柏姬Peggy's Profile

全場雖然只有10-12個位但午市唔算好難book～唔洗等到冇哂癮廚師發辦可以唔洗自己諗食咩好岩我原來呢間omakase做左好多年係近排先搬左黎新地址～午市有$680/$980兩款餐我地都叫哂$980每一樣都好好食，要熱既夠熱、要新鮮既夠新鮮每樣味道都好impressive刺身種類大多數都唔係平時連鎖店常見既品種海膽真係好好食！真係樣樣都中意食師傅安排好細心，又照顧到我地呢啲要打卡既人全程大家都有傾有講，氣氛好好有機會我會再黎食！…Read More

老細請食飯帶左我地黎呢間鰂魚涌好有名既西餐廳間餐廳環境裝修都係幾靚暗暗地，復古風咁？佢有幾層，我地坐二樓，要行上去老細話叫咩都得，我地就叫左個2-course set lunch ($278)前菜我揀左呢個煙三文魚佢既煙三文魚有足夠既厚度唔係薄it it 戈種食落唔會味道太濃或太咸佢啲配菜：醃青瓜好好味！一定要食埋～個啲圓形蘿蔔仔都ok擺盤都幾活潑到主菜，我叫左味噌鱸魚魚身超滑，一啲鞋/過熟都冇魚皮搽左味噌醬同魚肉好夾又係連配菜都出色～有切粒粒既菇、一條條既洋蔥、炸紫蘇葉菇冇草腥味之餘，每一粒都非常入味洋蔥已經炒到焦糖哂，一啲過火都冇炸紫蘇既炸粉漿剛好總結：環境裝修都係幾有feel食物本身質素同廚師功架都係好好你要問我，有冇咩唔好架？有！價錢略貴…set lunch加埋一已經要$300 （感覺同平時出面餐廳單點價錢差唔多, 但宜家係set lunch）其實+$10有杯冰茶如果佢杯冰茶係包埋感覺會更良好啲（雖然你可能會話，食得咁既價錢都唔自在戈$10啦，但又咁咼，$278都唔包埋一杯$10既冰茶（一杯冰茶成本很低呢）….）Anyway, 多謝老細！…Read More

平日有野做要請平日假諗諗去食乜突然諗起呢間只開平日既拿督餐廳！我同男朋友搭船過去一落船就係熟食中心！入到去行去幾層就已經到，係正門口唔洗左搵右搵去到成間餐廳坐滿人門口有一堆人叫外賣亦有兩個人排緊隊事不宜遲，我地都排隊先等左10分鐘都唔洗就入得雞腳豬腳黑醬油撈粗麵好夠飽，雞腳夠林又唔會冇咬口成個麵既咸度岩岩好不過就食完好漏海南雞飯，有骨既雞夠滑，油飯唔係平時食開戈種珍珠米黎，有薑味湯有驚喜，濃味，味道係我中意既！白灼蠔仔超中意食蠔，入面唔係全熟個膽仲係juicy既！個醬點埋，完美！仲加左腐竹薏米冰同山楂冰飲慣半糖珍奶黎講，兩杯飲品偏甜不過溶下啲冰就岩岩好腐竹薏米冰就=腐竹薏米糖水咁～好飲山楂冰=酸啲既酸梅湯濃郁版～醒胃！加多一樣：員工係友善有禮貌埋單$159我一定會再黎架！不過又要放大假先黎得lu~如果開埋星期六就好啦！…Read More

見到網上特價$23杯就試下個黑糖紅豆珍珠鮮奶見到啲人個個都話好飲買完都好快整好一睇，見到好似冇咩黑糖以為係因為冇掛杯姐唔緊要，係哂底姐搖勻會好啲既搖勻左啦都係咁淡色，心感不妙一飲，真係冇錯冇黑糖味....冇紅豆味食下珍珠，珍珠口感冇問題，彈牙但係都係冇味我飲緊似係一杯奶，有甜味，有紅豆、珍珠食但係冇黑糖冇紅豆味真心有啲失望唔知係我唔好彩單一事件定係因為我有優惠$23杯就落唔足黑糖有機會都會比多次機會佢既不過我唔會再有期望…Read More

