mingming7的个人专页

大判燒！黑毛和牛西冷($178)，油花分佈均勻，因為唔算厚所以輕輕一燒便容易燒熟，入口有溶化感覺，配埋溫泉蛋蛋汁，西冷和牛更嫩滑。日本蠔($38)，size未算大隻，但燒熟後蠔肉外觀仍然飽滿，食落蠔既鮮味好重。火炙黑毛和牛壽司($58)，和牛軟綿有油脂，飯粒軟熟，一齊食口感百感交集，如果配埋少許wasabi就更好。鹽味牛舌($88)，牛舌厚度切得適中，唔會太厚食落太油膩，亦唔會太薄欠缺左口感，牛舌已調左味，燒熟後直接食用最正。蔥鹽味上牛舌($138)，上牛舌價錢較牛舌貴一d，兩者同時食用確實感覺到有少許分別，上牛舌會有更彈牙口感，而且配有蔥花，中和返少少鹽味。黑毛和牛腹柳小排($148)，牛腹柳牛味濃，肉質一半結實一半軟林，食落都有油脂香味，這款已淋上醬汁，所以已經好夠味道。黑毛和牛上嫩肩里肉($198)，和牛一片片呈鮮嫩粉紅，油脂更多更濃，食落超軟綿綿，口腔滿口油脂香味，但牛味不算重。四款和牛一齊燒，睇見已經好期待。日本產雞肉拼盤($98)，雞脛柳、胸腹肉、雞肝，雞肉肉質都好嫩滑，而且有彈牙口感，雞肝就較難處理火喉，燒既時間短怕未熟，燒太耐就會太乾。KAKURA辣冷麵(小)($38)，食左咁多美味既和牛，難免會有油膩感，食返個涼浸浸既冷麵有助清腸胃，亦令口腔清新，冷麵仲有配菜和蛋，好足料，性價比十足。甜品，雲呢拿雪米糍和杏霜凍。…查看更多

店鋪每日都有唔同既是日精選。兵庫縣黃金武士蠔($48)，蠔形狀呈圓形，新鮮飽滿，加入左三文魚籽和店家辣椒醬，混入一齊食，辣辣地幾開胃。赤貝刺身($58)，赤貝切成花既形狀，賣相吸引，口感非常爽口。牡丹蝦刺身($88)，蝦肉顏色光澤，size都幾大隻，黏黏既口感，肉質新鮮。松葉蟹肉蟹膏甲羅燒($98)，將蟹肉、蟹膏、蟹籽、鵪鶉蛋、蔥粒加熱並攪拌，蟹膏味濃，而且粒粒蟹籽好有咬口，麵包是軟熟的，如果烘至多士咁脆口，口感更好。汁煮和牛尾($188)，湯汁濃郁牛味，應該用長時間熬製出來，牛尾既肉和骨容易分離，肉質軟淋，又帶d肥膏，食落好香口，蘿白入味軟淋。牛舌($58)，厚切，食落有口感，爽口兼有少少彈牙，灑上鹽粒和黑椒粒好香口。雞頸($28)，同樣有鹽和黑椒粒，口感煙煙韌韌，頸部位帶有油脂香味。左口魚邊壽司($48)，整片左口魚邊都充滿住油脂，入口即溶口感，價錢較貴一點，但好食。特上魚生卷($98)，共有4件魚生卷，餡料應該放入左四款魚生，頂層再加上海膽，可以一口食到幾款魚，實在好滿足。鵝肝飯($88)，size係迷你裝，師傅已經將醬汁加入飯中，飯粒食落唔會乾而且仲幾好味，鵝肝超厚身，表面平平無其，但內裏好滑溜，一個人食雖然邪惡，但實在好難忍口。Orion啤酒($19)，啤酒大杯，一邊食野一邊飲酒，人生就係咁享受。…查看更多

