VirginiaTung's Profile

KFC早餐推出全新高蛋白「口袋卷系列」健康餐，食一件已經有接近20-30g蛋白質，口袋卷size易入口岩晒生活節奏急促既都市人，或者好似我咁朝早起身冇乜胃口食呢個就岩晒😌9月又到開學既時候，番學前嘆個高蛋白口袋卷早餐都咪話唔正😍🌟 「口袋卷系列」有兩款口味可揀，套餐另配一塊薯餅及一杯熱奶茶☕️🌯田園雞絲「口袋卷」17g蛋白質🌯醬燒雞扒「口袋卷」29.8g蛋白質今次試左田園雞絲入面有生菜、芝士、蕃茄，雞絲都有唔少😌最初都擔心卷餅會唔會好乾好重麵粉味，但食落一啲都唔硬好易咬開，而且厚度適中，配埋特製意大利香料同蛋黃醬，味道更清新😍加埋香脆薯餅及以錫蘭紅茶同荷蘭奶源製成絲滑奶茶，呢個早餐真係冇得輸🤣…Read More

其中一位親友提議到觀塘［御膳］祝賀大壽，主廚度身訂宴～由於是次為壽宴，餐廳有免費贈送鹵水鵝肝鵝腎，雖然免費贈送，但製作一點也不馬虎😊餐廳表示可以免切餅費、免開瓶費以及免加一，所以這餐都比較有預算菜式推介 ：♦️避風塘大肉蟹：肉蟹份量非常之大，表面鋪滿蒜蓉，蟹肉鮮甜可口♦️富貴金龍：原條沙巴龍躉，起肉分作兩味，有「龍躍金淵」的意思• 流沙黃金，蛋黃裹炸酥香滿溢 • 椒鹽吉列，咸鮮襯出魚肉真味♦️臘味糯米飯蒸大肉蟹：糯米飯煙靭可口，完全吸收蟹肉的精華♦️汕頭鹵水鵝：鹵水鵝鵝肉非常肥美，入口充滿肉汁，鵝肉醃制非常入味♦️冬瓜果皮魚湯浸龍蝦：這道菜式非常重本，陳皮引兩只龍蝦熬湯，清而不簿，龍蝦肉質鮮嫩♦️香芒沙律大蝦球：蝦球入口鮮甜，蝦肉彈牙餐廳的服務好貼心，這次我們自己帶來酒精飲品，一來到看見原來餐廳已經為我們準備好冰桶☺️另外，餐廳也有提供免費蒸壽包😍…Read More

