heiheihaha的個人專頁

呢間和牛壽喜燒位於觀塘工廈。室內以日式裝橫，座位吾多，最好提早訂位。主打係和牛，來自吾同產地，例如日本、美國、澳洲、我比較貪心，決定要食E餐「肉共類復仇者」。前菜有三款：帶子赤蝦海膽拖羅飯團A5和牛餃E肉類復仇者$458包括有牛肩肉、肩夾心、美國SRF金標和牛，澳洲M9和牛。有專人座席即煮，先落牛油熱鍋，燒好的食材又會親自送上，非常貼心。有專人服務即煮，完全只需享受和嘆住食就可以了。疏菜盆有豆腐、洋蔥、娃娃菜、菇類等。一邊食和牛一邊吃蔬菜。可以達到消膩作用，又帶來健康元素。白桃烏龍茶呷一口熱茶，很感受到他的清香，又可以消滯和淨化口腔，再享受不同的和牛是最好不過了。甜品係豆腐雪糕 甜度適中，而且帶有香甜的豆腐味，作為今晚完整的句號。…查看更多

步入中環呢間西式裝橫的餐廳，以為係一間酒巴，連侍應都係講英文的外藉人仕，翻開餐牌竟然發現係食中式點心為主。盡頭係餐廳神秘門，要侍應開門先入到去。室內燈光昏暗，完全係俾人係酒巴的感覺。前菜，主菜，甜品都係中式點心為主，連飲品都係提供中式茶。脆脆炸蝦腸＄70腸粉皮超薄，口感嫩滑，餡料係蝦肉和脆香油炸鬼，吃落好香口又爽脆。麻辣小籠包$65（3件）與坊間不同的係小籠包的肉餡加入左麻辣醬，一口咬落去醬汁四射，麻辣味不算太勁，可以接受。香蒜西蘭花$70非常清淡健康的一道菜，西蘭花吸收湯汁的鮮味，格外清甜爽口。…查看更多

涼拌土豆絲酸酸辣辣嘅涼拌土豆絲，用嚟送飯超級正😋土豆絲切得好幼身，食落超爽口！辣度適中，平時冇食開辣嘅我都食到～水煮牛肉可以自己揀辣度嘅水煮牛，我哋叫咗小辣！😋超級夠麻夠辣而且好香～❤️❤️❤️新鮮牛肉份量都好足夠，入面都有好多配菜～唔少得我最鍾意嘅芽菜，超級入味！香芋珍珠奶茶超級濃郁嘅香芋味，唔會太甜啱啱好！珍珠都好夠Q彈，珍珠奶茶控必點阿😍紅糖糍粑個人來講超級鍾意食啲煙煙韌韌嘅嘢，糍粑真係必叫😍好有咬口，加上紅糖一齊食超好味！…查看更多

對於金記，相信大家絕不陌生，可以話係總有一間係左近。今次我黎到觀塘apm呢間金記食晚餐。今次和友人先叫左個薯條，薯條外脆內軟，作為粗炸薯條，食落更有口感！之後，黎到冰室點會唔試下經典嘅炸雞翼，生炸雞翼嘅外皮香脆，雞肉卻仍留有肉汁！就幾十蚊嘅價錢而言，實在是難得！主食方面友人叫了麻辣雞片米線，實不相瞞，呢個麻辣雞片米線真係驚喜之選，要我去金記大多都係叫餸食飯，但呢個麻辣米線嘅味道十分之符合香港人口味。麻味香口，唯一就係辣度偏辣，唔係食開喇嘅朋友可能要要求小辣。但十分推薦！至於我就叫咗兩個餸加一碗白飯，雞蛋炒蝦仁睇得出廚師嘅功架，雞蛋嫩口冇炒老，蝦仁仍然保持鮮味，再加少少韭黃，配合得好好。至於拍薑菜心炒牛肉，亦是水準之上。菜心炒到斷生但爽口，牛肉片鮮嫩可口，再加少少薑片中和返個味道！正叫兩個餸送飯係一流再加杯嘢飲就仲好。 呢杯雪山雜果冰，入邊執果捉鳥而且夏日嚟講消暑解渴，可以一試…查看更多

