Catshiba's Profile

今日下晝同朋友嚟咗泰排檔。餐廳係米芝蓮推薦，成日大排長龍！牆上掛住好多泰國裝飾，真係有濃厚嘅泰國味。餐廳概念同泰國thongsmith一樣，供應各種地道泰國街頭美食，而且價錢好平。餐廳九成食材同香料都從泰國直接入口。廚房同樓面嘅人全部都係泰國人，特別係大廚，佢係米芝蓮出身，食物嘅質素一定有保證。和牛船面 $88呢碗和牛船面係招牌菜，金邊粉滑溜，湯底又鮮又甜，帶住濃濃嘅香料味，食到有香茅、檸檬葉等香料。和牛肉質好嫩，油花分布得好均勻，充滿油香。金邊粉口感更添彈性，吸收晒湯底嘅美味。其他配料仲有芽菜、通菜、牛丸，非常豐富。香辣金不換炒豬肉碎 $78呢度都係招牌菜，好出名！豬肉碎炒得香噴噴，熱辣辣，非常惹味！內裏有紅椒、洋蔥，口感都好豐富。辣味啱啱好，唔會太過刺激，真係一口接一口。最重點係面頭有兩隻流心太陽蛋，配埋蛋黃汁一齊食真係特別好味。醉貓炒河 $118河粉炒得恰到好處，滑滑地，帶點煙靭，好有鑊氣。醬汁好惹味，辣辣地，河粉吸埋醬汁嘅味道。和牛肉質嫩滑，芥蘭同紅椒爽脆，口感多元化。泰式奶茶 $8泰式奶茶好抵飲，甜而唔膩，茶香濃郁，好正宗。龍眼冰 $18龍眼冰清爽可口，龍眼嘅天然甜味，加上冰冷嘅感覺，好解渴。…Read More

今日嚟到牛大人食火鍋，最近天氣轉涼，啱曬大邊爐！今日揀左120分鐘嘅日本A4黑毛和牛火鍋放題，任食日本和牛、伊比利亞豬、海鮮、台式小食、蔬菜、甜品等等！仲有送澳洲M9和牛牛丸、海鮮拼盤同啤酒，豐富又抵食。湯底我哋揀咗鴛鴦鍋，兩款湯底都好特別。養生菇菌燉雞鍋湯底清甜，菇味濃郁，飲落去暖心又滋補，特別適合冬天。湯底均以全天然食材製作，可以邊飲湯邊打邊爐。至於台灣濃香番茄鍋，味道酸酸甜甜，番茄味一入口就令人好開胃。海鮮盤海鮮拼盤好大盤，入面有蠔、扇貝、大魷魚同鮮甜的鮑魚。蠔大大隻，好新鮮。扇貝滑溜溜，大魷魚又彈牙。最後鮑魚肉質鮮嫩，有咬口。而家叫A4和牛套餐仲送江蘇太湖大閘蟹，勁正。蟹肉鮮甜，肉質豐滿，搭配簡單嘅醋，味道更加突出。小食推薦蝦蝦霸霸脆多士：蝦多士即叫即炸，外脆內嫩，蝦肉香脆彈牙，真係一口接一口。日本和牛橘梨伴豆腐：依款小食幾特別，口感清新。和牛肉碎幾惹味，豆腐滑嫩，橘梨又帶點甜。阿嬷豆乾魚蓉麵：麵用上咗香港老字號嘅粉麵，Q彈又滑，魚蓉味道好濃，仲有豆乾、芫荽等配料。烏金墨汁手作腸：口感特別，墨汁令腸的味道更加濃郁，咬下去外脆內嫩，煙韌有嚼勁，帶有一絲獨特嘅海。三和夜市雞皮卷：一款經典小食，雞皮炸得香脆，內裡包住嫩滑嘅雞肉，每一啖都能感受到酥脆與軟嫩嘅完美結合。夜市撈脆薯：口感香脆，薯條外脆內軟，搭配各種孜然粉，味道層次豐富，好香口。肉類日本黑毛和牛A4+：和牛肉質簡直無可挑剔！每一片肉都肥瘦相間，入口即化，肉香撲鼻，味道濃郁，牛肉嘅原汁原味完全保留。伊比利亞黑毛豬梅肉：豬梅肉肉質滑嫩，油脂分佈均勻，食落去肉香四溢。每一口都能感受到肉的鮮甜。甜品與飲品蜜桃愛玉冰：清新又冰涼，蜜桃味道好香，愛玉好爽口。午市同晚市全部套餐都可叫。特飲芒檸蜜西米爽：飲落好清爽，檸檬同芒果搭埋一齊好fresh，底下仲有芒果粒同西米。任食Movenpick雪糕：今日有士多啤梨同薄荷朱古力味選擇。值得一提嘅係餐廳做緊個「東南西北·回到童年時」活動。凡惠顧牛大人極上和牛/ 純種全血和牛或以上套餐就參與遊戲，每檯有一次機會，食完仲可以攞到童年玩具或者牛大人小禮品，獎勵係睇開嘅嗰方，真係勁fun！活動暫至2/12。…Read More

