bonniehk19's Profile

見到foodie推介同埋見新開張就諗住試下，點知真係中大伏。平日7點入座，店員突然擺底左個蔬菜盤係枱面，又完全冇講解，唔知發生咩事。晚市套餐本身應該有三款和牛選擇，但最後只得兩款，連「和牛精選組合」都賣晒，已經有d失望。🙅‍♀️最離譜係店員態度❌️落單後問店員有冇水或茶提供時，店員竟然反問我「你係咪話要免費嘅水或茶？」然後話「冇」。原來套餐係完全吾包任何飲品，餐廳連最基本嘅水都吾會提供，枝裝水要額外購買，飲品選擇吾多而且好普通，最後揀左枝烏龍茶都都23蚊/枝。🙅‍♀️食材質素同樣失望❌️- 牛肉偏肥，口感油膩- 壽喜燒越食越咸，蓋過咗牛味- 烏冬唔完整，只係啲碎散麵條整體體驗可以用差黎形容，作為一間新開既餐廳，竟然咁hea做生意，服務同食材完全冇誠意，坦白講平時餐廳唔好食，未至於要寫食評。但今次個體驗真係差到一個點係一定要share出黎，試吾試就自行判斷。…Read More

今日放工約左朋友黎銅鑼灣食飯，聽聞依間小店經常排長龍，我地夜晚7點半黎到，已經有7至8個人等緊，初時以為會等好耐，估吾到等左吾洗10分鐘就可以入座，店面偏細吾算大，我同朋友就坐較入既bar枱，由於等位既時候已經諗定食咩，所以好快可以落單。人氣蔥油豬扒飯 ($60)今次黎主要都係想食依個人氣推介既蔥油豬扒飯，佢一上枱賣相已經好吸引，蔥油堆成滿滿一座山咁，而且豬扒都好大塊，成碗飯既份量比我想像中多，性價比黎講算高。豬扒幾乎覆蓋左成碗飯，有略略炸過，雖然吾係好脆口但就鬆化軟熟，好易入口。當然另一賣點係佢個蔥油，蔥油好香好惹味，一d都吾鹹，配埋豬扒同飯一齊食，好正。沖繩豬軟骨飯 ($58) 加炒滑蛋 (+$10)估唔到個飯好香同埋都幾有份量，豬軟骨好大舊而且燜到好腍好入味，大啖咬落去既時候好有滿足感，鐘意食豬軟骨既話值得一試。辣味海蜇 ($20) 海蜇幾爽口，一d都吾辣好夠味，岩晒鐘意食濃味又或者吾食辣既朋友。椒鹽魷魚鬚 ($38) 魷魚應該係偏細隻既魷魚仔，易入口同埋食落幾香口，沾埋喼汁就更加惹味，建議趁熱食。總括黎講，食物質素同性價比幾高，對於女仔黎講份量算多，怕食吾晒既話，落單時候可以寫少飯減1蚊，食完好有飽肚感，仲好口渴，不過跟餐可以加幾蚊加野飲架，值得推介。…Read More

假期既最後一日打算同朋友打邊爐，於是就book左依間位於銅鑼灣百樂中心既海鮮料理餐廳。同朋友兩人6點半左右到，可能時間尚早並吾多人，而且book左位好快入座。店面環境舒適寧靜，店員仲好詳細同我地講解點樣落單，仲提供埋marker比我地，直接畫落menu落單添，幾環保。醬料($15/份) 醬料有8至10款選擇，包括有辣椒、蒜蓉、芝麻、薑蓉、麻油、豉油、炸蒜、芫荽、蔥花、麻醬等，仲可以自己揀落幾多。椰子清雞鍋($218/鍋) 湯底選擇大約有10款，今次試左椰子清雞鍋，個鍋一上枱既時候望落好似好清既菌湯，但煲左陣就開始聞到淡淡椰子香味，店員幫我地加埋雞件一齊煮，仲建議先飲湯，個湯飲落甜甜地有椰子味，仲有一片片既椰子肉可以食，打邊爐飲湯都真係第一次，感覺幾新鮮！至於雞件，食落爽口嫩滑，兩個人黎講份量岩岩好。百花釀油條($58) 依個係必叫既蝦膠釀油炸鬼，油炸鬼炸到金黃色，仲有兩種食法添，即食既話食到蝦膠爽口彈牙，整體香脆可口，吾覺油膩。另外想熱食既話，可以將油炸鬼放入湯浸幾秒再食，而我比較喜歡後者，內脆外軟好特別。大花甲($108) 花甲比想像中大隻，店員仲建議海鮮應該趁新鮮時候食，的確，花甲食落好新鮮，好爽口，好鮮甜，我自己最鐘意吾沾醬油食海鮮，食佢既原汁原味，花甲真係值得一試。特尚手切牛($180/份) 另一主打係手切牛，佢一上枱已經好吸睛，牛肉表面既紋路同脂肪比例剛剛好，而且切得好薄，可見廚師既刀功，方便客人灼一灼就食得。牛肉食落牛味都重，肉質比較爽口，口感吾錯，食多幾塊都吾會膩。田園盛($78/份) 如果想fresh一d，仲可以叫好幾款吾同既蔬菜，而且佢份量都吾少。另外，我比較推介佢個有機栗米，食落好清新好鮮甜，最岩食完海鮮同肉類後解膩，真係吾錯。今餐好豐富，值得一讚係餐廳既服務，雖然店面吾算十分大，樓面既店員亦吾多，但服務都相當細心，不時會幫我地隔走湯浮面個層油，同埋又會留意客人用膳既情況去調較大細火。另外食物質素都吾錯，有機會會試下其他海鮮！…Read More