黑松露薯條 身為薯條控嘅我，去到每間餐廳必點薯條🍟呢度嘅薯條超級脆口，仲有陣陣黑松露香味～食到停唔到口阿XD中意食薯條嘅真心唔可以錯過燒美國安格斯西冷扒配黑松露薯蓉 一嚟到賣相已經好吸引😍我地叫左七成熟，外面好脆入面少少生超級香牛味😋而且仲好juicy好多肉汁！另外佢仲有配兩個醬汁😚黑松露薯蓉都品馬夫一樣好好味！忌廉牛油蒜香雜菌超香忌廉牛油味超足料嘅雜菌😋個多士都烘得好香口，加埋一齊食又有另一番風味！正香煎北海道帶子龍蝦扁意粉帶子兩面都煎到金黃色好香好脆😍而且肉質好夠嫩同鮮！扁意粉軟硬適中，龍蝦汁超好味😍配上三文魚子味道更上一層樓！Rainbow smoothie 賣相超靚超吸睛！超啱拎嚟打卡影相😍件杯都係濃濃雜果加少少乳酪味，感覺好健康！重點係完全唔會太甜啱啱好！好飲😋…查看更多

黑蒜牛肉麵超香濃蒜味牛肉麵，超級足料，質感好豐富！😍牛肉絕對係成碗麵嘅重點，超重牛味，吸左黑蒜牛骨湯底之後更昇華！😚🔥入面嘅糖心蛋同埋豆腐都一樣好出色好夠味，整體嚟講絕對值得一試！髒髒鹹蛋芋泥蛋餅淨係睇外表已經好吸引，芋泥味超重！啱哂芋頭控😍鹹蛋+芋泥+蛋嘅組合係意想不到地夾！味道好豐富，好多重層次！芋泥味雖然重，但絕對唔會太甜，亦都唔會搶左鹹蛋香味！一個字：正！糖心蛋滷肉飯性價比超高嘅滷肉飯，飯量唔少好夠飽！鋪滿半肥瘦入口即溶嘅滷肉，加上超爽脆嘅蘿蔔片，啱啱好❤️奶奶麻薯淡水名產鮮奶麻薯，而家無得去台灣都可以過嚟試下！食落去感覺有啲似奶凍，但會有啲煙韌嘅感覺！好得意好特別～牛奶味好香加上Oreo碎碎超好味！珍珠奶茶茶味超香濃，唔會太多奶～奶同茶嘅比例好恰度好處，亦都唔會太甜！…查看更多

【 孖啡 Double Cafe ☕️ 】黑松露愛好者必試嘅一間cafe!!!❤️呢間cafe位於旺角，位置好易搵！主打西餐 都有好多選擇～就連飲品都有接近四頁咁多☕️空間好寬敞，坐得好舒服～🦀 軟殼蟹黑松露意大利粉呢個應該係呢間cafe嘅皇牌✨上面有一隻大過手掌嘅軟殼蟹～炸到金黃色 賣相已經好吸引🤤食落超脆口 但又唔會太多炸粉太濟嘅感覺！重點係佢個黑松露汁超濃超香超好味😋呢個意粉真心推介ahhh!!!必食💯🐟 芝士吞拿魚天使麵超級足料嘅天使麵🤤食落啖啖吞拿魚～外表焗得好靚之餘 味道麵好唔錯！天使麵都整得唔錯 軟硬度適中整體嚟講都不錯 值得一試❤️🍟 黑松露薯條 炸到金黃鬆脆 粗幼適中 勁好味～佢一共會有兩個醬比你 番茄醬/黑松露醬✨黑松露愛好者必點！黑松露味都好夠架😋☕️ 風味咖啡（香蕉）作為咖啡愛好者嘅我 緊係要叫杯試下😋咖啡味超濃 加左cream好滑身～唯獨有少少蓋過香蕉味！但整體都唔錯 ❤️🍓 士多啤梨奶昔 超重士多啤梨味嘅奶昔🥤飲落好滿足 味道好夠 ～…查看更多

每年一度中秋節，今年因為「新型肺炎」，不能出去食，唯有一家人在家吃飯也是樂少融融。屋企附近新開一間中式餐廳。逆市中開餐廳應該有些實力才是吧。今晚中秋聚餐，不能堂食，便外賣吧。燒鵝髀$120，𢲡返屋企仍然脆皮，外脆內軟，肉質鮮嫩。吃落仲啖啖鵝肉香味，很是可口。買滿100元，可以加$18元換購「少爺雞」半隻，真係好抵，返到屋企先知原來一啲都吾少，還附送兩盒羗蔥，與雞肉係完美的配搭。除咗外賣，或者4人以下堂食，也有許多選擇。下次一定約朋友來試吓呢。…查看更多

