happygal29的個人專頁

今朝一早起身，見公司附近有間餐廳，上open rice見到個早餐餐牌，幾吸引！所以黎試下。呢個早餐份量好豐富，個蒜蓉汁夠惹味。雞扒入味，肉質嫩滑，雞皮脆脆地好正。以後多個早餐飯堂。服務員態度幾親切！…查看更多

朋友話旺角最近開左間串串鍋，叫埋我一齊去試下，我地一行四人，懷著食好西既心情大吃一餐。飲品，食物同雪糕都多款式選擇。👍但呢到地方唔大，擺到十幾張台到，當晚都坐滿晒。我地選左一個辣同唔辣既湯底，當然要試下佢個重慶麻辣湯底同北海道牛乳湯底。D安格斯肥牛同黑豚腩肉肥瘦適中，放落麻辣湯底吸晒D麻辣香味，真係好正。D腩片又好香，主攻呢兩樣。個串串莞茜牛，夾埋莞茜咁食，味道幾特別同甲！一串串放入鍋到煮，熟左一串串拿上黎好方便，唔洗左撈右撈。朋友鍾意食雞子，不過要加$16. 朋友話好新鮮。😋有我至愛既嚮鈴。👍👍👍海鮮類有蠔，沙白同螺任食。😋😋😋樣樣食物都唔錯，食埋個雪糕真係大滿足。下次會再黎！😋…查看更多

平時喜歡素食既我，見到新派既素食，就好想試下。呢間睇到openrice 既介紹，都幾唔錯，所以黎試下。叫左個餐，有湯，有前菜，主菜同甜品，好吸引。呢個湯叫菠菜桃膠忌廉濃湯。味道好清甜，及好滋潤。前菜就有泰式鮮果沙律，雙薯藜麥蘋果雪泥，同香干伴馬蘭頭。味道很好！蘆筍素香鬆手卷，味道清新。泰式炒金邊粉，小小香辣，加青檸汁，酸酸地好醒胃。另外加左黑松露薯蓉焗大啡菇 ，薯蓉配黑松露好好味，大啡菇軟腍。甜品也很不錯。海底椰桂花雪梨茶好潤。…查看更多

之前係facebook 見到專頁介紹既鵝肝漢堡賣相當吸引，鵝肝配漢堡包，聽見個名都覺得好奢華。一直都好想黎試下。呢到既裝潢我幾鍾意，因為好有外國feel, 剛好坐係車軚裝飾牆壁隔離，配合美食別有一番風味。食漢堡配上啤酒，簡直絕配。啤酒同紅白酒都有，任君選擇。呢個牛油果醬芝士薯條，第一次食，味道濃郁，真係好特別。呢個蜜汁雞翼真係要推介，熱辣辣，雞翼漲卜卜又，皮脆肉嫩 ，咬落有肉汁，真係好好味。重頭戲主角，鵝肝牛肉漢堡黎啦！睇見巳流晒口水，單件鵝肝都份量十足，個牛肉漢堡好美味，好juicy, 配上美味醬汁，真係無黎錯。睇到menu 竟然有龍蝦沙律，價錢又唔算貴，梗係叫份試下啦。黎到原來隻龍真係咁大隻，而且D肉真係好鮮甜，同好彈口，真係意外驚喜。…查看更多

今日同男朋友黎樓上cafe食下野玩下，佢原來未去過呢種形式既cafe，唔知到可以有野食又有野玩咁得意。呢到都唔細，其中一邊有間房，除晒鞋好似係屋企咁。感覺好溫馨。一大班朋友係到開個小型聚會都好啱。仲有電視睇埋，仲可以追埋電視劇。都有幾多遊戲玩！芝士焗忌廉吞拿魚長通粉，芝士味好濃郁，加上美味既吞拿魚，真係好甲，個長通粉煙煙韌韌，口感一流。辣肉腸薄餅，個pizza 餅底好香脆，蕃茄芝士醬香濃，兩個人食，份量剛剛好。呢杯榛子朱古力好好味 呢個破冰遊戲第一次玩，幾得意。同男朋友食下野又玩下遊戲，唔洗成日都係行街睇戲。拍拖好地方之一。…查看更多

今日午餐，同同事諗住食下燒肉放題，黎個放縱午餐，上open rice, 睇下附近有咩好介紹，見呢到食評唔錯黎試下。午餐係無海鮮同小食既，不過燒既肉類選擇都好多，有豬，牛，羊，裏面再細分唔同部位，都係任點任食。汽水櫃既汽水係自助型式，任攞任飲。韓燒基本前菜!由於太多種類，所以每樣叫幾塊黎試下，肥牛薄切，容易燒。我就比較喜歡牛肋骨，比較厚身D, 食落比較有口感，同夠juicy!D肉唔會太厚, 好處係容易燒熟。呢到D肉醃個味道好適中，唔會好鹹。如果唔鐘意食肉既，可以燒下茄子，雞脾菇，東菇等等。。。。。。真係食到好飽!…查看更多

