KWAN CHOI YEE's Profile

「牛油果芝士滑蛋三文治」老闆請我試新嘢好正😋完全係健康冇負擔重點個包皮用烘爐烘過又脆又香，啲cheese 放左係中間果陣做到半溶效果，趁熱食一流但如果放耐左，用氣炸鍋焗返熱佢一樣咁好味😍平時過黎都係買鹹牛肉芝士蛋治而家知道佢哋嚟緊應該會出多好多唔同口味嘅三文治🥪對於麵包控嚟講，絕對係一個好消息👍🏻因為個餡料可以自由配搭，想加幾多層都得！飽肚之餘，打卡都好好睇👍🏻到時有機會一定要試晒佢😋…Read More

“可能係全世界最好味既Tiramisu”因為呢句說話，所以要黎驗證下 💁🏻‍♀️Tiramisu HKD72成分有mascarpone & kahlua & almond 黎整用咗甘露咖啡利口酒酒液濃稠，香甜，具有獨特的咖啡味道，配落Tiramisu 到，夾得黎又好新鮮👍🏻蘋果酥盒 HKD76蘋果裡面釀左蘋果肉，Toffee，Custard ，Puff pastry，Calvados口感豐富，唔會過甜😋加埋飲品，成件事就好完滿😎Rose Latte HKD44 Matcha Latte HKD45 …Read More

香港第五間日式沖繩飯糰店「飯丸屋」，座落於新蒲崗Mikiki商場(Starbucks 隔離)，主打手作飯糰，即叫即製☝🏻用料一啲都唔馬虎，好多仲係日本進口好似可樂餅，干貝酥(即係炸帶子) 同明太子醬等等問過店員，米係用左台灣嘅珍珠米加日本嘅七星米混合而成價錢方面我覺得都算合理，現場都見到好多學生幫襯🤭(經典沖繩飯團都係HKD28)我哋今次就試左三個飯團分別係明太子干貝酥HKD45，炸蝦天婦羅HKD38同雙層芝士HKD34明太子醬有炙燒過，所以好香，加埋香口嘅炸帶子，口感非常豐富而醬汁味道鹹鹹甜甜，配埋飯好快就K.O.左成個飯團炸蝦天婦羅好大隻呢款個醬汁有啲唔同似甜甜地嘅沙律醬配埋玉子同餐肉望落去已經好有層次感而醬汁又可以中和返炸物嘅油膩呢款唔錯👍🏻雙層芝士呢一款應該最多小朋友鍾意😂因為個外型真係好似漢堡包🍔兩片芝士加玉子同餐肉有齊小朋友鍾意嘅元素係到😂呢啲組合已經冇得輸再配埋特製醬汁，成個味道再升華咗好味😋如果唔想淨係叫飯團咁單調仲有套餐可以跟🙌🏻加HKD13 可揀一款小食/飲品加HKD20 可揀二款小食/飲品咁梗係跟餐抵啲啦我哋嗌左兩杯嘢飲兩個小食日式抹茶豆漿有茶味🍵，而豆漿都唔會太甜加埋一齊都幾夾黑芝麻豆漿飲落啖啖都有黑芝麻味好足料👍🏻鍾意黑芝麻嘅朋友一定要試吓小食就叫咗薯條同麻薯波波佢哋嘅薯條🍟係粗薯條可以揀配兩款醬蜂蜜芥末同明太子醬兩款醬汁都唔錯同炸得香脆既薯條好夾而麻薯波波就啱晒鍾意啲口感煙煙韌韌嘅朋友，甜甜地，好快就食晒因為跟餐既小食得6粒😅下次要再買返個正常份量先💁🏻‍♀️…Read More