見咁耐冇食日式放題突然心血來潮想搵番間食，行經大鴻輝見到呢間唔洗3百蚊就可以食到馬來西亞D24榴槤、長腳蟹、鮑魚仲有Häagen-Dazs、MÖVENPICK全部都可以無限任食真係好抵，諗都唔諗就即刻上左去🫢上到去可能今日係平日出面唔算多人等，好快都入到去但原來入面都幾full下，建議大家可以訂定位先😌今次揀左A餐經典雙重奏長腳蟹鮑魚海洋盛宴，呢個餐有77品菜色可以任食，晚市可以食2小時，其實中午同晚市款式都一樣但中午可以食3小時比較抵食啲🤔出面自助吧款式都唔少，有海鮮吧、熟食吧、前菜、湯類、甜品類，最特別係佢有酒水吧有數款自家調配飲品可以揀，仲有每日特製既雞尾酒可以任飲🍸另外上菜速度都好快，基本上落單幾分鐘已經送到亦冇漏單問題出現～—————————————————————————————♦️刺身類🍣：淨係刺身都有16款可以揀，有最基本既三文魚、北寄貝、油甘魚、劍魚腩、角螺、八爪魚等等～特別啲既有泰式生蝦、象拔蚌、帶子、松葉蟹同柚子醋花海蜇🪼味道正常都幾新鮮，我個人幾中意帶子同象拔蚌味道鮮甜，松葉蟹都好大隻幾多肉♦️壽司、手卷類🍣：三文魚腩壽司幾肥美，池魚王壽司肉質入口即化，另外有白松露、黑松露作配搭幾特別~手卷方面個人推介海膽手卷，海膽份量幾多食落唔腥仲帶有鮮甜味，細細舊方便入口，已經叫左幾轉🙈♦️串燒、燒物類🦪：串燒方面有牛舌、鹽燒雞翼、有機菠蘿、鹽燒雞軟骨等等，特別要提川燒蒜蓉焗生蠔非常惹味，生蠔size適中配埋蒜蓉辣椒口感過癮，生蠔唔腥值得一試🥰中意食既羊既可以試香草燒羊鞍，我個人幾中意食黃金焗扇貝同蒜蓉燒茄子🍆♦️天婦羅、炸物類🍤：當然唔少得有虎蝦、南瓜、蕃薯同茄子天婦羅啦，特別仲有大大條帝皇蟹棒天婦羅😍炸物我個人特別推薦貓山王榴槤炸彈真係一試難忘，完全做到外脆內軟，外皮唔厚超軟糯，裡面榴槤餡做到流心狀態，口感香濃💖♦️煮物類🍲：叫左皇牌杞子花雕醉鮑魚，鮑魚都幾大隻食落唔韌幾入味～另外仲叫左和風汁牛柳粒同御品鮑汁燴花膠，仲試埋鮑魚瑤柱海皇粥，食左咁多生冷野食番碗粥暖下胃都幾舒服，碗粥好足料有好多海鮮，有主角大大隻鮑魚、海蝦、蜆肉、蟹柳、瑤柱等等可以話係必試😋♦️自助區：有大量海鮮冷盤蝦、青口、蜆等等，仲有麻辣小龍蝦🦞前菜方面唔少得有中華沙律、螺肉、墨魚仔、鳳爪等，魚皮辣得好過癮幾好味😌另外仲有葡撻、章魚小丸子、炸單骨雞翼滿足你多個願望～♦️甜品區🍨🍦：可以任食Häagen-Dazs、Movenpick雪糕、自家製軟雪糕、雪米糍、多款韓式人氣雪條、豆腐花等～仲有好多款自家製慕絲、布甸、蛋糕🍰同泡芺♦️飲品：呢度好特別設有酒水吧有數款特別調配飲品如莎莉譚寶、藍糖荔枝梳打、藍蝶花白桃梳打～最特別係每日限定一款雞尾酒可以任飲，呢樣其他放題餐廳係冇架😌另外仲有三大個雪櫃有多款汽水、茶類🍵、果汁🧃、啤酒🍺揀，仲有白酒🥂、清酒🍶可以任飲🌟最後當然唔少得介紹榴槤啦～黎自馬來西亞D24榴槤件件都好大舊，果肉厚帶有超濃榴槤香味，食落口質地非常綿滑，榴槤控既你千祈唔好錯過啦😌呢度咁多野食真係食一次都唔夠，要黎多幾次先可以試晒所有野食🙈評分🖍️(滿分為5個🌕)抵食指數：🌕🌕🌕🌕🌕服務質素：🌕🌕🌕🌕🌗環境：🌕🌕🌕🌕🌗味道：🌕🌕🌕🌕🌗…Read More

