matsu_zoe2015's Profile

悶熱夏天，突然想反差地食辣，於是去咗屋企附近嘅川菜餐館—滿庭芳國宴。午市有點心、小菜及套餐。我同男朋友揀咗2人餐：點心2款、小菜或前菜2款，蔥油拌麵及擔擔麵各一碗及奉送湯及甜點。茶十分出色: 人蔘烏龍滑口及尾調帶甘，飲落清甜解渴。前菜一輕一重: 蒜味青瓜及蔴辣豬耳。青瓜爽口，豬耳香辣惹味。點心：蝦餃有水準，蝦肉鮮嫩彈牙，澄粉皮厚度適中。叉燒包軟身不太厚，叉燒肉半肥瘦。主菜：宮保雞丁及香辣牛腩。宮保雞丁尤其出色，有薑粒蒜頭香蔥切得細緻，雞粒嫩滑，腰果及乾辣椒份量適中，醬亦香帶辣而不過火。香辣牛腩有點似五香肉做法，份量十足，牛腩炆得腍，更有牛筋及薯仔，均炆得剛好不溶爛。湯：什有驚喜，是日湯水為椰子雞豬肉湯，味道清香不肥膩，也沒有味精，喝完不口乾。擔擔麵：麵條幼細爽滑不太粉，令湯汁掛麵。湯汁平衡，花生醬比例剛好。蔥油拌麵: 味道較淡，要多落蔥油醬油才食出精髄。最後甜點為椰汁芋頭西米露，香甜清喉。最後要一讚服務態度好，質素一流，同客食飯及喜慶適合不過。同集團三樓素菜餐廳30日試業，可以一試。…Read More

Lunchtime 同mama 去大多數係年輕人去嘅玩味café Mamaday lunch. 總括而言mama 喜歡呢度嘅食物，仲留意倒廚師waiters waitress 都係年輕人，仲話佢哋有禮貌有水準。食物亦屬高水準。❤️我地share兩個lunch sets, 頭盤有雜果沙律，主菜叫咗虎蝦是拉差醬扁意大利粉及秘製沙嗲薄片魷魚撈粗。本人尤其喜歡菜名下的caption. 😊 餐飲為無糖紅茶及iced americano. 沙律: 簡單而美味。蔬果新鮮，加上芝麻醬汁一定冇失手。虎蝦是拉差醬扁意大利粉：意粉煮得剛好，茄醬新鮮，配上少量辣味更刺激味蕾，虎蝦有3大隻及爽口。成碟意粉分量剛好亦唔太油膩。秘製沙嗲薄片魷魚撈粗：十分出色。沙嗲醬香濃唔油，加上粗麵炒全無油身，令花生味及粗麵全蛋味並全，魷魚片亦香軟易咬口。食物之外，另一賣點係玩味裝修，推介大家自己感受吓，影吓相，飲住食住輕鬆笑吓😄…Read More

位於白沙灣海傍，有一間碼頭酒店，酒店內有一間日式餐廳—食之劇場。店名由來係來自創辦人構思食物如演出，定期轉換表演內容。Lunch set 揀咗鰻魚飯餐：有沙律，前菜，主食，湯，漬物及甜品。沙律係羅馬生菜車厘茄配粟米粒伴柚子沙律醬，所有食材都新鮮，合格。前菜係木魚醬湯煮京都南瓜。南瓜煮至腍身唔太粉，亦吸收一些湯汁，木魚香味剛好，南瓜仍然冇被搶走味道。主菜：鰻魚飯。沒有過多醬汁喧賓奪主，先蒸後烤方式，烤前將肉醃響醬汁，入味後再燒，令汁索入肉及保存魚身水分。伴碟山椒聞落清香，撒上伴飯多咗層次，味道帶辛。海苔味噌湯清淡，木魚湯底白味噌加上蔥花海苔，可清一清味蕾。甜品係雜莓雪葩，由蛋白，淡忌廉，雜莓加少許糖漿製成，格外輕盈，酸味突出，味道天然，十分適合夏天。Executive chef 全程好細心講解餐廳及食物理念，希望食物唔太肥膩，味道盡量清簡。而日本山神水亦係賣點，軟水煮嘅食物，同自來水煮成，味道截然不同。乘住同集團鮨蕾嘅經驗，呢度將會推出壽司定食🍣。最後，呢度環境寧靜，適合情侶夫妻慶祝，或者有房可以同朋友慶祝生日。…Read More

