canpig059's Profile

Team celebration for the good news and achievement，同事提議去 happy hour 慶祝一下；提早收工即閃。5 點半左右去到 Blue Bar 入面已經好爆了，我地唔介意 standing table 就唔需要等位。環境當然唔會令人失望，不過望出去個 view 就麻麻地啦，可能因為出面有唔少機建工程做緊；不過落地玻璃望落都開揚的。旁邊有 serve 幾款 snack 之類，order 左野飲都可以隨便享用；大部份望落都唔知咩黎，所以亂咁拎返黎試下 hahahaaa... 我都唔記得自己杯 cocktail 叫咩名 ( 好似係咩 snowy peach 之類 )，vodka 味都好重，飲完都有少少少少 wing wing 地.. @.@其實主要係想講佢個 fish & chips，熱辣辣上碟賣相好吸引，個 fish 炸粉唔算太厚身而食得出好新鮮，而我不嬲都鐘意粗身薯條的，呢個合哂心水。埋單 per head around $300，係貴咖啦不過呢度係 Four Season 嘛。見到佢o既 lunch buffet 都好吸引，下次有機會再過黎試下先。…Read More

好耐冇寫過食評了，得閒要追返下先得呢；尋晚剛食完放題新鮮滾熱辣就寫左你先啦。組長o係放題界 (XD) 都算做幾多人識，我記得曾經都食過銅鑼灣分店的，都覺得味道唔錯而 CP 值都高的，始終佢價錢唔算貴所以唔會要求好高嘛。收工同朋友約定去尖沙咀搵食，行去亞士厘道都係貪佢選擇多又唔使點等位；見佢 7pm 前入座只係 $148+10% per head，決定入去怒食發洩一下。店舖面積唔太大，都有兩三檯客食緊了；兩個人被安排了在四人檯。座位以放題黎講都算坐得幾舒服，檯同檯之間唔太迫，又唔算太嘈靜靜地都唔錯。打開 menu 一睇都係放題大路野，選擇都算幾多丫；不過一開波梗係叫刺身同串燒啦。( p.s. 個人幾欣賞佢o既點餐方法，跟 menu 填 no. 去點餐，相比起出面好多餐廳係五顏六色分哂類o既點菜紙，咁樣感覺上比較環保呢 ) 飲品有唔少罐裝飲品選擇，啤酒都係任飲咖，亦可以散叫 sake。三文魚牛油果軍艦 - 個人好鐘意食牛油果，不嬲都覺得佢同三文魚好 match 咖，而且重點係佢塊紫菜好脆 ( 好怕 d 軟 lum lum 的 = =+)；所以好鐘意呢個呢。天婦羅 - 點左三文魚，冬菇同大蝦 - 有驚喜係三文魚呢，切得唔算好厚所以唔會太 "漏"，而且熱辣辣上檯係好食 d 。冬菇係我最愛啦而且好食，不過大蝦就真係唔多大啦... 好在佢 d 粉都唔太厚。後尾我地仲"香蕉天婦羅"，香蕉係意料中的甜，不過炸左又幾好味，當甜品係唔錯咖。 串燒 - 點左雞軟骨 / 雞腎 / 羊肉 (冇影相啦 XD)，正常水準不過不失。芝麻菠菜 - 冷菠菜配上日式芝麻醬，清清地都唔錯。日式豬軟骨大根 - 望落啲大根好似有 d 生咁，但食落口非常軟熟好夠味，豬軟骨亦都好 lum 入哂味；如果有白飯就好了 hahahaaa... 韓式泡菜炒雞柳 - 泡菜就唔多覺眼但白菜就唔少，不過個汁食得出真係泡菜汁，辣辣地都唔錯。鐵板牛油炒雜菌 - 呢個係我最愛呢... 牛油味好夠，加埋炸蒜好香口好好味 >3<鐵板炒豬頸肉 - 豬頸肉炒得好爽口，係略嫌唔夠入味。燒菠蘿 - 朋友是燒菠蘿粉絲，呢個燒得唔太乾身仲好 juicy；放題有得食太正了 =v= 牛奶樂 - 童年回憶而且出面都唔常見，好驚喜。=v=可能位置問題食客唔多，我地由 7pm 坐到 10 點幾都人促我地走，可以慢慢食慢慢傾，加哂分。同老闆閒聊幾句，又見到佢地 lunch 個餐牌都好多選擇又抵食呀。望見一個叫 "吞拿魚他他" 的覺得好奇，放題menu 就冇啦，但老闆私人整左比我地試下。賣相都好靚仔呢，而且細細件好易入口；碎 tuna 上有 d 切碎洋蔥同蕃茄，夾埋他他醬同餅乾一齊食好 fresh；light lunch 首選 ( 但可惜我唔o係附近返工啦 :< )  整體而言食物質素都唔錯呀，放題黎講o係呢區都真係算平；下次會再黎捧場的。…Read More