出左糧就去請媽咪去食個afternoon tea set早左到未入得，唯有坐係梳化等下開始前5分鐘終於入得啦一入到去menu已經擺哂係枱面，waiter 帶你入去坐但之後冇作過任何介紹好彩一早爬左文，點餐揀野飲再先食任食甜品吧雖然入到去都係食戈樣，但有枱客人唔知有得任食甜品吧，食到中後段先有waiter 同佢地講，服務實在有待改進最吸引我既係呢個雪糕吧！因為有啲好特別既味：肉鬆咸蛋黃、芒果糯米飯呢兩個咁特別既味竟然幾好食！尤其係肉鬆咸蛋黃味！encore左幾球！同場仲有chocolate truffle, 可麗露同馬卡龍corner比你任食！不過可麗露就硬得滯了，有啲位硬到「銀」牙朱古力同馬卡龍就不過不失啦馬卡龍得個甜味，冇咩特別口味既主菜終於到啦！期待已久～經典三層擺盤碟上既花紋增添左濃濃既英倫古典味而且啲野食都裝飾得好靚實在係要相機食先！食完個scones先醒起冇影大特寫鬆餅冇咩驚喜，一般既酒店級數吧⋯⋯鬆餅都係要去返中環某酒店食先最滿意佢個jam都食到好香既杏桃味，但係就食唔到玫瑰味啊想留返甜品最後品嚐，所以就食左咸點先！蝦+青瓜三文治：佢個樣係唔似三文治既，青瓜夾埋蝦一齊好freshParma ham肥度都岩岩好，好香好好食，唔洗成日都係夾哈蜜瓜咁悶煙三文魚配粒石榴粒又幾好食，下次係屋企都可以試下整😂粒青苔波同隔離個正方形口感有啲似但青苔波入面係濕潤既食戈時冇為意，覺得兩個食落都似鵝肝整體咸點係好味又有啲驚喜呢杯係mocha,有啲改變我對mocha既感覺呢杯chocolate 味就重啲啲當然如果好中意好重咖啡味既就可能唔岩口味但我自己就幾中意佢較個比例甜點黎啦，個樣幾靚，令我實在失望死甜既味，食完唔會有滿足同幸福感尤其是粒白色波，我同媽咪都係食左一啖就食唔到落去......其他算叫做可以同佢清哂，但味道唔係酒店既水準其他唔係專食甜品，差不多級數既酒店自助餐甜點都好食過佢....總結：如果為左影相、咸點、雪糕吧而來，絕對冇問題，但如果係為左試佢個甜點，就會令你失望。咁樣既價錢，我寧願搵一間表現平均啲既下午茶，至少唔會失望😞另外，食到咁上下有live band,好正好有情調啲歌好好聽，好享受抵食分係因為有個雪糕吧先比⭐️⭐️⭐️因為都冇乜afternoon tea set配個有特色又幾好食既雪糕吧…Read More

店面不大，只能夠坐十幾人但係感覺到老細應該係有心做！食材新鮮！叫左一客特上刺身定食（全部定食包1湯1前菜，茶任飲！(唔好當我廢up,有啲餐廳只包1杯普通冇咩味既茶！！！）🤪）雖然呢度冇華麗既餐具、豪華既門面但係啲魚生好有心咁用冰凍住佢係個碗放左冰，再加層保鮮紙雖然簡單，幾有心思～重點海膽係甜，唔腥臭，呢點好難得😂啲螺、貝切得岩岩好厚度唔會「銀」牙😂而三文魚腩好肥美，正！到我既自選魚生飯定食啦！呢個item令我對呢間餐廳好有興趣！最低消費$80，餐牌同其他朋友係度最新upload 既一樣我點左：蔥吞拿魚腩、馬刀貝、三文魚子、三文魚、燒三文魚腩、燒左口魚邊上面講過佢個三文魚腩好正，點知....燒三文魚腩仲正燒完之後同左口魚邊一樣，變得更入口即溶既態覺！！！搞到個普通三文魚就變得普通左😂有得自選真係好好啊！可以揀啲自己中意食既魚生！每樣都岩哂心水！下次我一定會再叫燒左口魚邊、燒三文魚腩而試左個刺身定食後，就會自選埋榮螺、海膽！總結：有心既餐廳，下次一定會再食！希望老闆可以keep住個心！繼續做！但係係容許既情況下，唔好加價🤣🤣🤣🤣🤣🤣🤣…Read More

