SasatataLai's Profile

一直聽聞「燒烤堂」係人氣高企嘅串燒店，終於約到朋友去佢哋旺角新分店朝聖！晚市真係全場爆滿。試咗超過廿款串燒之後，可以同大家講，佢哋嘅人氣絕對係有原因！👍👍👍 必食之選 1. 和牛棒配松露一口飯 評分： 5/5呢個係我全晚最愛，冇得輸！和牛油脂極度甘香，燒得剛剛好，一啖咬落去肉汁同牛油香一齊爆發。下面嘅一口飯吸收咗肉汁，再加埋濃郁嘅松露香，簡直係天衣無縫嘅配搭。雖然唔平，但絕對值得試！2. 焦糖青蘋果鵝肝多士 評分： 5/5呢個配搭非常有心思！厚切鵝肝煎到外層微脆，內裡入口即化，油脂感豐腴但一啲都唔膩。全靠底層嘅酸甜青蘋果片同脆脆焦糖，完美平衡咗鵝肝嘅濃味。底下嘅多士吸滿精華，口感層次極之豐富。3. 明太子飯團 評分： 4.5/5鍾意食飯焦嘅朋友必點！飯團外層燒到金黃香脆，形成一個完美嘅「脆殼」，入面嘅米飯依然軟熟。明太子醬分量十足，鹹香鮮味，同飯焦嘅脆口形成強烈對比，非常好食。👍👍 水準之上 (值得一試)鹽燒系列：· 鹽燒白鱔 ：皮脆肉彈，魚油香超突出，完全冇腥味。· 鹽燒三黃雞髀肉 ：肉質非常嫩滑，鎖滿肉汁，簡單調味已經好出色。· 鹽燒雞皮 ：大大串，燒到好似薯片咁脆，灑少少七味粉更加惹味。其他：· 牛舌拖羅 ：厚切牛舌，口感爽彈有嚼勁，牛舌愛好者會好滿足。· 黑糖菠蘿 ：燒熱嘅菠蘿加上冰涼嘅黑糖，冰火口感好過癮，作為清味蕾嘅甜品一流。👌 完美收官· 糖不甩燉芝麻湯丸 ：流心芝麻餡香甜濃郁，外皮煙韌，暖笠笠咁結束呢一餐，非常滿足。環境與服務：餐廳位於家樂坊樓上，環境光猛乾淨，抽風系統做得唔錯，食完唔會成身油煙味。服務員態度友善，上菜速度幾快，就算全場滿座都冇點漏單。總結：「燒烤堂」嘅串燒款式創新又多選擇，由平價到貴價都有，品質對得住價錢。係一間會令人想encore，再試勻佢餐牌上其他款式嘅店！溫馨提示： 晚市非常旺場，建議早少少或者夜少少（例如9點後）去，就可以避免排長龍啦！…Read More

穿越日本居酒屋🏮位於尖沙咀金馬倫道嘅黑木亭，門面低調但一入去別有洞天！裝修充滿和風氣息，木系設計，有秒穿越日本居酒屋嘅感覺。適合朋友聚餐。今晚我哋主打無限追加A5宮崎和牛同吞拿魚拖羅🤩✨A5宮崎和牛壽司✨雪花紋路均勻細緻。燒到五成熟係最佳狀態，油脂豐盛，入口即化，牛油香氣瞬間爆發🤩✨帶子蟹中寶✨蟹蓋滿滿的一疏疏的蟹肉，超Creamy✨吞拿魚粒牛油果鱈魚脆片✨呢款配搭幾有特色同清新。✨和牛牛角包🥐樣貌已經好吸睛，打卡必點😍刺身：例如蟹腳、牡丹蝦、油甘魚、拖羅等也落足本，全部厚厚一大片，任點任食。燒物：蜜汁焗鱔、鵝肝多士、牛舌，黑豚荔枝卷，馬來西亞D24榴槤燒得出色，火候掌握得恰到好處。甜品🍮選擇比較多，馬卡龍，奶凍，啫喱，蛋糕🍰都有，為豐盛的一餐畫上完美句號。店員態度親切，上菜速度快，每次點和牛同拖羅都絕不手軟，份量十足，完全冇漏單！…Read More