丼飯有跟前菜，沙律和茶碗蒸，沙律淋左日本醋酸尾尾好醒胃，粟米已經除去粟米芯，再切成一口一片，方便食用。江戶前散壽司($370)，盛器用日式傳統木盒，賣相已經好吸睛，魚生款式眾多鋪滿整個木盒，每食完一款魚生，再食一口腐皮卷甜甜地又可消除口中油膩感，店員推介順時針方向食用，由海膽開始食起，魚生味道由淡至濃，魚生新鮮肥美，油脂亦好濃，炙燒過既魚生帶有微微焦香。海言廚師發辦魚生飯特上($430)，比起江戶前散壽司丼，這個海言丼魚生款式更多，由廚房安排當日最新鮮既食材，有白子、原隻魷魚仔、蟹肉絲、醃漬蝦粒，白子和海膽質感滑溜溜，大拖羅和左口魚入口溶化，滿口油脂香味，深海池魚肉質爽口鮮味。食完份量十足既丼飯，店家會送上櫻花蝦昆布湯，又暖胃又消除一下油膩感，而且細細碗岩岩好，唔怕浪費飲唔晒。…查看更多

金龍珠海膽吞拿魚蓉卷($158)，餡料十足，好多滑溜溜既海膽，加上大大粒漬物蛋黃，黏黏既口感，兩者互相輝映。金糖盒海膽三文魚籽日式豆腐($158)，由棉花糖、威化餅、豆腐、三文魚籽、海膽、魚子醬組成，一口咬落食到晒所有材料，口感層次豐富，海膽好鮮甜。 戀丼月見特厚燒牛舌三文魚籽($238)，超大塊既牛舌，而且仲係厚身，師傅已經將牛舌𠝹花再燒，裏面容易熟又美觀，口感煙煙韌韌又帶有少少爽口，月見即係蛋黃，將佢篤穿蛋黃汁滲入飯粒，攪拌黎食好香好滑。嚴選松板豬($58)、安格斯牛肋肉($58)、厚燒牛舌心($58)、自家製雞皮卷($58)，雞皮蝦面層燒至脆口，內裏蝦肉彈牙，牛肋肉和牛舌都好有咬口。鹿兒島A4和牛($188)，油脂分佈均勻冇筋位，口感軟腍，牛味重。兵庫縣生蠔鍋($680)，目測有15隻生蠔，每隻都好肥大飽滿，煮熟左size亦唔會縮得好細，食落保持到鮮味，店家還提供左海鹽，但我覺得原汁原味最好，食左咁多重味道食物，最後食返個疏菜，解一解油膩感，用腐皮做福袋好精緻，裏面係年糕。白桃乳酸梳打($38)、柚子乳酸梳打($38)，清爽冰涼，果味重，甜度適中，唔會得個甜字。…查看更多

店鋪選用A4和牛，中午同樣都係用A4和牛，但價錢相當親民，最平88蚊已經有和牛定食套餐，之前食過滿足晒食和牛口癮，今次同朋友一齊再來食dinner。豆腐沙律($98)，有烘麵包粒，食落增加脆口，豆腐滑溜溜，胡麻醬加豆腐永遠都係絕配，好醒胃。日本產和牛＆海鮮豪華拼盤($1980)，見到和牛心裏既喜悅簡直爆滿，急不及待起動，先燒海產，有帶子、鱈場蟹腳、鮑魚、蝦，鮑魚最有驚喜，廚師已經花和去除內臟，美觀得黎又容易燒熟，口感有半爽半彈牙口感，蝦虎非常厚肉大隻。和牛西冷，四款牛肉部位之中，西冷牛味唔算重，但肉質軟林，油脂濃郁。和牛上肩眼，牛味重，肉質唔算林，油脂亦都好濃郁。和牛上牛排肉，牛味重，肉質軟林，油脂濃郁。特選和牛牛排肉，比較上牛排肉，特選和牛各方面都更優勝。總括和牛任何部位既牛肉，油脂全部好濃郁，口腔充滿油脂香，入口有溶化感覺，而且油脂分佈平均，燒起上黎容易熟，只需要輕輕每邊燒幾秒就足夠。冷麵($100)，淨係食和牛會容易油膩，冷麵好有清新感覺，能夠消除口腔既油膩感，而且可以飽肚。壽司拼盤5件($228)，甜蝦、帶子、吞拿魚、章紅魚、三文魚壽司，五款魚生都好新鮮，帶子厚身肥美，肉質滑溜溜，章紅魚軟林得黎帶有少少爽口。荔枝梳打($45)、桃燒酌梳打($55)，食燒肉配凍冰冰既飲品，真係好暢快，桃燒酌酒精唔濃，而且生果味，甜甜地易入口。…查看更多