這幾天台灣服貿問題沸沸揚揚的，又因為在追 <我的自由年代>；湊巧又看到鑽石山荷里活廣場有「臺灣美食嘉年華」，就即興跟好友走過去看看。沒想到卻進不去 ( 說是門票已經換罄了，因為食物都賣光啦~ =3= )本來想去 <丼丼屋>，走前一點就看到一家 <小王牛肉麵>，雖然我和朋友都不吃牛肉，但看店面上的裝潢和店外台灣小吃的牌子很吸引；最近還是想要吃台灣菜，最終放棄已經輪到我們的 <丼丼屋> 啦。等了大概半小時就有位子了，整體感覺也很乾淨舒適，難得 happy Friday 也沒有限用餐時間喔。菜式的選擇也很多，一般的台灣小吃都有，花多眼亂也想了好久才點好菜；沒多久就陸續上菜了。澎湖花枝羹 - 以湯羹來說這個水份多了一點，但味道還是不錯；有不少花枝和材料如雲耳絲和蛋白等，但如果不喜歡莞茜的朋友就要留意了，因為份量還蠻多的。雖然不可以和台灣在地的相比，但整體很不錯呀。豆醬炒 A 菜 - 份量比想像中的大，用豆醬炒 A 菜 ( 即油麥菜啦 ) 雖然略油但相當惹味喔。台式炸醬麵 - 這個我一度懷疑是弄錯了，因為比較像肉燥手打麵呢；不過配上青瓜絲中和了肉燥的膩，而麵條口感也很讚。一口鹽酥雞 - 炸漿略厚而且雞皮蠻多，我自己不算太喜歡；台灣在地的真是好吃多啦~~鹽酥杏鮑菇 - 呢個係我最愛啦，炸到恰到好處，椒鹽不算太多所以比較淡身，很合我胃口呢。冬瓜茶 ( 加蘆薈 ) - 呢個係長期都會掛住的台灣飲品；這家做得不太甜，很不錯呢 !!!總括來講都很不錯，價位也合理，下次有機會會再去；難得可以一思鄉之情嘛，也為下月的台北作個小小的前奏。…Read More

昨天跟好友進行久違的的太空館之旅前，當然要先醫好肚啦。第一次去台式餐廳 TeaWood 茶木，真的很有驚喜呢。黑松露野菌手工麵 - 黑松露味好香濃，而且佈滿了每一條手工麵；唔似得街外有 d 汁好稀，抵讚呢。除了雜菌外還有唔少煙肉，麵條也好煙韌好好咬口；最後成碟清哂。土豆絲炸蝦卷 - 外層是用土豆絲包著鮮蝦去炸，上菜時仲熱辣辣，外層的土豆絲好鬆化，味道和口感都很不錯。香芒蜜糖磚塊 - 小塊的吐司混合溶化的雪糕和 cream，外加新鮮芒果肉，但又不會很甜膩... 愛甜點的女生一定會覺得好幸福。記得曾經在台灣吃過類似的，但感覺上這個更合我口味 XDDDDD值得一讚是店員都很有禮貌，而且一直主動加水和收盤子；雖然外面等位的人很多也不會催促，是聊天的好地方。店內的環境也很整潔雅致，很有台灣 cafe 的清新感覺。謝謝好友的推介，又多了一個可以再encore 的好地方了，呵呵。:)其中一個 decoration，很有意思呢 =) …Read More