餐廳門口有啲隱蔽，初初見到門口有啲卻步以為去錯地方，因為門口都胡桃夾子把守仲寫住只招待會員，不過其實唔洗驚直接推門入口就得架啦😂裝修好特別帶有懷舊復古風格，由樓梯上餐廳到餐廳每個角落都可以話係打卡位，岩晒中意影相打卡既你☺️餐廳食物廚師都花左心機去設計，菜色名都經過精心構思好特別，例如：炒你帶子沙嗲香港製造蝦籽撈麵、可能會失望溫泉蛋明太子意大利扁麵～個個菜名都水蛇春咁長🤣餐廳最特別係你可以帶同寵物一齊黎呢度食野，餐廳仲特意設計岩寵物食既菜式如pizza，真係夠晒貼心🥰呢度既店員都好細心，食野期間有食客叫店員幫佢地影相留念，店員都非常樂意仲用唔同角度去影，教埋佢地擺pose真係好有心💖—————————————————————————————今次揀左佢既set dinner，套餐包左餐湯、前菜、主食、飲品同甜品～♦️椰菜煙肉忌廉湯🫕：入口好綿滑唔鹹，另加左黑椒飲落帶有些少辣，湯中帶有椰菜微粒感，口感更有層次更特別♦️蕃茄羅勒意式烤法包🥖：賣相幾靚，選用香脆可口法包，配上廚師特別調製蕃茄蓉，蕃茄蓉酸味突出，而且醬汁偏凍好似岩岩係雪櫃拎出黎，口感好新奇特別🥫♦️慢煮唐揚豬腩肉配焦糖菠蘿蓉咕嚕汁🍍：慢煮令豬腩肉纖維徹底軟化，入口即化，保留豬肉既油脂香甜同鮮嫩多汁，而唐揚製法令豬腩肉表面形成一層金黃酥脆既外皮，外層酥脆感與內裡既嫩滑形成強烈對比，食落口感好過癮～我好中意佢既醬汁，菠蘿蓉冇直接混和係咕嚕汁中，可以選擇淨係蘸菠蘿蓉，唔酸之餘帶有新鮮果香甜味，好清新可以解除滯感覺～咕嚕汁酸甜度恰好，能中和焦糖微苦甜味💞我自己好中意佢既薯蓉真係好好味，仲食到薯仔粒而且口感超綿滑😍♦️秘製沙茶忌廉汁澳洲穀飼西冷扒配薯菜🥩（7成熟）：餐廳好貼心西冷扒上菜時已經切好一半，個人覺得7成熟岩岩好仍可以見到牛扒中間帶有粉紅色😌牛扒都幾厚身，表面略帶焦香烤痕，隱約見到肉汁係肉排表面微微滲出～牛扒油脂分布均勻，入口時帶出豐富肉香～配埋秘製沙茶忌廉汁，沙茶醬香氣濃郁加埋忌廉，使醬汁質地更加細膩滑順，口感豐富而醇厚，沙茶風味冇搶去牛肉本身鮮味，反而提升整體味覺層次🥰♦️是日甜品（Tiramisu蛋糕）：表面撒左大量帶微苦味可可粉減輕奶油甜膩感，蛋糕帶有濃郁咖啡味同淡淡酒香味，同朋友share食份量剛剛好♦️凍蜂蜜紅茶、凍柚子烏龍茶評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌗環境：🌕🌕🌕🌕🌗味道：🌕🌕🌕🌕🌑…Read More

