唔需要等位，一般日式餐廳的格局，店內位置坐左七至八成滿。店員尚算殷勤招呼，但比哂熱茶餐具卻一直唔比 menu 我地，最後都係要出口問佢地先記得。一打開 menu 係有 d 嚇窒的，個價錢都算係同區最貴了吧；唔止係同日本菜比較。一個最基本的二人餐都叫價 $598，仲要內容都真係一般日本菜式而已... @.@ 媽咪都打左個突，冇諗過馬鞍山會出現呢個價位。最後都係決定散叫算了。
雜錦刺身拼盤 ($298.00) - menu 內說是含五款刺身的，送上來時卻有六款呢。幾款刺身其實都很新鮮，口感不錯；最喜歡是冇咩筋的 tuna 同埋 salmon，仲有白色o個個唔知咩魚 (XD)。
大蝦天婦羅 ($68) - 一客有 4 隻大蝦其他欠奉，呢個算係價格比較適中的了；但可惜個天婦羅唔夠乾身，而蝦本身都好細隻，食落兩者都冇咩質感...
蟹籽海鮮炒飯 ($125.00) - 以百幾蚊一個的炒飯來說材料也不算太多，炒得都算乾身而味道尚可 ( 食得出其實係用豉油炒出黎咖囉... ) 海鮮類有魚肉 / 三文魚肉 / 北寄貝 / 魷魚 / 蟹柳等，還有配菜如洋蔥 / 蛋絲 / 紅蘿蔔絲等。 用木桶黎裝份量反而比想像中多，如媽咪食到最後飽到好滯...
1
3 個 dish 埋單 $541，一人食左 $270 蚊；我話好抵食你都唔信啦。冇下次了。=3=
