藍梅杯的個人專頁

前排去左上環柏廷坊既1908bc餐廳，餐廳係由英藉華人主理，所以帶左唔少英國既中菜返黎，當中都包括左一啲懷舊菜式。餐廳裝修上完全唔似中菜館，融入左一啲西式元素～亦有室外座位，整體闊落舒適。除左食中菜外，佢地仲有吧檯，可以飲到佢地調製既mocktail & cocktail。叫左杯粉紅色的Suzie Wong，入落荔枝味重，非常易入口。KFC甜酸椰菜花，淋上甜酸醬後咬落亦帶脆口，你可以當係食緊炸雞咁，酸酸甜甜好開胃！豬腩肉割包都好軟熟惹味呢度既蝦多士一定要試下，外層既多士好薄，中間夾左唔少蝦膠拎去炸，咬落非常香酥！主食叫左個中式集會脆麵，面頭有肉絲、鮮蝦、魷魚和燒肉等，麵餅食落仲好脆，唔會黎到已經淋晒，唔錯呢！…查看更多

Happy Friday!第三次食荃灣牛大人，揀左既極上和牛吃到飽套餐，可以食足120分鐘！，7:30前賣單既價錢會平d，每位$288，因星期五要加多$10。.呢個套餐仲會送每人兩粒澳洲和牛牛丸，勁好食！！！.湯未滾可以先點台式小食醫下肚先，有台灣腸、鹽酥雞、肉燥飯🤤🤤 梅甘脆薯等.出面有多款醬料可以拎！仲有一d平時比較少見同無見過既🤩🤩.出面可以自取既配料款式都多！麻辣丸、芋泥貢丸、竹炭海鮮丸、龍蝦沙律、海膽包、芝心丸、香草雞肉丸等等～包心丸既選擇都好多，平時出面買包心丸都唔平架，所以鍾意食既我可以瘋狂食.叫左台中蒜頭雞鍋，見到裡面真係有唔少雞肉，飲落係比較清既一款湯底，蒜頭味都唔會太重，都係覺得重口味既湯底比較岩我😂😂.叫左一杯來自台灣啤酒廠出品的「酉鬼啤酒」$68，入口帶點果香，很易入口🍺🍺 一直超愛佢地既飲品，冷泡茶系列，菊花普洱同白桃烏龍真係必飲！.呢個餐既澳洲M5和牛肩肉真係幾好食，牛味突出又唔韌；北海道十勝豚都係超推薦！好吃～估唔到仲有封門柳，必叫啦.另外仲叫左好多海蝦、蜆同花膠、感覺很新鮮！蝦肉超爽彈！仲有台式鴨血同牛媽秘製滷大腸等～.飯後甜品可以揀一人一杯movenpick雪糕或者台式芋圓仙草甜品，梗係揀後者🤤…查看更多

同友人去左食呢間係中環新開既希鳥日本過江龍，以鹿兒島黑薩摩雞做主題$1000 Omakase 食盡17道 鳥割烹料理！當晚食完已經覺得呢次體驗好好幾位日藉師傅都好好態度 好似去左日本咁最重要係各款燒鳥好好食呀！食完先知，以前食開既串燒都係好一般剩係開場既雞肉丸已經覺得相當唔錯！呢度仲食到半生熟既雞胸肉 真係第一次食師傅仲加左烏魚子碎同香醋凍調味，好特別！最中餅雞肝醬🤤 兩塊威化中間係甘香四溢既雞肝醬，好邪惡！仲有人生第一次食既雞冠，慢煮完入口勁軟嫩但又會帶少少口感！好過癮！另外幾款燒烏都好好食，火喉掌握得好好！外皮都燒得夠焦脆，中間的雞肉食落juicy仲會充滿住炭燒香！（使用備長炭）雞心食落好爽口，第一次食咁正既雞心！軟滑既雞肝都好好食呀！! 兩款好食既燒野菜，茄子和翠玉瓜主食仲有麵質爽口同雞味濃郁的雞湯拉麵甜品很非常特別的wasabi雪糕、自家製布丁平時唔食wasabi既我，呢個又唔怕喎仲覺得好易入口！癲復我想像，好食😋…查看更多

