大朋友小朋友的個人專頁

由佐敦舊店、食到佐敦新店、再開到土瓜灣…………以前好香好好味，甜度適中，可以食到食材既香味。就算搬左去佐敦新店頭一段時間都好好，但係過左一排，糖水越煮越甜，甜味已大大蓋過食材本身香味......... 已經無左以前既水準。衣家既甜品，只係一般水準，同 D 石磨 X 或 海 X 一樣，一味得個甜字，款款到一樣味，食完要飲好多水！今次點既腐竹同綠豆一樣，其實腐竹濃度幾好，但係甜到無腐竹味。綠豆糖水又係好足料，入口又係得個甜字……又係甜到唔想食…………如果只係要食得個甜字既甜品，我又何需去佳佳呢？…查看更多

平日早食唔洗等位，因為無咩人，所以環境尚可，地方亦夠清潔，一坐底就已經有人招呼！左諗右諗，都係食左個最想食既芝麻糊，一上枱熱呼呼，入口夠滑，就係食唔出芝麻香味，因為除左甜味之外，咩味都食唔到……食左一半，個味蕾已經失去知覺，候龍亦都甜椰椰唔舒服！其實呢間舖已多次光顧，餐牌上超過一半既甜品都食過，基本上款款甜品都係偏甜，本身食材既味道根本食唔出，浪費食材又唔健康！不過土瓜灣實在無咩食中式甜品既選擇，有時心痒痒，都係要食………查看更多

好耐冇食日式鐵板燒，今次有朋友介紹去咗喺銅鑼灣地鐵站附近嘅鐵人旨花食晚飯…位置喺一幢舊樓嘅2樓，地點係非常之方便，裝修以櫻花嘅裝飾做主題，幾特別！呢度除咗食鐵板燒之外，仲有魚生刺身，不過今次諗住喺食鐵板燒既…所以就坐左鐵板燒Section！由於係平日，所以人唔算多，靜靜地，環境好寬敞好大，坐得都舒服，餐廳都係經過悉心嘅日式佈置。佢哋 嘅鐵板燒menu都有好幾款主菜可以選擇，我哋就選咗龍蝦 成個set 有前菜，銀雪魚，海膽汁煮龍蝦，A5日本和牛，炒飯，白魚湯及甜品……呢個係二人前set ，加一之後大約二千蚊兩位！手作前菜係沙律同埋一個紫菜捲，沙律都係用一般嘅日式胡麻醬做汁，有蘆筍、蕃茄、沙律菜同一樣比較特別白色一條條嘅材料…沙葛，初時仲以為係日本鐘意用嘅白蘿蔔！沙律菜好新鮮，加上沙葛呢個對我嚟講比較特別嘅配搭，成個感覺都好fresh個紫菜捲都好有功夫，用紫菜包住個蛋皮再捲入一啲紅椒蘿蔔同埋秋葵！食完清新嘅前菜，鐵板燒嘅材料開始放上枱預備，廚師一邊煮一邊講解食材嘅資料…銀雪魚係用野生嘅阿拉斯加銀鱈魚，佢話同喺出面買到嘅係唔同，出面買到嘅級數低啲同埋好多係養魚，呢個野生捕嘅。和牛方面就係用宮崎牛，廚師強調呢啲唔係經解凍處理嘅一般貨色，而係日本未經急凍處理空運抵港嘅和牛，龍蝦方面就係澳洲花龍 。廚師一埋位就擺咗兩塊葉喺鐵板上面，初時估佢係紫蘇葉，問一問廚師先知原來係櫻花葉，仲係有季節性嘅添，我哋真係好彩啦，佢講話櫻花葉係浸過醃過嘅……我都係第一次食到，佢係成個銀鱈魚嘅伴碟嚟嘅，個銀鱈魚用咗自家調配嘅麵豉醬汁，加上食用玫瑰花。先食櫻花葉，酥脆而且入口即化，只有少少鹹味，佢有一種好特別嘅香味，廚師話係櫻花葉嘅味道，好特別未食過，係全餐飯我覺得最特別嘅一道菜！食用玫瑰花好香甜，魚身就用廚師調配嘅麵豉汁調味，唔會太鹹，甜甜地，好襯個銀鱈魚，有少少西京燒嘅味道再嚟就係處理個龍蝦啦，龍蝦放上去個鐵板上面已經不停咁郁，睇得出佢係好新鮮劏，好快就畀廚師起咗肉…加埋個海膽汁炒一炒就上蝶。龍蝦肉好爽口彈牙亦都非常之鮮味。廚師煮佢嘅生熟程度掌握得好好，可以話佢係九成半熟，感覺到個心好似有少少生同熟之間。個海膽汁就有少少失望，因為佢雖然甜但係個海膽味唔係好出，不過雖然冇咗佢個海膽味，但係個海膽都令到個龍蝦更加香滑。再嚟就係塊和牛啦，睇相都睇樣都知佢又知分佈非常平均，係A5 級數嘅和牛。廚師問我哋要幾成熟，咁靚嘅牛梗係五成喇。檯面有三種汁料， 紫蘇酸醬油、岩鹽同埋青醬！其實食牛我一向都只係落鹽，因為我覺得咁樣係最好食嘅，佢個酸醬汁同埋青醬雖然都好特別，但係我覺得岩鹽係最夾嘅。A5和牛五成熟當然冇得彈啦。廚師將啲肥膏同埋肉分開，肥膏另外煎香佢 脆卜卜，非常香口，肉身非常之軟林，入口滿口都係油香……跟住就嚟咗個 用龍蝦殼煲嘅麵豉湯，食到淡淡嘅龍蝦鮮味，仲有龍蝦肉淨。其實呢度呢度已經好飽啦，因為和牛同埋龍蝦嘅分量實在太大份，不過鐵板燒去到尾聲點都有返個炒飯，咁專業嘅廚師當然唔會失手啦，炒飯非常之乾身，粒粒分明，雖然我好飽但係都成碗清曬！甜品嚟咗個，朱古力黑芝麻奶凍，不過始終佢哋都唔係做甜品嘅，朱古力同芝麻味都唔係好出，同埋個奶凍比較實淨…整體嚟講非常之滿意，可能人少嘅關係，服務又好。廚師慢慢煮、我哋慢慢食、佢又慢慢上菜！要一讚嘅係廚師。佢對煮緊嘅食材好認識，亦都好肯講解畀客人聽，侍應生亦都好似高級餐廳咁喺適當嘅時候就會走埋嚟 加水同埋收嘢！整體嚟講非常滿意，由於食材都係高級同埋新鮮嘅食材，而且份量非常之多……地點又喺銅鑼灣，所以我覺得呢個價錢都係好合理嘅！…查看更多