今日過黎The one睇戲，知道樓上都有好多野食，見到間越式餐廳幾好坐咁，裝修簡潔寬敞，由於6點左右，未開始多人，就同朋友黎試下。叫左個越式拼盤，有豬頸肉，蝦餅，同兩款春卷。蝦餅好彈口，充滿蝦味!豬頸肉烤得幾香口，有炭燒味，唔乾身，好juicy!春卷好香脆，蔬菜粉卷，皮薄味道清新。辣椒膏炒大蜆，大大碟，D蜆好大隻，肉厚鮮甜無沙，個汁小辣帶甜，幾開胃!椰青海鮮飯，香濃既椰香汁，多到滿瀉，配上海鮮，味道適中，撈飯真係好好味!蒜蓉炒椰鮮嫩菜苗，菜苗大棵得黎又唔老，味道很好!…查看更多

之前未試過西班牙菜，今日約埋朋友黎食，呢到坐得幾舒服，裝潢有情調，可以慢慢嘆!每桌備有香濃芝士薯片送酒。公司沙律，配有美味煙鴨胸，份量不小，並採用西班牙醬汁，味道新穎。德國蜜糖燒豬手，好大隻，塊皮燒到好脆，好香口，豬手帶有小小蜜糖味，啖啖肉，唔會好鹹，好juicy.美國安格斯有骨肉眼扒（16oz), 真係好大塊，大過我隻手好多，網燒帶點炭香，肉質鮮嫩，充滿牛味，咬落去啖啖肉汁。西西厘海鮮Pizza, 巳切開8份，餅底好似餅干咁脆口，芝士濃郁，配有鮮魷魚，洋蔥，蝦仁。…查看更多

之前朋友食過， 話呢到既海鮮，同食材都好新鮮， 所以今日就同朋友預早book定位黎試下。我地選左莞茜皮蛋湯， 想清清地，食到海鮮既鮮味。個湯好足料， 好清甜。點左手切頂級Prime牛肉，脂肪比例平均， 色澤新鮮， 厚薄適中。入口軟腍，嫩滑同好香牛肉味!鮮味海中蝦，大大隻， 好新鮮，蝦肉鮮甜，又彈口。日本元貝， 一開二， 無咁厚身，唔驚煮得太耐會韌，煮一陣就食得，帶子肉質都好鮮甜。水魷魚好新鮮。美國特大桶蠔真係好大隻。熟左都唔會好縮水，夠晒肥美，大滿足。…查看更多

之前經過見門面都幾靚, 有點似外國coffee shop, 一路都想幫襯, 今日放假就黎試下。店裏面裝潢幾優雅, 有個幾靚既水吧! 牆身掛滿素描畫。對住門口飲coffee都係幾好既位置!叫左個午餐, 餐湯係洋蔥湯. 都幾好飲, 好香洋蔥味!午餐叫左香草忌廉汁雞肉長通粉, 賣相幾靚, 份量剛好, 芝士碎條, 忌廉好滑好香, 加上香草味, 調味很好, 唔會好漏, 通粉入口軟硬適中。叫左杯美式咖啡走奶, 咖啡入口香濃, 美味!最後叫左支梳打汽水, 幾好喝!…查看更多

今日放假, 落元朗行下街, 午餐時間搵下食, 見到間新開既店, 裝潢都幾新幾舒服。有串燒同日本定食, 試下先。午餐有多款選擇, 而且一D都唔貴。加上店員服務好殷勤! 好有禮貌!叫左個咖喱吉列豬扒飯定食, 相當大碗, 豬扒大大件, 皮脆內軟, 咖喱汁好香濃, 飯又夠多, 前菜有麵鼓湯, 中華沙律, 同西式沙律, 一應俱全。午市有幾款串燒做特價! 呢個煙肉日本蠔卷$24 1串, 燒到小小燶, 剛剛好, 入口隻日本蠔好多汁, 好有蠔味! 連埋煙肉一齊食, 真係好甲。燒魷魚都好好食白葡萄梳打好好飲, 好夠氣!…查看更多