同朋友去銅鑼灣試左呢間剛開始試業既華鳥風月，日式居酒屋，環境舒適有情調；侍應們都很有禮貌，會頻頻加茶，更會同推薦唔同既菜式，讓客人們多點選擇。（搭lift會見到23同25都係佢地，25樓先係餐廳入口，23樓係酒吧）餐牌選擇不少，前菜、佐酒小吃、刺身、日式串燒、煮物、天婦羅和斧飯等等。食落勁清甜既水果茄沙律，咬落多汁好似食緊水果咁，勁開胃呀！海膽松葉蟹肉他他，擺盤好精緻，有海膽、松葉蟹肉、吞拿魚茸同魚子等，好豐富！可以用附上既紫菜包住黎食，唔錯！仲有串燒都燒得唔錯，推薦虎蝦雞皮串，唔單止燒虎蝦咁簡單，外皮包左層脆脆雞皮，中間亦放左片紫蘇葉，咬落口感豐富左，特別之餘又好食！仲有雞皮串都推薦呀～～好邪惡仲有平時去鐵板燒先食到既連魚鱗食既甘鯛，魚鱗咬落勁脆口，好食！鵝肝茶碗蒸、燒飯糰燒飯糰都幾好食，特別係明太子，仲會食到有少少飯焦，唔錯！飯後甜品，抹茶蕨餅。…查看更多

荃灣好食既Cafe唔算多Hikari係其中一間幾鍾意既如果晚市都有Toast食就好了！與同行友人一齊黎食晚餐獲安排坐二樓，坐了梳化位頗舒適的佢地既Latte拉花好靚，唔係普通既心心同花會令人忍唔住影好多相😍 我叫既焙茶味道都可以！！.食物方面覺得煎比目魚意粉幾好食比目魚外皮煎得幾香脆，食落魚肉都夠嫩！蝴蝶粉配忌廉汁都幾惹味～友人叫既無花果沙律份量都幾多🥗🥗鴨肝如果可以再煎香少少就仲好食而且店員的服務態度都很客氣menu…查看更多

疫情關係真係好耐無出街食飯，難得出尖沙咀shopping，梗係要食好西啦。尖沙咀餐廳林立，最後選擇了在美麗華廣場4樓主打潮洲菜的滿樂。因為最近餐廳新推出夏天菜式，感覺幾特別，所以一試。一開始會有功夫茶品嚐。檸檬燉鴨湯份量相當多， 足夠3至4人享用，附上半隻鴨，十分足料。鴨湯咸檸檬味突出，配上淡淡的陳皮味，潤喉暖胃，鴨肉亦燉得嫩，夠喉火喉。鹽焗黃油烏頭（原條）潮式凍烏頭，肉質嫩滑，魚味及魚油香味濃厚，味道十分好。橙香焗排骨排骨大大件啖啖肉。排骨炸得岩岩好，外層酥口肉質有彈牙。醬汁香橙味濃郁，酸酸甜甜味道清新，亦不會太甜，越食越開胃。欖菜馬蹄炒涼瓜涼瓜爽口甘甜不苦，馬蹄清甜，兩者相輔相成。甜品前再送上功夫茶，清一清口中油膩。夏日清甜滑紅棗蓮子雪耳百合，清甜潤喉。…查看更多

疫情關係，好耐無出去食飯難得同朋友出開尖東 決定黎食新開業既鮨白鳥中午餐牌選擇都唔少生熟選擇都有大部分都有跟沙律、麵豉湯、漬物同雪糕難得出開黎食飯 就食個豐富一點的午餐叫左個豪華刺身定食！😍先來開胃的八爪魚前菜，兩款漬物刺身定食有大拖羅、帆立貝、北海道馬糞海膽、左口魚、油甘魚、牡丹蝦等食材頗新鮮，帆立貝味鮮，大拖羅脂香味重還有久違了的北海道馬糞海膽！！！味道鮮甜不腥整體來說很不錯！而且地點方便，會再黎呢…查看更多

同朋友飯聚，佢地揀左中環間Westwood Carvery，主打食份量比較大既美國菜，岩晒食肉獸既我地。叫左杯有少少辣既青瓜Lemonade，初時仲怕會唔會好辣，原來係較偏向清新既青瓜味，幾容易入口。小食有我至愛既忌廉粟米同忌廉菠菜，兩款就咁食都已經好惹味！仲有呢個必試既蟹餅，食落見到都係絲絲蟹肉，蟹味突出，好食！多士+煎鵝肝+海膽！！係好邪惡既配搭，每啖都係一種享受😍份量超大既慢煮Beef Short Rib，特別之處係食唔同位置口感上都有點唔同，而且牛味濃郁，肉質幾嫩，唔會乾柴，經烤過後味道更加香！仲有據聞係呢度招牌既海膽卡邦尼意粉，整成碟撈勻後，意粉質感非常creamy，仲伴隨陣陣海膽既味道，好好食呀！甜品有蘋果金寶同紐約芝士蛋糕，正常味道…查看更多