今次又再黎沙田區覓食喇！黎到依間食台灣菜既小店，裝修走台灣風格幾有心思，店內播住經典既台灣流行曲，感覺好舒服好親切。因為好肚餓，所以我同朋友都叫左好多野食！➡️蚵仔肉碎泡飯($58) 蚵仔比我想像中大粒，食落好新鮮好juice，飯同肉碎既比例適中，泡飯既湯都好鮮味，值得一試。➡️忌廉芝士磨菇雞翅($28/2隻) 今晚第一最愛既小食，雞翼既部份已經起左骨，而且好飽滿，大啖咬落去既時候食到好香芝士同磨菇，必定要叫啊！➡️醉溏心蛋($15/1隻)今晚第二最愛既小食，好香酒味而且吾會蓋過蛋既味道，見到佢蛋黃係有流心架，正！➡️芒果軟殼蟹米紙卷($68)軟殼蟹米紙卷賣相非常吸引，食既時候可以選擇配沙拉醬，不過我個人就比較鐘意原味，估吾到米紙卷包住既軟殼蟹仍然有脆口既感覺，連埋芒果肉一齊食，好清新。➡️蝶戀花青檸沙冰(墾丁星空) ($38/杯)係menu見到佢個賣相就好想試下，黎到之後，店員開著個圈型燈，然後放杯野飲上去，有漸變既效果真係幾靚。沙冰帶有青檸既味道，酸酸地好開胃。整體感覺吾錯，餐廳寧靜舒適，坐得幾舒服。建議想食台灣菜既朋友可以睇試下。…Read More

今晚放工約左朋友黎沙田圍試依間日本餐廳，網上睇佢評價都吾錯，8點鐘去到門口都已經有好幾group人等緊。我地等左一陣就可以入座喇。店內既格局都好整齊坐得幾舒服，應該可以容納四十幾人左右。因為實在太肚餓喇，所以我地都叫左幾多野食。刺身盛($178)刺身包括有三文魚，甜蝦，廣島蠔，章紅魚溥切。刺身好新鮮，個人幾鐘食廣島蠔，好鮮甜，咬落好juice，仲一d都吾腥。第一次食章紅魚，感覺又吾錯喎！石鍋鰻魚炒飯($108)炒飯一上枱已經聞到好濃鰻魚飯香味，石鍋可以保持溫度之餘食既時候仲熱辣辣，隔離枱都忍唔住即刻望過黎。個飯好香好足料，除左鰻魚粒之外，仲有兩塊鰻魚添，略嫌炒飯炒得吾夠乾身， 如果再乾身d更好。沖繩風沙律和風 ($58) 沙律菜配甜醋一齊食好開胃，仲第一次食海葡萄，口感幾特別。柚子芥末燒一口和牛 ($32/串) & 明太子雞肉串 ($20/串) 和牛同雞串既肉質比較乾身，不過柚子芥末同明太子醬就幾加分。黑松露鵝肝帆立貝卷($65/3卷)帆立貝好鮮味，而黑松露味道就非常濃郁，加埋入面一細塊鵝肝一齊食，口感豐富。今晚晚餐食到好飽好滿足啊！下次一定會再黎試下其他野。…Read More

今日lunch黎左依間主打食fusion菜既餐廳，好彩同事一早book定位，去到就可以入座，上到黎見到周圍度度都係打卡位，而且菜式個名都玩味十足，真係樣樣都係心思菜。祕製沙嗲魷魚薄片撈粗($118) 配無糖紅茶從來冇諗過撈粗都可以煮得咁有創意，每條麵都沾上祕製既沙嗲醬，食落又帶點花生醬既味道，魷魚切到好薄，撈埋一齊食又幾惹味喎! 好多蔥伴碟的薑蔥慢煮雞扒滑滑滑蛋飯($96)滑蛋飯既賣十足十活火山，而炒蛋就好似熔岩咁覆蓋住成個飯，食落嫩滑又有牛油香，雞扒係慢煮烹調，但味道有點奇怪，不過口感鬆軟，入口即溶，算你啦!原味薯條 (加配+$18)薯條炸到金黃香脆，最緊要係夠熱，相當香口啊!絕對會再黎試下其他野！…Read More

