Gulei's Profile

疫情下......大家都好少外出同外遊, 2小口係屋企真係煮飯煮到悶, 外賣叫到食到荒, 過去左既情人節更加無外出慶祝喇~~有日同事外出工作, 話食左一間好有氣氛既食店, 叫我試下晚餐應該會更有氣氛情調~一入場內, 環境好好, 於高處..窗外境色都不錯, 亦都好涼快~ 8 Course set ~ $1388 (2人8道套餐)蟹肉龍蝦湯, 清澈既湯....啖啖蟹肉既龍蝦湯吞拿魚扒,  外層被略微灸燒過, 配上清甜既芒果醬, 作為頭盤, 好清爽開一開個胃先菠菜芝士焗蠔, 好大隻蠔配上芝士同菠菜, 燒焗後唔會失去蠔既鮮味, 味道更加突出香煎鵝肝溫泉蛋, 好創新既配搭, 建議先食一口鵝肝, 試左個原味, 再整穿溫泉蛋撈埋鵝肝再食, wow.........味道同質感再昇華, 外脆內嫩, 油香夾蛋汁, 一D都唔會膩香茅薑汁煮大蜆, 超大隻蜆, 鮮味再配埋個特別既汁焗龍蝦, 好多膏配埋青菜食唔會好膩, 正45日風乾牛扒, 建議4成, 聽落好生, 但因為牛肉已風乾45日, 所以唔會再有血水滲出, 唔會導致有血腥既味道, 反而經燒過後, 外脆肉淋, 將牛扒既口感推至頂點, 牛既味道亦相當地濃郁甜品做句號~ Chocolate Lava Cake, Mandarin Fresh Friut Parfait…Read More

大角咀係多野食,  不過有時隱秘既地方就唔係個個識, 今次哩個地方都係朋友黎整開車時食過午餐推介我..外觀有大紅燈籠, 好古色古香....先黎個冷盤先, 棒棒雞, 辣辣地又麻油既香味, 好開胃, 不過朋友唔係好食辣就覺得比較辣, 但我就覺得岩岩好..期待既酸菜魚, 上台好香, 好多料, 配料同主角酸菜+魚塊, 整個大碗都滿晒, 味道唔會過酸/過辣而令你食唔到落去, 個湯底好味到可以飲或者撈飯上海炒粗麵, 有豆乾片, 腩肉片配已上海粗麵, 甜醬油加上鑊氣夠, 好惹味~尾聲......對我黎講, 係我至愛~~桂花酒釀湯丸, 淡淡酒香, 食落唔會有酒既嗆喉, 清清的, 再配上香濃芝麻餡既湯丸, 非常地夾.......停唔到口, 食晒…Read More

幾個同事，返工返到悶氣怨氣出晒黎，搵啲野飲降一降溫先，哩間茶店我第二之推介同事，佢地一試愛上茶味好足而不會過份濃烈，而且好多選擇，奶有得揀全脂/脫脂，同事好喜愛多多系列，我就推介白桃烏龍(清甜桃加淡淡烏龍) / 翠玉大薰花(超清香既茶味)…Read More

今晚約左另一個朋友夜D先見,  所以放工後先食定D野頂住先, 今日飛甩老爸唔煮飯, 自己同朋友出去叫雞, 我朋友係雞翼精, 所以就揀左哩間雞翼主題既餐廳.平日18:30時間都已經坐滿左一大半既客人, 坐位都好闊落, 店員好細心介紹, 有分放題同散叫, 放題分3款唔同嘅餐單，其中2款包野飲, 不過我今次係散叫.雞翼味道有分乾身/濕身/特製,  每款都係6隻為1客店員隨後附上手套同碟, 等客人可以用手盡情咁享受食雞翼既滋味Wingman 水牛城醬,  辣味好合當, 唔會太辣入唔到口, 不過唔似平時食既水牛城味, 好特別, 哩款推介日本蜂蜜芥辣,  香甜蜂蜜糖, 配上芝麻係面, 再有日本芥辣一大舊係上面, 初時勁驚會好攻鼻, 反而不是, 唔攻鼻之餘何其地夾雞翼雞煲,  就同平時食雞煲味道, 而且好入味松露醬薯條, 生切既薯條配上香濃松露醬, 好正呀, 個醬超好味食唔停冰凍檸檬茶~完結 …Read More