一向對九龍城不熟，去過的次數寥寥可數；而每次去都一定一定迷路的。昨天打完羽毛球又在荃灣血拚一下，晚再次夜闖九龍城；不負眾望又迷路啦~~ ( ok 這算是個人問題 =3= ) 一向很愛吃泰國菜，但反而身邊喜愛 thai food 的朋友不算太多；噗，最近更是完全變成韓國人啦。XDD朋友帶我來到 Thai BBQ，難得不用等位也進去了，我們也很快就點了幾個菜，滿心歡喜的等著啦。但沒想到等了快半小時，隔壁那一桌比我們晚到，他們點的所有菜都上了而我們一個都沒有上... @_@ 弄到我差點跟店員說 "我唔食啦，埋單啦!!" = =+我們點了馬拉盞炒椰菜苗 / 鐵板蠔仔煎蛋 / 黃咖哩雞 + 蒜蓉包，我還有榔青和蘋果沙冰，不算太多卻也很飽了。馬拉盞炒菜一向是我的最愛，這個馬拉盞的完全不辣卻很惹味，如果炒通菜應該會更美味。鐵板蠔仔煎蛋熱辣辣上桌，本來擔心會很油膩，但難得吃下去也不會，而且蠔仔超大粒和鮮味的，又有芽菜墊底；呢個大推呢。黃咖哩雞 + 蒜蓉包是絕配，而咖哩雞一上桌時有點傻眼，因為好稀好唔 "咖哩雞" feel 呀。朋友愛其不辣，我反而嫌佢完全唔辣；噗... 而且重點係雞肉好似同 d 咖哩完全冇關係，雞肉雖然嫩滑但其實冇咩味道，好似白烚咁... ~__~!!! 蒜蓉包焗到好香脆，點咖哩汁就一定好味道呢。椰青也清甜多汁，但可能太生啦；出盡九牛二虎之力都刮唔出椰子肉... >_<埋單 $300，食物其實覺得尚可而已，下次要試埋附近o既泰國餐館呢。^+++^…Read More

星期五的晚上，因為老豆去左飲宴，一早已經約了媽咪兩母六去撐檯腳。她說聽朋友提過屋企樓下間日本野幾好味，所以就決定去試下啦。唔需要等位，一般日式餐廳的格局，店內位置坐左七至八成滿。店員尚算殷勤招呼，但比哂熱茶餐具卻一直唔比 menu 我地，最後都係要出口問佢地先記得。一打開 menu 係有 d 嚇窒的，個價錢都算係同區最貴了吧；唔止係同日本菜比較。一個最基本的二人餐都叫價 $598，仲要內容都真係一般日本菜式而已... @.@ 媽咪都打左個突，冇諗過馬鞍山會出現呢個價位。最後都係決定散叫算了。雜錦刺身拼盤 ($298.00) - menu 內說是含五款刺身的，送上來時卻有六款呢。幾款刺身其實都很新鮮，口感不錯；最喜歡是冇咩筋的 tuna 同埋 salmon，仲有白色o個個唔知咩魚 (XD)。大蝦天婦羅 ($68) - 一客有 4 隻大蝦其他欠奉，呢個算係價格比較適中的了；但可惜個天婦羅唔夠乾身，而蝦本身都好細隻，食落兩者都冇咩質感... 蟹籽海鮮炒飯 ($125.00) - 以百幾蚊一個的炒飯來說材料也不算太多，炒得都算乾身而味道尚可 ( 食得出其實係用豉油炒出黎咖囉... ) 海鮮類有魚肉 / 三文魚肉 / 北寄貝 / 魷魚 / 蟹柳等，還有配菜如洋蔥 / 蛋絲 / 紅蘿蔔絲等。 用木桶黎裝份量反而比想像中多，如媽咪食到最後飽到好滯... 3 個 dish 埋單 $541，一人食左 $270 蚊；我話好抵食你都唔信啦。冇下次了。=3=…Read More