今日嚟左土瓜灣HeySoNuts食晚餐，其實依間cafe我bookmark左好耐，終於嚟左試😋。餐廳燈光柔和，一入門口仲有吧枱位，成個空間有種輕鬆自在嘅感覺。白酒煮活蜆配蒜蓉包 $139蜆肉鮮甜，啖啖都充滿海水味，仲有紅椒、青椒同蕃茄仔等配料，清新滋味，平衡咗醬汁嘅鹹味。而且蒜蓉包無得輸，好好味！蒜蓉包外脆內軟，咬下去嘅時候，濃郁嘅蒜香味瞬間撲面而來！松露油忌廉野菌汁貓耳朵意粉 $102松露油好香，醬汁滑溜又唔會過膩，與貓耳朵意粉嘅口感完美融合。貓耳朵意粉有咬口，而且形狀可以掛滿醬汁，食落更滋味。唔同嘅雜菇都有鮮炒過，非常香噴噴，同醬汁好夾。黑啤自家製煙燻豬腩肉意大利飯 $138黑啤豬腩肉意大利飯我大力推薦！首先，豬腩肉肥瘦分布平均，咬落有咬口，香口得黎，帶點煙熏味。黑啤醬汁甜甜地，帶有獨特嘅啤酒香，令人一口接一口。意大利飯嘅質地都好好，帶有少少硬嘅口感。Tiramisu Cream 梳乎厘班㦸 $104Tiramisu Cream梳乎厘班㦸係Cafe嘅主打，我都係因為佢而嚟！梳乎厘班㦸勁鬆軟，入口即溶，質地綿密，有泡泡感。表面嘅cream帶有濃濃嘅芝士同咖啡香氣，cream嘅質地都好輕盈。面頭仲有手指餅，我哋仲可以自己落有baileys酒香嘅咖啡落去作調味。咖啡拖肥榛子朱古力千層酥配香草雪糕 $88千層酥都係依度嘅主打！佢嘅層次感好強，千層酥外皮酥脆得來唔會一切就爛晒。酥皮薄薄一片，好脆口，而且充滿牛油香。面層嘅咖啡拖肥cream同下層嘅榛子cream嘅結合，味道好夾。加上香草雪糕同榛子粒，味道更上一層樓！綠茶鮮奶 $40綠茶鮮奶奶味香濃之餘，茶味都吐出，整體唔會太甜。適逢萬聖節仲有小鬼拉花，非常可愛！我仲發現餐廳做緊午市優惠，晏晝嚟到叫main course會送黑咖啡或者伯爵茶，其他飲品可以補差價換取～除咗飲品，仲可以加是日餐湯 ($18)同是日甜品 ($25)。而家仲有個印花卡活動，儲滿六個印花就可以喺第二日免費享用 一份lunch 同一杯黑咖啡～非常抵！…Read More