Happy Friday lunch, 約咗大學同學去1881，大家中間點食lunch。Arts students 嘅關係，我哋一致決定要試1881嘅梵高廚房Van GOGH Senses。以印象派畫家大師梵高做主題，由荷蘭取得專利授權經營嘅主題餐廳，門外已有落地大畫，十分耀目。店內有各款產品，有花茶，朱古力，月餅，甜點，茶杯套裝，以及適合小朋友嘅故事書圖畫集填色薄。店內裝潢亦十分舒適。Set lunch 係3 course, 沙律或湯，主菜，甜點及餐茶。我哋order 左 煙三文魚凱撒沙律，蘑菇湯配松露；烤美國豬腰肉及香煎鱸魚，水果及香橙薑茶及茉莉花茶。餐包軟熟，配上牛油香軟。沙律新鮮，口感豐富，煙肉及麵包粒香脆，配上爽囗羅馬生菜🥬，十分美味。湯香濃不膩，松露微香。主菜豬腰肉彈牙新鮮，沾上黑醋汁夾上肉汁開胃惹味。鱸魚外皮煎得香脆可口，配上粟米及沙律菜味道相配得宜，十分清新。水果分量十足，有奇異果，西瓜及哈密瓜。餐茶香滑，有消滯作用，為豐富一餐劃上完美句號。…Read More

今晚同舊同事happy hour 後，突然肚餓想食啲方便又熱辣辣嘅嘢，所以就去咗唐包點。原來3點後有減價，$17/3個！咁我就順便買埋飯俾爹哋。我揀左菜肉包、香菇雞肉包，香芋包、紅豆包、豬軟骨飯同埋奶茶。急不可待地食香菇雞肉包，新鮮熱辣辣，肉嫩多汁及菇味香濃。之後再食一個甜包-香芋包，味道天然唔太甜。嗲哋嘅豬軟骨飯，豬肉夠腍及多，亦十分入味。菜肉包仍然好味，多汁爆餡，宵夜食一個啱啱好。樽裝奶茶240ml分量啱啱好，茶味香濃甜度剛好。早餐一樽配一個包就perfect la. …Read More

蘭桂芳和安里有愈來愈多餐廳，今日同男朋友揀咗Glow Oyster 食lunch。佢嘅lunch set $148-$398不等，有salad appetiser, main, coffee/tea。❤️🍸Happy hour 嘅話特別要留意星期四！6-9pm bottled beers, cocktails 同埋即開生蠔半價！ 其他日子tapas, fraught beer, 生蠔6-9pm 七折！響LKF邊度有得搵？！❤️🍸This shop offers 50% off for bottled beers, cocktails and fresh shucked oysters on Thursdays 6-9pm! For other days, they also offer 30% off for draught beers, tapas and oysters from 6-9pm. It’s a great deal in Central / lkf indeed.裝修設計好精緻，有cocktail bar, oyster station 同埋約20個位。6款set lunch, 我哋order 🦞lobster sandwich, chicken and pesto cream spaghetti. 前菜有意大利醋火箭菜同雜果。沙律味道唔錯，arugula 唔會太苦。我哋share兩個Main, 龍蝦三文治先上。原隻波士頓龍蝦同蝦肉mix咗三文魚子、紅椰菜同Caesar sauce. 伴碟有焗薯仔。我將一半嘅餡放上叧一塊包，當open sandwich咁食。Sandwich 十分美味，值得推薦。首先baguette 好食，外脆內軟。而龍蝦肉亦彈牙，蝦肉新鮮爽口，配上三文魚子及紅椰菜絲口感豐富，冇任何違和感。餡料亦唔油膩，包亦冇沾上過多油份。焗薯仔亦焗烤得軟身，旁邊有海鹽調味。Pesto cream pasta 分量頗大，pasta 煮成al denté, 而sauce 冇太多油，正好食得出pesto 香草味，而雞肉亦新鮮軟身。在旁嘅焗蒜蓉包可沾pesto cream sauce食。最後iced tea 同 iced black coffee 亦合格。過左幾日，仍然想念個lobster sandwich 🦞😋…Read More

第二次光顧別天神拉麵🍜，因為佢有久違日本嘅味道。今次帶埋朋友一齊食，每人點左一個餐，我要原味拉麵加餃子，朋友要蝦味噌拉麵加龍蝦沙律。我哋用完點餐機order後就坐低等店員準備。呢度有自助免費冰茶冰水，最特別嘅係有調味料及配料俾客人mix and match. 首先小食先上，龍蝦沙律用紫菜包住食好食，味道唔會太鹹。而餃子🥟外皮脆卜卜，沾上醬油食非常惹味，我試咗配上紅薑食都好好食。然後主菜上桌！朋友嘅蝦味噌有櫻花蝦，而每碗麵都有紫菜、木耳、滷水流心蛋、蔥粒及兩大塊焰燒豚肉，朋友更加有粟米！湯底清甜，蝦味噌口味亦唔過濃，因為佢哋標榜冇味精及用上純水。麵煮得啱啱好，麫條較幼，湯汁都被麵鎖住。無加配料食，熱辣辣軟滑口感非常突出。但係都冇忘記要加胡椒粉同埋辣粉，令麵更添風味。將麵配上木耳一齊食，口感豐富。滷水流心蛋十分出色，蛋白軟滑，蛋黃流心，外層帶有微甜鹹香滷水味。值得一提嘅係分量十足，響lkf 玩樂前，可以嚟呢度食個拉麵打底，冬天更加應該要嚟👍🏻…Read More