<<Chaat>>米芝蓮一星既印度fusion菜位置於Rosewood 5樓2樓大堂有分兩邊lift左邊入少少果邊既lift先至唔需要拍卡上上到5樓會見到Chaat, Henry 同Bayfare Social show哂係一邊因為入去Chaat同Henry係需要先經過Bayfare social 既門口Chaat座位唔算多，但好闊落4人枱目測應該得3-4張其他以2人枱為主難怪咁難book位每月1號0900會開放Online 預訂後兩個月既booking (即係黎緊2月1號係book緊4月)而平時星期一至5係唔做lunch section但而家6點後禁堂食所以6點前都book得加上係in-house guest Book位冇難道講返食物先Baked Samosa HKD168比起傳統印度小食，佢採用創新既外型重新包裝，用筒形呈現，外層香脆之餘，裏面餡料羊肉同薯仔亦處理得非常惹味配上酸忌廉醬，都幾開胃Burnt Chilli Chicken Tikka HKD198雞件烤得好香，好嫩滑配埋酸酸甜甜醬汁好好味😋個人認為最岩我口味既一道Old Delhi butter Chicken HKD268咖喱唔算辣，有淡淡牛油味雞都係滑嫩嘅印度菜當然唔少得Naan 叫左Black Truffle & Chilli Cheese Naan HKD118其實叫返原味都得，因為沾完咖哩會蓋過晒啲黑松露味Tandoori Wagyu Beef Cheek HKD308口感似燒到外層焦香既牛腩燶咗少少，但裏面都係好腍Adraki Gobhi Aloo HKD138個staff推介叫啲vegetables裏面有薯仔同埋椰菜花味道有少少辣都係啲香料同埋咖喱味其實唔叫都可以🤭總括嚟講，比起傳統印度菜味道上係有根據香港人嘅口味有所調整，係特別同好味嘅但對我來講，都係偏濃味咗少少😅而米芝蓮一星來講，價錢算好合理如果book位易啲，會再覆桌☝🏻…Read More

《1963木十斗寸》冇錯，又係灣仔最近係呢邊返學所以要發掘下呢區既餐廳有介紹既朋友，不仿留言話我聽🙃今日試咗呢間台灣野老闆都係台灣人餐廳位於唐樓上兩層冇lift既所以食飯前要做下運動啦餐廳佈置行舊式復古風個人覺得幾有特色座位都算闊落雖然位置算喺馬路隔離但可能因為上咗樓所以冇乜噪音可以靜靜地傾偈👍🏻叫左一個炒飯同牛肉麵櫻花蝦炒飯 HKD80份量有啲細男仔食可能唔太夠但飯係炒得幾香，粒粒分明滿漢牛肉麵 HKD90分開紅燒湯同清燉湯清燉嘅味道反而比紅燒更加濃郁略嫌牛肉唔夠淋但味道係唔差嘅紫薯拿鐵 HKD42紫薯味唔夠，奶可以少啲有興趣嘅朋友記得訂位呀😉…Read More

《石一燒Stone One Restaurant & Bar》大角咀係我心目中係其中一個你會搵到好多隱世小店既地方所以有時間我都會想係搵食🥰今次就黎到石一燒名副其實嘅小店店內座位唔多 ，應該坐到16人左右雖然坐得有啲迫，但職員服務好好會幫你擺好同好快收走食完既嘢我哋分別叫咗牛set同豬既full set分別在於套餐肉既份量大5-6oz但就跟飯，沙律，湯，同甜品但full set 就有8oz肉only冇其他配菜雖然豬嗰個揀咗full set, 但餐廳照送左個飯比我哋好抵讚👍🏻🥩美國頂級(Prime)牛小排 set HKD238 西班牙黑毛豬豬梅肉full set HKD198🍵🍨甜品係抹茶雪糕個汁係自己用抹茶粉整，好玩之餘，抹茶嘅濃度都可以自己調校💁🏻‍♀️下次再發掘大角咀多啲隱世好店比大家啦🙃…Read More

《丸十日本食堂Maruju Japanese shokudo》黎到新都會想食日本嘢就上咗黎4樓呢間丸十價錢唔算平，不過有時同朋友食好啲對自己好啲啲都唔過份既😎Menu 上面選擇非常多除咗壽司，都有唔同嘅刺身，定食，小食肚容量有限，所哋我哋就揀左⬇️💰HKD380 自選10件壽司🍣+小卷一本緊係揀哂啲最貴既選項啦大拖，中拖，海膽......Overall 壽司新鮮好味😋所以都有追加埋油甘魚，帶子同左口魚($38 each)壽司另外再嗌左個軟殼蟹卷HKD118(普通)同燒牛舌丼定食HKD118牛舌算厚，燒得岩岩好，好香👍🏻配飯真係一流🥰黎到葵芳，食飽之後緊係要過埋對面葵廣行返幾轉啦🤣…Read More

《板神鉄板燒日本料理GodofTeppanyaki》同朋友黎到灣仔搵嘢食岩岩出咗糧就緊係食餐好啲嫁啦🎵🎶餐廳位於軒尼詩道The Hennessy 既30樓可以望到維港景撞啱今日好天氣望住藍天白雲加海景再嘆個高質鐵板燒全日好心情就由呢一餐開始😋餐廳座位闊落有分海景卡位同吧檯位我哋唔想嘥咗個景所以揀咗卡位坐Lunch Set有分好幾種由HKD3xx到HKD3xxx都有我哋就分別揀咗兩個set主菜都係揀左澳洲A5和牛朋友唔食海鮮同生嘢所以揀個淨牛肉既我就揀咗個有大蝦同鵝肝加刺身既set兩個set都會有前菜，沙律，主菜，炒飯，漬物，麵豉湯同甜品/咖啡雖然我哋係坐卡位但其實都見到師傅點樣處理我哋嘅食材整體黎講食物質數符合價錢收費環境同服務都好到位有機會會再嚟幫襯👍🏻…Read More