鰂魚涌，係一個高手在民間既地方好多小店都係好有水準同質素而今次，真係唔知點比分睇到食評、網上餐牌我覺得呢間餐廳好有心做亦好有期望就係懷住希望去食，結果......出事啦鰂魚涌呢度好多間餐廳都係一到午市就爆多人所以叫老公早啲排隊一去到，不出所料，好多人！咁係出面排隊就會有個姨姨同你落定單先既一入去冇耐就有得食啦標題叫「一念人間，一念地獄」，就講下個好食啲既先啦呢個溫泉蛋豬軟骨湯烏冬啲豬軟骨夠「林」而且幾惹味～唔會做到又硬又鞋但其實，呢樣唔係豬軟骨既基本野黎咩😅溫泉蛋就熟多左少少，但係呢樣就算啦烏冬係幼身彈牙烏冬，類似出面食「稻庭烏冬」既口感呢方面我都係中意既呢個質素收$69，包一杯茶尚算接受到既，不過，佢送既戈杯茶只係好似日式餐廳無限添飲既茶，呢度仲要只限一杯....如果佢戈一杯茶可以係其他有特式少少既飲品，或者最少都熱檸茶/熱奶茶戈啲就好好多囉拿！戲肉黎啦我叫左9種溫野菜湯烏冬聽個名都幾日式，再加上佢係烏冬，又出名咖哩係咪對佢好有遐想呢😀點知.........見到咁，我已經唔想數佢係咪真係9種菜薯仔、翠玉瓜、西蘭花、椰菜花、紅蘿蔔、粟米、椰菜......我見到戈下真係好傷心💔，啲菜係普通到唔普通既種類佢個菜式名都好符合我既心情：9菜！（搞錯！）食碗野啲菜好似配菜咁，唔知以為漏左個主菜咁諗住唔好以貌取麵，可能好好味呢？點知，食落幾乎冇味，湯同菜都係冇味，啲野菜又煮到只係岩岩熟（偏硬）好彩另一碗係豬軟骨，可以撈下啲汁我今次真係好失敗、失望我真係好想叫佢回水....咁既野收我$68......同豬軟骨差$1仲衰過我自己係屋企淥碗烏冬總結：奉獻各位如果唔想落地獄，千奇唔好叫佢個9種溫野菜湯烏冬，足以令你以後唔想再黎食一路食一路好傷心💔想試就試豬軟骨啦，唔錯既，不過唔好抱好大期望去食，因為都係正常應有質素如果我淨係叫左一碗9種野菜烏冬，我諗呢篇野已經跌落負評所以真係一念人間，一念地獄.......…Read More

平安夜早收，去左堅尼地城戈邊點知好幾間都係星期一唔開突然諗起上次經過呢間餐廳就去試下啦！不過原來今日冇set lunch :(唯有要叫主餐牌野啦～叫左呢個pizza，味道幾好！醬汁味濃，香草味出，有一塊仔檸檬可以中和返個濃味不過有兩個不足之處：1）薄餅底太太太薄（太薄身既關係，食完真係唔會飽，可能佢預你食埋佢啲甜品）2）海鮮太太太碎（睇相可以見到同菠蘿粒差不多大細）有少少影響口感！親愛的就叫左呢個漢堡包個包個質地唔係平時食開既包質地呢個包係好軟熟，好似牛油法包咁溫泉蛋三文籽黑松露三樣加埋好夾個味！！不過漢堡排中間偏乾左少少但整體黎講都係唔錯既總結黎講，下次都係想有set lunch 時黎食哈哈哈哈哈！抵啲嘛另外，如果唔食甜品，就咁食個pizza真係唔飽希望可以份量多返少少就好啦…Read More