有朋友介紹呢一間甜品店，睇過食評都好似好吸引，賣相唔錯。難得入黎元朗，咪去試囉。入面座位唔多，小店經營，櫥窗嘅蛋糕款式亦都好吸引，不過賣嘅價錢唔平而且件頭唔係好大。坐低睇個餐牌都係覺得貴，要知道呢道係元朗，唔係九龍。點咗一個 tea set四款蛋糕加一杯熱朱古力。特濃朱古力脆餅，餅底到做得唔錯，佢香脆，其實面頭個Truffle 雪得太過硬，相信佢整完之後，擺咗入冰箱定型，但係回溫未夠。佢個綠茶芒果芝士餅，有同樣過凍嘅情況，感覺上都係過硬，個綠茶Truffle同埋個芒果凍一切落去就已經分離咗，亦都冇綠茶味。海鹽焦糖蘋果餅賣相都可以但係未道好淡，唔出，唔係好知食梗咩。 栗子歌劇院餅層次分明，但係中間層牛油忌廉都係好硬，食唔到佢既香滑。呢個Dessert全部的賣相都幾好，但係都好似喺冰箱攞出嚟未解凍咁，硬班班食唔出佢嘅香味，有啲失望。反而佢個杯熱朱古力奶，夠香濃朱古力味，只係稍稍過甜，呢個值得推介！再試咗佢個開心果牛角酥，牛角酥本身 做得幾好，唔怕油兼且香脆，但係開心果做甜品本身就好難做好，個味本身唔係好突出，有啲失望。整體嚟講其實我覺得佢甜品賣相好但係味道同上桌前處理可以做得更好。價錢方面…佢個鋪位喺元朗，但係就收緊尖沙咀嘅價錢，咁嘅價錢 咁嘅質素要再幫襯佢就要再努力一下……查看更多

