小粉姐's Profile

二次光顧西貢呢間老字號海鮮酒家，價錢同海邊套餐比較一定唔係平，但品質一定係最好，海鮮絕對係新鮮到不得了，日日都有新鮮漁獲入貨。無論白灼或者清蒸，味道都保留住海鮮原汁原味。黃金脆豆腐開胃菜。外層炸得金黃酥脆，內裡保留住豆腐嫩滑，每一啖都充滿口感層次。輕輕咬落去，外脆內嫩，而且唔會太過油膩，充滿淡淡豆腐香。白灼海中蝦真身為經典嘅海鮮菜式，食材嘅新鮮最重要，蝦肉鮮甜勁彈牙，簡單嘅調味已經好出色豉椒炒蟶子煎米粉真係非常有特色菜式。蟶子肉質鮮嫩多汁米粉煎得香脆再加入咗蟶子同豉椒嘅味道，口感多變，係真正值得品嚐嘅菜式鮑魚本身肉質鮮嫩，多汁彈牙，外層酥脆內部保持住鮑魚嘅肉質，用椒鹽焗製之後，椒鹽嘅鹹香味道完美地提升咗鮑魚嘅自然鮮甜，一隻真係唔夠😝桶蠔炸到金黃酥脆，外層香脆，內裡嫩滑多汁，包住炸桶蠔生菜清爽可口，帶有淡淡嘅蔬菜香味，完美中和天婦羅油膩感。呢個組合perfect match 既有天婦羅嘅香脆口感，又有生菜嘅清新脆爽，濃郁嘅芝士醬包裹住伊面同龍蝦，味道豐富又唔會太膩。伊面吸收哂芝士嘅香濃，再配上鮮甜嘅龍蝦肉質鮮嫩非常新鮮，彈牙多汁，每一啖都係味蕾享受。欖角蜜糖骨，中菜果然係難到最高嘅菜餚，將甜味同鹹味攞一個平衡仲可以鎖住排骨嘅肉汁💛…Read More

慶祝生日係需豪一次👍🏻呢一餐真係令我印象特別深刻，因為專業日本廚師發辦除咗食材，餐廳從裝潢到器皿，師傅每一個動作都講求專業同精細。縞鰺魚薄切中間包海膽豆腐配搭已經相當特別，肉質鮮嫩透過輕輕醃製，保持住魚肉嘅鮮味口感。中間包住嘅海膽豆腐，滑嫩細膩。北海道北寄貝勁鮮甜爽口，搭配生葵漬物，啱啱好嘅火候令貝肉保持住最佳口感。北海道汁清新又開胃。目仁奈海藻鹽獨特嘅海藻鹽帶有天然嘅海洋風味，鹹味適中，仲有淡淡嘅海藻香氣，為沖繩小龍蝦增添咗特別嘅層次，呢個組合一拍即合赤貝嘅脆口同蛋黃醋醇厚味道相得益彰。帶來一種獨特海鮮味道。又係食秋刀魚嘅時候，配上北海道著名嘅調取‘’三升漬‘’用綠辣椒、麹、醬油這三種材料來醃漬，口感微微辛辣配上紫蘇葉中和，成件事互相平衡超鍾意牡丹蝦嗰種漿口嘅感覺，配上少少芥末，每一啖都係滿足嘅滋味。北海道厚岸灣仙鳳趾是以生蠔聞名，海水同飽含礦物質的湖水混合，肉身超肥厚，口感爽滑除咗壽司刺身熱食都係有驚喜，金鯛松笠燒用200度高溫嘅燒岩鹽煎封，令外層煎到金黃香脆，金鯛魚嘅肉質豐富多汁，帶有自然鮮甜味，再加上燒岩鹽鹹香。火候定調味都恰到好處大拖羅肉質肥美入口即溶，本來以為炸蔥絲會搶咗拖羅主角位置，但油脂嘅鮮香同蔥絲嘅微甜交織，食過先知道食材嘅配搭真係非常重要。脆鱈魚乾上放上正當造白海膽，配上淡雪鹽再令整體味道再提鮮全過程令人感覺好似置身喺日本嘅高級料亭。師傅刀工細膩，每一塊魚片切得均勻，完全展現咗日本料理嘅最佳風味。…Read More