今次揀左佢既Omakase「逸」Itsu set，一共有25品菜，全部都經師傅精心設計挑選當日最新鮮既食材，食材由日本空運到港真係高質素又新鮮～職員好有禮貌同細心，用心講解每道菜既特色同做法😌餐廳設有吧台可以近距離睇師傅整野食，環境同燈光都令人都種舒服感覺，可以慢慢品嘗新鮮食材味道😋而家做緊優惠午市可享9折，晚市仲抵全單有85折優惠添，記住要提前打去訂座‼️‼️‼️🥙前菜♦️沖繩水雲：屬於藻類，食落爽口配埋酸酸甜甜醬汁好開胃♦️鮟鱇魚肝：魚肝味道較濃，口感細膩滑溜，表面配有酸辣蘿蔔同蔥花，魚肝底有昆布更有柚子酸汁中和魚肝濃味♦️蟹肉蟹膏豆腐：師傅將蟹膏同豆腐一齊絞碎，所以食入口啖啖好香蟹膏味，滿足得黎唔會好漏，表面鋪滿松葉蟹蟹肉，口感較為濃味🐟季節時令刺身、炙燒魚生♦️平政魚配海膽豆腐：平政魚係鰤魚既一種，肉質好鮮美脂肪含量適中～刺身面加左烏魚子粉，入面係已煮熟既海膽豆腐，師傅推薦可以試下一件就咁食，另一件蘸豉油食😌呢個配搭幾特別，味道好香海膽唔腥，蘸豉油更有鮮味，平政魚肉質細緻入口即溶♦️磯粒貝：其實係響螺，表面加左柚子皮好清新，口感爽口唔韌肉質同樣細膩，仲帶有少少海水鹹香味♦️真鯛刺身配青瓜漬：輕輕燒過真鯛魚皮，更能逼出其油香，食落香口啲仲帶有少少煙燻味～配埋上面既青瓜漬微酸有助解膩♦️活龍蝦刺身配馬糞海膽：賣相已經好吸引，龍蝦刺身呈半透明狀望落肉質飽滿且帶有自然光澤，食落肉質鮮嫩彈牙，入口帶有淡淡甜味，肉身緊實唔腥～面頭仲有蝦膏其鮮味有少少酒香味好新鮮😋馬糞海膽帶有淡淡礦物質味同海水鮮鹹感，口感富有層次同獨特，質地細膩入口即化令人一試難忘😍♦️黑梅貝：師傅好貼心起左殼，調味用左薑同辣椒絲變相更香，食落帶有少少鹹味同埋自然海洋鮮味，其肉質非常鮮嫩，咬落去感受到其彈性和滑順口感♦️黑鯥魚：屬於斑類一種，表面係魚本身肝醬，魚肉肉質口感綿滑而且富有層次海味，呢款同樣推薦可以蘸豉油食🍣壽司♦️鯖魚：鯖魚都幾大塊本身都驚會腥，但今次配埋表面既三色椒醃料同埋昆布係完全冇腥味，肉質比較結實♦️甜蝦：甜蝦用左昆布醃製，食落幾特別鹹鹹地而且好軟身♦️深海池魚：深海池魚本身魚肉質地緊實且富有彈性，都幾肥美油香味十足♦️赤貝：赤貝絕對係超級新鮮，師傅輕輕拍打時會即刻收縮，配埋師傅自家調製蕃茄醃料口感獨特♦️鰤魚：鰤魚表面加上柚子胡椒，增添左清新柑橘香氣與微微辛辣感，令整體風味更有層次感仲可以中和鰤魚油膩感♦️中拖羅：中拖羅望落去色澤紅潤油脂分布均勻，肉質細膩軟嫩入口即化，味道脂香濃郁但唔會過於膩口，表面同樣加上柚子胡椒更能去除油膩感♦️香蒜炙燒銀鱈魚：呢款係師傅極力推薦💖選用左刺身級別銀鱈魚，銀鱈魚本身肉質細膩且油脂豐富，經過炙燒後表面微微焦香，帶出獨特的煙燻香氣與甘甜味，魚身好冧同樣入口即化，香蒜味同銀鱈魚完美結合食落更香口，其油脂滲落壽司米中，令人好想再食多件🙈♦️岩手縣赤崎産真蠔🦪：表面加左少許藻類，蠔肉好大隻好肥美，呢款生蠔蠔味濃郁，有獨特海洋鮮味同甜味，口感爽口♦️牡丹蝦：面頭有蝦頭蝦膏，下面係肉質晶瑩剔透既牡丹蝦，最特別係最底醬汁係用蝦殼整既豉油，食完蝦記得要飲埋佢，醬油好清甜好解膩仲帶有些微油香味♦️黃身醋配松葉蟹：其實係蛋黃醋配埋松葉蟹一齊食更能提升其鮮味同口感，表面加左少許紫蘇花，除左能增添色彩食落有淡淡紫蘇花香味♦️淡雪鹽白海膽鱈魚乾：師傅撒左大量淡雪鹽，望落去好靚好似雪景咁，淡雪鹽好特別食落唔鹹，口感係一片片，鱈魚乾同海膽好夾，咬落去海膽滲落去鱈魚乾好正，而白海膽口感細緻帶有淡淡海水味♦️譏燒南非鮑片：鮑魚經過慢煮4小時，再加上蟹膏麵豉調味口感香口～本身南非鮑已經味道香濃，再加埋蟹膏麵豉更加濃味🍤揚物♦️油方煮天婦羅：賣相幾吸引，餐廳選用左白身魚並炸至外脆內軟，再放左乾辣椒、岩鹽同紫菜汁，紫菜汁為本身較淡味既天婦羅增添濃味♦️拖羅配蛋黃漬：菜式較特別，蛋黃漬有鹹香微醇氣味，口感濃郁細膩，鹹香中帶甘甜，增加咀嚼層次，兩者都幾夾～表面有大量蔥絲為拖羅增添蔥香♦️大拖羅蓉配大葉天婦羅手卷：大拖羅質地綿密油潤，做成蓉狀令口感更加細膩，入口即化，帶有淡淡鮪魚甘甜和脂香，鮮味十足且不油膩，另外加左芝麻黃瓜係拖羅蓉入面～大葉拎去炸更加鎖住左葉本身香味，外皮不厚重口感香脆♦️清酒煮玉子：上得呢款菜式亦代表已去到尾聲～食到清酒既清甜味道，玉子口感彈口可以去除口腔頭先所食既濃味味道😊🫕汁物♦️龍蝦肉清湯：個人幾中意因為龍蝦味香濃之餘唔漏，再加上放左芫荽中和龍蝦過濃味道，本身食到有少少滯但一飲即刻解膩，有種令人想再繼續飲既衝動🤭🍨甜品♦️哈密瓜配荔枝味雪糕：師傅特意選用赤肉哈密瓜，因為黃肉哈密瓜食完有機會引致喉嚨癢，但赤肉唔會而且食落超甜超多汁～荔枝味雪糕一開頭食到荔枝味較濃，但後勁會變成牛奶味道更香濃，可以話係完美既句號好滿足☺️評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌕…Read More