今晚同男朋友慶祝紀念日，專登揀咗將軍澳呢間「Chef's Stage Kitchen」，果然冇令我哋失望！餐廳地點就腳，環境幾有情調，燈光柔和，坐得舒服，好適合情侶約會或者朋友仔傾偈。我哋鎖定目標，直接叫咗個 「Set Dinner for 2」 ($698)，包齊湯、沙律、前菜、兩款主菜同餐飲，計落真係幾抵！前菜：是日餐湯同沙律：沙律菜新鮮爽脆，個蘑菇湯好香濃，飲落好濃郁。Stalk Tartare (生牛肉他他)：牛肉他他調味啱啱好，口感軟滑，配埋脆卜卜嘅鹹餅乾一齊食，非常開胃！主菜 ：Linguine Vongole (蜆肉意粉)：一上碟已經聞到好香蒜味！蜆肉份量多得驚人，而且隻隻都飽滿冇沙。意粉煮得掛汁能力強，充滿住海水嘅鮮味。Beef & Lobster (牛扒拼龍蝦)：成個晚餐嘅高潮！牛扒叫咗medium，切開仲係粉嫩色，火候控制得好好，外面有炭燒香，裡面肉汁豐富。龍蝦大大隻，蝦肉爽口彈牙，鮮甜到不得了！兩個人分享份量啱啱好，大滿足！飲品：加咗$28升級特飲，叫咗 Chocolate Banana Strawberry 同Too Fresh，兩杯都唔會太甜，味道清新，正好可以解一解主菜嘅膩感。💁 服務與環境：店員服務態度友善，會主動斟水，上菜速度有條不紊，我哋可以慢慢食慢慢傾，完全冇壓迫感。…Read More

男朋友係火鍋控，今日懶懶地唔想煮飯就近近地去左觀塘食火鍋放題，地點位於故息故鄉嘅鴻圖樓3樓位置，餐廳環境寬敞，坐得舒服，啱晒一大班人打邊爐吹水～今晚試咗$ 298/位嘅套餐，包咗好多正野，絕對物超所值！✨湯底：養顏花膠雞湯湯底零味精，店員幫手落咗花膠同雞滾起後，忍唔住飲咗二湯碗！雞湯鮮甜唔油膩，仲有幾大塊花膠同嫩滑雞肉，真材實料！用呢個湯底淥食材特別入味，仲可以補充骨膠原呢～頭盤：🐟時令刺身拼盤（三款）放題包咗刺身拼盤，當日有厚切三文魚、帶子同赤蝦，全部新鮮肥美，三文魚油脂甘香，赤蝦爽甜，作為開胃前菜滿分！🥩頂級牛盛盤包括牛小排、牛肩胛、安格斯牛板腱、雪花一口和牛牛粒，每款都係美國prime高質之選！個人最愛牛小排，油花均勻，淥幾秒就食得，肉質軟嫩牛味濃；和牛牛粒入口即化，油脂感超正！牛魔王一定唔可以錯過～🦐時令海鮮拼盤（五款）海鮮盤好豐富，有鮑魚、海蝦、蜆、鱔片同生蠔！鮑魚爽彈鮮甜，海蝦大大隻又新鮮，蜆肉冇沙，每款海鮮都處理得乾淨，淥完之後鮮味更加突出！🍲其他火鍋配料放題菜單仲有好多選擇：豚肉、雞肉、丸類、蔬菜、烏冬等，全部任叫任食！飲品櫃有齊汽水、茶類，啤酒，仲有自家製仙草凍，清熱解毒～熟食🍲另有一些日式前菜小食中華沙律，八爪魚仔…熟食方面就有一啲炸物，台灣腸等。服務方面，店员態度友善，上菜速度快，收空碟都好勤力。…Read More

上星期朋友係英國返黎，同朋友見下面聚一聚，成日聽佢講話好想去韓國🇰🇷唯有止下佢癮，見到中環呢間主打食濟州黑毛豬嘅韓式燒烤店，真係驚喜滿滿！由門口已經感受到濃濃嘅韓風設計，入到去抽風系統做得好好，完全唔會成身油煙味，加分✨🍽️ 前菜：韓式小碟醃漬魷魚🦑、醃蘿蔔、菠菜等經典款式應有盡有，但擺盤放在一格格木盤上，令到整體添上視覺及味蕾的享受🤤🥩 主角黑毛豬拼盤餐 包括低罈子五花肉同豬頰肉，全部厚切上枱，油花分布靚到好似藝術品！店員會幫手燒，火候掌握得恰到好處～豬頰肉彈牙爽口，五花肉烤到外脆內嫩又Juice，加埋蒜片同韓式醬料，一啖咬落去⋯⋯天堂啊😍 -跟set有埋芝士粟米蒸蛋，呢個幾出色，蒸蛋滑溜加上拉絲芝士🧀好邪惡-仲有Chapagetti韓式炸醬麵，味道正宗🥘 豬肉泡菜湯配飯 湯底濃郁，豬肉份量也好多🥭 芒果奇異果沙冰 清新解膩，適合配烤肉飲🍢 烤韓式年糕 年糕外脆內軟，表面撒滿黃豆粉，口感好特別👍服務：店員態度友善，主動換烤盤同介紹食法，全程唔使自己操心，可以專心同朋友吹水同享受美食。✨適合朋友聚餐、想食韓燒但又唔想自己去燒嘅人 。‍…Read More