位於銅鑼灣「老北京」餐廳，以地道傳統北京風味為核心，經典菜餚同地道風味聞名蒜泥白肉配埋濃烈嘅蒜泥醬，呢種味蕾衝擊絕對係愛蒜人士福音🤟🏻下面嘅涼皮吸收晒醬料精華非常好食。爽脆嘅海蜇頭加上香酸老醋，清新解膩，前菜必order。老山東燻手撕雞（半隻）燻香四溢雞肉嫩得黎好入味，醬料偏鹹甜口感，幾款前菜都做得好出色。呢個東華門羊肉串非常驚艶，完美復刻之前去北京食串燒嘅味道，超Juicy嘅羊肉串，秘製醃料同炭火嘅完美結合，羊肉嘅油脂配合得恰到好處又唔膩，我一個人都可以食4串😆辣中帶甜嘅宮保雞丁，雞肉鮮嫩加埋花生嘅脆口，忍唔住要叫碗飯🤤賽螃蟹呢道菜係假蟹肉真風味，雞蛋整出嚟嘅「蟹」味，香滑細膩，味道真係有驚喜，但記得一定要配合陳醋😎拔絲鴛鴦（香蕉/蘋果）喺舖頭嘅signature甜品，外脆內軟嘅拔絲鴛鴦，睇相都知道好考功夫每道菜都真材實料，食埋甜品係好滿足😋…Read More

好想講終於喺香港食到一間正宗重慶火鍋，門面好有氣派，店員介紹品牌歷史悠久係1935年重慶開業老字號，非物質文化遺產，店內環境舒服，而且私隱度高驟眼睇都有唔少VIP房，最驚喜係我哋8個人間 VIP K房，滿足晒我地一路食飯一路唱K (音響非常好👍🏻）餐前小食有扭麻花、蠶豆&片糕，係好有中國特色嘅小點心，飲品我比較鍾意百香果，酸甜又解渴。湯底推介非遺三味鍋，可以一次試麻辣紅鍋湯，山珍雜菌鍋湯&豬骨湯，三款湯底都味道濃郁，我口味比較重，辣麻辣紅鍋最驚喜肉類最適合，尤其係待應一開始幫我哋將鴨血放入，麻辣紅湯最激發鴨血香味同口感，相當有水準，雜菌鍋清甜養生比較適合蔬菜類。另外店員推介一定要喺調味料加入佢哋嘅秘製香油，第一次試香油碟唔單止冇油膩感，而且仲令到成個麻辣味更昇華。小酥肉無論蘸乾碟、火鍋、入口都脆而不膩，外酥里嫩。紅糖糍粑顏值高，外層糯米皮Q彈有嚼勁，內餡紅糖流心濃郁香甜，超好味。烽火戲豬喉最適合打卡，豬喉肥厚，彈性十足本身並無太多味道，加入麻辣紅湯後特別鮮爽開胃，毛肚係重慶火鍋必備，七上八下已經掛滿咗湯汁，口感好脆嫩。鵝腸處理得好乾淨又新鮮，完全熟透之後沾滿醬汁非常爽口。蝦丸同墨丸又係現做，每一粒都真材實料體驗到唔使剝蝦都食到淡淡蝦肉嘅樂趣。豬頸肉肉脂如雪花一樣均勻分布，紋理清晰細膩肉質鮮嫩，入喉爽口滑順，口勁適中。雪花肥牛頸脊用料一流，油花分佈勁靚，好有肉味，牛好唔好食重點都係在於新鮮👍🏻 建議蘸油碟100分。大推芒果雪花冰，絲滑細膩棉棉冰同滿滿呂宋芒肉完美配合，火鍋後嘅甜品真係令人好有幸福感…Read More

第二次幫襯忍唔住一定要寫篇食評，因為佢嘅手工意粉實在太好食☺️除咗食物，環境都勁有心思，坐得舒服環境闊落空間感夠大🫶🏻有一邊嘅位置仲好有情調靜靜地傾吓偈真係相當有氛圍。之前試左巴馬火腿薄餅好出色🍕今次再試黑松露野菌醬薄餅，餅底依舊香脆用料十足超香口，濃濃嘅松露醬配上松子再加芝士🧀必試Pizza😋香煎虎蝦冬陰功扁意粉🍝記得一定一定要加錢order 手工意粉🙂佢哋嘅麵粉都係用意大利入口蛋黃同麵粉，有咬口又煙韌，虎蝦都係用新鮮蝦鮮甜有彈性，冬陰功比我想像中偏辣好啱夏天刺激下味蕾。Y paste意粉都係有心理準備好食，但全晚最驚喜係啤酒豬手😋首先好細心已經幫你切好晒，而且個份量偏大，外皮係炸得超酥脆就算擺耐咗都唔會變靭，肉質又唔嚡，配埋椰菜絲沙律中和油膩感覺，perfect💛食到好飽，最後都忍唔住叫左酒香Tiramisu，層次同口感非常豐富毫不吝嗇可可粉😆散發濃香咖啡味同少量酒香。…Read More