朋友未食過蒸氣海鮮鍋, 我之前食過旺角個間, 好好味! 今日同佢黎尖沙咀食下。朋友食完都讚不絕口, 話遲D再黎食過!可以選擇套餐或散叫, 我地就選左每位$598 套餐, 都包幾多海鮮, 有南非龍蝦, 花蛤皇, 海皇蜆, 馬甲背, 凰皇蚌, 胭脂蚌, 黑松露蒸元貝, 黃金汁聖子皇等.........有十幾種款式, 好吸引!個海鮮拼盤, 好壯觀! 新鮮!花蛤好大隻, 好厚肉, 海皇蜆同樣味道鮮甜! 帶有海水鹹味!胭脂蚌好小食到, 真係好肥美同好鮮甜, 唔會有沙, 蒜蓉粉絲好好味!美國石蠔蒸熟左都仲好多大隻, 啖啖肉好有口感!黑松露蒸元貝, 味道好甲! 元貝軟腍鮮甜!聖子皇大大隻, 肉質又係好新鮮!南非龍蝦都啖啖肉, 新鮮彈牙!南非五頭飽魚!冰菜口感過癮!臨尾個南瓜豬骨粥係精華, 帶有香濃海鮮鮮甜味道!…查看更多

今日同朋友試食呢間任食打邊爐, 店內環境夠闊落, 冷氣夠晒凍, 唔會打到出晒汗。極上‘吃到飽’套餐, 主菜有5種雞煲選擇, 有芝士味, 沙茶雞, 香辣三杯雞, 台灣紅燒牛肉, 金蟬脫殼......我地就選較清既金蟬脫殼雞煲。前菜麻醬手撕雞同麻辣木耳任食。飲品任選, 賣相好靚, 仲好好飲, 好似去左台式cafe店。蜂蜜水果茶都好正!呢杯特濃朱古力好好飲。每位加$30有海鮮拼盤, 蠔好大隻。雞煲清湯, 但味道濃郁, 雞件很入味, 2人份量都食唔晒。另每位送手工手打丸, 黑松露餃子, 好正, 第一次食咁既配搭。墨魚汁鳥結糖, 賣相獨特, 彈口煙韌, 其他手打丸都好食。我地選左手切安格斯肥牛片, 厚薄適中。呢個炸魚皮真係好脆, 而然比一般食既魚皮厚身小小, 味道較得好好! 好小火鍋店見到咁長既蟹柳!…查看更多

今日收工, 去旺角買完野, 醫下個肚先, 上openrice搵下附近有咩西餐好介紹, 睇食評唔錯試下先, 7點左右walk in , 1個人容易有位, 見在場都坐左7,8成客人了。本身好鍾意黑松露既味道, 所以點左個黑松露牛肉漢堡配薯條, 黎到個包黑色幾特別, 個漢堡包真係好大個, 牛肉好厚。薯條夠粗, 好香口, 熱辣辣脆卜卜!食落口黑松露同芝士牛肉好甲, 牛肉漢堡好juicy, 牛肉味濃, 唔會乾爭爭。真係好好味!大蝦柚子醋沙律$58, 4隻大蝦, 好抵食!大蝦鮮甜彈口。洋甘菊花茶, 甘甜提神, 清熱! 慢火保溫暖粒粒。…查看更多

之前朋友食過話呢間蒸氣海鮮新鮮, 全程專人代勞, 幫你蒸埋, 時間較得好好, 臨尾個豬骨粥仲話好正, 今日就約埋細妹黎食下。我地預先book左位, 有3層的, 我地被安排坐3樓, 不過有升降機, 唔洗行餐飽!呢到有散叫同套餐, 叫套餐就唔洗諗樣樣有D, 我地選左$498一位, 都幾多種類。有南非龍蝦, 美國石蠔, 聖子皇, 鍾意食海鮮既我, 有幾款未食過, 如胭脂蚌, 鳳凰蚌等.......今日可以試到。多款醬料自行調味!有幾款菜比你選擇, 我就選左平時小食既冰菜。未蒸海鮮前, 粥底係豬骨同南瓜。蟲草花滑雞, 肉質結質彈牙, 唔似雪藏雞。2人份量既海鮮拼盤, 送到黎真係美不勝收, 口水都流晒。呢個清蒸胭脂蚌, 漲卜卜咁, 有D似北寄貝, 食落口好鮮甜, 帶有海水既鹹味, 原來咁好食既。呢隻鳳凰蚌都係帶紅色, 味道都好鮮甜, 下面舖左粉絲, 甲埋D蒜蓉, 自己再加D豉油, 正到暈。美國石蠔好大隻, 好肥美,食落好有口感!隻龍蝦都唔細, 肉質鮮嫩彈口!臨尾呢個粥底真係無得輸, 非常鮮甜, 鹽都唔洗加。…查看更多