因為實在太肚餓喇，所以我地都叫左幾多野食。
刺身盛($178)
刺身包括有三文魚，甜蝦，廣島蠔，章紅魚溥切。刺身好新鮮，個人幾鐘食廣島蠔，好鮮甜，咬落好juice，仲一d都吾腥。第一次食章紅魚，感覺又吾錯喎！
石鍋鰻魚炒飯($108)
炒飯一上枱已經聞到好濃鰻魚飯香味，石鍋可以保持溫度之餘食既時候仲熱辣辣，隔離枱都忍唔住即刻望過黎。個飯好香好足料，除左鰻魚粒之外，仲有兩塊鰻魚添，略嫌炒飯炒得吾夠乾身， 如果再乾身d更好。
沖繩風沙律和風 ($58)
沙律菜配甜醋一齊食好開胃，仲第一次食海葡萄，口感幾特別。
柚子芥末燒一口和牛 ($32/串) & 明太子雞肉串 ($20/串)
和牛同雞串既肉質比較乾身，不過柚子芥末同明太子醬就幾加分。
黑松露鵝肝帆立貝卷($65/3卷)
帆立貝好鮮味，而黑松露味道就非常濃郁，加埋入面一細塊鵝肝一齊食，口感豐富。
今晚晚餐食到好飽好滿足啊！下次一定會再黎試下其他野。