放寬限聚後, 可以堂食晚餐, 想繼續支持小店, 今次第二次黎此店, 因為我都好早就到, 所以唔使等位就入座了. 限聚期間餐廳都有做外賣, 客人都唔少嫁. 店員會細心介紹後, 我今次叫左石燒牛扒, 同1個丼同朋友一齊share 試下.店員提供圍巾以防彈油到衫上.牛-腹心肉 200g , 呢款係廚房廚師推介, 餐牌見唔到既, 會在店內黑板不定期推出，當然非一般喇，肉質稔, 肉汁多, 濃厚既牛味,  先煎下牛扒鎖住D肉汁，上檯時已以1成熟放上高溫石，可以按照個人喜好燒熟牛扒，自己控制熟度，再配2款醬汁(紅酒牛肉汁-意大利黑醋/紅酒/牛肉汁,加重牛肉既香味). 而另一個(青醬-蘿勒/蕃茜/薄荷/蒜蓉/檸檬汁, 青香既香草味, 好清新, 令你食多幾夠肉都唔會覺得滯)...套餐仍配有炸薯條/薯仔沙律/蜆肉味噌湯及汽水牛縣燒肉海膽丼,  嘩嘩嘩, 一上檯已經被畫面吸引了, 好豐富既畫面, 成個碗面都舖滿-三文魚子/海膽/燒牛肉/日本蛋, 海膽鮮甜...牛肉燒得剛好, 肉質嫩稔, 加埋日本生蛋汁, 超好味, 份量多......推介…Read More

疫情期間,  少左出街成日係屋企做廚神, 但廚神都想放假, 出街晚市無我堂食, 咁唯有外賣罷, 放工時間外賣既人多到等好耐, 今次經過葵涌廣場地下, 好多人放工必經既地方, 成日都見到好多人企係度等外賣, 等我又試一試先店員手腳快, 態度好好, 指示又清晰, 唔會因為多人而好亂同脾氣差先係台面攞外賣紙, 自由配搭揀自己喜歡既野食, 實在太多選擇 , 餐牌都重有好多選擇可以揀, 不止車仔麵, 重有車仔飯, 小食, 滷水....$46- 3餸麵套餐, 送熱餐飲, 真係好抵食油麵配豬紅,豬大腸, 豆卜, 魚肉春卷.....豬紅好入味, 又唔會太實. 豬大腸有滷水味底好入味, 魚春卷唔係周圍有得食, 彈牙香口, 值得一食油麵配芝士腸, 雞中翼,五香豬頸肉, 牛腩.....五香豬頸肉好爽口又夠惹味, 牛腩夠淋, 雞中翼滷水底好好味推介秘製汁 &孖寶辣汁, 好惹味, 第一次未知辣度係點, 所以叫左小辣, 好惹味, 下次可以試中辣, 唔係只有深水埗X記才有好味既辣汁, 葵涌廣場-孖寶車仔麵都有好好味既秘製汁下次會試滷水拼盤,  因為係佢既餸度試到滷水底係好入味, feel到佢既用心…Read More