朗豪坊內有間Made in HK既餐廳，平時經過都見到有唔少人食。完全係比佢地既酥皮湯吸引，一放工就決定黎食晚餐。甘筍湯 （轉酥皮湯+$20）一向好鍾意飲酥皮湯，見到當然要叫！平時跟既餐湯加$20就可轉酥皮湯！酥皮湯送上黎時飄來陣陣牛油香🤤 個賣相都幾靚仔！食落果然唔錯、塊酥皮好鬆化又充滿牛油香，而甘筍忌廉湯都唔錯。金沙黃金薯條 $58口痕叫左款鹹蛋黃小食，食落鹹蛋黃香係有既，不過略嫌薯條唔夠乾身，食落比較腍。焗鴛鴦炒飯 $128鴛鴦分別係肉醬牛柳同比較少食到既魚肉梅菜香檳忌廉汁既焗飯！佢地既焗飯焗得幾好，夠熱炒飯夠乾身，我主打食梅菜個款，食落真係個個味道架，好似中式味道由西式方法呈現，好特別！味道都唔錯架安格斯肉眼扒 $248鐵板餐仲會跟一份焗薯😍 肉眼扒要左三成熟，用鐵板上食個時大約五成，食落肉質唔會覺韌，肉味仲幾重添，淋上黑松露野菌汁，不錯吃。…查看更多

久違了的朋友眾餐，正好可以洗滌心中的勞累。與朋友促膝長談，酒與美食必不可少，呢間“牛禪”完全符合要求。首先環境寬敞，座位之間有一定距離，暢談都唔怕騷擾到隔離，而且無時限，可以放心盡訴心情。另外餐廳有一個“日本清酒套餐放題”，惠顧任何套餐或任何和牛盛宴，再每人加$100，就可以享用90分鐘指定清酒放題，超抵!美食方面先來前菜小吃三款，有魚乾合桃，海蜇，及醃蒜頭，味道唔錯，送酒一流。明太子玉子燒 $128玉子滑嫩，蛋味濃厚，明太子雖然唔多，但味道剛剛好， 蛋味與明太子味並存。白飯魚天婦羅薄薄的炸粉與鬆化的白飯魚完美地結果，令人不自己覺地將白飯魚一條接一條地送入口。五品刺身包括有三文魚腩4片 （$118）、活赤貝 （$98）、帶子刺身 （$108）、拖羅4片 （$432）、原條鱲魚 （$288時價）。刺身款款新鮮款款出色，本人至愛仍然係拖羅，入口即溶的感覺與油香味在口中爆發的衝突真的另人欲罷不能。而鱲魚有刺身及炙燒兩食，我就偏愛炙熱，微微燒過令油香味更突出，層次倍增。近江和牛刺身 $880幸好友人提早預訂，否則錯過了如此美味的和牛刺身。每塊大小與厚度相若的粉嫩色肉身，都一樣，完美地分佈在肉身的雪花，再配上不多不少的金箔，只看外表已經垂涎三尺。入口即溶同油香味爆炸的感覺與大拖羅不相伯仲。怕膩的話可以配上旁邊的醬汁及洋蔥一齊吃。近江和牛盛宴 $1980期待已久的主角最後出場，一次可以試9種唔同的部位，包括牛舌、牛臂肉、牛腿上肉、腿肉、牛肩、牛頸脊、小誓、西冷、肉眼。根據不同部位將肉放上牛形狀的器皿上，十分吸睛，還貼心地加上標籤，唔怕唔識分別。然後跟住餐廳建議的食法，按照味道又淡至濃去慢慢品嚐。…查看更多