餐廳串燒出名夠水準，即叫即燒熱辣辣😍仲有多款串燒可以揀，有蔬菜、羊、豬、海鮮、雞等等，另外仲有人氣燒鵝肝，真係聽到都流晒口水🤤餐廳裝修充滿日系傳統居酒屋風格，以木裝修設計為主，簡約又舒適 ，好適合約埋朋友黎聚餐～—————————————————————————————♦️燒雞翼：串燒必點💗外皮燒至金黃色而且鬆脆，香味十足入面充滿肉汁唔會好乾柴，燒烤時間剛剛好，唔會燒過龍變得好硬～中意食燒雞翼既唔好錯過呀😍♦️燒豆腐：燒豆腐好似比較少見所以特登叫黎試下，聽落好似好簡單但其實都唔易整🤔豆腐燒至外脆內軟，外皮同樣金黃酥脆，咬落去發出清脆聲音，內部豆腐仍保持柔軟和滑嫩，形成強烈對比～豆腐質地細膩入口即溶，上面撒左啲木魚絲令口感更有層次♦️燒飯糰🍙：呢款好似更加少見，飯糰表面燒至焦香，內部飯糰保持柔軟和黏稠，係幾特別值得一試評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌑…Read More

銅鑼灣隱藏左間裝修好有美式復古風格既漢堡包店，呢間好多外國人都會幫襯，我果日去食都有見到唔少外國人，餐廳面積較細入面只有幾張細枱，所以平時夜晚去成日都要排長龍，唔想排隊就要早啲去啦🤭佢有齊牛肉、豬肉、雞肉同魚柳可以揀，素食人士仲可以揀香菇藜麥脆薯餅素漢堡～佢地除左漢堡出名之外，奶昔都好出名有雲尼拿味仲有阿華田朱古力、香芋維他奶味、香芒奶西味，真係得呢度先食到😍買任何漢堡仲可以加錢升級做套餐，套餐包埋小食一款同飲品，真係好滿足💕—————————————————————————————♦️Sick! Burger 招牌牛肉漢堡（安格斯牛肉、生菜、自製醬汁、車打起司、柚子、洋蔥醬、焦糖洋蔥）：今次叫左單層漢堡，牛肉經過煎煮更香，漢堡幾厚身肉味香濃，咬落去超多肉汁，麵包用焗爐烤過帶有微微焦香，表面更香脆鬆軟，我好中意食佢既洋蔥好爽脆，配埋柚子醬味道帶點清新♦️Sick! Pork Belly Burger豬西班牙漢堡（西班牙栗飼豬、炸豬皮、鮮菠蘿片、秘製八珍甜醋醬、芫茜、蒜泥）：選用西班牙栗飼豬肉其特點係肉質較鮮嫩，脂肪分佈相當均勻，豬肉同樣經過煎香，再配以獨特炸豬皮同八珍甜醋醬，口感更有層次十分特別，冇諗過炸豬皮都可以加落漢堡而且都幾夾🤭整體黎講食落唔會覺得好滯♦️黑啤蔥油洋蔥圈：外形同平時食開既洋蔥圈有啲唔同幾巨大，外層金黃酥脆內部洋蔥保持柔軟口感，咬落好鮮甜蔥油味香濃♦️香脆咖哩雞翼：雞翼份量十足幾大件，炸皮幾乾身脆口，表面撒左咖哩粉好惹味，不過都幾辣，唔食得辣既朋友可以未必食到🫢旁邊有甜酸醬都可以中和到少少辣味，雞翼唔會炸到乾柴食落仲有肉汁滲出黎😋♦️Oval Choco Sick! Shake阿華田朱古力奶昔：中意朱古力奶昔既一定唔可以錯過，超冰凍朱古力味十分濃郁，阿華田同朱古力互相襯托，唔會搶左大家味道而且冇想像中咁甜，入口好綿滑～表面佈滿棉花糖、朱古力曲奇、朱古力脆脆，口感層次豐富，令人一試難忘🥰♦️Cold Brew Tea梔子冷泡茶：同樣超冰凍岩晒夏天飲，唔澀口可以有助解除油膩感評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌑…Read More

紅磡都有好幾間車仔麵檔都多人講起，今次揀呢間係因為見佢啲餸都幾多款，同埋價錢都算平三餸都唔洗$50，真係抵食😍小店出名對食物質素有一定要求，所以質素絕對有保證👍🏻湯底仲要唔限可以任選，野飲加熱飲都係加$2、凍飲加$3，真係抵🤪—————————————————————————————♦️兩餸車仔麵（酸齋+豬紅）：今次叫左米線軟硬度岩岩好，湯底揀左腩汁加秘制辣汁小辣夠晒惹味，小辣都其實係幾辣🫢啲米線都幾掛湯，酸齋大大舊幾抵食，豬紅真係好入味我個人幾中意😍♦️兩餸車仔麵（豬皮+墨魚丸）：湯底揀左清湯加秘制辣汁但呢碗揀左中辣，食落都真係幾辣，唔食得辣既都係揀小辣或者唔辣好啲🫢但佢辣得黎係幾香好過癮～豬皮好諗口感彈牙，墨魚丸大大粒幾爽口♦️腐乳通菜：份量唔少，我個人幾中意～腐乳醬香得黎唔會太辣，通菜都好爽脆評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌑…Read More