九龍城果然係小店無敵!疫情嗰陣都係叫外賣，第一次堂食性價比極高，仲要係開到凌晨六點宵夜冇得頂！豬頸肉生菜包真心必食💛平時豬肉碎雞肉碎食得多，估唔到用豬頸肉包生菜效果咁驚艷，豬頸肉調味同我去泰國食嘅地道小館一樣，再用生菜包住中和咗油膩感！炸蝦餅屬於中上發揮，蝦肉彈牙，外皮酥脆，下次如再幫襯，小食可能會試吓糯米釀雞翼。本身想嗌椰青，不過驚太涼所以叫咗杯青檸梳打，正常發揮汽水夠氣🫶🏻另外超推介佢哋嘅燒烤，即叫即燒炭火香燒魷魚又必食推介！肉質好嫩咬落去仲有炭火嘅香味，配埋佢個泰式辣汁perfect(串燒呢part相對等嘅時間耐少少，證明啲姐姐真係燒得好有心機慢工出細貨）炒芥蘭都好出色好有鑊氣！啲菜一啲都唔老有少少似食炒蒜苗💛主食糾結咗一段時間，最後揀咗菠蘿炒飯真係冇失望，最重要一點粒粒分明好香口，🤟🏻小朋友都好鍾意食整體成餐飯我都比滿分真係要支持吓香港特色小店！臨走仲買多咗包蝦片$15真係好好食😆…Read More

同同事食咗一個超抵食燒鐵板燒套餐，成個set食材勁新鮮，師傅一邊煮餸會同我哋傾偈，好鍾意呢啲氛圍💛首先有前菜沙律比我想像中大份，日本入口蔬菜加三隻勁爽口嘅海蝦真係冇得輸，加上柚子醋調味，好開胃💛南非兩頭鮑魚勁生猛，未煮仲郁嚟郁去，師傅成個煮食過程都好治癒，火候時間掌握得啱啱好，好有彈性，蟹籽嘅鹹香同海鮮好夾，最欣賞師傅用忌廉海苔汁配搭非常出色。大分縣A5和牛厚燒，和牛就唔使講食材靚點煮都好食，入口即溶仲要係厚切，滿滿食肉滿足感。配菜嘅蔬菜亦有好好嘅解膩作用，食完個牛已經飽飽地😆清酒煮蜆個精髓係個湯底，真係可以成碗飲晒，蜆肉大大粒啲肉都好飽滿。海鮮炒飯用海膽炒成碟飯做到金黃色，入面飯粒亦做到粒粒分明，勁香口，食埋個飯真係好飽🤤嘆埋個抹茶甜品，賺錢就係為咗食好嘢，滿足💛…Read More

疫情咁耐，真係好耐未試過唱得咁過癮又食好嘢👍🏻呢間尖沙咀高質私房菜環境服務滿分💯包廂仲有獨立廁所私隱度非常高身為一個海鮮怪我最鍾意蘭花蚌，爽口鮮甜，海帶都勁開胃唔會鹹，冇諗過午市商務套餐前菜都咁豐富👍🏻湯羹棗皇竹笙鳳尾翅，身為廣東人嗰啖湯真係好重要，材料夠哂豐富，竹笙爽爽口感，吸收哂湯汁肉汁，潤肺止咳、清熱利濕每一啖都係精華。鮑魚扣鵝掌北菇，鮑魚味濃有溏心口感，個鵝掌真係好難忘，入口即化烹調非常入味紅油水煮牛肉片係我最愛，味道偏辣有麻香，牛肉嫩滑，保留川菜嘅特色南北匯富豪炒飯，粒粒分明係花形嘅設計，份量適中，而且唔會太油冰花鮮奶燉燕窩，非常期待嘅甜品💛我相信冇一個女仔唔鍾意食燕窩加鮮奶，燕窩嘅份量仲比想像中多，配合鮮奶淡淡奶香，好友養眼嘅感覺☺️最後食埋水果💛認真呢一個價錢真係超值低消費高享受👍🏻…Read More