話說自從有了 One Pacific 後，總算在觀塘附近要食 lunch 都多左唔少選擇。Pepper Lunch 成日都聽，但因為硬係覺得唔食牛的人如我，其實係冇野好食。後來知道其實還有不少選擇，又呢間係第一間實體店而唔係o係 food court 內，今天興起就跟同事一起去當試下新野啦。店舖面積也頗大，座位也不少；因為公司係十二點 lunch 的，一般食肆呢個鐘數都仲係冇咩人啦，所以也不用等位。採取自行排隊點餐的原理，但特別的是你要跟返張收據上面的號碼去搵返你o既檯囉；然後店員會幫你將餐飲奉上。點了一個 "石鍋三文魚飯"；上菜時都聞到好香呢，而且賣相也不錯。把半生熟的三文魚 / 粟米 / 灑上 black pepper 的飯攪拌，在石鍋的熱力下三文魚好快熟哂了。味道很不錯，畸嫌唔夠 black pepper 的可以再自行加入 ( 我加左好多 hahahahhaa~~) 同事都點了咖哩系列的雞肉飯，賣相也很不錯，他們也說味道幾好。離開時被點餐的人龍嚇到了，但明明店內吉位仲有好多... 原來點餐還是只有一位女生而己。是要故意營造出人氣很旺的意思嗎？p.s. 呢張儲分卡都幾多限制，唔好講個 deadline 好近啦，又我地 order 左三個餐最後又得兩個印o既?! @.@?…Read More

跟好友相約飯聚，基於馬鞍山冇咩好食的緣故，最後決定去沙田第一城的 "日牛"；朋友食過幾次都覺得唔錯啦。;) 一向都很喜歡一人一鍋，始終有時大家想要o既湯式都唔同嘛。選擇了最便宜的 $138 - 90 分鐘放題，因為我唔食牛肉的，所以就點了一個豚肉一個牛肉。選擇了秋冬推介的 "檸檬昆布" 湯底，感覺好像很清新呢，友人則選擇了 "蕃茄豬骨濃湯"；而我的湯底上檯時幾片檸檬頓時覺得好健康開胃呀。牛肉看起來很新鮮，反而豚肉有擺耐左的感覺；相信是因為一早執定的原因吧。野飲選擇也挺多，一般汽水到雀檸都有；而一般的醬料也都俱備。出去拎配菜，選擇也有不少呢；我最喜歡是蓮藕片 / 魚片頭 / 魚腐啦。而不可或決的蔬菜有生菜 / 娃娃菜 / 菠菜 / 少見的粟米芯等，菇類就有金菇菜和鮮冬菇；都好新鮮呀。再追加一人一碟牛肉和豚肉，今次碟豚肉望落靚仔好多了。不得不推介我個 "檸檬昆布" 湯底，酸酸的同 d 食物夾埋一齊真係好好味；食物的鮮味都提昇了，又唔會覺得好濃好滯。兩個女仔又要食又要傾真係好忙，最後梗係食到過左少少時間啦；雖然最後都係比人趕，但至少店員都唔算態度唔好啦。不過間舖都唔 full，比我地坐住食埋個 yogurt 都得卦？=3=…Read More

話說馬鞍山其實真係冇咩日本野好食，商場內都被連鎖式店舖入侵，可以的話我都會盡量支持一下小店。已經幫襯過 "御沢" 幾次，由最初感覺係 "都幾抵食丫" 到最後呢次 "以後唔會再黎啦! " 明白小店要生存不易，但偷工減料也有個譜丫。跟媽咪兩母女撐檯腳，想了想不如去御沢啦；都有一段時間冇去過。晚飯時間店內的客人也寥寥無幾，店員也沒什麼表情；大家都聚精會神在看電視而已。不會忘記店內貼了 "珍惜食水" 告示，想要杯熱水也要找店員了；一般日式料理店的熱茶更不用想了。看了一下餐牌有點傻眼，魚生飯接近百完一客；加左好多價囉。媽咪點了一個 "親子魚生飯" 定食 (配餃子 + 前菜 + 味噌湯)，我單點了一個 "碎魚生飯"；另外加多了一客 "香芒燒三文魚卷"。味噌湯跟即食沖泡出來的沒什麼分別，前菜是幾粒螺肉，餃子外皮香脆和熱辣辣算是最不錯的啦。主菜上場 - "親子魚生飯" - 只有五片薄薄的三文魚和份量不算多的三文魚子，基本上連飯的份量也不算多。我的 "碎魚生飯"，繼續也是份量不多的；食完好空虛啊... 姍姍來遲的 "香芒燒三文魚卷" 忘了拍照，但味道反而不俗；一碟有八粒算是抵食的了。怎樣說呢... 魚生類吃得出是新鮮的，只是份量和價錢有點不成正比；冇記錯埋單是 HKD200。以街坊小店 + 質素來說係唔太抵食，畢竟我們點來點去也是三文魚而已。所以媽咪已經將其放入 "冇下次" list 啦... …Read More