好耐無入元朗，基本上一年先入一兩次，入元朗搵食之前當然要做下功課啦，老婆話想食餃子，今次去咗友人介既梁記餃子麵坊。人生路不熟都要搵左一陣，門口冇乜人，有少少伏，因為諗住午飯時間會排長龍，入到去先有一半滿。坐低睇下個餐牌，選擇唔多但係餃子幾特別，用青瓜沙角青椒南瓜等等嚟做做餃子，出面比較少見，於是就揀左 一個鮮菇青椒餃子併魚肉雲吞淨食，加杯香菊蜜同一個酥炸鯪魚球。香菊蜜先嚟，大大杯冇乜特別，有啲淡口，好在唔甜，有好淡口嘅菊花香，杯野都係加四蚊，所以唔要求。餃子呢，魚肉雲吞其實即係鯪魚肉用雲吞皮包住，其實冇乜特別，不過佢個魚肉打得彈呀，味道亦好。個鮮菇青椒餃子，青椒感覺上煮耐咗好淋，佢啲鮮菇都唔會有好香嘅菇味，組合特別唔難食，但係都唔算好好食。反而個湯底，有好重嘅胡椒味，對唔食辣既我黎講好辣，但係好香。不過個湯底嘅辣味都蓋過咗啲餃子味。反而要推介嘅係佢嘅酥炸鯪魚球，粒粒都好大粒，而且味道較得好，配料用量恰到好處，好好味。 外面 炸到香口而煙韌 ，入面啲魚肉都好彈牙。佢仲有好多餃子可以試，不過已經好飽，淨係食兩三粒鯪魚球都已經係夠一餐有餘。走之前座位爆滿，原來係我早左者。…查看更多

元朗之行，同老婆搵車行行下，見到有間蛋捲店係小卷入面，好舊，好老，好細…見到50來歲老闆喺度卷蛋捲，都係手捲即整，喺香港都係已經越來越少呢一類型嘅小店，就支持下買嚟試下。本來佢有紙盒裝，唔洗一次過買咁多食，但係因為過年，唔做紙盒裝，佢得罐裝，咁冇辦法啦，咁遠水路黎到，都買嚟試下啦。傳統嘅鐵罐，無花巧包裝同Graphic，打開賣相就好一般，有少少散，入口都係麻麻地，唔多蛋，感覺上佢嘅油都唔多兼糖都唔多， 蛋捲有啲鬆散，未入口就碎左2-3成，如果佢能夠卷多幾多幾層，卷實淨少少咁就更加好啦。蛋捲我始終都係鍾意北角，好可惜，呢世都唔會買到因為實在太多人呀………查看更多

紅磡開完飯，食飽飽，但我個肚又想食甜品……行行下，見到前面燈火通明，有大量人企咗喺門口唔知食咩，好明顯係一間小食店，行近啲原來係食豆腐花。豆腐花係我至愛之一，兼且佢有買埋芝麻糊。雖然無得坐係度食，但係咁多人好有氣氛，兼且賣十蚊樓下，梗係唔執輸買反碗。諗左一陣食邊樣好…都係唔好諗，黎個兩溝。雖然伙記係好快手，但係都有多少少人龍……D碗都未乾水，基本衛生麻麻，但街檔同咁既價錢，當然唔會有要求啦。芝麻糊 都幾香幾滑，但係就結咗少少，豆腐花係唔夠滑，但係都有豆味。食物真係算係好一般，但係非常之平，咁嘅價錢，去邊樹搵。不過勝在人多，個個企係度夠曬氣氛……查看更多

