我哋點左兩個sets, 每個set都包一份鹹點同一份甜點，鹹點我地叫了菠菜蘑菇雞肉可麗餅及芝士煙肉可麗餅，食落口口感好特別，餡料嘅味道好濃郁，而個餅底亦都細心咁查咗花生醬，但餅底亦都唔會因為餡料水分而變得軟身；甜點方面我哋點左一個朱古力花生另一個係玉桂蘋果，朱古力花生略嫌太甜，因為廚師落咗好多朱古力醬，但蘋果嘅餡餅就有驚喜，有好清香嘅蘋果味，食落口亦都唔會太甜。但兩個sets四份餅，兩個人食得勁飽也食不完。
值得一讚嘅係店員非常之體貼，見到我杯飲品就嚟飲完，就好貼心咁樣遞上一杯水。整體來講，喺上環渡過左一個舒適而且美味嘅下午，值得再來！