部份人九龍城都係食泰國嘢，但估唔到有間臥虎藏龍高質日本店，門面裝潢有霸氣好有日本風味，門口直入已經有一個好大養蟹缸👍🏻隻隻生生猛猛🦀係見得到嘅新鮮💛地下嗰層有少量座位，應該係可以品嚐到廚師發辦，樓上就適合三五知己包場環境闊落，坐得好舒服，好似置身日本一樣。食日本野又點可以冇刺身，左口魚、間八魚、深海池魚、大拖羅。每款都好新鮮💛間八魚口感幼滑細膩、風味鮮甜，大拖羅肉質最為肥美，深海池魚肉質鮮嫩肥美，脂厚油香香煎吞拿魚魚鮫，表面焦香又厚肉，，肉質軟嫰係keep住juicy💛油香豐富用黎炙燒最適合不過，魚鮫真係愈大愈美味三色套餐亦相當正將頂級北海道禮民白海膽配合三文魚籽加吞拿魚魚蓉～層次口感相當豐富建議配合埋紫菜,口感大滿足. 當然唔少得我最愛嘅香蔥芝麻伴飯一流終於到主角出場🦀🤣北海道根室鱈場，全場瘋狂打卡，食材新鮮真系好重要，蟹肉勁飽滿鮮甜亦食到海水嘅鮮味。將蟹肉點蟹膏一齊食非常甘香，嗰種滿足感我到而家都仲記得🤣黑松露蟹肉三文魚子釜飯飯焦金黃，香脆帶韌，也有微微焦香配合啖啖蟹肉勁香口🤤甜品係靜岡嘅蜜瓜🍈&軟滑布甸，香甜濃郁，口感細緻順滑，清新作結尾，今日又係圓滿嘅一餐💛…Read More

土瓜灣向來都係呢一個臥虎藏龍，有好多隱藏於鬧市嘅好食店嘅地方，而位於土瓜灣街市嘅瑧尚好多人都唔會陌生，因為呢度有一間很出名嘅嘉樂冰室。而今日我哋識嘅並唔係嘉樂冰室，而係上兩層嘅中餐廳「聚聚」。第一次嚟到聚聚，餐廳裝修光猛整潔十分精神。而我哋今日嚟嘅目的就係要試吓佢哋而家做緊嘅二人冬瓜盅套餐。呢一個套餐十分之抵食！只係需要$578就可以享用到一位八道菜式。一開始店員為我哋送上熱茶，及鳳梨椰皇水清一清味蕾。然後隨即為我哋送上第一及二道冷盤。包括1）麻醬嫩雞粉皮 及2）芥末醬油秋葵豆腐，酸酸甜甜嘅亂雞粉皮加上冰凍爽脆嘅凍豆腐，令人胃口大增，為頭盤及主菜先打開我嘅胃口。食完冷盤，就先來我哋第一個重頭戲3）花膠姬松松茸冬瓜盅，呢一個迷你冬瓜盅，十分足料包括有元粒瑤柱、姬松茸、瘦肉 及 足8cm長嘅原隻大花膠！經過老火燉制，淡淡湯都係精華。飲完湯之後就開始試食主菜，主菜有三度，包括兩個肉類4）九層燒汁安格斯牛肉 、5）孜然手找骨 及 6）金銀蛋莧菜，先講個安格斯牛肉牛味香濃，加埋秘製燒汁食起來十分嘢味，孜然手找骨充滿孜然香，而且燒外脆內軟。食完兩個鐘之後加返一個清淡嘅金銀蛋莧菜係一個唔錯嘅平衡。我食完主菜之後，仲有一個松露海鮮炆飯，呢一個返你用到秘制醬汁及松露炆制，每一啖都充滿着松露嘅霸道香味！其實食到呢度已經係非常之飽，最後店員為我哋送上精選甜品，而我哋當日嘅就係焦糖蛋散及玫瑰慕司。簡單清甜嘅甜品為一整晚嘅豐富晚餐作結。呢一餐性價比極高，喜歡吃中餐及冬瓜盅嘅朋友一定要試！唔會後悔。…Read More

