Master Taste 8's Profile

銅鑼灣iSquare嘅汕頭牛肉火鍋，絕對系牛魔王一個不容錯過嘅選擇。鍋底揀嘅牛腩湯底，味道清甜，湯底中嘅牛腩鮮嫩可口，口感滑順。鍋中仲加咗粟米同蘿蔔，增添了湯底自然嘅甜味。所用嘅是新鮮牛肉，並非急凍產品，牛肉嘅口感更加細膩。牛肉片切得均勻，厚度適中，當你在鍋中輕輕一灼，肉質瞬間變得柔軟而多汁。匙仁嘅纖維感明顯，咀嚼起啲非常順滑。如果想口感豐富啲，可以揀肥牛，肥牛油花分佈均勻，肉質既有嚼勁又不油膩，絕對是絕佳嘅選擇。另外，牛肉餃和肉餅餃值得一試。肉餅口感特別，似牛丸不是牛丸，帶來不同嘅層次感。竹蔗茅根甘蔗水沒有添加糖分，清新自然，完美中和了火鍋的熱辣，令整個用餐體驗更加平和。如果想品嚐鮮牛肉嘅美味，強烈推薦汕頭牛肉火鍋！…Read More

今日去咗啟德食新派潮州菜，餐廳嘅裝修好有格調，空間幾大，仲有多個卡位可以望到外面嘅風景，一入去感覺好舒服。前菜方面，我哋點咗女兒紅醉蝦同椒鹽大鮑魚。醉蝦酒味濃郁，一碟有六隻，食到舔舔脷，味道令人回味無。椒鹽大鮑魚外面香脆，裡面嘅鮑魚肉質鮮嫩，食得出幾新鮮。冰鎮咕嚕肉上枱時，有種透心涼嘅感覺，冰鎮做法令咕嚕肉更加脆口，酸酸甜甜嘅味道正好適合夏天！第一次試潮州紅燒魚翅，原來潮州翅帶有花生味，翅身好粗，味道唔錯，係一個新嘅體驗。湯蝦餃用金魚造型，用高湯泡上，造型精緻，餃子皮薄，餡料鮮美，感覺比一般蝦餃大少少。海鮮紫菜炒飯粒粒分明，有帶子同蝦仁，仲加咗啲紅藜麥，令整碟飯更加健康。而家只要點特飲就可以免$15茶位，真係超抵！我哋揀咗手打鴨屎香檸檬烏龍同海鹽焦糖脆脆牛乳，兩款飲品都好有特色，特別係鴨屎香嘅味道，好香又清新。自己人嘅菜式新派又有創意，下次要再嚟試埋佢嘅點心。…Read More

Shake!t系一間專注於健康奶昔嘅飲品店，所有飲品都是即叫即做，開放式廚房，我見到店員切水果，用100%嘅鮮乳酪同牛奶，沒有加冰嘅製作，絕對新鮮！美國士多啤梨乳酪芭菲口感十分順滑，現切嘅士多啤梨味道搭配乳酪，每一啖都好似食緊啲健康落肚。金莎朱古力榛子醬窩夫真系巧克力愛好者嘅飛佛，金莎有香濃嘅朱古力味，咬落都脆口感，絕對值得一試！意大利開心果醬奶昔配烤開心果仁系我嘅首選，新鮮雞蛋同牛奶現搞嘅窩夫餅底，開心果醬嘅香氣，搭配烤開心果仁口感，味道清新又不膩。英式伯爵茶奶昔加配奇亞籽帶有淡淡的茶香，以及奇亞籽的獨特口感，系一款非常特別嘅奶昔，奶香與茶香完美融合，非常適合下午茶時光。非常推薦shak!t給喜愛健康飲品嘅朋友，快來試試創意十足嘅奶昔同甜品吧！…Read More