聽講灣仔開左間中國加盟既水餃專門店，主打顏色鮮艷既花色水餃，好似好吸引，所以同同事決定黎試下。午餐時間吾多人，吾需要等位，而且店內仲有好多吉枱，座位幾寬敞座得幾舒服。我地同行3人，叫左3個餃子餐再追加左碗麵(+$20)同小食先岩岩好。彩虹雨花石水餃($72/6隻)佢既餃子皮有3隻色，分別用左三種蔬菜汁去整，不過食落係無味既，而餡料有馬蹄和豬肉，一份得6粒，依個價錢真係偏貴，主要for打卡影相。招牌五福水餃($78/10隻) 有5款口味，餃子皮五顏六色無咩味既，不過色素聲稱係100％由蔬菜提取而黎，個人喜歡冬菇豬肉，菇味好香，好juice。雞絲拌粉皮($48)賣相吾錯，不過略嫌雞絲太少，吾食得太辣都可以入口。個人覺得食過之後覺得普通，餃子黎講偏貴，但係好多顏色可以打卡，未試過都可以試既。…Read More

今晚同朋友黎食依間手打烏冬專門店，原先想book位，但原來依家只接受walk in。7點15分左右攞位，我地3位都等左1小時先可以入座，比我想像中等得好耐，建議2位黎食會相對快d。餐廳比較細，坐得吾多人，但出餐都算快。我地每人叫左一鍋烏冬再加小食。烏冬湯底有五款選擇，出餐時店員捧住原個特製石鍋上枱，可以保持溫度之餘食既時候仲熱辣辣添。石鍋堂海鮮手打烏冬 配魚介湯($82)有好多櫻花蝦鋪面，賣相100分，魚介豚骨湯底係用鏗魚乾、柴魚乾、昆布等熬製既，湯底連海鮮味道鮮甜，不過豚骨味吾算濃郁。燒鰻魚石燒手打烏冬 配魚介湯($84)鰻魚會分開另上，其實都幾大條幾厚身，而且燒得剛剛好，幾入味。只係本身鰻魚上枱既唔太熱，如果熱多少少，會好味D。鮮活蜆吾燒手打烏冬 配黑松露香菇湯($82)烏冬上面有菜苗同埋蜆，睇落好吸引，蜆都幾大隻，好鮮甜。個人幾鐘意個湯底，佢有黑松露味但又唔會搶晒香菇既味道，而且烏冬吸晒湯汁好入味，食落帶點煙韌，推介!我地仲叫左個沙津同煎餃子，味道普通，唔夠食既話可以叫下小食一齊share。最後既甜品係紅豆蓉既水晶麻糬，好煙韌，幾好食！…Read More

Godiva做緊一連4日買一送一優惠，食完飯當然同同事黎食啦，聽講原價都要$50一枝軟雪糕，我就未試過，所以趁佢做緊優惠既時候試下。灣仔分店平日都吾多人，人龍都係今日先見到。落單既時候前面約有10個人，每幾個人俾完錢後，都要等一陣先可以落單，我地都等左10分鐘左右，最後揀左黑朱古力軟雪糕($50/2) 。一接到雪糕，其實佢已經開始溶緊，仲比我想像中溶得快，影左兩張相就要食喇。雪糕上面有片朱古力牌同埋淋左朱古力醬，食落朱古力味好香濃，吾會過甜岩岩好。不過雪糕太水，一路食一路滴有d狼狽。我幾鐘意佢個黑朱古力脆筒，外圍加上朱古力脆脆，好味。原價黎講，確實偏貴，而且雪糕凝固得未夠，溶得太快，優惠期間可以一試。…Read More

新城市出名多人，同朋友諗去邊食飯都真係有d困難。之前係台灣食過鼎泰豐覺得好食，不知香港分店如何，見到鼎泰豐可以用app預先取票，咁就可以慳返d等候時間，不過要留意返，鼎泰豐有限用餐時間只有1小時15分鐘。紹興醉雞($74/碟) 個人幾鐘意食醉雞，鼎泰豐既醉雞酒味尚算濃郁，雞肉夠滑，不過份量偏少，依個價錢黎講吾抵。小籠包($60/6個）小籠包係每枱必叫，一籠只有6粒吾多。熱辣辣既小籠包皮薄多汁，食既時候要小心爆汁，肉汁鮮甜，可以食多幾粒。台式擔擔撈麵($50/碗) 麵條普通吾算彈牙，反而麻醬味十分重，而且偏稠身，需要撈勻食用，食落帶有少少辣，還可以。總括黎講，食物質素一般但價錢偏貴，個人比較建議去台灣食…Read More