🤩今次試到呢間川菜店！佢哋嘅秘製奇香雞飯、麻婆豆腐飯同酸辣雞雜飯好正，食完真係即刻想二刷！​🍚秘製奇香雞飯雞肉嫩滑，秘製醬汁濃郁😋 雞皮金黃脆口，同嫩滑雞肉形成超正嘅口感對比，完全停唔到口！​🌶️麻婆豆腐飯豆腐軟嫩到筷子都要小心翼翼夾，麻辣鮮香嘅醬汁將豆腐完美包裹，辣度調配得啱啱好，唔會搶走豆腐本身嘅豆香，反而越食越過癮🔥​🐔酸辣雞雜飯絕對係重口味人士嘅最愛！雞雜處理得乾淨無異味，口感爽脆彈牙。酸辣醬汁又酸又辣又開胃，配上爽脆雞雜同粒粒分明嘅米飯，簡直係邪惡組合！刺激味蕾，食完整碗仲覺得唔夠喉😜呢間川菜店真係冇令人失望，無論邊一款飯都充滿誠意，絕對值得推薦畀鍾意川菜嘅朋友！下次一定要再試吓其他菜式🤤！評分🖍️(滿分為5個🌕)抵食指數：🌕🌕🌕🌕🌕服務質素：🌕🌕🌕🌕🌕環境：🌕🌕🌕🌕🌑味道：🌕🌕🌕🌕🌕…Read More

今日行經波鞋街見到有間玻璃櫥窗放滿左多款蛋糕、班戟同糯米糍，真係好吸引🤩再睇埋餐牌甜品種類有好多，真係你諗到既都有～有人氣補身椰皇系列、豆腐花、台式仙草、夏日必食刨冰系列、中式糖水、西米露等等，如果你係榴槤控呢度更加岩晒你，佢有多款榴槤主打甜品，特別推薦D24 榴槤水晶珠珠冰👍🏻另外佢有招牌雪糕窩夫賣相又靚好味🤭最有特色甜品一定要提蝶豆花富士山奶凍，賣相夠晒夢幻可以用黎打卡呃like😍而家新出左雪糕糯米糍係即叫即包，雪糕味道仲可以揀豆腐、芝麻、開心果同D24榴槤味😋座位方面唔好見佢出面得咁少位，實則內有乾坤行入少少有更多位，就算你推住一件二件行李或者嬰兒手推車都唔緊要，可以安排坐入面闊落啲😊而且地點鄰近波鞋街、家樂坊、兆萬中心，好適合同朋友係附近食完晚餐再過黎糖水直落～—————————————————————————————♦️冰糖雪耳燉木瓜（熱）：特別叫左碗中式糖水試下，木瓜同雪耳份量幾多，木瓜每舊都大大粒，另外加左南北杏味道都幾出，重點係一啲都唔甜岩岩好，絕對夠晒足料♦️鮮芒果益力多芒果味綿綿冰：夏天咁熱又點少得食綿綿冰消暑☀️本身想叫茘枝龍眼雪山，但後尾見佢係益力多綿綿冰所以試下，而家已經愈來愈少見有益力多味綿綿冰，芒果肉大大粒仲有好多舊，綿綿冰份量都唔少而且芒果味道非常濃郁，益力多既酸甜平衡芒果既甜味，令整體口感更加清新～綿綿冰質地非常細膩，入口即化🥰♦️多芒布甸小丸子（+花生湯圓2粒）：賣相幾靚芒果布甸好大個有成個碟咁大，布甸係芒果布甸入面都有芒果餡超滑溜，真係超足料💖另有花奶可以因應需要自己加，小丸子外層皮薄，口感好煙韌Q彈，食落每啖都好滿足🙈想試埋佢既湯圓所以加左花生湯圓，花生餡香味十足，湯圓外皮軟糯有彈性，不過就唔算好大粒～評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌕環境：🌕🌕🌕🌕🌑味道：🌕🌕🌕🌕🌗…Read More