新年流流冇咩糖水舖開，呢間潤一潤咁啱經過，新開張一牌都未試過，就入去坐低試下啦！糖水款式好似幾多，不外乎左搆右搆，叫咗個 紅豆沙豆腐花，薑汁黑糖芋圓豆腐花，再加多個邪惡既心太軟！紅豆沙豆腐花﹕紅豆沙冇乜紅豆，數埋唔知有冇30粒，兩湯匙都無，個湯甜咗少少，見到有陳皮但唔香！豆腐花似係百福貨色…失望！芋圓豆腐花﹕唔使講果D豆腐花又係百福貨色，芋圓先恐怖，散散地一啲都唔煙靭，都係失敗，唯獨是個薑湯好夠薑味。食完呢兩個甜品都心太軟都未嚟到，真係等了又等。見到廚房開始同個心太軟脫模，諗住有得食，點知佢整極都整唔到出嚟，搞咗一陣，脫唔到模，最後心太軟就分體，店員同我講要再等，其實前後已經等咗成15-20分鐘，所以我哋決定放棄，反正佢啲甜品都唔似會好食得去邊。整體嚟講，我就坐得唔係好舒服，不過依家啲糖水舖一般嚟講都唔會坐得舒服，但係啲甜品唔好食先係重點，又冇賣相……好難有下次！…查看更多

好耐冇上諾士佛臺開飯，今日就揀咗一間新開嘅日本餐廳晚飯，價錢喺諾士佛臺呢度黎講唔算貴，而且座位同通道夠闊，唔會好似其他餐廳咁，D 枱凳密麻麻，坐得夠舒服。人數唔多，坐低個 Menu比較特別係個濱燒......... 除此之外，仲點左我心目中重點既鰻魚蒲燒同雜錦串燒。原條鰻魚蒲燒，賣相幾靚仔夠大條，但唔算太厚身。燒得好惹味，不過啲肉就略嫌淋身咗少少，空口食有少少濃味，應該叫個白飯送下就好！雜錦串燒夠曬大堆頭，有十款串燒我都食唔曬咁多款！安格斯牛柳串燒夠牛氣，肉質有咬口又唔韌，兼且夠厚身！牛舌一樣夠厚身爽口，火候都燒得好好，不過有少少根，美中不足。日本番薯仔細細粒，賣相討好，個皮冇燒燶，燒到好香好甜，口感淋淋地、粉粉地，連皮食，正！邊黑豚肉荔枝卷，黑豚肉好香，不過個荔枝太過甜同多汁，搶咗個黑豚肉嘅味道。以上呢幾款都係我最欣賞既…除此以外，個雜錦串燒仲有豆腐、粟米、煙肉燒蠔、大蔥雞肉、車厘茄…………到個二人前濱燒，待應係我個桌旁放左張枱，放好個爐同架生預備…食物送到上黎，有鮑魚，北海道扇貝，日本號松葉蟹腳，大虎蝦四款，仲有個送既蟹肉蟹膏甲羅燒！配埋三款鹽俾你伴食，有岩鹽、黑炭鹽、抹茶鹽！岩鹽、抹茶鹽都食過，黑炭鹽就第一次，食唔出個所以，不過抹茶鹽就有淡淡抹茶香。侍應好好服務，唔會貪快一口氣燒晒比你，逐樣黎……燒完一樣先一樣，如果唔係凍晒唔好食，扺讚。先燒鮑魚，鮑魚好厚身，燒嘅時候個鮑魚郁郁下非常新鮮，入口彈牙唔韌，鮮味十足，正！甲羅燒好夠蟹味，加上蟹膏坐鎮，配上多士食，有三高都唔理得咁多！日本蠔 夠cream，燒完都無咩縮水，幾夠蠔味，唔錯。松葉蟹腳燒嘅時候已經好香蟹味，口水流曬出嚟，食落都幾有鮮味。大虎蝦好大隻，入口有少少乾身，但係就好爽口，兼且有膏，不過最好食唔係啲蝦肉，而係個蝦頭， 蝦膏夠甘香夠甜。:)北海道扇貝都算大隻又夠鮮，不過佢用汁燒，個汁味都幾重，搶咗少少本身扇貝嘅鮮味。七點半到嚟到，都冇乜人，以為可能係平日人少少。 點知一路食，一路有客入，到我哋臨走嘅時候都差唔多 full house。整體感覺唔錯，服務好、食物新鮮、坐得舒服，唔會嘈，係燈光暗左少少。…查看更多