夏日炎炎，行親街都好想飲冰涷嘢，之前試過中環丸作食茶覺得好飲，今次決定encore試新飲品。除咗新出嘅「丸作柚柚綠」吸引我之外，即製嘅丸子，期間限定唔同口味嘅丸子，同埋Jiwoon 嘅banner都好吸引❤️朋友order 無糖紅茶拿鐵珍珠，店員介紹呢一款茶味會重啲。我就揀咗「丸作柚柚綠」配菊花丸子（微糖）。首先我杯果茶大大杯，一眼就望到好多柚子肉同丸子，一口啜入，粒粒丸子、柚子肉同綠茶分別先後入口。柚子肉唔會酸，菊花丸子清香。朋友俾咗一啖我試，紅茶拿鐵用鮮奶冲，奶味香而不濃，帶出紅茶茶底香。另外丸子就俾咗啲甜杯茶，咬口較軟。遲啲仲有聖誕丸子，期待中！最後要讃店員詳細介紹，thanks! :)…Read More

今日happy Friday, 為咗今晚早啲收工，決意同兩個同事easy lunch, 所以就再次光顧唐包點😀連續兩日都食唔倒流心阿華田包...天的註定😭唯有要豬軟骨飯、好想試飲嘅蜂蜜紅棗生薑茶、菜肉包、番薯包、香芋包同缽仔糕。包裝設計精美簡單衛生，一打開見到圓碌碌可愛包。包軟熟唔需要講，菜肉餡新鮮有肉汁、番薯包香芋包味道天然、唔會過甜。而晚飯后食嘅缽仔糕爆多紅豆，黃糖糕底清甜，要搵有質素嘅缽仔糕都唔容易。之後一定要試流心阿華田包🥺…Read More

分手後，二人到處食已成歷史，一個人，路也是要行。之前説好了的泰國船麵，我自己去實行。裝潢清潔新潮，有油畫式menu, 同tuk tuk. 嘗試飛騨牛船湯薯粉，蝶豆花特飲。兩樣東西好快上枱，賣相企理，船麵湯底配上辣粉十分鮮美，配料有葱，白蘿蔔，和牛，芽菜，炸豬皮。和牛非常軟身及有4-5片，絕對值$178。白魚蛋同芽菜爽口，總体水準好高。碟豆花飲落似葡萄汁，十分解渴。佢仲有雞飯，小食，泰式甜品，我會再嚟試！真心推介！…Read More

難得請左假做body check, 加上落雨，今日下晝成三點先返到屋企同媽咪late lunch / tea. 由於肚餓，到左地鐵站就去買唐包點返屋企慢慢食。原本想買新出嘅流心何華田包，點知已經賣哂😭下次早餐時間就要快手買！我哋買咗咖哩牛腩飯、章魚肉餅飯、紅豆包、番薯包，缽仔糕，同埋菜肉包。飯夠企理衛生又夠熱，分量十足，飯煲得唔會乾身。牛腩香軟，咖哩辣度適中，送飯一流、章魚肉餅夠口感冇過多肥肉。番薯包同紅豆包包軟餡足唔太甜，令饀料味一直突出。缽仔糕叮熱10秒后微暖食，黃糖香甜及紅豆增加咬感。最後俾兒生女食嘅半個招牌菜肉包，豬肉新鮮juicy,連小朋友都鍾意，做下午茶最適合不過。…Read More