今⽇⼀⾏四⼈到了Times Coffee⻝午餐，野⻝質素唔錯，特別是明太⼦意粉，⿊松露意粉同Latte☕️⿊松露意粉$98，如果係午餐時分就有包埋飲品，亦都可以⽤優惠價加配⼩⻝同甜品。呢個意粉既調味係10分出⾊，⿊松露既⾹味好⾜夠，亦都唔會煮得太腍啱啱好🤗鹽酥雞南⽠燉飯既鹽酥雞竟然可以做到外脆內嫩，個⼈認為呢個燉飯係⽐較膩，因為本身南⽠已經⽐較飽肚，再加埋炸野就會太滯，相對黎講意粉就好味啲😌明太⼦意粉$138⾮常出⾊👍🏻 明太⼦醬濃郁，仲加⼊左幾款唔同既配料，蟹⾁加蟹籽同醬汁係好夾，為左呢個意粉值得再黎多幾次🙈煙三⽂⿂⽜油果沙律有半個⽜油果，加咗柚⼦醋⻝落幾fresh。⽤優惠價加咗魷⿂同埋台灣腸，兩款⼩⻝都唔錯幾好⻝，特別係魷⿂🦑⾯頭有啲紫菜味好惹味咖啡嘅味道都唔錯，飲落去有本身嘅甜味唔需要額外再加糖都易⼊⼝。整體嚟講我哋四個都好滿意😋觀塘都好少有咁有heart嘅⻄餐，欣賞佢哋嘅⻝物質素，值得⼀讚💖推介菜式:蟹⾁蟹棒明太⼦意粉、⿊松露雜菌意粉評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌑…Read More

係銅鑼灣竟然可以搵到間$128雞煲烤魚任飲任食火鍋放題，仲有十餸飯可以任食，真係夠晒特別🫢呢個價錢仲要免加一，18點前離座更優惠只需要$118😱你可以揀皇牌烤魚、招牌雞煲、重慶麻辣火鍋、秘製羊蠍子煲、原味椰子雞煲同胡椒豬肚雞煲等等，另外每日有十款唔同既小菜可以比你任食，例如梅菜扣肉、鹹蛋黃雞中翼、菠蘿咕嚕肉、豆豉鯪魚臘味飯、鹽焗手撕雞等，仲有老火湯同糖水，真係好多野食可以揀其實90分鐘都真係唔係好夠🤔—————————————————————————————♦️皇牌烤魚（老壇酸菜味）：選用沙巴魚大條又多肉，肉質嫩滑唔多骨，烤魚亦曾煎過味道更香，辣度揀左BB辣我覺得岩岩好，帶有少少辣味唔會過辣，酸味都突出口感過癮😋湯底再用黎打邊爐夠晒正♦️十餸飯放題：潮州蠔仔烙每次一出爐就好快比人拎晒，想食既就要睇住佢幾時出爐啦😂外皮香脆蠔香味十足～另外仲有鹹蛋黃雞中翼，夠晒大隻雞翼唔會炸到乾柴～韭菜豬紅、咕嚕肉、手撕雞等等味道正常，個人推介豆豉鯪魚臘味飯，飯底粒粒分明而且索晒醬油、臘味油脂及豆豉味係幾好味，豆豉鯪魚既鹹香味加埋落臘味飯中又幾夾～老火湯方面今次係蓮藕豬骨湯，鹹度適中♦️自助區：配料款式都幾多肥牛、雞肉、豬肉都有，肥牛既肥瘦都幾均勻～丸類都有數款可揀如牛丸、墨魚丸等等，蔬菜類都有唔少，呢個價錢有咁多野食真係抵食🤩另外仲有細細粒啫喱小朋友一定中意💖♦️飲品區🥤：款式都算多有可樂、雪碧、芬達、忌廉、各款盒裝飲品，特別要推介粒粒葡萄，望個樣以為好甜但飲落去唔甜，同埋味道唔似好假果種糖漿味，入面有勁多蘆薈👍🏻📣而家做緊優惠4人同行1人免費，優惠適用於星期一至四全日🤩評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌑環境：🌕🌕🌕🌗🌑味道：🌕🌕🌕🌗🌑…Read More

呢間位於小巷中既小食店深受街坊歡迎，佢既價錢仲係超抵，原味雞蛋仔都只係$14仲係心形造型💖除左雞蛋仔、格仔餅另外仲有多款小食同台式飲品，價錢都好親民～今次試左雙色雞蛋仔（原味+朱古力味），出面都算少見可以混合兩隻味既雞蛋仔，雞蛋仔全部都係即叫即整，新鮮熱辣非常脆口，心型造型賣相非常吸精😍雞蛋仔重椰香味，外脆內軟，真材實料入面好多餡，下次要再去試埋其他味🥰評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌗…Read More