今日嚟咗觀塘嘅INN - I’m Not Nothing食晚飯～ 最近餐廳做緊周殷廷YT 生日應援，平時都會幫唔同藝人做應援。今日嚟到餐廳都full晒，建議大家book定位！餐廳環境好靚，有好多植物包圍住，營造出一種自然、舒適的感覺，真係好適合拍照打卡！而且設有室內同室外嘅位置，佈置都好靚。Set Dinner for 2 $588煙三文魚凱撒沙律沙律上面放咗三大塊煙三文魚，三文魚好fresh。搭配新鮮嘅生菜，口感清新。煙三文魚嘅鹹香配上蔬菜、麵包粒、芝士碎等材料，又清新又開胃。是日餐湯：甘筍湯餐湯味道濃郁，甘筍嘅甜味適中，帶有淡淡嘅香草味，暖心又暖胃。菠蘿鮮蝦冬陰功意大利飯冬陰功意大利飯好特別！賣相都好吸引，半個菠蘿咁上，仲有好多海鮮。意大利飯吸收咗冬陰功嘅香氣，味道非常濃郁，帶有少少辣。海鮮有蝦仁、八爪魚仔、青口、蜆、扇貝，非常足料！其他配料有菠蘿、蕃茄仔、紅椒等。菠蘿嘅清甜和酸味亦令意大利飯嘅整體味道更加豐富，非常開胃。泰式燒安格斯平鐵牛排配薯蓉、蘆筍牛排三成熟，剛剛好。牛肉肉質軟嫩，燒得剛好，非常香口，口感多汁。配搭香滑的薯仔和清脆的蘆筍，真係好夾。另外，仲配有泰式醬汁，鹹鹹酸酸，幾特別。泰式奶茶配泰茶奶蓋 +$29飲品款式都幾特別，半價就可以品嚐到其他特飲。泰式奶茶嘅味道濃郁，香甜可口，有種特別嘅香氣。奶蓋更添一層滑順，大約少少泰茶味。清新菠蘿椰青水沙冰 +$29菠蘿椰青水沙冰清涼又解渴，菠蘿和椰青的搭配好fresh，好有夏日嘅感覺。原味法式吐司 +$39本來套餐甜品配有麻糬，不過我哋加咗錢品嚐French Toast。法式吐司外脆內軟，香氣撲鼻，搭配一層薄薄的糖粉，同牛油，每一口都充滿住甜蜜嘅滋味。吐司的表面經過精心煎製，呈現出金黃色嘅色澤。內裏更充滿蛋汁，軟腍腍，好似布甸嘅質地，口感鬆軟，入口即化，充滿蛋香。…Read More

Burger Mate 位於尖沙咀，係一間專注賣美式傳統漢堡嘅小店。店舖每日自家製作漢堡麵包，保證新鮮，每日只賣200個漢堡，唔會多。老闆同我講每日ard 9:30pm-10pm就會賣晒，最好要10pm前嚟到！店內環境簡約而舒適，今日下晝過嚟都好多人～CHEDDAR CHEESE BEEF BURGER $85Burger好吸引，好香！包皮用牛油烘過，食落好乾爽、好脆，又有牛油香味。美國牛肉扒肉質鮮嫩，多汁，每一口都充滿肉香同油香，仲煎得脆脆地。配上生菜、番茄、洋蔥同小黃瓜，令口感更加豐富，唔會覺得膩。車打芝士溶化得啱啱好，嘗到濃郁嘅奶香同鹹香。SWISS CHEESE BEEF BURGER $85瑞士芝士嘅特點係口感滑順，味道濃烈。Burger一樣配搭住新鮮嘅生菜、番茄、洋蔥同小黃瓜，有種清新嘅感覺。美國牛肉扒同樣煮得好香口，保留左牛肉的鮮嫩。BLACK TRUFFLE FRIES $65薯條外脆內軟，即叫即炸，炸得恰到好處，唔油膩。黑松露醬嘅香味好強烈，而家醬俾得好多，每條薯條都可以沾滿。BANANA SMOOTHIE $35奶昔唔會太甜，香蕉味道濃郁，質地滑順，口感清新，飲得出係用原條香蕉打成。…Read More

