等左10至15分鐘左右入座，店舖細細，目測座位吾算十分之多。我叫左個招牌金獎腩肉小鍋米線($28)，另外加配炸醬($6) 。湯底濃郁，米線軟硬適中，份量剛剛好。除了腩肉同炸醬，仲有其他配菜，如酸菜、蔥、韭菜等，如果吾食既話記得全走，但個人覺得連配菜食更開胃。
成碗麵既重點係炸醬同腩肉。先講炸醬，炸醬吾係分開另上，佢直接加落成碗麵度，炸醬本身微辣，令湯底都帶點辣，個人吾算好食得辣，不過我都接受到。至於腩肉既部分，佢同我地平時食開譚仔既腩肉口感吾同，佢既腩肉非常入味，肉質比較厚身，食落軟腍吾會乾，而且肥瘦適中，幾推介大家黎試下！