餐廳位於土瓜灣地鐵站附近都算方便，入到去燈光好光猛裝修都幾舒服，呢度既下午茶真係大件夾抵食，有多款撈丁系列、炒粉麵飯同芝士焗飯，下次黎要試埋佢個榛子醬果仁西多士先🙈今次特登黎食佢既晚餐，佢有個二人套餐$188可以揀是日清蒸海上鮮或例牌海南雞，再係8款小菜揀一款，仲有一碟上湯/蒜蓉炒時蔬，再送飲品、湯同飯，真係好抵食仲夠晒飽😍餐廳仲好關心長者，凡持有樂悠卡於早餐或下午茶時段仲可以有八折優惠，做到30/6/2025炸💗—————————————————————————————是日中湯係菜乾豬骨紅蘿蔔湯，夠晒入味而且好足料👍🏻♦️椒鹽白飯魚：呢款係特登叫因為平時係菜餐飯都唔係間間有得食，難得見到中意食白飯魚既我一定要叫😋每條都好大條份量好多，炸至金黃外皮非常脆口，帶有微微鹹香同椒鹽的辛辣味，香氣四溢～白飯魚肉質細嫩且富有彈性，不會過於乾柴，用黎送酒真係一流🍺♦️招牌脆炸頂鴿皇：外皮經過炸製處理脆卜卜食起黎既不油膩也不過硬～頂鴿皇係鴿子中最肥美、肉質嫩滑既部位，所以食落好多肉，炸制時間控制得當，肉汁得以鎖住，口感富有層次♦️西蘭花炒蝦仁：叫左咁多肉類當然要叫番碟菜，呢碟可以話係每次去茶餐廳都必點，西蘭花份量夠多而且青綠嫩口，配埋爽口彈牙既蝦仁必定係絕配🤩重點係佢一啲都唔鹹，調味唔會過濃之餘仲食到食材鮮味飲品方面叫左菠蘿賓治同特登叫左佢既特色超巨杯凍檸茶😍杯凍檸茶真係勁大杯，而家夏天咁熱真係岩晒非常解渴👍🏻評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌕環境：🌕🌕🌕🌕🌑味道：🌕🌕🌕🌕🌑…Read More

拉麵店位於長沙灣私人樓地鋪，位置較為隱蔽～店舖最出名係蠔，特別用左日本廣島蠔整拉麵湯底，大廚對於拉麵湯底保留住一份執著，如果果日既湯底狀態唔合符要求會情願全部倒掉閉門一日，所以想黎食都要碰下運氣～我個人好欣賞大廚既做法，今次決定特登要黎試下佢既招牌廣島牡蠣濃湯拉麵睇下係咪真係咁好食🤭餐廳面積唔大座位唔算多，但裝修別具心思以日本動漫為主，另外仲有唔少figure😍呢度主要係食以蠔為主既拉麵，本身想叫埋多重貝汁湯拉麵，但去到已經賣晒唯有下次再去試🥲小食方面都有幾款可以揀有炸雞皮餃子、手羽明太子雞翼、唐揚炸雞等，款款都好吸引🤩最正係拉麵只要加$1就可以有迷你魷魚鬚、迷你抹茶泡芙或者迷你甜紫薯，真係好抵食～🔔溫馨提示餐廳只收現金💰—————————————————————————————♦️終極之廣島牡蠣濃湯拉麵（另加迷你甜紫薯（2粒））：湯底屬於濃湯但香得黎唔會好漏，餐廳選用日本廣島蠔蠔味夠鮮濃，湯底用左大量廣島牡蠣熬煮約9小時，另外加左3種日本醬油去提升湯底層次感，湯汁呈現乳白色，口感豐厚滑潤～拉麵有3大隻日本廣島蠔仲有大大小小醬漬牡蠣，食落唔腥鮮嫩多汁，每隻都好肥美～除左牡蠣仲有溏心蛋、慢煮叉燒都好好味，拉麵掛湯軟硬適中😋♦️基礎真鯛白湯拉麵（微辛香（推薦）、另加迷你魷魚鬚（2件））：湯底冇加任何忌廉湯用大量鯛魚熬煮而成，湯底同樣濃郁魚味香濃，呢款可以加辣今次揀左微辛香，加左辣味道更過癮～鯛魚片都幾大片口感彈牙滑口唔腥，同樣呢碗都有慢煮叉燒，但糖心蛋得半隻🥚慢煮叉燒肥瘦適中仲入口即溶♦️炸雞皮餃子（4件）：炸雞皮經過高溫炸製，呈現金黃酥脆既質地，食果陣感受到濃厚酥脆感，內餡多汁口感細膩，油香感十足幾有創意♦️手羽明太子雞翼（2隻）：雞翼冇骨啖啖肉，內裡飽滿多汁好惹味，而且唔鹹～明太子微微鹹香同奶油細膩，與雞肉鮮味完美融合，增添層次感飲品方面叫左凍日本橙汁同埋凍無糖烏龍茶，烏龍茶真係超解膩😍評分🖍️(滿分為5個🌕)抵食指數：🌕🌕🌕🌕🌗服務質素：🌕🌕🌕🌕🌕環境：🌕🌕🌕🌕🌗味道：🌕🌕🌕🌕🌗…Read More