常開台灣旅行既人應該對寬巷子呢間火鍋店不陌生，佢地出名玫瑰松版豬，仲有好似藝術品般既各式火鍋材料。寬開子開左係尖沙咀海港城，可以飽覽維港景色，岩晒拍拖人士去食個浪漫火鍋。同朋友七點幾放工去食，接近全場坐滿。翻開餐牌款式都幾多，不過價錢唔算平。首先叫左個鴛鴦鍋$328，有晒想試既紅泥小染，即係麻辣湯底同養生白鳳鍋。前者用左多款香料同辣椒去調味，湯底真係幾辣架，不過辣得黎好過癮，入面仲有凍豆腐同鴨血，食唔停口。養生白鳳就偏向燉雞湯的味道，較為養生，很岩女士們享用。另外叫左招牌玫瑰松版豬 $230，價錢唔平，但粉紅色既賣相真係幾靚，食呢個松版豬想保持其形態仲要有技巧，就係搽上蛋漿再慢慢放落鍋，咁就唔怕會散晒。仲食左菠菠糖 $88，賣相有趣，麻醬味幾重幾好食。仲叫左一個白菜豬肉餃 $78，每隻都好飽滿，食落已經覺得係新鮮包起；仲有花團錦簇，成個菜籃入面有好多款菜，仲排得好靚，剩係食菜都食到好飽，建議3-4人叫會比較好，因份量真係好多！…查看更多

已經唔知第幾次黎urban cafe，鐘意佢地店裡夠多貓，環境整潔度不錯，食物款式多味道唔錯，各方面都比裝修前都有改善好多，這是我不停回訪的原因。為左貓貓的健康著想，入去前需著上鞋套和消毒雙手。玩貓前請先細看守則，這點很重要的，不要迫牠們做些不想的事（如夾硬抱起佢，拍照時不要使用閃光燈，餵食人類的食物給牠們。）店內有數十隻貓，貓貓們都很親民，近乎每枱都有1-2貓貓在玩耍，有些更會爬在客人雙腿上睡覺，超可愛的，完全滿足了愛貓之人。每隻貓頸上都掛有自己的名牌，像這些小丸子，一直望住天空發呆，過了十分鐘也是同一姿勢，好像在想什麼似的，貓貓你在想什麼呢？（笑）有點怕人的異短-蜜瓜二人餐 $268包括了沙律、餐湯、兩款主食和飲品；也可額外加錢要小食拼盤和甜品，價錢也不貴。先來南瓜湯，南瓜湯飲落很綿密，仲飲到絲絲南瓜肉，南瓜味滿重的，不錯。巴馬火腿拉絲水牛芝士手工薄餅熱辣辣的薄餅餅皮咬落很香脆，每片都有巴馬火腿和不少芝士，雖然拉絲效果不算很多，但味道是不錯的。雙重芝士肉醬意大利麵這款也是頗喜歡的，因為肉醬很多！食光意粉還剩下不少肉碎，很足料！加$25炸物熱辣辣上桌，有薯角，法蘭克福腸和流心芝士雞球飲品只包$38內的，其他特飲需補差價；蜂蜜生薑茶和香橙檸檬菠蘿紅茶，杯紅茶飲落唔會太甜幾解渴！…查看更多

過左個香港有史以來最熱的農曆新年，今日天氣忽然又轉涼，落住微微雨更覺寒冷，一於打個邊爐暖下身。店鋪環境寬敞又光亮，感覺不錯。店員態度親切，主動介紹餐單。桃膠美人鍋$188 + 酸菜白肉鍋 （鴛鴦湯底+$30）湯底首選招牌桃膠美人鍋。只要加$30就可以轉鴛鴦湯底，當然不能錯過。另外選了比較少見的酸菜白肉鍋，仲可以免費追加一份白肉，相當吸引!桃膠美人鍋絕不欺場，除了半隻烏雞，更有大量的桃膠，再配上淮山，紅棗，桂圓肉，黨蔘等滋補材料。湯底就似老火雞湯一樣有濃香的雞味，烏雞肉材嫩滑，光是品嚐湯底已經十分滿足。另一湯底酸菜白肉鍋用料相當，有大量醃制大白菜，蕃茄，粟米，配上酒香五花腩，再加入蘋果醋。獨特的酸香味令人食指大動。安格斯雪花肥牛 $198湯底出色，配料亦不失禮，安格斯肥牛雪花均勻，肉嫩牛味濃，唔錯。軟滑鴨血 $48份量超多又大塊，鴨血愛好者必點。特色手打肉丸 （鵝肝墨魚丸，鹹蛋黃蝦丸，芝士牛肉丸）$48-4 粒（半份），魚皮餃$36（半份）可以選半份或全份，選擇夠彈性，選半份就可以試不同的口味。手打丸大大粒夠晒爽口彈牙，味通唔錯值得一試。整體今餐都食得好滿意，最後職員還會送上飯後水果芭樂，上面撒有梅粉，令甜味更加突出。…查看更多