朋友好鍾意食海鮮，今晚相約食飯我第一時間諗到帶佢食千海水產火鍋放題， 任食鮮活海鮮種類繁多， 大頭蝦、基圍蝦、沙白、白蜆、花蟹、藍蟹、花螺， 鮑魚都係無限量補貨任點任食， 仲要隻隻海鮮自己揀，鐘意邊隻揀邊隻， 揀完仲有店員幫忙清洗， 食得安全放心。自助區除咗鮮活海鮮， 仲有其他海鮮類， 生蠔、扇貝、海參、南花蚌、海蜇花， 淨食海鮮已經值門票價。 另外仲有前菜、熱食、 傳統點心、火鍋配料、蔬菜、雪糕甜品。湯底我哋點咗花膠雞湯， 鮮甜濃郁滋味養顏，澳洲M5和牛肉味濃郁油香滿滿、 美國牛肩鉀片油花靚， 肉質鮮嫩。 鵝肝多士， 香氣濃郁入口即溶。 蒜蓉燒蠔， 鮮甜飽滿配上特製蒜蓉調味，超惹味。甜品區嘅點品都相當吸引，有香芒糯米糍、馬卡龍、 榴槤蛋糕、抹茶蛋捲、 布朗尼、 忌廉泡芙、 半熟芝士蛋糕等等，粒粒精緻美味。大推新出嘅芋圓仙草甜品diy， 仙草幼滑芋圓q彈，多款配料超豐富， 忍唔住食完一碗又一碗。…Read More

每次同姪仔落旺角，佢總提議去丼燃食堂食佢嘅“乜蟹都有丼”。如果唔係外面落緊雨，相信要等位。姪仔點咗“乜蟹都有丼”，蟹肉、蟹腳、蟹籽同埋蟹膏等，材料豐富。佢仲加咗隻溫泉蛋，蛋汁撈埋啲飯，每一啖都有蟹嘅鮮味，搭配上蛋汁嘅滑溜，真係一流！我就揀咗金龍卷同燒三文魚卷。金龍卷裡面有炸軟殼蟹、蟹籽同沙律醬，炸得金黃香脆，咬落去外皮脆脆的，加埋青瓜的清爽，味道層次分明，真係好好味。燒三文魚卷用燒三文魚，配上蟹子同沙律醬，三文魚嘅鮮香加上蟹子的鹹香，真係好夾，呢個一定要試吓！我哋仲點咗炸芝士同玉子鰻魚燒。炸芝士外面脆脆的，裡面芝士漿好滑溜，一口一件，當小食好啱。玉子鰻魚燒味道唔錯，個汁好好味。整體嚟講，呢餐好滿足。…Read More

每次去馬鞍山探朋友，通常會去佢食堂「匠山」。食物質素好，而且冇服務費，確係超值！佢哋每星期都有飛機貨返，次次都有驚喜。天氣咁熱，冷麵係必食！麵條爽滑彈牙，配埋廚師特別調配嘅冷麵汁，好好食。三文魚、吞拿魚、油甘魚刺身新鮮，厚切有口感。食半客已經飽飽地。燒茄子加咗好多木魚絲，味道同一般燒烤店完全唔同，食落有啲新意。米紙軟殼蟹卷係必推！佢用咗好多青瓜絲代替壽司米，食落更加清新同健康，食幾多都唔會覺得有負擔。匠山越嚟越受歡迎，今晚嚟到都等左一陣間，下次再嚟馬鞍山，可能要早少少先得。…Read More

個friend好耐冇食放題，我哋約咗去沙田嘅大喜屋，五點半到有早鳥優惠，超抵。我們先嚟一盤刺身，點咗三文魚、象拔蚌、牡丹蝦同甜蝦，全部都好新鮮，根本唔需要加醬油，直接享受鮮甜味道。和牛芝士燒和牛肉質嫩滑，加上融化嘅芝士，味道非常唔錯。焦糖牛奶鵝肝壽司有創意，甜甜地嘅蕉糖配鵝肝，搭得好好。海膽拖羅蓉杯海膽鮮甜，拖羅滑溜，味道好正。油鹽焗大頭蝦，蝦肉鮮甜夠新鮮，好食。乳鴿、花菇炆鮑魚同羊架都值得一試。乳鴿肉質柔嫩，味道香，花菇同鮑魚系絕配。羊架肉質紮實，有口感。避風塘肉蟹味道香辣，好惹味。我哋飲咗幾支Apple cider，清爽又好飲，甜品選擇多，非常開心。埋單嗰時候門口企滿晒食客，如果你都有興趣，記得早啲book位。…Read More

