2
因為真係好想好好咁享受甜品，所以直接響度食埋午餐。
有幾樣我哋食過，絕對要推介！
三寶椰皇，佢嘅蛋白勁滑，仲有濃郁嘅椰皇香味，芋圓超級彈牙，絕對係台灣貨。
藤椒麻辣雞翼外香內Juicy，令人驚喜，好食過近期好Hit嘅連鎖店出品。
花枝丸鹽酥雞拼盤都好好味，花枝丸彈牙有口感，鹽酥雞細細粒，咬落去食到雞肉嘅嫩滑。
開心果雷沙湯丸搭配得當，大家唔會搶到彼此嘅味道，層次感豐富。
舖頭係新開，由幾位年青人主理，我哋埋單嘅時候，店員主動問我哋食後嘅評價，顯示出佢哋好重視客人嘅意見。下次經開，河畔呢間「嘆甜品」值得encore。
5
1