今日同朋友出旺角電腦💻中心買完電子產品，二個都唔係咁肚餓，邊行邊睇吓有咩嘢食，去到盡頭稍靜的白布街發現咗呢間隱世爐端燒店！餐廳位置唔算搶眼，但晚市時分已經坐滿七八成，好彩我哋早到一步唔使等位。入到去離不開食串燒啤一啤🤗1️⃣ 鵝肝多士 $ 68必點推薦！鵝肝煎得外脆內軟，入口即化嘅油脂香配上烤得香脆嘅多士，邪惡度爆燈！2️⃣ 鹽燒厚切牛舌芯 $ 58真心驚艷！厚度十足之餘，燒得恰到好處，表面微焦，內裡保持juicy。咬落去爽彈得嚟又充滿肉汁，簡單用鹽調味已經帶出濃郁牛香。3️⃣ 汁燒日本黑豚五花腩 $ 42肥瘦相間嘅五花腩燒得焦香，特製醬汁甜鹹適中，肉質軟嫩唔柴。4️⃣ 安格斯牛肉他他燒 $ 148牛肉愛好者必試！優質安格斯牛薄切後調味，配上脆蒜片，蔥花同蛋黃，口感層次豐富。牛肉鮮甜唔腥，調味恰到好處唔會蓋過肉香。5️⃣ 大蔥雞肉串 $ 28 & 翠玉瓜 $24雞肉串燒得嫩滑，大蔥清甜解膩；翠玉瓜保留到水分，表面撒上木魚絲，簡單好味。6️⃣ 味噌大腸 $ 38驚喜之作！大腸清洗得乾淨冇異味，燒到外皮香脆，配上濃郁嘅味噌醬，送酒一流。7️⃣ 季節時令壽司七貫 $158當日師傅發辦，有油甘、中拖羅、帶子、甜蝦等，全部新鮮鮮甜，值回票價！🍺 飲品： 三得利生啤 Happy Hour時段買一送一！$ 58就有兩杯，抵到爛！啤酒冰涼順喉，配串燒簡直一流。店面唔算好大，但吧台座位舒適，有傳統日式居酒屋氛圍。服務員態度良好，跟客人有傾有講，上菜速度合理。如果想有私隱度，樓上還有幾客雅座。…Read More

今日同同事去咗啟德零售館行，見到甘近airside ，順便試吓人氣日式茶主題餐廳嘅Nana's Green Tea！餐廳環境開揚舒服，木系裝修加上柔和燈光，好適合打卡同慢慢chill 下～ 📸🍜【海老蕃茄豆乳烏冬】$128湯底好驚喜！豆乳嘅濃滑同蕃茄嘅微酸好夾，飲落好順口～ 烏冬彈牙掛汁，每啖都食到豆乳香。海老大隻爽口，加上啲蔬菜配料，整體好清新，適合鍾意淡口味嘅朋友！👍🍚【明太子大葉豆乳芝士意大利飯】$148明太子嘅咸香同芝士嘅濃郁完美融合，每粒飯都掛滿creamy豆乳醬汁，仲有紫蘇葉嘅清香平衡膩感。旁邊嘅麵豉湯就正常發揮，不過跟set抵食～ 😋🧋【凍抹茶牛奶雲呢拿軟雪糕朱古力脆脆】$52抹茶控必點！抹茶牛奶茶香濃而不澀，雲呢拿軟雪糕滑溜，撈埋底層嘅朱古力脆脆一齊飲，口感層次超豐富🍫🍧【凍焙茶牛奶白玉焙茶雪糕】$52焙茶風味突出，茶味醇厚帶微微烘焙香。白玉煙韌有嚼勁，配上焙茶雪糕同冰涼焙茶牛奶，簡直係完美組合！呢杯甜度剛好，推薦俾鍾意濃茶味嘅朋友❤️🍨【焙茶生朱古力芭菲】$98 賣相超靚！頂層係濃郁焙茶雪糕，中間夾住生朱古力同脆片，底層仲有茶凍同紅豆。生朱古力入口即化，茶味同朱古力平衡得好好，一勺挖到底一齊食超級滿足😍🍧【黑芝麻白玉芭菲】$88 黑芝麻香氣爆炸！芝麻雪糕濃郁綿密，配上煙韌白玉同脆脆玄米，仲有滑溜芝麻布甸。每啖都係芝麻盛宴，鍾意芝麻嘅朋友絕對要試✨總結：食物質素高，尤其推薦佢哋嘅茶類飲品同芭菲！價錢中上但份量足，環境舒服，適合姊妹傾計或者一個人嚟享受茶時光。下次會想試埋其他抹茶甜品～ 🙌…Read More