最近真的炸雞大勢，何況還是跟 k-buddies 遊學團回來後的第一次小聚，炸雞啤酒走唔甩啦。一行八人可預先訂了檯，這次選了近佐敦的 Fairyland，順理成章是全店最吵的一檯客人了。店舖光猛，略嫌客滿時位置有點迫，但整體還是舒適的。menu 內除了炸雞外，其實還有不少韓式小吃，像辣炒年糕 / 雞蛋蒸等，最驚訝係竟然連辣蠶蛹湯都有；我們當然沒勇氣嘗試了；雖然有同行朋友原來在韓國有試過。而炸雞類有原味炸雞 ($160.00) / 甜辣炸雞 ($175.00) / 蒜香豉汁炸雞 ($175.00) / 香辣炸雞 ($185.00)，也不乏健康路線的田園野菜沙律 ($120.00)，選擇算是不少呢。除了香辣炸雞外，我們每個味道的炸雞來了一客，還有一個 Set A ( 原味炸雞 + 田園野菜沙律 = $270.00，比散叫便宜了 $10.00) 另外再點了六枝 hite 啤酒 (맥주) + 兩枝燒酒 (소주)，一檯都係好壯觀。田園野菜沙律 - 第一個上的就是沙律了，份量比想像中大很多，新鮮的蔬菜混和了芝士和醬汁，味道好 fresh 好好味，可以中和一下炸雞的油膩和熱氣。原味炸雞 - 這個很難會失手，炸到香脆可口又熱騰騰的上桌，一盤大致有 8-10 件雞，不同部位的雞肉都有。雞肉鮮嫩多汁，配上搭送的兩款醬汁味道都非常不俗。蒜香豉汁炸雞 - 雞塊已經去骨了，蒜香汁與炸雞 mix 起來恰到好處。老闆娘教我們要把配搭的酸蘿蔔 / 蒜頭 / 青辣椒和碟邊的醬汁一起吃，味道更有層次，和酸蘿蔔片一起口感也沒那麼膩；果然冇介紹錯。酸辣炸雞 - 甜辣醬比想像中好味呀，呵... 酸酸甜甜有點像咕嚕雞的味道，好開胃呢；食到停唔到口呀。=v=每盤炸雞都附有烤蕃薯塊，個人認為好過炸薯片了，畢竟已經吃了很多炸物啦。而久聞啤酒 + 真露= 深水炸彈 (BOMB)，今晚終於一試；雖然我地都係 2/3 杯啤酒混入 1/3 真露啦。又因吃了炸雞口渴，變相喝得有點快和急；不知不覺好像喝了 3-4 杯... 最後終於覺得頭暈暈了。如果易醉的朋友就唔好亂溝酒啦。韓藉老闆娘好可愛，過黎同大家研究下 super junior o既日曆，又會過黎教我地點食係最好。而其他店員也很友善，服務和食物都很好，可以 encore 之選。附送千松伊一個，嘿。치킨 (炸雞) 港澳聚會順利完成，下次會係食삼겹살 (三層肉) 和燒豬皮了!!! …Read More