俗語有云辛苦搵黎自在食，返工辛苦過後梗係食餐好的慰勞下自己。最近工作上波折重重，幾經辛苦終於完成左，唔食返餐好的又點對得住自己呀!呢間燒肉店人氣吾錯，除左主打鹿兒島和牛外，仲有一款聽個名就已經好吸引的，所以豪不猶疑咁選左呢間餐廳做今次的"慰勞宴"。餐廳位置相當方便，地鐵站出口一分鐘距離，環境有格調而且寬敞，感覺唔會局促。為左試，點左一份[極上烤肉二人套餐]，雖然價錢唔平，但成個套餐相當豐富，只係烤肉已經有六款包括4%奇跡之牛極上牛肩肉，薩摩牛上等牛赤肉，薩摩牛上等牛肋肉，薩摩牛Sukiyaki上等牛腰背肉，極上牛舌(鹽燒)，及是日精選牛扒。除此之外仲有前菜，牛肉湯，牛肉沙律，白飯，甜品同餐飲，真係十分豐盛的套餐。上菜速度十分快，先上牛肉湯及牛肉沙律。牛肉湯鮮甜牛味重，牛展炆得夠腍。而沙律新鮮份量大大份，配上黑酯十分開胃又解膩。之後我最期待的畫面出現了~左上: 是日精選(西冷牛肉粒) 右上: 極上牛舌(鹽燒)中間: 4%奇跡之牛極上牛肩肉左下: 薩摩牛上等牛赤肉右下: 薩摩牛上等牛肋肉最後就是薩摩牛Sukiyaki上等牛腰背肉，還附上生蛋，檸檬，鹽及醬油，可按個人喜好做出吾同食法。最最最喜愛的一定是主角 4%奇跡之牛極上牛肩肉，只係外觀已經令人流口水，雪花分佈十分均勻及偏多，輕輕燒過後油香味已經飄晒出黎，入口即溶和油香味完全充滿著整個口，好味程度真係非筆墨能形容。薩摩牛Sukiyaki上等牛腰背肉同樣喜歡，雪花紋無4%奇跡之牛咁多，所以牛肉味相對較重，但由於薄切的關係，同樣都有入口即溶的效果。而薩摩牛上等牛肋肉就是太太的最愛，雪花同肉的比例各佔一半，牛肉味同油香味的比例剛剛好，而且又夠腍口。極上牛舌亦吾錯，十分爽口。順帶一提，職員會細心的提議品的先後次序，亦會為客人烤肉。對烤肉無信心的客人，就無需擔心因手殘而糟蹋了高級的肉了。…查看更多

觀塘區最近開左間主打食台灣菜既餐廳，餐廳位置頗多和闊落，牆上的「龍」裝飾頗有睇頭和霸氣！餐牌上選擇非常多，選擇困難症頓時又黎喇！飲品佢地係樽上的，個樽外觀都幾有古早味，影相唔錯！叫左黑糖冬瓜茶同桂花胎菊蜜各一 $28/枝。兩枝飲品都幾好飲，雖然冬瓜茶用左黑糖去煮，但唔會太甜，冬瓜味突出；桂花胎菊就比較香甜滋潤。古早味魯肉飯 $38面頭佈滿切粒既半肥瘦腩肉，醬汁味道較為偏甜，建議可調輕返少少，入口油潤感足夠，配上軟糯既珍珠米很下飯。醬燒茄子 $38每件茄子面頭都加上醬汁和香蒜，食落很惹味。秘製炸大雞腿 $46其實係大雞腿切開三件，外皮炸得香脆，保持到肉汁，經醃過的雞肉偏似香茅味，唔太岩我口味，同行友人就覺得好食！虎咬豬 （刈包）$36呢個包稍稍失色，中間夾住的滷五花腩肉肉質夠腍，但醬汁味道偏淡又唔夠入味，一般吧。仙草凍 & 檸檬愛玉冰 $38仙草凍仙草份量不少，當中的芋圓煙煙韌韌都幾好食；反而愛玉冰既愛玉食落唔夠軟嫩，質感稍硬，有點可惜。…查看更多