蟹肉蟹膏豆腐茶碗蒸，蟹膏顏色鮮艷，入口濃郁既蟹膏味停留係口腔中，豆腐味淡與蟹膏一齊食有互相中和作用，蛋亦好滑身。花鵰酒花螺、大頭蝦、花甲，花鵰酒味道好濃好香，花螺一隻一口好方便，大頭蝦爆多膏，蝦肉肥大厚身，啖啖肉既質感好滿足。大溝貝，肉質軟林，亦帶有少少有咬口既口感，醬汁係白酒和海膽而製成。來自日本關西地蜆，size唔算好大隻，但肉質唔韌而且清甜，配燒蒜蓉，蒜蓉味香濃。如早一日訂座即送南非鮑魚，口感爽口彈牙，而且切成一件件方便食用。煙燻阿波美雞翼，慢慢抽出頂蓋，聞到強烈煙燻和木既味道，雞翼釀入左蟹肉絲和雞軟骨，食落有粒粒口感。底層京都豆腐外脆內軟，中層係鰻魚皮，同樣炸得好鬆脆，頂層係鰻魚肉，塗上店家自家製醬汁，紫菜來自大板，會較為更脆口，用黎包住食，超脆口感加上軟綿綿鰻魚肉，層次豐富。美國牛柳邊，肉質軟林，建議不需加調味，直接食牛既原汁原味係最好。西班牙豬，煮至8成熟係佳食用，配搭山葵漬和乾蒜片一齊食效果較佳。白飯魚炒飯和辣味米粉，米粉幼細，入口順滑，底湯帶辣好惹味。牛乳奶凍焦糖乾，奶有濃郁羶味，質感好滑，焦糖乾非常脆口。…查看更多

蘇格蘭牛油蟶子皇($128)，先講賣相，size超大隻，盛器雖然誇張，但非常襯得起蟶子皇既高貴食材，聖子厚肉，肉質彈牙，食落有濃郁既牛油香，平時會在表面灑上蔥粒，但店家用新穎做法，將蔥打成泡沫狀態。清酒燒北寄貝($98)，新鮮兼肉質彈牙，湯汁係清酒，酒香味在口腔散發，好香。北海道日本大元貝($108)，肉質軟綿，炙燒後邊位帶有焦香，食落同樣有濃郁牛油香味，配埋紫菜簿脆片一齊食，口感又軟又脆。招牌花甲粉($98)，花甲係用上包子貝品種，會更大粒更厚肉，花甲食落冇砂處理得好乾淨，湯底鮮味且帶辣，用左唔同海鮮去熬製已成，係精華所在，粉絲吸晒湯汁食落入味。燒日本粟米($48)，粟米表面經過火炙，但食落其實係凍食的，多汁而且好清甜。澳洲和牛牛舌心($78)、炭燒阿波美雞蠔($88)、炭燒雞尾($48)、鹽燒西班牙豬梅頭($88)，牛舌心厚切，咬落有點爽口和彈牙口感，雞尾即係七里香，台灣既地道小食，但香港好少地方可以食到，好滑好QQ口感。自家製日本和牛挽肉($88)，厚身版既漢堡扒，餡料用和牛攪拌成肉碎，加入泰國香葉，再用手握成一個漢堡，味道好夾，而且牛肉有肉汁，配埋月見汁一齊食口感更滑溜。…查看更多

活赤貝壽司($88)，將赤貝開呈花既形狀，賣相相當靚，餘下既赤貝肉造成軍艦壽司，活赤貝鮮甜，而且好重腥味，口感超爽口，我好鐘意，所以價錢較為昂貴一d。火炙左口魚裙邊($45)，油脂重，入口即溶，好似食緊棉花糖一樣，火炙過帶點焦香。赤貝($32)，相比起活赤貝，赤貝色澤較淡，腥味不濃郁，但口感方面同樣都咁爽口，而且size都幾厚肉，價錢相當抵食。海膽龍珠卷($138)，日本新興既龍珠卷，將海膽、吞拿魚蓉、醬油漬蛋黃捲埋做壽司，蛋黃黏黏既口感，加埋滑溜溜既海膽，兩者互相揮影，口感層次豐富。特選海鮮丼($338)，有十三款食材鋪滿整個碗，見到已經忍唔住想馬上開餐，海膽、牡丹蝦、大拖羅、鮑魚都最令我印象深刻，因為實在太好味，每款一件實在唔夠喉，牡丹蝦夠大隻而且係有2隻，蝦肉彈牙帶有黏黏口感，大拖買入口即溶，非常新鮮，不過這裏赤貝就稍為簿身一點，但仍然都好爽口。鹽燒仙台熟成牛舌心($118)，共6件左右，牛舌心肉質會更加煙韌爽口，黃色醬汁係類似黃芥末，一般係匹羊架食，原來配牛舌一樣咁夾。汁燒免治雞軟骨棒配日本蛋黃醬油($35)，免治雞表面燒至金黃色再帶少少焦香，肉質軟腍仲有粒粒雞軟骨增加咬口口感，點埋醬汁蛋黃一齊食，雞肉更滑。蜜桃碳酸酒($45)，酒精濃度唔重，桃香果味甜甜地容易入口，最細size都已經好大杯。…查看更多

