椰汁部分還椰汁部分，西米還西米。最後焦糖燉奶好食既，但仍然係冇乜驚喜，奶味重。總括，其實普通而已。好爆場，特別一讚，有位好瘦的香港人姨姨好醒目，一眼關七。甜品等待有點耐，我一直啤住廚房位，心怕溜左起。E位姨姨同我對到眼之後即刻飛左入廚房。等多陣佢見我仲啤緊，直頭行埋黎同我講，佢已經叫左起甜品，請等多陣。👍🏼👍🏼好抵讚，好細心。…Read More