水面上的小草的個人專頁

今日男朋友帶我尖沙咀食飯，我話想食日本野，佢就即刻諗起鉄火堂呢間餐廳，餐廳最特別嘅並唔係佢新鮮嘅日本食材，而係樓上嘅裝修聲，試問係邊度可以搵得到？😫我哋都係講返食物啦，佢最有特色嘅就係可以自選刺身/配料配落白飯或者壽司飯上面，午市四個餸都係$59，五個餸$69，非常之抵！我揀咗九份蟹鉗、吞拿魚蓉、帶子、鰻魚，我男朋友同我叫得差唔多，但係唯獨是佢鍾意食蟹膏，我地仲叫左一個忌廉蟹肉薯餅，上菜速度都算快，首先壽司飯真係壽司飯嚟嘅，上面啲餸雖然份量唔係好大，但係幾件夾埋，都食得飽。刺身都幾新鮮，可無限添飯！！賣相方面，除咗啲蟹膏，其他都可以。仲有個玉子上面印着「鉄火堂」添～成餐中午飯都圍繞着美味嘅日本食材同埋樓上嘅交響樂，實在非常之難忘！…查看更多

今日和男朋友去到上環，估唔到俾我哋搵到一間裝修精美、充滿法式風情嘅法國菜餐廳。一入到門口，店內都係以航海為主題作為佈置，包括有帆船、燈塔形狀嘅鹽樽。我哋點左兩個sets, 每個set都包一份鹹點同一份甜點，鹹點我地叫了菠菜蘑菇雞肉可麗餅及芝士煙肉可麗餅，食落口口感好特別，餡料嘅味道好濃郁，而個餅底亦都細心咁查咗花生醬，但餅底亦都唔會因為餡料水分而變得軟身；甜點方面我哋點左一個朱古力花生另一個係玉桂蘋果，朱古力花生略嫌太甜，因為廚師落咗好多朱古力醬，但蘋果嘅餡餅就有驚喜，有好清香嘅蘋果味，食落口亦都唔會太甜。但兩個sets四份餅，兩個人食得勁飽也食不完。 值得一讚嘅係店員非常之體貼，見到我杯飲品就嚟飲完，就好貼心咁樣遞上一杯水。整體來講，喺上環渡過左一個舒適而且美味嘅下午，值得再來！…查看更多

11月嘅山頂，兩個字：好凍。但係呢間野叫Wildfire就比到我熱情如火嘅感覺。餐廳位於凌霄閣，太平山頂俯望整個維港嘅夜景，恰巧當晚比較大風，冇咩雲霧阻擋，所以喺餐廳入面可以好清楚咁中望到香港嘅夜景。咁啱我哋用餐嘅時候係8:00，仲見到幻彩詠香江添～！食物方面我哋點左一個龍蝦汁海鮮意粉以及美國西冷牛扒配薯菜，坦白講兩道菜驚喜不大，標準嘅意粉配上龍蝦汁以及兩嚿龍蝦肉，同一啲海鮮，整體來講不過不失。西冷方面我哋要求七成熟，用木板上菜嘅時候，塊牛扒尚算係熱嘅～切開塊扒入邊嘅肉汁都幾多，七成熟得恰到好處。牛扒唔算太肥，但係食到後面就略嫌有少少膩。整體來講，食物尚算不過不失，但係呢度食嘢主要都係食環境，所以整個晚上望住個靚景食飯，食物感覺上都好像加添了2分美味。…查看更多

今日牛一，與另一半去了一間尖沙咀精品酒店的餐廳，餐廳位於酒店的頂層，好像以camping作主題，餐廳上一層係天台，亦設有座位，不過風景一般，我們還是選擇於室內進食。我們每人選擇了一個套餐，有沙律、湯、前菜、主菜及甜品，最後埋單六百幾蚊兩個人，價錢不貴，味道還好！整體感覺是在吃環境，但餐廳面積其實不大，枱與枱之間的距離我覺得有啲窄。雖然整間餐廳只有一名經理和一名侍應，但服務不錯，十分周到！生日蛋糕和禮物都保存得很好！…查看更多

今次同朋友嚟到觀塘工廈尋找好味嘅嘢食，俾我哋發現喺呢個工廈入邊有一檔台灣野，即刻入去試吓啦。我哋點左一個炸物拼盤，當中嘅花枝丸同埋雞軟骨都幾香口，我同朋友就一人叫咗一個麵，分別係牛肉蕃茄湯麵同埋炸排骨肉碎伴麵。麵底入口都幾彈牙，有口感，而個番茄有好濃郁嘅蕃茄味，連汁都飲埋添。炸排骨方面呢，炸得幾香口，食落唔錯。另外我哋亦都飲咗佢嘅檸檬梅子QQ，又酸又鹹，味道不太適合我。店內有部PS4，唔知係咩外借架呢？上菜時間都快手，坐得尚算舒適。…查看更多