餐廳裝修行工業風，幾有格調。Cafe主打西餐，有扒類、意粉、甜品等等，最出名嘅一定係梳乎厘pancake！黑松露雜菌意大利粉 $118黑松露意粉香味四溢，黑松露忌廉醬有濃嘅黑松露味，而且好creamy。雜菌炒香過，佢嘅味道同黑松露配搭得好好。意粉質地煮得啱啱好，好掛汁，吸收曬松露嘅香氣。咬落去仲有雜菌、蒜片嘅口感！山政小山園【槙之白】宇治抹茶（熱）+$24抹茶色澤靚靚，茶香濃郁，入口時唔會苦，抹茶味後帶來咗濃濃嘅奶香，啱晒鐘意正宗抹茶嘅朋友。意大利煙燻火腿卡邦尼意大利粉 $138卡邦尼意大利粉嘅醬汁一樣好Creamy，煙燻火腿味道好濃，為醬汁增添咗一啲層次感，意粉都好掛汁。煙燻火腿好香口，充滿油香。海鹽Kiri芝士奶蓋桂花烏龍（凍） +$20凍凍嘅桂花烏龍茶，加上海鹽Kiri芝士奶蓋，味道超級清新，茶香同奶香結合得好好。粒粒芒果椰子忌廉梳乎厘 $128嚟到最出名嘅梳乎厘！一上枱真係好驚喜，好大碟！梳乎厘大大份，脹卜卜，充滿蛋香，得幾軟腍腍！椰子忌廉好滑，又有椰子香。新鮮芒果粒份量多，而且好甜。呢款甜品真係好好味，好推薦！…Read More

喺秋天，最啱就係約埋朋友食燒肉。安平燒肉就係一個好選擇！安平為您送上秋日暖心燒肉盛宴，呢度總共有四款套餐，非常豐盛同豐富。今日食咗Lv4 嘅日本A4+利牛饕宴，真係好吸引。近期優惠：如果你早一天經INLINE訂座，惠顧Lv.3套餐，仲可以攞到精美食材拼盤（二選一），二人送一份、四人送兩份，如此類推。1. 日本A4+和牛拼盤 (包括日本A4+和牛 + 和牛一口牛丁 + 壽喜燒)2. 海鮮拼盤 (包括白鱔 + 霸王蝦 + 鮑魚)自助區有多款醬料選擇，多達12款，可以用唔同醬汁配搭唔同肉類。好特別嘅有招牌黃金醬、 薑味可樂醬、香水檸檬汁、海鮮五味醬、香辣烤肉辣椒粉！日本A4+和牛和牛肉質滑嫩，油花分佈均勻，肉色紅潤，燒出嚟時，油脂慢慢融化，散發出誘人嘅香味。每一口都能感受到肉汁嘅鮮甜，油脂感滿滿！日本A4+醬燒一口和牛丁和牛粒切得細細粒，但每一塊都飽含醬汁，醃製得恰到好處，食落口感柔軟，醬味濃郁。日本A4+和牛壽喜燒除咗燒肉，仲有壽喜燒火鍋可以食！店員會上一個細細地嘅湯底，壽喜燒湯底甜甜地，帶點醬油香。和牛片比燒肉嗰款大塊啲，用嚟做火鍋更適合，和牛一樣肉質柔軟，入口即溶。極•厚切檸檬牛舌平時好貴嘅檸檬牛舌呢度可以任食！首先要每邊燒2分鐘，然後淋上檸檬汁，作少少調味就可以食啦！厚切嘅牛舌，每一片都充滿咗肉嘅彈性，炙燒後嘅牛舌外脆內嫩，檸檬嘅酸味為牛舌增添咗清新感，兩者結合，口感層次分明。細蔥鹽味牛舌牛舌上灑上細蔥和鹽，簡單嘅調味卻能突顯牛舌本身嘅鮮味，咬落去咁有嚼勁。炙烤霸王蝦鮮蝦外皮微焦，肉質緊實，鹽蔥嘅調味令蝦肉更加鮮甜，配搭上火燒嘅香味，更加美味。黃油蒜烤帆立貝每一顆帆立貝都係新鮮嘅，外層薄脆，內裡仍然保持著海味嘅鮮甜，黃油同蒜香交融，食落去口感味道豐富。台灣小枕頭（麻糬）平時喺台灣好鍾意食，呢度有得自己燒！麻糬外皮Q彈，燒到外脆內軟，點煉奶一齊食一流！。瀑布芝士地瓜燒燒完嘅地瓜又香又甜，配搭住拉絲芝士，估唔到咁夾。安平櫻花蝦飯櫻花蝦飯可以自由配搭，有櫻花蝦、香蔥、海苔同秘製滷水汁等材料。所有材料都係自己控制份量，可以製作到獨一無二嘅拌飯。阿里山檸檬紅茶檸檬紅茶清爽可口，檸檬嘅酸味配合茶香，正好中和燒肉嘅油膩感。冬瓜茶冬瓜茶少冰，有淡淡嘅甜味，喺燒肉之後飲，感覺清新舒爽。除咗台式茶飲，出邊仲有冷泡茶、汽水等飲品可以選擇。最重要嘅係酒同安平特調雞尾酒都有！安平特調雞尾酒有橘綠研露、檸青沁露。日本A4+和牛饕宴同澳洲M8和牛宴可以任飲Sapporo同Somersby兩款酒品～另外兩款套餐可以$68 任飲酒類～…Read More