上次喺第三街食西班牙嘢，見到對面有間餐廳大排長龍，姐夫同我講嗰間嘢成日排長龍，好難先得到，於是我同我老婆去開嗰邊就順手去撞彩！見到人用唔係太長，就排啦。佢哋舖頭座住唔係好多，所以排隊嘅時候已經有人招呼你點菜。點菜紙嗰度其實食品種類唔係好多，想點嘅阿仔煎原來要五點前先有，我哋當日已經七點啦，即係冇得食啦…失望！魯肉飯﹕滷味唔係好夠，咁一如預期其實都好多肥豬肉，飯口感都ok…滷味唔夠係致命傷！蚵仔大腸麵線，大腸麵線就冇得同台灣嗰啲比喇，隻大腸仲有少少臭味，處理得唔係好好。其實如果參考台北阿宗，有得自己調味、加蒜就更好啦！刈包﹕包夠鬆軟，豬肉肥瘦適中，就係肉既份量少左少少，唔夠配個包！整體還可以…薑母奶茶﹕ 夠薑夠奶，幾好，可惜就係甜咗少少！整體嚟講，我就唔覺得需要排隊食，不過勝在價錢唔算太貴，兩個人都係120蚊，當然如果係台灣食同樣嘅嘢半價搞掂…店員好多只講國語，裝修有心思，感覺都台灣…能解我對台灣美食既相思之苦！…查看更多

知道大埔個街市非常之壯觀，我雖然係九龍人都好想入去朝聖一下，於是搭咗成個鐘頭車入去參觀街市，順便搵食。街市地下個肉檔同埋魚檔非常之多選擇，好精彩，如果我屋企樓下個街市係咁就正！二樓就係買乾貨嘅，我哋行咗一陣，就直接去搵食啦。熟食檔位於3樓，店舖非常之多，人流極之暢旺，枱同枱之間非常之迫。基本上好難行人，上面粥粉麵飯樣樣齊，病病地既時間揀左食粥。坐低叫咗碗菜乾豬骨粥同埋鹹肉粽，鹹肉粽叫之前已經問咗阿姐鹹肉粽有冇蛋黃，佢答我有。嚟到之後叉爛咗個粽，好難先揾到粒 蛋黃，粒蛋黃嘅大細得正常嘅四分之一，食咗入口都唔覺，仲有就係有舊肥豬肉，綠豆嘅份量又唔係好多，好彩佢鼓油較得幾好味道食得曬，菜乾粥個菜乾份量都唔少，但只有淡淡嘅菜乾味，勝在無沙…雖然大牌檔啲阿姐忙得不可開交，但係佢哋都好耐心咁招呼…整體感覺還可以。…查看更多

1月1號冇咩做，諗住去九龍城街市開飯，點知街市樓上啲鋪得一檔泰國嘢開，於是我哋諗住去食點心，點知點心大排長龍，周圍遊下遊下，冇辦法，有開檔又唔難食嘅得清真牛肉，兼且重點係唔使排隊，我哋又好肚餓。同老婆叫咗兩塊牛肉餅 一個麻醬撈麵 同埋一個煎羊肉餃。牛肉餅流量非常之大，所以好新鮮不停咁煎，你都唔使點等就有啦，食落水準依然，皮薄多汁又香口，係個免治肉太過爛，冇乜口感…麻醬撈麵係好眼簡單嘅青瓜加上海麵加麻醬，但係佢個麻醬個味調得非常之好，好醒胃，雖然好大碗但係我哋都食得曬青瓜好爽口新鮮好清甜羊肉餃一樣皮薄多汁，兼且餃子皮底煎得非常之香脆可口，好好食…不過呢間嘢出咗名服務差，我哋落order嘅時候，佢哋嘅態度都唔係好好。雖然唔洗排隊…但係入面好迫下……查看更多

