終於有機會一試
成間店都有戈隻黃金金又冇口既頭
咁相信佢個奶黃包應該都係招牌菜
順便叫埋同系列既其他包點試下啦
個樣就夠特別啦
一見到佢就諗起呢間野啦
食落其實係流心奶黃包
佢個包既設計係圓餅形
所以比起一般圓拱形既奶黃包係細小小
狗包臘腸有啲驚喜
雖然得兩件比較貴
但係條臘腸係塞滿哂成隻包
腸仔包食得多，腸仔包既包同腸既比例係包多過腸
但呢個就係臘腸多過包
中意食臘腸既人要試下
呢個花生包，麻麻地
味道太普通，而且中間有啲乾
成台冇咩邊個中意食
呆萌既豬仔，係叉燒包黎
酒樓叉燒包既味道
但係個餡都幾少
但價錢就貴2倍
呢個玫瑰包，外形啲花瓣整得有啲求其
唔同顏色係味道上冇分別
有個煉奶比你點黎食
其實都唔點唔得，個包太乾啃啃
唔太知食左啲咩
失望失望呢個價錢比啲咁既野我
1
仲有叫左櫻花蝦飯、炒腸粉
最好食係炒腸粉！
真係幾好味！係上圖中臘腸包對上戈個（唔記得影佢）
係加拿大食過炒腸粉之後
香港都冇咩邊間整得好食，呢間個炒腸粉有啲水準
腸粉夠味唔會死咸，而且亦都唔會超油
蝦都好大隻～我下次都一定會再叫呢樣
櫻花蝦炒飯都幾大碟
海鮮都幾多
都係幾好食，粒粒分明
櫻花蝦味同成個飯幾夾
呢間餐廳既炒麵飯比點心出色
普通蝦餃三隻
蝦夠大、皮唔會甩皮甩骨但唔會太厚
但係真係只係「整色整水」
籠中鳥就係鳳梨酥
餡太甜、皮太散
如果唔係放係個籠入面
應該唔會叫啦
佢每樣點心個樣都好特別
但係味道、餡料就同普通原版既冇分別
同期望有啲落差
而且有啲甚至比普通原版既整得冇咁好食、冇咁多餡。而且價錢亦都貴好多，感覺上係食個樣
但係炒飯炒粉既就做得比一般餐廳更好
呢樣就抵讚既
推介：櫻花蝦飯、炒腸粉、狗包臘腸