《COZY》南豐紗廠可以帶狗狗一齊黎行既地方雖然我未有寵物一齊嚟唯有搵間coffee shop chill 下先Cozy ~主打輕食Weekend都幾多人等叫左個炸雞Burger HKD108味道正常，但雞就有少少鞋同界口單骨雞翼 HKD48炸粉唔厚，肉質keep到嫩滑呢個唔錯👍🏻牛油果🥑粟米toast HKD78建議唔好加青檸汁或者直頭唔叫因為冇咩特別😂呢邊其實好多小店幾好行，又有冷氣可以同自己寵物係到hea 下Chill下，都幾唔錯👍🏻💪🏻重點呢到好多打卡位可以玩成個下就🤭…Read More

《麵匠風龍Mensho Furyu》繼續係灣仔搵好嘢食對拉麵有情義結既我就黎到呢間位於大街軒尼詩道既日式拉麵店店內格局貫徹傳統長枱對住師傅煮麵好有日本🇯🇵風味座位雖然唔多但坐落都冇逼夾嘅感覺👍🏻講返拉麵🍜一坐低就諗住問店拎menu點知原來已經貼哂出嚟係枱邊佢哋雖然得兩款set但其實種類唔洗多好味既，一種都夠做回頭客😋分別有蝦味增拉麵套餐 HKD115可以跟餃子/小龍蝦沙律/芥辣蝦沙律本來想試芥辣蝦不過是日冇供應唯有轉戰小龍蝦沙律幾足料，配埋紫菜一齊食，味道有驚喜👏🏻拉麵方面, 雖然唔係我鍾意嘅麵質但軟硬煮得適中，而且幾掛湯不得不提佢個湯底試過咁多款櫻花蝦湯底來講佢係濃郁得來唔會死鹹👍🏻豚肉拉麵套餐HKD108呢款就揀咗餃子皮薄，煎得幾香味道正正常常而碗拉麵呢....奶白色既湯頭，望見已經好開胃😍飲落清得黎唔油膩而且有濃厚豚骨味跟埋溏心蛋真係perfect match💪🏻叉燒雖然跟得兩塊但係好厚身而家燒得幾香重點係唔韌😍總括嚟講百一蚊左右就有小食加拉麵性價比高唔在講，仲要咁高質加埋係同路人，唔多啲幫襯都對唔住自己個胃啦🙌🏻🙌🏻…Read More

《ode鯛白湯らーめん》拉麵控再出動》呢間大阪過江龍，除咗人氣爆燈，味道真係相當唔錯就算係夏天，極度怕熱嘅我都覺得值得排佢二三十分鐘星期日晚未到7點招牌沾麵已經售罄😭雖然我唔係特別鍾意食沾麵但真心好打卡table出場澎湃，白煙會不斷由碗裏釋出因為個麵係凍上下次有機會一定會再返黎會一會佢餐廳係採取先落單結賬後先入座既模式我哋就嗌左其餘果兩款湯面鯛清湯拉麵 HKD138湯頭如相中所見清澈唔油膩但魚湯出奇地濃郁而且一啲腥味都冇加配既炸鯛魚皮更加唔可以錯過香脆得來亦能保留魚味畫龍點睛咪就係呢啲囉😋呢個魚湯真係so far飲過最好飲嘅沒有之一💪🏻清哂見底係基本啦💁🏻‍♀️鯛白湯拉麵 HKD138加咗雞湯令到原本嘅魚湯更加creamy 更有層次感中意濃味少少既朋友呢款都唔可以錯過有人覺得麵質偏淋可能我比較中意淋身既口感我反而覺得更加掛湯👍🏻兩款拉麵🍜配料差唔多都分別有碎魚肉，叉燒片，洋蔥同蘆筍不過最驚艷到我既都真係兩款湯底呢間絕對會係我回頭之選👏🏻😂…Read More