12月31號，唔會走去同人逼去倒數，搵個靜靜地既地方坐低食糖水。去左九龍城，九龍城都比平日靜咗好多。入到去都冇乜人得一枱客，可能因為冇咩人，老闆都好熱情招待，招呼好好。餐牌都好雜下…中西合壁…湯圓糖水﹕湯圓都似係現成貨，唔似係自家製，不過個糖水勁薑，雖然天氣唔係好凍，但係飲落去都好舒服…杏仁茶﹕杏仁香唔夠兼且一睇就已經見到碗邊起粒， 甜味ok既。 雖然佢唔係杏仁糊係杏仁茶，但係如果稠身番少少會好D。芝士凍餅﹕其實都係法式芝士餅雪出嚟， 純粹喺做形上面做咗啲改變，賣相靚仔啲，不過食落有淡淡士香，整體感覺唔錯！我哋食到中段開始人多，走嘅時候差唔多坐滿曬，本來寧靜嘅環境變得非常之嘈吵…想坐多陣都唔得！…查看更多

今日又出動搵嘢食，去咗太子警署附近酒吧集結嘅地方。酒吧以前主要都係提供啤酒同埋一啲送酒小食既地方，好多酒吧衣家為咗經營就做埋西餐，唔好睇少呢啲酒吧做出嚟嘅西餐，有好多係有中檔餐廳嘅水準甚至比佢哋做得更加好。今次揀咗一間食評唔錯嘅酒吧，佢哋主打除咗特色嘅菜西餐之外，仲有就係佢哋買嘅手工啤酒 來自世界各地。同朋友兩個人，都唔食得太多，叫咗個慢煮澳洲牛肋骨伴花生忌廉，仲有一個食評唔錯嘅鴨腿珍寶珠，仲有一個幾有特色嘅三文魚脆脆卷，最後當然點左佢哋嘅手工啤酒啦。要一提嘅就係佢哋嘅手工啤酒，種類非常之多，而且店主非常之有心思，標明每一種啤酒嘅麥味濃度同埋酒花香味有幾重，對於我哋呢啲唔係成日飲酒嘅人，非常之清楚。鴨腿珍寶珠賣相好靚仔，香滑薯蓉包住一啲鴨腿絲去炸好香口好惹味，如果鴨腿絲嘅份量能夠再多啲就好喇。三文魚脆脆卷個外皮非常之香脆，送酒小食一流。佢個慢煮牛肋骨個汁非常之特別，係花生忌廉，好味道，牛肋骨肉質好淋，不過就略嫌有少少乾身，最可惜就係個汁嘅份量太少，得面頭一層，如果能夠畀番多啲汁就更加好味啦。咁多樣嘢最欣賞嘅都係佢嘅手工啤酒，不愧為一間吧，我叫咗一個麥味唔係好重但花香味重嘅選擇，同個酒 list描述的一樣入口有淡淡嘅麥香，唔會好苦澀，又有花香味，非常易入口。餐廳地方唔大， 但係因為係平日所以坐得都好舒服兼且服務好好，不過去飲唔去酒吧飲酒嘅人，成日要去洗手間，佢個洗手間喺後巷就有啲唔係咁方便啦，整體嚟講食物唔差但有進步空間。飲手工啤就無得頂… …查看更多

今日同老婆行過黃埔，去咗紅磡美食坊搵野食…冇去一排開咗好多新嘅餐廳，其中一間就係呢間 早安越南！同一層好多餐廳都排緊隊係得佢呢間冇人排，到擔心。入面啲裝修都有少少特色…坐低打開個餐牌，佢都唔係淨係食越南嘢，仲有好多泰國嘅菜式 ！天氣轉涼都係食番啲熱嘅湯河，太太叫咗個香茅豬扒湯檬，我就叫咗個 特選 拼盤同生熟牛肉湯河。湯河同湯檬粉量都好大，香茅豬扒冇乜香茅味，純粹一塊炸豬扒，好彩豬扒算厚同唔乾身。生牛肉切得夠薄，浸一浸就熟，有牛味，但佢既熟牛肉就好厚身，有d似牛腩，初時以為好抵，但係就好韌同埋有啲黐牙。個拼盤啲嘢全部都新鮮熱辣，兩款春捲都好脆口、但係就會冇乜餡！整體嚟講食物質素一般但係價錢就算ok ，叫咗三樣嘢都係大概二百蚊落樓， 純粹想填肚的話都係一個唔錯嘅選擇。…查看更多