阿嫂話大方食堂嘅黃酒煮雞好好味，今日帶我去試吓。黃酒雞一上檯，香味就撲面而嚟，雞肉非常嫩滑，配上黃酒嘅香氣，食落去有啲甜甜嘅，完全冇酒醉嘅感覺，真係唔錯！除咗黃酒煮雞，佢哋嘅招牌崩沙腩絕對係必食！肥瘦均勻，牛味濃郁，牛三寶都唔可以錯過，有牛腩、牛肚同牛筋，火喉充足，炆得好淋好香，份量仲係好大！仲試咗佢哋嘅韭菜餃，正常發揮，韭菜配搭肉餡，咬落去餡料多，肯定可以滿足你嘅胃！雖然店面唔大，但生意勁好，客人不停進出，氣氛好熱鬧。如果人少，預咗需要搭檯。店員服務超級好，感覺好親切。如果大家有興趣食黃酒雞，咁就要試試位於大埔墟嘅「大方食堂」。…Read More

元州街既街坊一定知道「太子海鮮菜館」，每次黎都高朋滿座，今晚亦不例外，氣氛非常熱鬧。餐廳入面環境唔錯，門口有個魚缸，見D海鮮生生猛猛好吸睛，今次點咗幾個海鮮。薑蔥炒蟹，蟹肉超級鮮甜，搭配薑蔥既香味，簡直無敵！蟹殼內肥美既蟹肉，實在好味。上湯澳洲龍蝦伊麵，澳龍特別多肉，龍蝦肉質彈牙，伊麵吸晒湯汁，每一口都有龍蝦既鮮味。豉椒炒蜆，蜆肉鮮美，配上豉椒嘅香辣，簡直係絕配！魚肚浸菜心，呢道菜清淡又好味，魚肚滑嫩，菜心脆口！總括來講，「太子海鮮菜館」海鮮新鮮，口味又好，無論係家庭聚餐定朋友小聚，都非常合適。…Read More

今晚我去咗銅鑼灣嘅「麵屋日和」食麵。餐牌上嘅選擇唔算太多，但一試就感受到廚師嘅誠意，佢哋好專注做好每一碗麵。每碗拉麵嘅湯底用豬大骨同丸雞慢慢熬製，湯汁好醇厚，肉香四溢。麵條係人手搓揉，口感彈牙，超級好味。醬油用咗日本原材料調配，味道層次豐富，仲有一種獨特嘅風味。今次點咗特盛味噌拉麵，腩肉叉燒肥而不膩，咬開糖心蛋，蛋黃流心，真係好正！今晚嘅限定系赤蝦燒肉叉燒拉麵，麵質同湯底一樣出色。除咗拉麵，炸可樂餅同煎餃子都唔錯，外脆內嫩，好好食，為整體用餐體驗加分不少。下次有機會要再來試埋其餘兩款拉麵先得。…Read More

今日同朋友試咗觀塘牛站火鍋放題嘅2號餐，整體嚟講性價比唔錯！湯底揀咗鴛鴦鍋，香濃蕃茄豬骨鍋酸酸甜甜，涮牛肉最夾；另一邊冬瓜瑤柱豬骨湯有瑤柱海味香而不燥，豆腐及響鈴吸盡精華，清甜夠入味。牛肉係主角，2號餐有美國極黑和牛、安格斯牛板腱、封門柳，脂肪分布均勻，輕輕一涮就食得，肉質軟嫩牛味足，encore咗好幾轉！海鮮選擇都多，海蝦、大頭蝦、蜆、墨魚、凡立貝新鮮，尤其鮮蝦爽彈無雪藏味。熟食區有驚喜，炸雞塊炸得香脆，出一盆清一盆，仲有涼菜、蜜汁骨、炸墨魚餅都好受歡迎。飲品櫃同甜品區係加分位，清酒、罐裝汽水、自家製茶飲任拎，最後食埋Häagen-Dazs 雪糕大滿足。服務幾好，上菜快收碟快，限時120分鐘夠食。…Read More

