Captain Japanese & Korean Restaurant (Tai Po Plaza)

近期食過款式總類算多既燒肉放題店
其實佢有幾間分店，分別係元朗，荃灣
而我就嚟到大埔

鋪面唔算細，但係都全場爆滿
講緊嘅時間係六點未夠

星期六日價錢HKD238 + 10%
兩小時任食
除咗燒肉其實仲可以打邊爐
熟食同刺身(油甘魚，帶子，赤蝦，三文魚，吞拿魚等等)既款式都唔算少
仲有中式點心同中湯
甜品都係我見過算多(放題黎講)

一坐低，職員會先上一盤海鮮同少量牛肉
海鮮質素正常，但牛肉就未解好凍
出面燒肉類醃得唔錯，幾入味
打邊爐款式，基本上都滿足到你

另外幾欣賞佢哋飲品有自家製嘅冷泡茶
而且種類都幾多
啱晒唔鍾意飲甜野嘅人