上網偶然睇到呢間食北京填鴨好似好出名見到又好似好好食再見到年底前平日用銀聯卡有88折一於book 位一家去食訂左8點鐘戈場，早左到，門口mark位戈位員工，係咁咳唔掩口...好彩7點9就入得，唔洗對住佢門口就有個好似烤爐既野藍色簾後係廚房首首先上菜既係醉雞好香酒味，雞肉都夠酒味唔錯！我地一行四人，媽媽超中意食填鴨所以就叫左一隻！佢地會係你面前切你戈隻呢隻就係我地架啦同場都好多人食填鴨！呢度首先會切左幾塊鴨皮比你食，叫做「一口酥」蘸砂糖/黃梅醬食個人覺得呢個一口酥蘸砂糖最好食一放入口，好香鴨味，肥肥地好正如果一隻鴨就會有兩盤填鴨，半隻就得一盤因為我地太肚餓同埋好味既關係我淨係記得影一盤😝唔好睇相好似細細盤咁，其實份量都唔少切到厚薄岩岩好，成件事夾得好好仲有青瓜、哈蜜瓜、京蔥做配菜填鴨醬、黃梅醬做醬汁啲醬同配料完全唔夠，所以就問佢地再添～佢用黎包填鴨塊「薄餅皮」好煙un又唔會太厚清炒鱔糊係成碟都係鱔條，冇筍絲中意食鱔既就岩哂唔錯！冇咩食過唔好食既炒鱔糊😂有鴨香～我媽媽特別中意食我個人就冇咩感覺，哈哈！最後，上網見好多人都有叫羅漢凍我都試下先有咬口既，唔係一「筆」就碎既啫厘感覺係中式甜品，一碟三個戈啲用杯上咁味道似台式海燕窩同念慈庵既混合體但係係幾好食既～總結，整體餐廳食物水準幾好，服務亦都唔錯尤其係後生既女侍應（除左門口喪咳唔掩口個姨姨之外）不過環境上，間餐廳有啲困聲同好嘈填鴨真係值得一試再試4個人，食左8百幾，平日用銀聯卡有88折折後$766我地未食完已經諗緊幾時再黎食好…Read More

星期日又唔想去飲茶，食咩好呢？All day breakfast嫌太普通？未食之前我都覺得係，咪又係腸仔同蛋加多啲網上見到有間係金鐘，政府總部對面雖然個環境望落唔錯，但都冇心存好大期望去食呢條係餐廳indoor area有部白色單車係牆上面應該係佢地既logo工業風（應該係？）既感覺，都幾舒服自在呢度係餐廳既outdoor area會有人食煙既今日indoor比人包左場做小朋友既birthday party所以就得返出面坐宜家秋天，出面有風又有陽光坐呢邊高椅既曬唔正好舒服但如果唔食煙既話，我想坐入面係出面隨時會有二手煙叫左”Everything”,比”Full English”少3樣野呢個有煙肉🥓、啡菇、火腿、煙三文魚、茄汁豆（右邊兜仔）、車厘茄🍅、芝士🧀（左邊兜仔）、腸、薯餅、多士🍞、沙律菜🥗、雙蛋個🍳蛋可以比你揀炒蛋、太陽蛋、benedict 上面既蛋我就揀左benedict上面既蛋入面既蛋黃湧下湧下好澎湃～呢度既茄汁豆同平時食開戈啲係有啲唔同味！呢度既好味好多！醒胃啲啲條腸仔好味！我中意蘸蛋汁再夾芝士片一齊食～整體黎講，每樣都係比我以前食既all day breakfast好食…Read More

我既親愛的正日生日，佢最中意食魚生係公司附近有咩選擇呢？銅鑼灣好多午餐日本菜都試過咁岩有日經過firebird就訂位試試一去到餐廳都滿左9成人原來網上訂座都唔保證會留位比我好彩早到我同親愛的一人一個set lunch 一個豪華壽司盛合總共8舊壽司2舊玉子燒有三文魚子、饅魚、帆立貝算係豪華既上面既魚生都新鮮～玉子燒整得幾好食係個烏冬個質地冇咩咬口，比較遜色因為我中意啲Q彈既甜品有兩粒白玉+紅豆，好難唔好食既呢樣另一個就係沙律🥗刺身丼牛油果🥑+魚生+沙律醬上面戈啲蟹子係大粒啲既蟹子！經典不敗配搭，當然都係新鮮好食～不過就望落冇壽司餐咁豐富～總結：新鮮、好味！會再黎！不過價錢貴左少少咁啦可能係因為地舖既原因啦如果平返10-20蚊就更加合理又或者包杯飲品就好啦…Read More

