2
首先有前菜沙律比我想像中大份，日本入口蔬菜加三隻勁爽口嘅海蝦真係冇得輸，加上柚子醋調味，好開胃💛
南非兩頭鮑魚勁生猛，未煮仲郁嚟郁去，師傅成個煮食過程都好治癒，火候時間掌握得啱啱好，好有彈性，蟹籽嘅鹹香同海鮮好夾，最欣賞師傅用忌廉海苔汁配搭非常出色。
大分縣A5和牛厚燒，和牛就唔使講食材靚點煮都好食，入口即溶仲要係厚切，滿滿食肉滿足感。配菜嘅蔬菜亦有好好嘅解膩作用，食完個牛已經飽飽地😆
清酒煮蜆個精髓係個湯底，真係可以成碗飲晒，蜆肉大大粒啲肉都好飽滿。
海鮮炒飯用海膽炒成碟飯做到金黃色，入面飯粒亦做到粒粒分明，勁香口，食埋個飯真係好飽🤤
嘆埋個抹茶甜品，賺錢就係為咗食好嘢，滿足💛