今日去咗位於油麻地嘅甜品店，店舖主打梳乎厘同牛角包窩夫。我今日試咗幾樣佢哋招牌嘅甜品，全部都好好味。提拉米蘇梳乎厘（雙塊）$50兩塊梳乎厘外觀輕盈蓬鬆，色澤金黃。輕輕一咬，梳乎厘嘅質感非常柔軟，蛋味香濃，泡泡感十足。配合著提拉米蘇特有嘅咖啡香同Creamy嘅忌廉，甜度適中，唔會過於膩口。黃金布丁燒牛角包窩夫 $28金黃嘅窩夫，上面鋪滿咗香滑嘅布丁醬，再燒咗一層焦糖。焦糖薄薄一片，充滿焦香。布甸醬蛋味香濃，質地好滑。搭配外脆內軟嘅牛角包窩夫，口感層次非常豐富。窩夫外脆內軟，布丁嘅香氣配合著牛角包嘅質感，真係好有滿足感。培茶珍珠牛乳（套餐） $25呢杯飲品培茶香氣濃郁，黑糖珍珠Q彈，牛奶嘅奶香十足。飲落去，焙茶味香濃，配搭轉牛奶啱啱好，唔會過甜。日本雞蛋焦糖布丁牛乳雪糕 $40 雪糕牛奶味香濃，食落好滑，好Creamy。布甸有滑溜嘅口感，帶有濃厚嘅雞蛋香味，配上焦糖嘅甜味，甜絲絲，簡直無法抗拒。…Read More