當坐低不久 ，店員就會即刻奉上配菜、調味料、蛋漿，效率非常高。韓燒放題好少有醬油蝦、醬油蟹，雖然唔算好大隻，但有得食到已經好滿足，醬油味濃郁而且已經完全滲入肉質。蝴蝶蝦伴他他醬、半殼扇貝、雞軟骨串、雞腎串，蝴蝶蝦已經日開邊，燒起上黎容易d睇到熟未，肉質彈牙，扇貝大隻厚肉，最重要係處理得好乾淨，無沙和已去除內臟，雞軟骨和雞腎同樣爽口有咬口。西班牙捲狀豬腹肉，台灣胡椒香腸，照燒肥牛片，照燒薄切五花腩片，捲狀豬腹肉肉質結實，用生菜包住一齊食一流，肥牛片醬汁入味，而且切成薄片一燒即熟。牛舌，豬頸肉，護心肉，辣味豬五花腩，牛舌有少少厚度，食落更有咬口，護心肉內質軟腍有肉汁。辣拌冷麵，食完太多肉類，口腔少不免都有d油膩感，熟食相對冇咁油膩，而且冷麵有助令食慾更加開胃。醬油鵪鶉蛋，鵪鶉蛋滑溜而且醃得入味。炸忌廉蟹肉薯餅，內裏軟綿綿，外層酥脆香口，好味，但容易飽肚。…查看更多

金龍珠海膽吞拿魚蓉卷($158)，店家既創新菜式，海膽和吞拿魚蓉都食過，但用溫泉蛋蛋黃醃製就第一次食到，蛋黃黏黏既質感，配合海膽既順滑，兩者互相中和， 整件放晒入口食口感層次豐富。日式金柑帆立貝刺身($188)，帆立貝好新鮮而且非常滑溜，金柑食落開頭有少少甜味之後會微苦甘香，我覺得哩道菜式有助開胃。金糖盒海膽三文魚籽日式豆腐($158)，用個好靚既透明盛器盛載食物，賣相已經贏左，海膽好順滑，配埋威化餅一齊食就好似雪糕一樣，頂層放左魚子醬令味道更昇華，墊住威化餅既係棉花糖，都可以連埋海膽一齊食，甜甜地都幾好食。粟米脆餅壽司海膽三文魚籽($138)，三道菜都有我至愛既海膽，我真係一個海膽控，哩道菜既海膽簡直係重量級，差唔多鋪滿頂層，不過粟米餅硬身，食既時候碎片散落較為狼狽，個人認為如果用紫菜包住會比較好。厚燒牛舌心($58)、安格斯牛肋肉($58)、嚴選松板豬頸($58)、自家製雞皮蝦($58)，牛舌心油脂非常多，而且好爽口，加上左胡椒更惹味，另外雞皮蝦確實眼前一亮，雞皮燒得好香脆，包住爽口彈牙既蝦。戀丼月見特厚燒牛舌三文魚籽($238)，平時薄切或厚切既牛舌都食過，但這個超級特厚燒牛舌真係好澎湃，牛舌燒至9成左右，內裏仍然有少許粉紅色肉，食落唔乾身，而且仲好嫩滑爽口，可以大啖大啖咁食牛舌，真係好有滿足感。桃丼月見海老拖羅蓉($168)，同樣地將蛋黃刺穿，直接滲入食材就會變得好滑溜，而且有蛋黃既香味，海老和拖羅蓉份量非常多，店家既米製作得好正宗，用左醋去處理。柚子乳酸梳打($38)、白桃乳酸梳打($38)，兩者既果味好濃郁，而且非常冰凍舒服，柚子有少少果肉粒粒。…查看更多