呢間飲茶成日見到係銅鑼灣條街到派傳單終於有機會一試成間店都有戈隻黃金金又冇口既頭咁相信佢個奶黃包應該都係招牌菜順便叫埋同系列既其他包點試下啦個樣就夠特別啦一見到佢就諗起呢間野啦食落其實係流心奶黃包佢個包既設計係圓餅形所以比起一般圓拱形既奶黃包係細小小狗包臘腸有啲驚喜雖然得兩件比較貴但係條臘腸係塞滿哂成隻包腸仔包食得多，腸仔包既包同腸既比例係包多過腸但呢個就係臘腸多過包中意食臘腸既人要試下呢個花生包，麻麻地味道太普通，而且中間有啲乾成台冇咩邊個中意食呆萌既豬仔，係叉燒包黎酒樓叉燒包既味道但係個餡都幾少但價錢就貴2倍呢個玫瑰包，外形啲花瓣整得有啲求其唔同顏色係味道上冇分別有個煉奶比你點黎食其實都唔點唔得，個包太乾啃啃唔太知食左啲咩失望失望呢個價錢比啲咁既野我仲有叫左櫻花蝦飯、炒腸粉最好食係炒腸粉！真係幾好味！係上圖中臘腸包對上戈個（唔記得影佢）係加拿大食過炒腸粉之後香港都冇咩邊間整得好食，呢間個炒腸粉有啲水準腸粉夠味唔會死咸，而且亦都唔會超油蝦都好大隻～我下次都一定會再叫呢樣櫻花蝦炒飯都幾大碟海鮮都幾多都係幾好食，粒粒分明櫻花蝦味同成個飯幾夾呢間餐廳既炒麵飯比點心出色普通蝦餃三隻蝦夠大、皮唔會甩皮甩骨但唔會太厚但係真係只係「整色整水」籠中鳥就係鳳梨酥餡太甜、皮太散如果唔係放係個籠入面應該唔會叫啦佢每樣點心個樣都好特別但係味道、餡料就同普通原版既冇分別同期望有啲落差而且有啲甚至比普通原版既整得冇咁好食、冇咁多餡。而且價錢亦都貴好多，感覺上係食個樣但係炒飯炒粉既就做得比一般餐廳更好呢樣就抵讚既推介：櫻花蝦飯、炒腸粉、狗包臘腸…Read More

一直都想試佢既麻糬窩夫咁岩見到有午市訂座9折就的起心肝去試啦！我地有4個人，可以試多啲野一入到去，見到牆上面有個好大個鐘既投映裝飾絕對可以用黎做背景打卡影相我地被安排坐係門口後面既一個小角落，好似一個半開放既小廂房咁，同時又可以望到出面既人透過餐廳既西式木窗框望出去，配合窗外有香港特式既景色，相映成趣係半開放「小廂房」抬頭一睇，盞燈係有剪影圖案，好少見，其實佢個地下都幾靚，但我唔記得影相上網睇佢話西班牙海鮮飯、麻糬窩夫好好食，係招牌菜所以就決定一定會叫呢兩樣！另外就再叫左兩個set lunch ，見到又有湯又有甜品，好吸引個湯係櫻花蝦粟米忌廉湯，入面有洋蔥櫻花蝦味突出，同成個湯既好配合豬軟骨幾腍，但又唔會散哂啲軟骨全部食得到，唔會好似有時出面啲餐廳既軟骨太硬芝士味香，唔係平時食開戈種芝士既種類（但我對芝士知識唔多，講唔出係邊種芝士）一舊舊正方形戈啲食落似係日式卷蛋味既蛋有兩樣野，第一啲飯林左啲，不過都算係勉強可以接受；另外一樣，就係啲青豆，因為佢個飯味本身唔係好濃味，反而佢啲青豆個味出過個飯，同行有一個朋友中意食青豆，就覺得冇問題，但另一個朋友就唔中意佢個青豆味太濃，搶左個飯味牛舌唔un,意粉煮到岩岩好，唔會太硬/太腍意粉都好入味，唔係煮完個意粉就求其淋個汁上去重點黎啦，西班牙海鮮飯，海鮮好夠多好豐富，蜆食到鮮味，蝦好香蝦殻戈啲味（用蝦殻熬湯戈隻味）。蝦食落唔梅，好好味。食個飯賣相排得好吸引，食落亦都好惹味。但係個飯係有啲辣既～唔知下次可唔可以叫佢小辣。食得辣既朋友應該覺得已經係小辣😂😂😂😂重點二黎啦，全份窩夫$138，半份$108，當然叫半份！雜果用上無花果、黑莓呢啲成本較貴既鮮果，贊鮮果同窩夫中間夾左吉士，更加香麻糬夾左係窩夫中間，煙煙unun，特別既窩夫～再淋上超香既蜜糖，為窩夫增加一啲濕潤如果蜜糖可以多少少就更加完美～咖啡既奶係暖笠笠既奶，唔會整凍左杯咖啡跟set lunch 既甜品係曲奇泡芙，入面有cream 相比起之前咁多樣菜式呢個泡芙就有啲比下去，普普通通一個泡芙最後，填完問卷送左一個焦糖燉蛋反正呢個好好食，雖然係送既但都用左雲呢拿籽一定會再黎，試埋其他野…Read More