呢間型格武士主題日式串燒店，空間感大俾人好放鬆感覺，最好約朋友傾偈飲返幾杯，串燒都係水準之上。－安藝虎 土佐錦酒精濃度15%有果香微甜，酒精濃度唔太高，配合大部份嘅串燒都有解膩，將食物味道再提升層次作用，非常推介啱晒女仕－餐前小食醃製白蘿蔔簡直係驚為天人，爽脆清甜口感非常開胃。－芥末燒牛小排串燒完牛小排依然keep住肉汁牛味香濃，再配合芥末刺激味蕾，我比較鍾意有芥末多過原味－燒白鱔非常鍾意外皮焦脆，香濃嘅炭火烤製味－荔枝豬肉卷豬肉烤串好香口，配合荔枝水果中和油膩感，如果荔枝都可以掌握到有汁，效果應該會再Perfect －鰻魚脆脆呢度招牌鰻魚脆脆，首先賣相打卡一流，肥美多肉，佐酒一流－炸蝦天婦羅炸粉透薄蝦肉彈牙，正常水準發揮，對比係串燒出色好多。－雞皮紫蘇蝦卷紫蘇葉嘅清香&脆炸香口嘅雞皮，包住爽口彈牙蝦肉，而家都仲好回味－自家製月見免治雞軟骨好有咬口嘅雞軟骨，配合自家調配醬汁加日本蛋，店員仲建議我哋叫個飯團🍙沾上醬汁，唔浪費之餘仲可以食到兩款唔同嘅口感－士多啤梨豬肉卷呢個應該係我全晚最驚喜串燒，冇諗過士多啤梨🍓煉奶可以同豬肉卷配合到相當高，口感和諧食完有一種莫名嘅幸福感，強烈推介。－龍蝦串燒呢個係佢哋嘅期間限定，龍蝦肉緊實彈牙，啖啖肉，食完你就會覺得價錢相當合理食咗咁多嘢已經食唔落甜品😆總括而言呢一間絕對屬於中環區超高質串燒，值得推介。…Read More

海鮮同中菜都係我最愛，今日一次過滿足晒d願意🤤呢間新店喺酒店入面，好光猛坐得又舒服，如果有一大班朋友仲可以包場一路食飯一路唱K京式素鵝：鹵過既豆腐皮捲起用油煎炸至表面蓬鬆，捲入勁多配料木耳甘筍竹筍，一啲都唔油膩清酒鮑魚：大大隻，口感滑嫩爽脆、彈牙。帶有鮮甜海水味同淡淡洒香紅燒乳鴿：呢個真係推薦！我平時都少食乳鴿好怕佢乳鴿嘅so味，咬落皮脆肉滑、骨嫩多汁，唔怪得民間一直有“一鴿勝九雞”說法喜記正宗炒辣蟹：呢個一直係佢哋嘅signature，蟹肉飽滿勁新鮮，最奇妙地方係可以將辣椒香氣都炒入蟹肉，蟹殼反而冇經過敲碎處理，原來係唔想入面嘅鮮味肉汁喺炒嘅時間流失，十分细心椒鹽九肚魚：外皮係十分十分酥脆，基本上完全食唔到粉質，盡顯廚師功架。招牌蟹油炒麵：延續個炒蟹美味，就咁食啲蒜蓉都好正，夠晒鑊氣好有香港地道風味最後食埋個番薯糖水個薑味，鍾意佢唔太甜但薑味夠辣，食完蟹食返啲薑perfect match👍🏻…Read More

今日又嚟到呢一個美食大雜燴嘅駱駝漆大廈，每次嚟到感覺好似尋寶😋不過今日就唔尋寶因為係朋友介紹💛店入邊座位唔多，我哋都提早左幾日book位晚市主要係三個套餐，主打都係高級日本牛肉壽喜燒唔同嘅牛肉部位首先有前菜小食-茶碗蒸，正常發揮蛋入邊加咗少量牛肉香味濃郁，自家製牛蒡漬非常開胃醃製得好入味，但唔會一次食晒，等中間食牛肉嘅過程再進食消滯😌前菜最驚喜係呢個A5和牛水餃🥟🐮好鍾意佢咬落去緊實嘅牛肉質感飽滿又多汁😋終於到主角牛肉出場😆店員同日本一樣會即場烹煮,亦會解釋每一片牛肉嘅特點🔸首先係宮崎牛西冷，油脂係非常非常豐富真係做到入口即溶，我諗日本正常比較出名壽喜燒，牛肉嘅品質都唔及呢一塊🤤🔸宮崎牛肩胛心，位置喺牛隻比較多運動量嘅部位，所以牛味濃油花分布平均，鮮嫩多汁🔸沙巴當係高級靚牛獨享嘅稀少部位，切割面似大理石紋，口感細嫩，油花豐富🔸牛板鍵口感油潤勁香甜，中間透明筋有脆彈口感每一片牛肉配合自家製壽喜燒汁，仲可以配合日本蛋，口感會再嫩滑好多層次提升。野菜拼盤非常豐富，全部都係日本進口嘅新鮮蔬菜，勁鍾意佢嘅豆腐，豆味香濃咬落去唔會鬆散。最後店員會烹製一個炊飯，雞蛋牛肉粒，再配上蔥花紫菜，特別之處係飯嘅質地屬於一個半濕狀態。荔枝雪糕🍦作為完美嘅結尾…Read More