今日特別忙...工作好想快d返屋企但又想食返餐鐘意食黎舒解下一日既辛勞.....朋友知道葵芳開左間任食火鍋..話係試業中, 叫我試試.   好, 試新野我鍾意, 誰怕誰....先揀鍋, 有6款鍋底揀-雞煲, 酸菜魚, 豬骨, 胡椒牛腩,蕃茄鮮魚, 菌皇煲......, 鍋底款式較為多類型, 並不是平時一貫得一兩款火鍋湯底就算.整個雞煲(7:00後入座可以無限添加)~可揀唔辣/大中小辣...其他鍋底就係一次性既, 食完個鍋底就可以加湯打邊邊.奇味雞煲(小辣), 比我想象辣左DD, 不過辣味唔會留好耐令到你食唔到野, 雞件都唔少, 唔會因為可以再添加而hea 你, 足料火鍋配料都有好多,  場內重有多款自助食品可選擇, 真係好適合唔同客人既口味, 包你唔會只係打邊爐咁dry.其次, 有一排凍飲櫃, 有多款選擇, 最少見既係有喜之郎同豆腐花食尾聲, 試埋甜品就尾聲了~凍櫃有好多款雪糕,雪條, 但令我最喜歡既係......冰鮮生果-冰西瓜,冰菠蘿, 真係未試過出邊打邊邊有我食, 多數兒時係時多/屋企亞媽自家製先有得食, 食返件冰凍既鮮生果解一解飽飽既感覺, 完滿結束.總結, 咁平既價錢比到超值既款式同特別既食物比你, 真係唔係周圍有了, 而且食物質素一D都唔差, 現在試業中, 見客人都坐滿場, 很值得支持.…Read More

受疫情既影響下, 有好多小食店都很難撐下去, 之前屋企附近既串燒都散了, 最近心癮起想食串燒, 搵開飯就搵到哩間新野, 一於黎試試先.先叫左個招牌香辣雞煲,  有別於我食開既雞煲, 哩度既雞煲係湯汁浸住雞件的, 不似平時一貫既只有醬汁炒好上台比客人翻熱下就算.味道: 香辣味好重, 但並不是得個辣味, 確實係幾特別既雞煲.燒牛仔骨~ 肉質燒得剛好不會乾燒黑豚肉~嫩嫩豬肉, 肉汁香口燒田雞~ 唔係周圍有得食,  燒得很脆嫩, 田雞腿很多肉, 推介燒雞軟骨~ 好惹味亦唔會太乾得黎只剩骨燒聖子皇~ 好大隻, 海鮮最怕燒得太乾/唔熟, 燒得剛好保留鮮味, 配以蒜蓉粉絲, 正…Read More

今日去完公司開會後唔想咁早回家, 就係公司附近搵下有咩岩食,  見到哩間小店入去試試先。小店係小菜小炒既餐廳, 都係家常便飯, 叫左兩個晚餐小店好貼心, 有提供碗筷消毒紙比客人可以消毒餐具, 你疫情下令客人食得安心先上例湯, 例湯並唔係平時茶記既例湯, 飲到係屋企煲既味道, 無味精, 用料足韓式醬燒豬扒, 醬汁好惹味, 甜甜的, 配料洋蔥都爆到好香, 好好送飯黃金煎封黃立倉, 香脆外皮魚肉嫩肉多汁, 一D都唔會乾曾曾, 加埋熟豉油, 讚檸檬茶, 茶底好好, 唔會太過濃郁而鞋口一直堂食時, 小店店員未停過手, KEEP住有好多人叫外賣, 用心既小店值得一直支持…Read More

今日約左朋友中午小聚, 提意食日本餐廳, 話哩間居酒屋佢放工黎過, 長期都會滿座, 所以今日中午就要旱D到, 我地係第二台客人(覺得自己好叻呀), 跟住好快就滿座了我最喜愛食新鮮野,  叫返個刺身拼拼先~有好多款(深海池魚、左口魚群邊、油甘魚、劍魚腩、帶子、赤身、大甜蝦及活赤貝，件件都好厚), 食材好新鮮.明太子蟹肉醬焗蠔肉蘑菇批, 未切開已經聞到好香, 芝味醬再配埋其他材料(明太子、蟹肉、蠔肉), 表面芝士燒香了脆脆的, 切開醬汁同配料滿瀉, 連埋蘑菇食唔會滯朋友再黎多個午市套餐, 鰻魚飯+芝麻雞翼, 鰻魚好厚好彈性而我就好想試試串燒, 燒雞腎, 雞軟骨, 活白鱔, 燒到岩岩好, 唔會好乾, 重好juice餐牌有好多選擇, 部份係由日本直送空運到港, 所以材料新鮮, 店員好親切好客, 就算繁忙時間, 都會主動同客人傾下計…Read More