同大學同學去完沙灘之後出返中環，6點零餓餓哋，於是去咗LKF和安里嘅泰式Grill食late tea / early dinner (幾個吃貨)😆呢度係counter落order, 再入sitting area 等waitress 拎過嚟。曬完游完一個下晝之後餓底，一口氣叫咗牛肉、豬肉、牛仔骨、雞肉、燒鱔、粟米芯、青木瓜雞肉沙律，同埋雪碧同lime soda.落order後，見倒隔離係即叫即燒。返去坐低，等左幾分鐘就就上哂所有嘢。佢每様汁都有提供，我哋可以自行配搭mix and match, 都幾好玩。首先試燒鱔，燒得juicy及有淡淡魚脂香，本身醃味有啲甜，配上青色辣汁唔太濃，魚味仍然突出。然後到牛肉、雞肉及豬肉，配上沙嗲汁同薄荷汁都幾惹味，而肉質鮮美多汁。牛仔骨有兩片，肉質豐厚，咬勁十足。之後到蔬菜：粟米芯鲜甜，可以中和一下肉類嘅heaviness. 最後一定要推介青木瓜雞肉沙律，$70分量夠大之餘，青木瓜絲非常新鮮爽口，雞絲切得幼細，淋上分開上嘅酸辣汁好醒胃，同串燒一齊食好平衡到，令味蕾感受到清新及味濃。特別一提嘅係如果响lkf 飲酒前後，可以買返幾串嘆吓又唔洗等都幾好。推介lkf快靚正串燒！…Read More

住屯門嘅朋友勇敢地出門口，到中環陪我食lunch and girls talk, 真係夠哂義氣❣️我哋都喜歡辣嘅關係，於是就揀咗士丹利街嘅瘋狂小面，spice up 一下，愈熱愈食辣😆我哋order 2個set, 分別係ABC and ABCD - 乾撈嘅瘋狂豌雜麵，夫妻肺片，蝶豆花雪梨; 辣湯麵嘅瘋狂牛肉麵，棒棒雞，熱檸水及紅棗銀耳湯。所有嘢一次過上哂，我哋就首先試個主菜。兩個麵都係Mochi mochi, 好有彈性，蛋香亦濃。我哋揀嘅少辣少麻啱啱好，令醬料及湯料嘅香味更突出。鋪面嘅葱及芫茜好香及爽口，我嘅牛肉呈四方體，大大粒，口感豐富，而朋友嘅豆就夠腍同中和乾撈麵嘅濃度。而碗麵嘅分量亦非常夠女仔食。之後到配菜。棒棒雞切得薄，稠為醃過，而麻辣汁亦唔過火。夫妻肺片就比較麻及辣，肉亦新鮮。蝶豆花雪梨🍐清新可口，冰凍解渴，配麻辣嘢一流。而糖水清甜，紅棗夠甜，最啱要補血嘅我。…Read More

今晚同男朋友試fusion菜，但係又唔想去啲太authentic嘅餐廳，所以就揀咗呢間lively嘅「港」式餐廳。一座低就見到港味十足嘅menu, 我哋order左一個Brooklyn beer, Gamay red wine, 糖醋話梅豬同埋幾乎枱枱都有一碟嘅芝士蟹肉腸粉。啤酒好香花香味，紅酒light body, 適合食味道較濃嘅嘢。糖醋話梅豬先上，賣相擺碟好靚，好似水墨畫咁😊五花腩豬肉片厚度得宜，卷住甜酸醃漬紅蘿蔔絲口感一爽一腍，亦唔過膩。配上在旁嘅甜辣醬，十分醒胃，驚喜在配紅酒有幾好效果。人氣熱賣芝士蟹肉腸粉：大砵仔上有玩味中國風之感，滿滿芝士醬上鋪滿蟹子同蟹肉。腸粉有煎過而帶出外面香脆，內𥚃軟滑口感，加上芝士香及蟹肉，有如一道皇帝級菜式，haha 😝之後仲有on house 嘅shot :)呢度都有happy hour, 下次可以同friend再去！…Read More

Sweet tooth 嘅我，一直都喜愛法式甜品嘅細緻同優雅，唔同層次嘅味道及口感。趁法國Bastille Day聽日到，今晚就嚟個法式之夜。響香港有大行其道嘅macaron, 而今次去買甜品嘅人氣店Lovever Patisserie, 佢哋signature係響台灣非常受歡迎嘅Daquoise (dakwaz)，係源於法國西南部嘅甜品。店主係一位台灣人從Dacquoise由台灣帶過嚟香港。門外白色裝修有法式簡約。一到達店，店員好有耐心向我介紹糕餅嘅來源，材料，方法同收蔵方式等。佢嘅材料同macaron一樣，不過口感就外脆內似蛋糕。餡有各種cheese, buttermilk等。朋友order左士多啤梨芝士味，我order左rapsberry味，另外再share一個pepper and bacon Madeleine. 包裝設計都精𡟹。一打開見到獨立包裝，同埋有instruction 講點儲存。一口咬落去，感覺到清脆外殻內有軟身蛋糕，夾心有新鮮水果整出嚟先有嘅清新輕盈口感，甜度啱啱好。鹹味Madeleine, 第一次試。蛋糕非常軟身濕潤，煙肉碎片都係店自己準備。味道幾有趣，值得一讃patisserie 創新嘗試！🤗…Read More