約咗舊同事食晚餐。之前喺位於灣仔合和中心嘅國穗軒飲過早茶，覺得味道唔錯，所以今次嚟試下佢哋嘅晚餐。國穗軒晚市有好多優惠，選擇又豐富。我哋點咗椒鹽瀨尿蝦，$188有八隻！特惠孖寶揀咗叉燒拼豉椒炒蜆又系$188，好抵食。另外加一份金銀蛋莧菜，份量多到差啲食唔完。瀨尿蝦嘅火候掌握得好，同事食到舔舔脷，好新鮮同甜美。炒蜆粒粒開口，完全冇沙，蜆肉又脹又嫩，口感超級好。叉燒我哋叫咗瘦叉，味道正常，但整體上都唔錯。金銀蛋莧菜色澤翠綠，份量又多，真係好食。最開心嘅係，國穗軒冇限時，我哋可以悠閒咁聊天，完全唔怕尷尬。座位寬敞，服務又好，見到我哋食海鮮，仲特意提供濕紙巾同換碟，服務無得頂。呢餐食得好滿意，國穗軒真係一個值得推薦嘅好地方！…Read More

食肉獸今日約我食lunch，火鍋放題最啱。我哋今日去咗太和廣場嘅別忘了打邊爐，以前食過覺得味道、環境同服務都唔錯，今日帶朋友嚟食。肥牛、豚肉片、羊肉片，所有飲品、甜品、火鍋配菜任食120分鐘，我哋食足120分鐘冇停過，爽到爆。特別鍾意佢呢度湯底夠濃，啲肉切得夠薄，可以唔點醬直接食。如果想食嫩滑，可以試下澳洲穀飼卡樂Beef，我friend就鍾意大米龍同牛板腱，覺得嗰啲牛味濃啲，大啖大啖入口，唔使1分鐘可以食一盒，超級誇張。鴛鴦鍋好啱兩個唔同口味嘅朋友，我鍾意食羊肉，而佢就鍾意食牛肉，咁我就喺我嘅壽喜燒湯底盡情涮羊肉。別忘了火鍋放題仲可以選擇多款台式飲品，我哋一人飲咗兩大杯，最後仲食埋佢個真芒果肉雪條先至離開。…Read More

今日去咗灣仔嘅段純貞，試咗紅燒腱心半筋半肉牛肉手工麵、青花椒香手撕雞乾拌麵、鹽酥雞同埋台灣腸。牛肉真係好腍，好入味，牛筋軟糯，味道同口感都幾好。手撕雞唔算好辣，但個辣味特別，有啲椒香味，幾吸引。平時食鹽酥雞通常細細粒，但段純貞嘅鹽酥雞大得好似雞球咁，咬落去外脆內嫩，味道唔錯。至於台灣腸，少少甜，表現都正常。餐廳裝修簡單舒服，唔會太擠，員工態度友善，反應都幾快。最後，埋單前再整多兩杯台灣特飲，一杯芝麻奶，一杯紫香芋泥特飲。紫香芋泥每一啖都有濃濃嘅芋泥口感，飲落去特別好味，呢個捏捏杯值得一試！…Read More

喺加班之前，同同事去咗公司附近嘅九運來粉麵世家醫肚，響附近返工嘅上班族，對呢間傳統粉麵店，應該都唔會陌生。沙薑手撕雞配雲吞撈麵，雞肉份量好多，沙薑味道幾突出，雲吞粒粒飽滿，麵條爽口。牛三寶湯麵湯底充滿濃厚牛味，牛腩、牛筋、牛肚炆得好腍，麵條彈牙，味道好好。小食拼盤有炸墨魚丸、雲吞、魚片頭及雞翼，配搭豐富。本身已經好抵食，而家佢哋晚上六點後，凡各式粉麵飯，贈送紅豆冰、奶茶或咖啡味嘅紅豆冰，有興趣可以過嚟試吓。…Read More