早兩日朋友煲完韓劇, 提左好多次話見到人地成日食燒肉睇到流晒口水, 咁我就滿足下佢啦.收工後去燒個肉暢談下輕鬆下, 先講環境, 場地都好廣闊, 中央有棵樹燈飾, 好有韓劇情節feel好浪漫.睇睇餐牌, 好多選擇..我地揀左韓牛特殊部位套餐, 有5款(牛外腹肉/牛梅花肉/牛脊亦位/韓牛護心肉/韓牛心形漢堡)韓牛果然係唔同d, 質素好, d肉好濃既牛味但又唔會好膩,, 漢堡肉質更為淋軟.再加多個牛大腸, 勁正, 一放上爐睇住佢好快咁縮捲, 油脂散晒, 入口爽嫩香, 好難用文字黎形容, 一碟份量都好多, 大滿足爐邊有煎蛋, 一邊係泡菜味, 一邊係芝士,  好好味[鼓掌]配菜有四款, 醬醃大豆芽生菜, 泡菜, 醃蘿蔔, 醃青瓜，重有生菜一籃比你夾肉同配菜一齊食, 可以減少膩既感覺, 可以無限添加…Read More

好幾種既原因,  心情很低落, 再加上無法去旅行,  心情好似無辦法去舒緩下咁, 男朋友見我咁就話帶我食餐好等我開心下喎.都無預佢會有咩特別野可以令我興奮, 點知黎到店舖門口我就笑了, 門口好有日本當地店舖感覺, 入左餐廳店員量完體溫就安排坐位, 坐底望望周圍環境加上音樂同爐燒既味道, 真係好似係日本"X丸水產"一樣, 好多開心既回憶返晒黎.今晚有人解放銀包任我點餐, 咁就謝謝老闆啦黑門令大漁魚子醬脆脆包~ 有海膽,三文魚子, 蟹子,蟹肉......好多料係脆脆既包上面巨峰乳酸~ 好香提子味加上乳酸, 甜甜的特飲-Strawberry Sepcial Drink~ 好大粒新鮮士多啤喱, 清清甜甜黑門令蟹味噌甲羅燒~ 蟹肉,蟹膏,蟹子配上味噌一齊燒, 燒既過程好香已經好想偷食, 燒好後逐少放係餅乾上, 一口一口又軟又脆, 棉棉濃濃既口感同味道好夾極上大漁貝燒~ 好豐富既材料, 海膽,三文魚子, 帶子, 蝦, 蠔. 放係爐上燒, 香噴噴, 鮮味十足平目魚刺身~ 份量都唔少, 肉味清清的配上醬汁, 酸酸地好提鮮黑門令帆立貝伴魚子醬~ 帆立貝鮮甜配上魚子醬同紫菜, 一口放入口味道很配黑門三文魚加州反卷活鮑魚刺身~ 鮑魚超級新鮮, 肉質爽嫩最後, 我好想再食燒海鮮, 所以點多三款海產, 馬刀貝, 榮螺, 鮑魚~  再滿足多次係日本既感覺....總結下, 食材好新鮮, 環境好適合三五小聚, 燒下食下飲下酒, 店員服務好好,  會幫顧客燒食物又會好細心提你熱會燙嘴, 好值得支持…Read More

約左朋友係荃灣, 時間重有好多, 今次我揀左哩間, 因為比佢店舖既氣氛吸引左, 排左一陣隊都好快有位, 全場都坐滿人.一坐底店員就提供左一樽薄荷水, 淡淡薄荷味..係炎熱既夏天可以舒解下悶熱既感覺.睇睇餐牌, 有好多種類...Full day breakfast, Burger, 沙律, 意粉/飯, 扒, 甜點.........最後我今次好想試慢煮牛, 平時食慢煮豬雞較多, 慢煮牛真係好少試, 一於試下先.慢煮紐西蘭香草西冷扒(8OZ) 配蕃薯條沙律,砵酒汁牛扒份量都唔少, 我叫左七成熟, 重見到內層係紅嫩既肉質, 外面就燒烤過處理, 外脆內嫩, 配上醬汁好好味,  沙律菜好新鮮, 另外, 最驚喜係蕃薯條, 薯條食得多..但都會覺得好唔健康, 相反....蕃薯條好甜, 外脆內軟....食到停唔到, 但又唔覺得好罪惡感凍飲: 蜜桃冷泡綠茶,  好香蜜桃茶味, 淡淡清香, 作為完結, 好舒服環境介紹返, 係商場內有半露天既感覺, 氣氛好舒服, 尤其係夏天可以係有冷氣既情況下但仿似在室外悠閒同朋友食食聚聚.…Read More