大角咀福澤街附近，係老派市區，這里的建築幾乎都係有一定的歲月痕跡。最近市區重建項目多左好多新樓。呢間餐廳就位於新樓盤，相信也新裝修開張不久。外表裝橫配合曬新樓設施，全新落地玻璃垟，內面的裝飾卻很懷舊，充滿六、七十年代的痕跡。連枱櫈都專登配合。看看餐牌，是一般茶餐廳的食物都有供應，而且款式多選擇多。秘制乾燒魚塊+白飯1碗＄68雖說寫住乾燒，但魚塊一點也沒有乾浸浸的感覺，廚師用了秘制的醬汁令口感濕滑，魚塊嫩滑不鞋口，醬汁有D似咕嚕肉醬，酸酸甜甜又多左啲辣味，送飯非常開胃。雪山紅豆冰＄30 （跟餐+＄10）作為特飲來講加＄10元，真係好抵。好靚嘅高腳杯盛載住紅豆冰，紅豆好淋加上上層的忌廉，成杯野變得好滑，甜度也適中。…查看更多

香港的確係一個美食天堂。中西美食偏佈各地，今日來吃的是地道港式小炒王。聚好味位於旺角鬧市砵蘭街。餐廳美食種類繁多，不論粉麵飯菜應有盡有。他們的餐牌多到印吾晒，甚至需要另外張貼出來，潮食、火辣，人氣，精選，廚師推介甚至韓風都有。真係難以想像廚房要幾大和廚師功力幾深厚。除左寫餐牌，仲將菜式影相張貼到牆上，它們在告訴你有幾吸引，睇見都流口水。鹹菜豬肚浸蜆。雖然話浸蜆，其實鹹菜豬肚湯需要經過時間熬製。咸菜才出能出味，豬肚才能淋。放入蜆同煮，便帶出蜆的鮮味，蜆肉也吸收咸菜的咸味，相得益彰。老乾媽辣子鐵板蝦，老乾媽辣子指的是辣椒漿，有一定的辣度，但係辣得來又唔麻，也冇乜嘢後勁，所以完全不會蓋住蝦的鮮味。但係又可以帶出蝦嘅鮮味，係咪好神奇。海鮮雜菜煲，有粉絲作底，吸收晒海鮮和雜菜的精華。呢味菜唔肥膩，健康又飽肚。等買單嘅時候再望一望牆上，發現仲有港式快餐、午餐和下午茶添。好啱繁忙嘅香港人中午趕時間食午飯。…查看更多

工廠區比人感覺有點老舊，但估唔到觀塘工廠區有間咁有型的西餐廳。如何有型法？先來看看他的裝修風格。是樓上鋪，搭lift上去，發現別有洞天，落地玻璃取光之餘，又可里外呼應。天花用鐵花藝設計，夜晚在燈光之下特別有情調。一邊是長形靠牆梳化，另一邊坐椅梳化，座位舒適，空間寬敞。紫薯湯，坊間西餐廳比較少有，飲落順滑，散發濃濃紫薯香味，是特別健康的一道餐湯。頭盤係海膽忌廉海鮮撻，沙律作底，新鮮出爐的海鮮撻，仲熱辣辣，香噴噴，上面層泡仲卜通卜通在跳舞，味道好香口，吃過番尋味。主菜香煎厚切鵝肝伴紐西蘭牛柳，$208，牛肉味香濃，瘦肉中也有牛油肥在其中，顯得口感滑口，吾會鞋口。日式海鮮薄餅＄148注意因為即叫即整，所以需要預少少時間，但值得付出時間等，因為好香口，薄餅底是又香又脆的，略慊過咸。甜品係跟餐送的，但係一點都吾馬虎，那個賣相，可見廚師真係落足心機，佈置得如此浪漫，光看已經流晒口水。為今晚帶來完美的句號。用餐時剛好席中有人生日，餐廳廣播播出生日歌，場內用餐的人客聞歌起鬧，一齊歡呼，非常熱鬧，好有氣氛。反觀餐廳職員可能已經見慣場面，顯得莫不關心。…查看更多

為健康加油，約好朋友在大圍踩單車，踩單車之前，先在這里附近醫肚先。餐廳名字叫「風車」，順口又特別。午餐有lunch set，由$54～$139不等，沒有加一服務費。是日餐湯：薯仔湯，飲落仲有粒粒薯肉，貨真價實，不但飲得又食得。日式照燒雞肉脆豬＄76雞扒大大件，配上番茄和芝士，味道層次豐富。脆豬好好味，很脆，好香口，帶有蒜蓉香和牛油香。伴碟是炸薯角和沙律菜。炸薯角厚厚實實，好有口感，而且是新鮮即炸的，上枱時仲熱辣辣，好好味。沙律菜增加健康元素，今餐又肉又菜又番茄薯仔⋯真係豐富的一餐。…查看更多