今日lunch同朋友嚟左中環呢邊，佢介紹附近有間餐廳好高質，原來係位於蘭桂坊嘅Porterhouse食午餐。餐廳喺24樓，環境優雅，窗外望出去就可以俯瞰到靚靚海景。Set lunch $348 @1Starter時令生蠔（2隻）生蠔新鮮，肉質鮮甜，口感滑嫩，充滿海水味。木犀草醬嘅獨特香氣配合檸檬嘅酸味，令生蠔味道更有層次，整體味道清新而不膩。是日餐湯今日提供蘑菇湯。蘑菇湯色澤濃郁，香氣四溢，入口滑順，保留住蘑菇本身嘅鮮味。飲得出用左幾種唔同嘅蘑菇，味道層次分明，搭配脆口嘅麵包一齊食，真係好美味。Main香烤波士頓龍蝦（半隻） +$98香烤波士頓龍蝦簡直係今日嘅亮點。半隻龍蝦烤得啱啱好，肉質鮮嫩，味道鮮甜，質地彈牙。旁邊配有芝麻伊麵，麵條吸收咗龍蝦嘅鮮味，淋上香菇醬油，味道更加香，每一口都充滿咗海鮮嘅鮮美。澳洲M7+草飼牛臀肉（150克）+$28牛肉質地非常柔嫩，我地揀左三成熟，廚師煮得剛好，保留咗肉汁，咬落去肉味濃郁。油封蒜同烤紅蔥頭增添咗香氣，綠胡椒醬嘅辣味恰如其分，令肉味更加突出，不會過於膩。Desserts & coffee or tea +$20胡蘿蔔蛋糕配忌廉 +$20胡蘿蔔蛋糕質地鬆軟，唔會過甜，配上輕盈嘅鮮奶油，味道恰到好處，蛋糕中層仲有檸檬味cream cheese，都幾fresh。冰紅茶紅茶清爽，茶味淡雅，可以自行加入糖漿調配甜度。…Read More

今日同朋友嚟左燒烤堂，原來燒烤堂最近係旺角買左新分店，位於家樂坊。餐廳好大，好闊落，好乾淨，好多位。另外油煙處理得好好，食完串燒一啲油煙味都冇！鹽燒鮮三黃雞腿肉雞腿肉好正！雞皮燒得又脆又香，咬落去有種香脆感。雞腿肉好滑，肉質鮮嫩，每一口都充滿肉汁，配上少少鹽，調味已經好足夠。鹽燒原塊雞皮大大塊嘅雞皮，燒得恰到好處，外層脆脆地，咬落去啖啖都係香脆感。因為鹽燒得剛好，令到雞皮嘅味道更加惹味！蒜香牛油酒煮蜆蜆嘅蒜香味十足，加上牛油嘅濃郁，蜆肉鮮甜，配上熱辣辣嘅蒜蓉包，簡直係完美搭配。焦糖青蘋果鵝肝多士焦糖青蘋果嘅酸甜配上鵝肝，焦糖薄薄一層，味道層次非常豐富。蘋果嘅清甜可以為鵝肝解膩。多士外脆內軟，口感一流！牛舌芯牛舌芯燒得剛好，肉質滑嫩，牛味濃厚，帶點咬口！泡菜五花腩五花腩好肥好正，油脂感爆發！泡菜嘅酸辣味和五花腩嘅油脂相得益彰，食落去一啖啖都係滿足。鹽燒豚肉荔枝卷豚肉包住荔枝，鹽燒得剛好。豚肉帶點脆身，荔枝好甜好多汁，鹹鹹甜甜，味道好特別。孜然豚肉韭菜花卷孜然味道濃郁，好惹味。豚肉搭配韭菜花，香氣十足，卷皮薄而彈牙，咬落去口感非常好。鹽燒翠玉瓜翠玉瓜燒得好清脆，保持住瓜嘅鮮味，咬落去有種爽口感。孜然蒜芯蒜芯好香，食落好脆，孜然味提升咗蒜芯嘅層次，每一口都係香氣四溢。泰式豬頸肉豬頸肉爽口，好啊滑充滿油脂感。配上泰式調味，酸甜適中，味道獨特。胡麻醬稻庭冷烏冬冷烏冬搭配胡麻醬，口感滑嫩，凍凍地感食，真係好解暑，胡麻醬份量都好多，好香口。土多啤梨乳酸飲品帶有淡淡嘅土多啤梨香味，飲落去清新爽口，唔會太甜，仲有少少酸酸嘅感覺，真係好適合餐後解膩。芒果乳酸芒果味濃郁，飲落去有種夏日嘅感覺，清涼又好味。…Read More