幾次經過荃灣享和街附近, 都會見到哩間餐廳排晒隊, 身邊有個牛魔皇終於忍唔住, 訂左位期待以久今晚食返餐先.一早黎到等開門, 店員會先問食過未, 店員好細心講解肉既分別等客人可以揀選到岩自己喜歡食既.餐廳環境, 地方唔算大, 但有好多位, 好似日本小店既和諧感, 當然食石燒牛既用餐時間唔會好似燒烤咁耐, 所以朋友小聚都OK. 今次我地揀左上腰西冷200g, 牛側腹扒200g 加配套餐, 揀完餐後店員提供圍巾, 以免石燒牛既油會濺係衫上.店員再先上沙律菜, 湯同飯.主菜上場了, 上腰西冷, 肉質會較為實但又唔會韌, 肉味好香濃, 油份適中, 一D都唔會覺得油膩牛側腹扒, 肉質口感好豐富, 好有咬口, 亦油份較多, 所以每口都充滿油香同鮮甜既肉味係口內, 好正呀再上埋熱騰騰剛炸起既薯條, 外脆內嫩..由於牛扒先以封煎既方法將肉汁封住左, 係石板上時牛都係有一成熟, 待客人隨喜好而調制生熟既程度, 如果唔想太熟既就要快手咁切....不過我都係手慢腳慢既人, 好值得一讚既係哩間既牛質素很好, 即使我燒耐左既牛, 食落一D都唔會柴皮同韌, 切好後既牛再配上餐廳特製既醬汁(阿根廷青醬/紅酒牛肉汁)更提升牛既味道, 店員亦會提供海鹽及黑椒比客人自行調味.最後, 走時店員提醒門口有清新用品提供, 可以噴噴身上既牛香味, 客人再去行街就唔會成身油煙味啦, 好細心~~…Read More

香港人最鐘意去拾拾下,  無論2小口或者一班人都無時無刻想去滾, 而我更係去滾既愛好者,  就會周圍覓食好野。今次搵到銅鑼灣金朝陽中心2期,  大堂門口有專人量體溫, 上到食店一入門口已經見到好有特式既裝潢, 店以懷舊香港酒色既生活為主題, 一直玩味十足但又不會過份.環境很舒服, 有好多唔同既坐位適合唔同既客人, 小至2-4人, 多至一大班朋友....除左有房間, 更有露天位置, 望住夜景更有feel. 坐底店員提供酒精搓手液比你消毒下雙手.講返野食先, 原個椰子雞湯(半隻)店員先將雞件放入煲內, 本身煲內已有好香既椰子味湯底, 之後店員再約椰青起肉放埋入煲湯底, 嘩......超足料之後店員見滾左陣會問我地想唔想飲下個湯先, 店員分左每人一碗湯, 超香甜榔子湯至尊天九牛腩頭 , 店員細心提醒, 焯一焯十秒就食得, 好濃既牛味貴妃蚌好新鮮火雞姐搞唔餃, 個名好特別, 原來係牛肉餃, 但超好味..香濃牛味重有小小陳皮味哈波子, 即係手打蝦丸, 啖啖蝦肉又爽口, 無得頂百花齊放(蔬菜拼盤), 菜盤有好多款同好新鮮唔係椰菜花, 本身食完都好飽, 甜品我一向不太追求, 心想食唔落不如打包, 點知上台後, 比佢外表吸引住, 再黎店員推介好好食, 點知.....出事喇, 真係好好味, 脆麻花有椰絲再配蜜糖, 香脆可口, 不會覺得肥膩 , 我竟然食左好多件, 真係值得推介…Read More