在家工作久了，午餐還是要偶爾出街吃一次的。位於荔枝角地鐵站出口附近，交通便利。因為店內裝橫色彩繽紛，非常吸引眼球。午餐分兩大區，分別是熟食和生食。呢碗係黑蒜油稻庭烏冬。材料是夠豐富的，略歉不夠熱氣騰騰。湯底是比較清淡的，不是很濃烈的那種。配搭的吉列港島蠔，有5粒，剛炸好出爐，熱辣辣的，香脆的外皮。蠔肉質素參差。其中兩粒肉質豐滿。炸一口豆腐＄48筷子叉獨立包裝，感覺衛生但有點不環保。豆腐一粒一口。炸港島蠓烏冬＄78炸一口豆腐＄48又一頓豐富的抗疫午餐。…查看更多

今晚特別挑選一間鬧市中嘅森林西餐廳，讓眼睛吸收綠色，口腔享受美食，係一件幾咁美好嘅事情。餐廳就係油麻地M1酒店1樓，處於鬧市之中，交通方面。甫入餐廳見到樓底極高，以綠色爬牆植物配襯木箱組合，仿佛身處森林之中。燈光輝煌明亮，頓時讓人放鬆起來，什麼工作煩惱，生活瑣事一一拋之腦後。進餐環境的確係重要嘅一環。今晚讓我深深體會。坐低後，可以將手袋放入座位邊的儲物藍里，坐位舒適，通道寬敞，有別其他西餐廳的逼極感覺。餐碟設計像是森林中嘅花朵，顏色鮮艷又不失高貴。隨即呈上一杯蝶豆花檸檬水，係室溫嘅，適合依家天氣，清清涼涼，呷一口又甘甜又解渴。明泰子蟹肉扁意粉＄158意粉拌勻醬汁作底，一層層加上蟹肉和明泰子，一碟好靚嘅佈置。粉紅色嘅意粉拌勻之後都好入味。牆城小食拼盤（小＄168/大＄248）四個人叫左個大拼盤，裡面有美式甜辣香脆雞黃，係一定要吃的，正如其名，好香脆好香辣，一食難忘。炸薯條，甜番薯角和芝士條好香又沒有油膩感。以為德國腸都係果些印象，其實餐廳有花心思，𠝹開一界界，炸到外脆內香。慢落豬＄268兩串豬肉配有番薯角，沙津菜，主角西班牙冰花酸梅黑毛豬係必食推介，配菜甜番薯角都好爽甜，也不失色。重點係黑毛豬，它的的肉源自西班牙，西班牙黑毛豬居住在橡木樹林，主要食糧為橡果及鮮草。豬肉帶有一種獨特的堅果香味。加上充足的天然活動空間，豬肉結實，脂肪少，加上慢煮烹調，鎖住肉汁，肉質鮮嫩，係完美嘅一道菜，一食難忘。最後一個甜品作為完美嘅結束。結束今晚一個無論環境，服務和食物水準都好出色嘅完美一餐。…查看更多

出街食飯，耐吾耐就想吃日本餐廳。今晚找來一間平民價錢而注重食物質素嘅日式料理餐廳。餐廳位於黃大仙地鐵站出口處，步行1分鐘，餐廳好大間，裝修新淨，入座前需要先自動攞籌。燈光明亮，座位舒適。通道寬鬆。多邊形吊燈甚俱特色。很快遞上一杯熱茶，我們手握茶杯，和暖了冰凍的雙手，感受到暖暖的情意。如一般日式餐廳，醬油醬料齊全，還有一壼熱水，可以自助添飲，好方便。火焰左口魚邊牛油果沙律＄68沙律菜配搭番茄仔和牛油果，加上左口魚和沾上黑松露，拌勻之後，味道鮮甜，牛油果好有果香好新鮮，好少吃到咁新鮮嘅牛油果，加分不少。三點刺身盛＄118分別有三文魚剌身（3片），章紅魚薄切（6片）私甜蝦刺身(3隻）各俱特色，各有千秋。千回火鳥（三隻＄38）價錢優惠，整隻雞翼用竹籤串起，方便進食。金黃外表吸引食慾。泡菜黑豚豬窩＄88材料豐富，熱辣辣嘅一窩，以娃娃菜和粉絲做底，混入黑豚豬，泡菜，冬菇。味道鮮甜，少少辣帶出更鮮味。啲湯都好好飲。海膽冷素麵＄88一睇就知係非常健康嘅一道菜式，而且賣相討好。冷麵拌勻醬汁，味道清淡健康。好啱減肥計劃中嘅朋友，佢肯定要吃多啲，飽肚啲。糯米糍紅豆宇治抹茶牛奶雪糕＄45完美嘅一餐吾少得甜品，非常推介呢款，一個價錢多種口味，雪糕好滑溜迷人，糯米糍煙煙韌韌。配搭完美。…查看更多