<<海陽。居酒屋 Kaiyo>>朋友生日話想食日本野所以就黎到位於K11 ge 日式居酒屋揀呢到既原因除咗泊車方便加多優惠之外主要係我身邊都有客人經常幫襯呢間所以心絲絲想試好耐🤭環境行高雅西式設計燈光偏暗，幾有情調氣氛我哋一行6人原本偏廳位置有min charge ($4000)但訂位果陣都好好話留比我哋(因為我哋好嘈，都驚嘈親隔離枱😂）星期六既1830 booking 但好多食物款式已經賣晒心諗係咪咁好生意🤔所以我哋唯有嗌啲大路既菜式啦最有驚喜係雞泡魚乾 HKD78偏厚身，醬汁醃製得而口感煙煙韌韌非常有咬口配埋沙律醬，送酒一流👍🏻* 雞泡魚即係河豚的俗稱，河豚喺日本其實係一種高級嘅海鮮美食，而雞泡魚乾即醃裝後烘乾，再剪開一條條，配沙律醬/灑上小小七味粉，絕對係佐酒嘅最佳小吃之後就分別叫左壽司🍣，天婦羅🍤同啲主食頂級壽司盛(12件) HKD568高質既，12件壽司都新鮮，魚肉冇根飯既口感唔錯，款式都非常大路有海膽，拖羅等等特上天婦羅 HKD338炸粉唔厚，有3隻大蝦其他有番薯🍠同啲蔬菜類性價比黎講唔算高口燒和牛西冷牛扒 HKD348份糧正常，五成熟做到裏面粉紅，唔韌有牛味👍🏻牛油果軟殼蟹卷 HKD138份量足，軟殼蟹炸得脆口配上牛油果🥑，組合冇得輸明太子冷烏冬 HKD128烏冬爽口彈牙,明太子醬都好掛汁牛油蘆筍焗雜菌 HKD88調味好好，一打開錫紙牛油味非常香牛油加蒜蓉又係一個冇得輸嘅組合啦🙈嚟到居酒屋，串燒當然唔少得燒黑豚肉白蔥串 HKD48燒雞翼 HKD48吉列廣島蠔 HKD78大大隻，好味😋整體用餐體驗黎講食物質素係唔錯嘅但係員工服務就有待提升始終你收得呢個價錢對應既服務都應該包含在內☝🏻Btw 其實一班朋友出黎食飯著重既係大家相處既時間但如果有美食相襯既話就更加錦上添花啦❤️…Read More

<<紅堂>>打邊爐係一年四季既朋友無論係開住冷氣嘆定天氣凍暖住嘆都一樣咁得香港人歡心❤️所以打邊爐既店舖開到成行成市一條街裏面可能有幾間存在雖然有咁多選擇但要搵到一間質素高，食物好，環境優既就要靠大家試多啲再比較下啦🙃今次呢一間性價比唔算高帶食物質素好好有好多款揀驚喜嘅係連油炸鬼都有😮仲有好多新奇款式😋至於價錢啦喎因為有老細萬歲嘅關係所以我哋都冇特別留意😆(13ppl/around $7xxx)有興趣既朋友可以上openrice睇返餐牌💁🏻‍♀️…Read More

覓食當然要由屋企附近做起💁🏻‍♀️位於新蒲崗既”窩子”有設計特色既小店cafe內裡座位唔算多某啲櫈用咗學校上堂嘅櫈營造少少課室既感覺🙈食物方面選擇咗特別口味既口水雞pizza開頭會有少少擔心好辣但呢個組合又出奇地夾😋新鮮焗起，酥皮香脆如果邊位可以多返啲餡就更好☝🏻另外再叫左個慢煮豬軟骨飯賣相唔錯味道正常，係想像既口味飯有啲多，蛋汁唔太夠撈-八小時慢煮萬字醬油豬軟骨飯HKD98-慢煮口水雞肉酥皮pizzaHKD138-Flat White HKD39-凍黑糖焙茶鮮奶HKD45總括嚟講可以放入回頭list下次可以試埋啲甜品窩夫🧇🥰…Read More

近期食過款式總類算多既燒肉放題店其實佢有幾間分店，分別係元朗，荃灣而我就嚟到大埔鋪面唔算細，但係都全場爆滿講緊嘅時間係六點未夠星期六日價錢HKD238 + 10%兩小時任食除咗燒肉其實仲可以打邊爐熟食同刺身(油甘魚，帶子，赤蝦，三文魚，吞拿魚等等)既款式都唔算少仲有中式點心同中湯甜品都係我見過算多(放題黎講)一坐低，職員會先上一盤海鮮同少量牛肉海鮮質素正常，但牛肉就未解好凍出面燒肉類醃得唔錯，幾入味打邊爐款式，基本上都滿足到你另外幾欣賞佢哋飲品有自家製嘅冷泡茶而且種類都幾多啱晒唔鍾意飲甜野嘅人…Read More