放工約左朋友係尖東食飯，依間餐廳主打正宗台灣菜，而且相當抵食。餐廳尚算寬敞，坐得幾舒適，而且幾有台灣風味。落單既時候可以係order紙寫低食咩然後去櫃台俾錢，之後就會有店員送餐。招牌紅燒牛肉麵($60)個人認為牛肉麵係必點，麵質彈牙，湯底濃郁。牛肉咬落軟腍腍，而且相當入味，好有台灣既味道，頗推介。魚酥皮蛋豆腐($36)豆腐食落冰冰地好滑身，表面有少少甜汁調味，連埋魚酥、皮蛋、柴魚絲同埋蔥花一齊食，口感更豐富。黃金梅子脆薯($32)鐵牛既脆薯唔同一般薯條，粗條的薯條炸到金黃色，配上梅子粉，食落外脆內軟。食多幾條都唔會覺得好油膩，估唔到梅子粉同脆薯出奇地match，值得一試。想食平靚正既台灣菜，第一時間會諗起鐵牛，佢食物既款式算多，而且價錢相宜，係約食飯唔錯既選擇。…Read More

登龍街實在太多野食，今日午餐決定同同事黎附近覓食，同事就推介左依家食韓國菜既餐廳，由於我地冇訂位，我都擔心會等好耐，估唔到我地好快就入座。 午餐既話有午市套餐，而且大部份都有優惠，感覺抵食好多。我地同行4人，每人都揀左套餐。石頭鍋飯($79)落單之後，配菜會先上，套餐包左3小碟，有泡菜、芽菜、甜薯和一碗牛骨湯。個人比較鐘意甜薯咬落軟腍腍幾好味，相反配菜同湯就普普通通，而且份量比想像中少。石頭鍋飯顏色豐富，不過賣相一般，蘿蔔絲、芽菜、翠肉瓜佔左大部分，而肉就偏少。我見圖片中有蛋係中間，但黎到時蛋可能已經穿左，所以有d失望。整體份量適中，夠飽，但食後感覺一般，吾算十分推介。如果以環境黎講，坐位寛敞係幾舒服，不過石鍋飯既質素就好一般。餐廳其實仲有韓燒既選擇，價錢相對會再貴d，有機會黎既話都可以試下既。…Read More

登龍街出名多野食，見到有間米線小店平日Lunch 時間都有人係門口排隊，今日決定一試。等左10至15分鐘左右入座，店舖細細，目測座位吾算十分之多。我叫左個招牌金獎腩肉小鍋米線($28)，另外加配炸醬($6) 。湯底濃郁，米線軟硬適中，份量剛剛好。除了腩肉同炸醬，仲有其他配菜，如酸菜、蔥、韭菜等，如果吾食既話記得全走，但個人覺得連配菜食更開胃。成碗麵既重點係炸醬同腩肉。先講炸醬，炸醬吾係分開另上，佢直接加落成碗麵度，炸醬本身微辣，令湯底都帶點辣，個人吾算好食得辣，不過我都接受到。至於腩肉既部分，佢同我地平時食開譚仔既腩肉口感吾同，佢既腩肉非常入味，肉質比較厚身，食落軟腍吾會乾，而且肥瘦適中，幾推介大家黎試下！…Read More

經過旺中發現原來依度開多左好多新派小食店，而且好多元化。同朋友行到有d口渴就想買杯水果茶飲下，我揀左依杯皇牌果茶($30)，紅茶茶底，等左10分鐘左右。水果茶既份量同其他茶飲店差吾多，入面有多種水果，包括百香果、橙、西瓜等等。百香果既味道較為突出，而且飲既時候仲可以食到一粒粒既百香果果籽，一咬落去酸味味幾開胃，好fresh。不過個人覺得水果茶味吾係幾濃，如果茶味濃d就好。整體黎講味道普普通通吾算太有特色，CP值吾高。…Read More

意樂係間平價意式西餐廳，佢既價錢合理，份量剛好，weekend下午茶既時候等5分鐘左右就可以入座，野食多元化， 總會揀到一樣岩你口味，所以我都經常黎食。香辣欖油煙鴨胸炒天使麵($39) 成個天使麵賣相吾錯，煙鴨胸份量岩岩好，食既時候帶有少少辣味，加上洋蔥、鮮茄、菇，口感豐富，略嫌蕃茄帶少少酸。西西里式鮮茄豬焗豬扒焗珍珠飯($37) 估唔到焗飯上面既茄子食起黎外皮脆脆，好有驚喜。芝士同鮮茄既配搭幾match，吾會令成個焗飯太膩，豬扒軟淋易入口，整體吾錯。水牛城辣汁雞翼(加配$10) 雞翼食落吾算好辣，而且幾惹味，不過跟餐都要加10蚊，就覺得少少偏貴。…Read More