臨近放假，想想晏晝食啲咩平日返工忙碌，要食下好野慰勞下自己有次行希慎發現左kikusan 諗住佢係淨係食個環境點知上網一睇，幾多好評，而且價錢亦屬可接受而且食中日菜，好似幾特別新穎，就試下佢兩個人叫左兩個set lunch 一個係饅魚飯set一個壽司setSet lunch 跟前菜、飲品一份兩款前菜，一個係牛油果冷豆腐豆腐比想像中份量多，但係有少少唔夠滑聞落幾香麻油味，食落都幾濃味既另一個前菜就係菠菜皮蝦餃同小籠包蝦餃幾好，皮唔易穿、亦唔厚啲蝦都塞爆隻餃只係個小籠包唔夠香、皮亦有啲厚主菜黎啦～同係日本食既係冇得比架啦不過幾得意既係佢啲飯、壽司飯都係有溝左糙米，食落煙煙unun幾有咬口，又唔會話硬到個口咬到攰饅魚飯一般啦，呢個價錢可以做好啲饅魚鬆化，口係好夠香，如果佢係$98我會接受，但佢都要$130-140我期望就會高啲啲壽司全部都係新鮮味道亦都好出，每一件都係用左唔同既食材整埋一齊香草、黑松露醬等等但係問題真係我完全唔飽份量細左啲啲，我食埋前菜同所有壽司，我諗都係得3-4成飽肚男人應該會得1-2成飽.....所以我叫多個櫻花蝦蘿蔔糕幾好食，蘿蔔一條條好好食唔會係粉多過乜櫻花蝦同個蘿蔔糕夾埋好好食我食埋成個蘿蔔糕同埋老公既幾啖鰻魚飯終於唔肚餓啦～總結黎講，我會再黎過，試下menu其他野食不過set lunch 壽司份量偏細預左要叫多樣野食啲野食都係有新鮮感，而且味道都係幾出下次想試下晚餐黎食…Read More

星期日同老公黎到數碼港食dinner buffet餐廳內燈光暗暗地幾有情調可能係數碼港比較隔涉都係得十張台左右既客人張餐台都好大，完全夠放每人幾碟野食同飲品呢度既甜品既賣相係幾唔錯甜品種類都比一般自助餐多呢個手指泡芙似乎係甜品既主打～之前未食過手指泡芙佢入面泡芙既餡都幾好食☺️有無限生蠔而且因爲客人唔多所以唔洗好似平時食自助餐咁拎生蠔要排隊食得都幾舒服佢呢度既雪糕係movenpick唔同其他餐廳多數食開係haagen darz仲有唔同味既細樽jam、細樽honey可以無限飲檸蜜😆👍🏻另外佢芝士種類都比出面啲酒店buffet多雖然總體既熱食、刺身、湯、肉類、甜品都係偏少但每樣野食質素都幾平均感覺上佢呢度既肉類同甜品係佢地既拿手好戲整體上感覺呢度食物既水準係幾好而且啲侍應都幾好笑容，服務態度幾好…Read More