今日朋友為我慶祝生日，特意挑選了這間我想嘗試很久的火鍋店：湊湊！本身以為8:30已經很晚，故特意選這間平時需要排很久隊的店，以為可以直入，誰不知竟然仍要等足半小時...朋友盛讚這裏的珍珠奶茶，所以諗住買杯珍珠奶茶，邊飲邊等...但店員說珍珠用光了，要等半小時才有...多無奈！好在進去食飯後沒有失望！！我們二人叫了胡椒酸菜豬肚湯底，除湯附送雞肉，我們還叫了一個小size的蔬菜盤、海鮮棒、魚子墨魚滑（？）、企鵝丸、羊肉、大紅袍珍珠奶茶。這個份量兩個女生吃不完，食得很撐很滿足！唯一一個缺點就是價位比較高...我們只叫了一盤肉，都要差不多400蚊一個人。…查看更多

食譚仔一定係食三哥！點解？唔使問啦，今次食咗雞肉、墨丸、腩肉、竹笙，分別配麻辣及小辣。其實我都食到大辣嘅，但係有時食得太辣，嗰味會蓋過左三哥湯底嗰種香味，所以小辣真係恰到好處！上菜嘅時候，譚仔阿姐嘅譚仔話令到我有賓至如歸嘅感覺。咬落口既墨丸，非常之彈牙；腩肉好煙韌，竹笙索晒湯水，擺入口嘅時候，令到成個口都充斥着譚仔湯底嗰種香濃嘅味道。而就算唔食得辣嘅朋友都接受到！而食譚仔一定要嗌一碟土匪雞翼，佢上面芝麻嘅香味，同佢烤肉嘅手法，可以話係雞翼街入邊嘅法拉利…查看更多

今次係第二次嚟呢間餐廳，今次特意帶媽媽來品嚐，和媽媽一起吃飯，通常選擇貴精不貴多的餐廳，皆因二人食量都很少。我們選擇了軟殼蟹沙律為前菜，青瓜芝士鰻魚卷及泡菜豬肉石頭鍋飯為主菜。先上青瓜芝士鰻魚卷，鰻魚燒得超級香，配上入口即溶的芝士，這種感覺超級滿足！連一向嘴刁的媽媽也讚不絕口！第二道菜是泡菜豬肉石頭鍋飯，米顆粒分明，每一啖都有泡菜，雖然份量不太多，但味道很不錯。食到最後，驚喜的是石頭鍋飯的餘溫形成飯焦，飯焦超好吃😋軟殼蟹沙律雖然最遲才遞上，但軟殼蟹炸得不錯，唯媽媽認為不夠醬汁，我覺得還好！…查看更多

今日同朋友，一行三人訂左枱食生日飯。朋友喺open rice見到圖片，就揀了這間。原來餐廳只是剛剛開幕，營業了兩三星期而已。整體而言，食物質素不錯，環境也不錯，平日夜晚冇人排隊，所以店員並沒有刻意限時可以慢慢食、慢慢傾下計！新裝修嘅好處就係影相有靚靚背景😍主打海南雞飯（半隻雞）1 客大蝦冬陰功湯 2人份泰式炒金邊粉 1客馬拉盞炒通菜 1客3人食，湯和雞都吃不完，人均一百頭，幾抵！本來想食甜品，不過因為店舖新開，暫時沒有甜品供應，可惜！…查看更多

一直都想喺香港品嚐到美味嘅鐵板燒，今日終於比我遇上丸十。首先，第一道菜係鐵板和牛炒飯，每一粒飯都經過精雕細琢、顆粒分明，和牛既香味慢慢咁樣攻入我嘅鼻哥窿入邊，未擺入口足以令我食慾大增。和牛炒飯入口即溶，就算吞咗落喉嚨都齒頰留香，我感受到日本沖繩海面上嘅翻騰同埋海浪聲。第二道菜係雞肉之盛宴。雞嘅精華喺邊度？唔使我講你都知道。五串雞肉串燒包括雞皮、雞軟骨、雞翼、雞肉串同埋雞胸肉。一隻雞竟然可以有五種食法，每一種都令我感受到呢隻雞生前嘅活潑、可愛。第三道菜係忌廉芝士鰻魚卷，濃郁嘅鰻魚喺壽司飯上面包住中間一舊大大嘅芝士，上面灑上芝士脆脆，擺入口嘅時候鰻魚卷嘅芝士充斥着整個口腔，每一啖都係芝士嘅香味。食完以上三款肉類，第四味我哋叫咗個鐵板野菜，比想像中嘅份量大，包括有芽菜、椰菜、紅蘿蔔等等。經過鐵板上炒過，當中嘅色香味都達到至高嘅境界，亦都為剛剛食咗三款肉類，稍為調和一下。整個晚上服務員嘅態度都十分之殷勤，更可以玩社交平台送兩舊免費壽司，而壽司飯並唔係一般嘅機整壽司飯，係睇得出係手握壽司。…查看更多