呢到有散叫同套餐, 叫套餐就唔洗諗樣樣有D, 我地選左$498一位, 都幾多種類。有南非龍蝦, 美國石蠔, 聖子皇, 鍾意食海鮮既我, 有幾款未食過, 如胭脂蚌, 鳳凰蚌等.......今日可以試到。
多款醬料自行調味!
有幾款菜比你選擇, 我就選左平時小食既冰菜。
未蒸海鮮前, 粥底係豬骨同南瓜。
蟲草花滑雞, 肉質結質彈牙, 唔似雪藏雞。
2人份量既海鮮拼盤, 送到黎真係美不勝收, 口水都流晒。
呢個清蒸胭脂蚌, 漲卜卜咁, 有D似北寄貝, 食落口好鮮甜, 帶有海水既鹹味, 原來咁好食既。
呢隻鳳凰蚌都係帶紅色, 味道都好鮮甜, 下面舖左粉絲, 甲埋D蒜蓉, 自己再加D豉油, 正到暈。
美國石蠔好大隻, 好肥美,食落好有口感!
隻龍蝦都唔細, 肉質鮮嫩彈口!
臨尾呢個粥底真係無得輸, 非常鮮甜, 鹽都唔洗加。