黑毛和牛腹前小排($248)，共5片，係牛既頂級部位之一，色澤呈鮮嫩粉紅，脂肪比例佔左八成，放入口整個口腔都係油脂既香味，好似食緊棉花一樣，果種滿足感實在難以形容，亦可以用生菜包住一齊食，有助清一清油膩感。大判燒！黑毛和牛西冷($178)，可以搵店員幫忙燒 ，在爐上稍稍燒幾下，不能太熟，肉呈少少紅色就可以，肉質軟腍容易食，配埋蛋汁可令牛肉更滑溜。蔥塩味上牛舌($138) / 塩味上牛舌($128)，order左兩份不同既牛舌，兩者除了有蔥和無蔥分別之外，有蔥的其實還有淋上店鋪自家製醬汁，好惹味，無蔥的就可食到牛舌既原味道，各有優勝之處。黑毛和牛上肋骨中肉($198)，見到原條牛食慾即時大增，不過要燒熟就有點困難，所以最好剪開黎燒，由於原條都係肌肉，肉質結實，不需要加任何調味，因為已經經過醃製。黑毛豚脛肉($88)，豬頸肉肉質有咬口，煙韌與彈牙口感之間，唔乾身有肉汁。生菜($28)，清新翠綠，份量不算多，建議一片生菜分開兩次包，或者一片生菜包住兩片肉。KAKURA辣冷麵(小)($38)，湯底酸酸辣辣好醒胃，而且有助清一清油膩感，又可以飽肚，麵質好煙煙韌韌。甜品，食完豐盛既燒肉，跟住店員同我講仲有甜品，係免費的，分別係杏仁凍和豆腐雪米糍。…查看更多

前菜賣相精緻，麻醬粟米日本紅茄、雪梨黑毛豬，豬用左煙燻去處理，然後底和面各有一片梨，清爽兼且令口腔不會過於濃味、最後係螺肉用左店家自製醬汁，帶有甜甜地幾開胃。赤身、深海池魚、鯛魚松露醬，池魚一向係我至愛，半爽半腍既口感好正，至於鯛魚配松露醬既配搭幾特別，先係有魚既鮮味，再在口腔慢慢滲出松露香味。池魚壽司、黑陸壽司，黑陸魚名字比較少聽，肉質軟腍，頂層放左一點調味料，估計係日本既柚子胡椒。淮山魚湯，好濃郁既魚味，但又唔會好腥，應該用左好多心機時間去熬。鐵板燒銀鱈魚，魚皮簿得好脆口，好似薯片一樣，銀鱈魚好重油脂香味，而且煎至表面金黃色，食落帶有少許焦脆。長腳蟹貝殼粉，廚師將蟹肉加左調味，味道濃郁惹味，而且蟹殼處理得好乾淨，唔會有殼碎，可以放心食用。厚燒牛，牛燒至八成熟左右，但口感一d都唔韌，軟熟易咬，但牛味較淡，可加點海鹽和炸蒜片。炒雜菜和煙肉炒飯，雜菜個調味醬簡直係靈魂精髓，應該係自家調製，XO醬味重而且有顆粒狀口感。巨峰提子啫喱，賣相和口感有d似四川透明涼粉。…查看更多