星期六下午跟好友去誠品聽完首爾輕旅行的講座，又口痕想搵 d 野食下。在銅鑼灣行左幾條街都冇咩心水，朋友提議去 zoe cafe 食 cake 丫；我當然樂於一試啦。位置不難找，就在鵝頸橋下江仔記行前少少就係了；聽說字搬前舊址在開平道。店內裝潢以白色為主，一進店內感覺蠻舒服的，座位有點小但可以接受；但檯同檯之間好近，細細聲講野前後左右都會聽得一清二楚... 檯的中央大大個牌寫左最低消費每位 $60 + 10% ( 但 welcome / thank you 都冇句... ) 感覺很突兀；印象分即時減半。為左 "湊夠數"，跟好友一人點了一件 cake 再加一杯 drink；店員毫無表情 + 無禮貌又再減分。我們點了 "Zoe Signature Cake" ($38) 和 "Lychee Rose Cake" ($38)，外加一杯 Mix Berries Float ($55)，店員很快就把兩件 cake 送上。"Zoe Signature Cake" 的笑臉其實很可愛，一入口有濃厚的 hazelnut 味，加上餅底很鬆脆；整體算很不錯。而 "Lychee Rose Cake" 外形漂亮，當中也有兩層是 chocolate 蛋糕，粉紅色的是玫瑰味 moouse，按道理應該頂層白色部份是荔枝 moouse 了。但可惜入口後只有玫瑰和朱古力味，卻完全找不到荔枝味，反而有一陣牛奶味。不是難吃，但味道配搭起來怪怪的。雜莓飲品就不過不失，飲得出是鮮果打造的，而味道就好似某品牌的黑加倫子糖咁啦。埋單連埋加一盛惠 $144.10，個人覺得唔多抵食 ( 特別係佢件 cake 的 size 小得可憐... )，可以一試但應該冇下次了。…Read More

千頌伊效應 (XD) 之炸雞啤酒 (양념치킨 + 맥주) 但我們這次的配搭為 양념치킨 + 막걸리 (馬格利酒)是晚跟好友們小聚，中了 <星星> 毒的兩人 + 需要發洩的一人，最後決定在尖沙咀新開的 Red Chicken 吃炸雞啤酒啦；完全置 diet 和熱氣於不顧。點了一份 "無骨炸雞" (순살치킨) 及"芝士醬粟米脆片" ( 即 Nachos )，因為店家未有酒牌所以未能提供酒精類飲品，但店家餐牌內寫明歡迎顧客自攜酒精入內，所以就辛苦好友往附近的韓國超市採購了。先說回食物，原味炸雞本身炸得香脆可口，並配有數款醬汁，個人最喜歡綠色那個柚子味的，甜甜的配上炸雞非常美味。芝士醬粟米脆片的芝士醬略嫌不足，如果再多少少應該會仲好味呢!!意猶未盡就再點了一客 "韓式鍋巴海鮮湯"，這個卻是意料之外的辣；辣到我們吃了一兩口已經快噴火了。(XD) 店員幫我們把鍋裡的湯換了一下，還是一樣超辣；最後我們借來一個大杯子把鍋裡的湯裝了一大半出來，再加入熱水；才總算有點降溫了。湯裡的材料其實超豐富，有一整只八爪魚、蟹、大蝦、青口、蜆等，還有很多菇類及蔬菜 ( 和很多小青紅辣椒 XDD )。材料很新鮮，對得起 CP 值之餘味道也很棒，如果不是太辣就更好了。而店家知道我們快辣史了，還特地送了我們一人一杯蜜桃飲料降溫，好貼心。>v<埋單 $598.00，沒有點酒其實有點小貴；但個人覺得 Nachos 是可以省略的，因為我們這次沒有喝啤酒啦。整體而言食物和服務都很好，下次會再去試 "玫瑰炒年糕" 和 "芝士辣炒雞腎" 呢！>v<小記: 第一次嚐試馬格利酒 막걸리，味道也很對我胃口呢馬格，很易入口又不會太濃烈。막걸리其實是韓國的小米酒，利用白米長期低溫發酵，酒精濃度約 6 度，呈白色。同樣是小米酒，台灣的對我來說還是有點烈，韓國這個反而更適合女生；下次要 encore 這個。圖中小罐的是自購的 "韓國甜米水"，在韓國跟朋友烤肉時一試難忘，喝著喝著又想念起韓國朋友們了。TT TT…Read More