叫左杯有少少辣既青瓜Lemonade，初時仲怕會唔會好辣，原來係較偏向清新既青瓜味，幾容易入口。
小食有我至愛既忌廉粟米同忌廉菠菜，兩款就咁食都已經好惹味！
仲有呢個必試既蟹餅，食落見到都係絲絲蟹肉，蟹味突出，好食！
多士+煎鵝肝+海膽！！係好邪惡既配搭，每啖都係一種享受😍
份量超大既慢煮Beef Short Rib，特別之處係食唔同位置口感上都有點唔同，而且牛味濃郁，肉質幾嫩，唔會乾柴，經烤過後味道更加香！
仲有據聞係呢度招牌既海膽卡邦尼意粉，整成碟撈勻後，意粉質感非常creamy，仲伴隨陣陣海膽既味道，好好食呀！
甜品有蘋果金寶同紐約芝士蛋糕，正常味道