OpenRice訂咗位，同友人食日本嘢，對上一次去已經係五年前，今次去又冇失望wor!都係咁好食天氣真係超熱🥲地鐵站行出嚟一陣已經頂唔住，先叫咗兩杯嘢水果茶同埋柚子梳打，個人會偏向鍾意水果茶,超多款水果再加薄荷葉，Fresh又唔會太甜勁解渴.食日本嘢好鍾意食清酒煮蜆🤣 蜆size唔係太大，但每一粒都冇沙又鮮甜。個湯底我哋係直接飲晒，唔會有好濃嘅酒味，但係鮮味濃郁。串燒都係預料之內，個人會比較推薦自家製免治雞肉棒，燒得夠香咬落去好Juice配合蛋黃好香滑。蟹味噌甲羅燒係必order😆蟹膏蟹肉蔥花魚子嘅組合好有日本嘅風味，溫馨提示呢個甲羅燒一定要配飯一齊食，勁回味再黎勁野！日本產A4和牛壽喜燒火鍋😎A4和牛油花豐富，牛味好香濃，最好係食落口感唔會太肥膩，配菜有日本新鮮蔬菜再追加稻庭烏冬，飽肚好選擇冰火日本甜薯雪糕，最驚喜係佢嘅底層真係用真材實料嘅日本甜薯，甜品大滿足🙂…Read More

開關之後好多人都開始北上其他地方嘅餐廳食嘢，但對我嚟講，如果要食中菜以外特色嘅餐廳，我都係會以香港為首選！今日嚟到中環呢一間以泰式fushion 菜作主打餐廳Getaway，近期覺得無論打卡及味道方面都十分出色嘅地方餐廳位置座落於香港黃金地段中環擺花街。一入到餐廳門口，已經覺得餐廳很有泰國地道的特色餐廳裝修以古石紋牆及花作為賣點，令人覺得好似去到一個古典室內嘅花園。我要讚一讚佢個Menu真係好有心思，叫嘢食之前我哋先叫咗兩杯飲品，每一個飲品都特別為佢畫咗一幅插圖，未飲已經可以知道飲品係充滿神話色彩。Wonderlust 及 Drive me Coconut，兩杯飲品，上枱真係俾佢嚇一跳，完全分別唔到呢杯係飲品定藝術品，淨係打卡已經影咗多十零分鐘！兩個set dinner，首先有兩個餐湯，冬陰功脆米湯＆泰式龍蝦湯，兩個湯擺盤造型同味道都十分講究！而我較喜歡嘅係龍蝦湯，因為味道香濃，令人飲到龍蝦的濃郁鮮甜，鍾意口味刺激d可以揀冬陰功，入面嘅脆米增加咗整體層次，酸辣度好平均前菜係泰式紅蝦刺身，上菜嘅時候刺身利用乾冰擺盤，營造出煙霧效果，無論味道打卡都十分推薦。主菜分別有西班牙烤乳豬及香煎肉眼扒配牛骨髓，西班牙烤乳豬皮脆肉嫩10分向後，而且配上醬汁完全沒有油膩感。肉眼扒係五成熟質地，肉質鮮嫩，配上大量調味料烹煮牛骨髓完全係感受到滿滿嘅骨膠原💛甜品係牛油果巴斯克焦香芝士蛋糕作完美結束。值得一題係佢哋亦設有戶外座位,天氣涼少少喺出面打卡傾偈真係會好chill💛…Read More