返工咁辛苦，放工間中當然要輕鬆一下，點左超多食物獎勵一下自己，用一個大抬盤上菜，視覺效果已經好衝擊。味噌甲羅燒($48)，啖啖蟹膏香味在口腔散發，簡直無得輸。香蒜蔥花廣島蠔($32)，蠔唔算大粒，但勝在好肥美飽滿，燒得剛剛好，仍然保留到juicy唔乾身。黑松露烤蝦多士($42)，外層香酥，內裏蝦肉爽口彈牙，而且仲夠熱辣辣，黑松露醬汁加入左芥末好夾。燒羊架($43)，厚肉，肉質軟腍，易咬唔韌，羊羶味重，鐘意食羊既一定會越羶越正。椒鹽簿燒白鱔($28)、招牌無骨白鱔串($58)、蒲燒鰻魚串($29)、鹽燒豬頸肉($21)、鹽燒雞皮($16)、燒豬大腸($26)、招牌燒牛骨髓($29)、常餐沙爹牛串($23)、孜然燒羊腩($26)、芝士松葉蟹棒($23)、雞皮餃子($29)、紙鷂雞皮($21)無骨白鱔價錢雖然較其他貴一d，但啖啖肉唔驚有碎骨，而且肉質彈牙，豬頸肉厚切彈牙，燒豬大腸和炸既分別，燒會保留到肉汁，但冇炸咁脆口，各有優勝之處，牛骨髓平時用作打邊爐多，燒既方法較少見，原來燒出黎都一樣好食，煙煙韌韌口感，而且滑嘟嘟口感，再配埋店醬秘製醬汁，酸酸尾尾咁幾開胃，紙鷂雞皮將雞皮撐開黎燒，燒至乾身好似薯片咁脆，加上少少鹽上味就已經足夠。鹽燒牛舌心($33)、燒鵪鶉蛋($22)、牛油果豚肉燒($28)、粟米燒($18)牛舌心厚切爽口，油脂比例多，粟米燒得夠熱，而且灑上辣粉更惹味。招牌雞皮墨魚滑卷($33)、芝士年糕($32)、雞肉軟骨棒($25)外層雞皮煙韌，內裏墨魚滑有粒粒墨魚好有咬口，配既醬汁係蜜糖，雖然甜甜地係幾好，但總覺得不太相襯，店家可考慮再創新另一款醬汁，我將黑松露烤多士既剩餘醬汁點上墨魚滑，反而這樣較好味。Kirin ichiban frozen beer白桃果蓉($101)、Blue girl($48)白桃果蓉，將白桃打成氣泡和cream之間狀態，再噴上啤酒上，白桃果味幾香，有餘韻，而且順滑。…查看更多

芝士肉醬千層麵($188)，我至愛既千層麵，焗既火侯控制得好好，食落好腍好軟綿綿，肉醬既茄汁醬底酸酸尾尾好醒胃。香煎北海道帶子三文魚籽龍蝦汁扁意大利麵($238)，菜式份量覺得可以提升多d，女士們剛剛好，帶子煎到金黃色而且帶少少燶邊，好香口咬落有爽彈口感，扁意大麵經龍蝦汁炒過入晒味，麵質質地帶微微煙韌。巴馬臣芝士薯條($68)，份量都好足，薯條粗身有咬口，我食過岩漿芝士配薯條，但芝士絲就好少見，絲狀好處就係容易入口即溶，不足之處係只提供茄汁，如果可以調製出店鋪自家醬汁就更完美。TIRAMISU($78)，size都算大杯，一個人會食唔晒，如果二人食完主菜，這份量就岩晒一齊share，口感順滑creamy，底層冧酒酒味唔會太濃，亦唔會淡而無味，我覺得剛剛好。…查看更多

花樂燒賣甲羅燒($218)，擺盤好靚，甲羅燒有將蟹肉、蟹膏、海膽、蛋黃、三文魚籽mix埋一齊，然後放上法包黎食，香味濃郁，燒賣既綠色皮係用左食用皮製成的，口感帶少許煙韌，包住蟹肉絲，成件放入口好滿足，海葡萄爽口味淡，可以將醋汁攪拌來食。花樂六味真蠔($268)，層遞式擺設盡顯食材高級，柚子伴日本蠔、三杯酢啫喱蠔、芝士焗蠔、蒜蓉焗蠔、天婦羅蠔、岩鹽蠔，兩款蠔係刺身食法，口感creamy幼滑飽滿，其他煮熟既蠔size會縮左，但用左不同配料煮法，味道各有所長，蒜蓉味最突出。吞拿魚壽司盛合($208)，一次過有齊大拖羅、中拖羅、赤身，吞拿魚控既我睇見已流口水，油脂最高必然係大拖羅，入口即溶，但會有較多筋，赤身油脂唔高，而且吞拿魚既鮮味最出。雲丹仲買人魚生卷($198)，價錢較貴，但餡料用左幾款不同即刺身魚，加上頂層爆滿既海膽，和用混布包住飯卷，這樣既配搭價錢貴一d都係應該的。免治雞肉軟骨棒($58)，軟骨棒因為經燒過煮熟，肉汁或多或少流失少少，附有月見汁，可令雞肉棒juice，而且軟骨釀入雞肉棒中每一啖都咬到粒粒口感。厚切牛舌($58)，用左牛舌芯，肉質會嫩滑一d，而且咀嚼時會感覺到更加彈牙有口感。…查看更多