今日同朋友去咗一間台式火鍋店～餐廳位於太和站，裝修好靚，一路食仲播住台灣音樂！我哋今日午市嚟到都好full，今次揀咗SET B，人均$318，食足有120分鐘，有火鍋、台式小食、台式飲品、甜品等等，種類豐富。我哋嘅鍋底係鴛鴦鍋，一邊係椰子鍋，另一邊係壽喜燒鍋。椰子鍋清甜，湯底有股濃郁嘅椰子香味，裡面有椰子、紅棗等材料，味道濃郁又清香。而壽喜燒鍋則係濃郁嘅醬油味，帶有點甜，裡面有冬菇、洋蔥等材料。澳洲M7牛胸腹牛胸腹質地柔軟，油花分佈均勻，煮完之後咬落去超嫩滑，味道非常鮮美。日本鹿兒島豚梅肉豚梅肉肉質鮮嫩，脂肪唔會太膩，食落好滑身，煮完之後完全吸收咗湯底嘅味道。百頁豆腐百頁豆腐好吸汁，吸收曬鍋底嘅味道，口感滑嫩，仲帶點煙韌。蔬菜蔬菜火鍋配料有粟米、木耳、生菜等等。生菜新鮮，好脆口；粟米好甜；木耳有彈性，有咬口。熟食榴蓮炸彈外脆內滑，榴蓮醬超香超流心，榴蓮味濃郁，超好味。甜不辣口感Q彈，煙煙韌韌。小雞排即叫即炸，外脆內嫩，雞肉好juicy，表面有椒鹽粉，味道香口。台灣腸香味四溢，幾juciy，食落去好有滿足感。甜品棉花糖窩夫棉花糖窩夫熱辣辣，外脆內軟，充滿蛋香。加上棉花糖、芋圓同焦糖醬，味道好有層次。原個芒果雪條芒果好甜，清新又解渴，夏天食啱啱好。飲品桂花烏龍香氣撲鼻，清清地。百香果綠茶清新解渴，仲有百香果籽。蜂蜜白桃烏龍甜中帶香，茶底香濃，十分好飲。…Read More

今日去咗Hysan行街，見到原來THE MOCHIFFON CAKE喺B1層開咗新店。前排已經想試，見到啲蛋糕好吸引，今日經過終於買左！門店每日都有唔同款式嘅蛋糕可以即場購買～除咗喺門市選購蛋糕外，仲可以透過網上落單，到門店取貨。今日買咗兩款蛋糕。首先係黑芝麻豆乳 Small Mochiffon Cake。黑芝麻戚風蛋糕非常鬆軟同濕潤，配搭濃郁嘅豆乳忌廉，味道層次分明。黑芝麻忌廉味道濃厚，面頭仲有好多黑芝麻碎，非常香口。招牌麻糬係signature，麻糬一大條，好煙韌。內裏仲有濃厚嘅黑芝麻醬，整體芝麻味非常濃郁。另一款食咗玄米茶豆乳Mini Parfait，呢款類似杯子蛋糕。抹茶戚風蛋糕好鬆軟，抹茶味濃郁，茶味清香。搭配豆乳忌廉，都幾夾，有一陣淡淡嘅豆香。呢款一樣有招牌煙韌麻糬，麻糬細細一粒，好煙韌，充滿奶香。中層仲有濃郁嘅玄米茶忌廉，充斥着茶香。每款食材味道融合得好好。而家店舖仲賣緊月餅，有流心黑芝麻麻薯、香芋麻薯、流心花生格仔餅、流心伯爵茶味，味道較新穎特別！…Read More

