哈豆

Open Now

Now Closed

今次同朋友嚟到觀塘工廈尋找好味嘅嘢食，俾我哋發現喺呢個工廈入邊有一檔台灣野，即刻入去試吓啦。我哋點左一個炸物拼盤，當中嘅花枝丸同埋雞軟骨都幾香口，我同朋友就一人叫咗一個麵，分別係牛肉蕃茄湯麵同埋炸排骨肉碎伴麵。麵底入口都幾彈牙，有口感，而個番茄有好濃郁嘅蕃茄味，連汁都飲埋添。炸排骨方面呢，炸得幾香口，食落唔錯。另外我哋亦都飲咗佢嘅檸檬梅子QQ，又酸又鹹，味道不太適合我。店內有部PS4，唔知係咩外借架呢？上菜時間都快手，坐得尚算舒適。