今日同朋友一齊去咗貓貓Cafe —— 銅鑼灣嘅貓之茶房，真係好開心！一入到去，就被貓貓的圍住，環境超舒服，燈光柔和。書架上有好多漫畫書，好齊全，啱曬我呢啲鍾意睇動漫嘅人。首小時只需要$58入場費，有免費茶水，好抵。留全日嘅話都只需要$118！入到去就可以隨便坐，雪櫃有幾款食物同飲品選擇。我飲咗蜜桃紅茶（$7），味道清新又香甜，裏面仲有果肉！朋友飲咗蜂蜜柚子茶（$5），味道甜中帶點柚子的清香，飲落去好舒服。我哋仲食咗巴斯克蛋糕（$19），表面焦香，內裏芝士流心，芝士味好濃郁！我哋都覺得呢度嘅飲品同小食好抵～場內有好多貓貓，全部都好可愛！貓貓好乖，可以輕力摸佢哋頭仔。有時候，貓貓會走過嚟，望住我哋，甚至跳上枱面，場面好搞笑。…Read More

今日放學同朋友嚟咗位於大圍嘅甜品店，小甜頭原來喺區內已經好出名，今日嚟到已經好full。呢間甜品小店主打冰、糖水同沾醬麻薯。特濃朱古力冰 $72特濃朱古力冰一入口就食到濃郁嘅朱古力味道，面頭仲有焦糖香蕉作點綴。朱古力帶有一絲絲苦味，完美平衡甜度，濃郁感唔令人覺得膩。冰沙嘅質感滑順細膩，入口即融。冰嘅中層充滿着朱古力醬同Oreo餅碎，增添左層次感，令整體味道更豐富。焦榶脆餅·海鹽奶蓋沾醬麻薯 $48呢款甜品好吸引，唔係度度都有！麻薯的彈性十足，煙煙韌韌，充滿奶香。焦榶脆餅口感酥脆，搭配住海鹽奶蓋沾醬，鹹香的味道同甜味巧妙融合。小甜頁 $45小甜頁係一個色彩繽紛嘅糖水，裡面有西瓜、椰肉、椰子雪芭、仙草、冬瓜薏、通心粉和芋圓。西瓜的清甜和椰肉的香滑相得益彰，而椰子雪芭椰子味超濃郁，冰涼感仲令人瞬間消暑。仙草嘅清香同通心粉嘅獨特口感為呢道甜品增添了新意。…Read More

今日放工同家姐嚟左尖沙咀食飯，我地想食住傾🏮，所以嚟左位於藍馬商業大廈嘅Mokumoku Yakiton！Mokumoku Yakiton裝修非常日式，好似置身日式居酒屋咁，吧台位仲可以睇住廚師即場燒串燒。除左串燒，仲可以品嚐到時間美酒，啱曬同老友嚟～前菜：蕃茄沙律一坐低店員就會上前菜，蕃茄沙律好清新，原個蕃茄去左皮，汁水豐富，每一啖都有濃郁嘅鮮味。加上少少蒜頭同醬油，味道平衡得好好，唔會太酸或者太油膩，正好開胃。蘆筍豬肉卷豬肉嘅香味同蘆筍嘅清脆好夾。每一口都好有口感，豬肉燒到脆脆地，肉質嫩滑，再搭配蘆筍嘅鮮甜清爽，口感層次非常豐富。明太子厚揚明太子厚揚非常香口。豆腐外面炸得金黃酥脆，裡面卻保留住豆腐嘅滑嫩。明太子嘅鮮味同香氣，搭配豆腐嘅柔和，真係好夾。明太子帶少少辣味，好惹味！煙燻豬腩煙燻豬腩肉質厚實，煙燻味濃郁，香噴噴，但又唔會蓋過豬肉本身嘅味道。每一片豬腩肉都切得剛好，咬落去口感豐富，肉汁四溢，油脂感滿滿。西班牙黑豚豬頸肉西班牙黑豚豬頸肉肉質非常鮮嫩，脂肪分佈均勻，咬落去口感十足。燒烤後外層好脆，好香口。燒菠蘿最後甜品食左燒菠蘿。菠蘿燒過後甜味更加突出，外焦內嫩，果香四溢。外層仲有薄薄一層焦糖，甜得嚟帶點焦香。乳酸梳打乳酸梳打真係解渴又清新，酸酸甜甜嘅味道，又夠氣。…Read More