作為全港首間韓國自助餐，整體體驗令人驚喜。食物選擇豐富多元化，尤其是多款韓國直送海鮮和地道菜式，質素對得住價錢，喜歡韓國菜的朋友絕對不能錯過。適合朋友聚餐、家庭聚會、情侶約會、喜歡韓國菜和想一次過品嘗多款韓式美食的朋友們。 餐廳空間十分寬敞，至少可容納多達250人，空間感十足。作為自助餐廳，取餐區域設計合理，不會感到擁擠。裝修簡潔現代，帶有韓國元素。服務方面，員工態度友善，換碟和收拾桌面的速度也很快。食物區域種類多元化，每一個小區嘅食物品種多不勝數，簡直心花怒放。真係想每一款都試勻晒😋1. 海鮮及刺身區（回本之選！）這裏的醬油蟹、醬油蝦和醬油八爪魚都是韓國直送，鹹鮮甘甜，蟹膏豐腴，蝦肉爽彈，絕對是必食之選，多吃幾隻已經值回票價。此外，還有石斑、三文魚，鯛魚及吞拿魚腩等刺身，新鮮度不錯，厚度切得適中。2.湯類湯品也有4至5款可以選擇，包括人蔘雞湯，牛骨年糕湯，辣豆腐湯，酥皮湯等。3. 經典韓食區 充滿了地道韓國風味．韓式拌飯：8至10款配菜，任君選擇自由配搭。． 韓式燉牛肋排：牛肉燉得十分軟爛入味。· 韓式滷豬腳：膠質豐富，口感Q彈，配上生菜和醬料一點也不膩。· 韓式粉絲：香氣撲鼻，鍋氣十足，煙煙韌韌，非常惹味。·生牛肉他他：口感爽滑，牛肉新鮮。· 魚糕和炒年糕：煙韌可口，辣汁正宗。· 燒雞髀/燉雞：雞肉嫩滑多汁。．韓式餃子：保存在蒸籠裏，熱辣辣，皮薄多汁．韓式炸雞：提供甜辣炸雞及香蒜炸雞，無骨、粉漿薄脆，雞肉醃得入味，即使放涼了口感仍然香脆。4. 壽司與軍艦 雖然是韓國自助餐，但這裏也提供了超過50款的壽司、壽司卷和軍艦壽司。味道有別於傳統日式壽司，但款式精緻，飯量不會太大，不用擔心太容易飽肚。5. 甜品與飲品 · 甜品：有10多款韓式雪條和Gelato，自製韓式雪花冰，蛋糕及水果等。還有即烘窩夫、牛角包和鹽味麵包等，窩夫外脆內軟，配雪糕一流。別忘了留點肚子給它們。· 飲品：選擇非常多，有韓國直送的熱茶、咖啡、特式果汁和汽水飲料等。以這個價錢能任食，性價比相當高。相比起單點韓國餐廳，這裏可以用同樣價錢嘗試到更多不同款式的菜餚。…Read More

今日同朋友去咗旺角豉油街新開嘅「鳳園雞煲火鍋」打邊爐，呢間來自內地嘅連鎖品牌以「靚雞煲靚湯，營養又健康」為宗旨，主打多款特色雞煲，比我預期中更有驚喜！環境同服務餐廳樓高3層，以木系裝修為主，環境寬敞舒適，坐得舒服唔侷促。每張枱都設有傳熱電子爐，使用厚身保溫瓦煲，感覺乾淨衛生。服務方面，店員態度友善，會主動幫忙處理雞煲，等客人可以坐定定等食。嗰日我哋試咗佢哋嘅🐔 五指毛桃脆皮雞煲（$228）呢個係佢哋全港首創，呢點已經夠特別。雞隻選用養足300日嘅果園雞，肉質緊實爽脆，雞味濃郁。同一般燒雞嘅脆皮唔同，佢嘅雞皮係爽身口感，淥30秒就食得，去哂骨，啖啖肉超正。湯底用上五指毛桃這種祛濕養生的藥膳，每日新鮮熬製，湯底醇厚甘甜，唔似坊間用藥材包上桌先煮咁淡薄。淥埋雞後，湯底更多一層雞油香，越熬越香濃，我連湯都飲咗幾碗。雞肉吸收晒湯汁精華，外皮爽身，肉質嫩滑，值得一讚。🥩 優選肥牛（$128）肥牛分精品、優選、特級三個級別，我哋揀咗中價位嘅優選。油脂分布平均，淥幾秒就熟，入口嫩滑，牛味都算濃郁。配合湯底嘅清香，更能帶出牛肉嘅鮮味。🦐 蝦滑（$68）蝦滑用新鮮蝦打造而成，望落仲見到大大隻蝦溝埋打到滑方式拼合，以增加口感。食落結實彈牙，仲加埋蟹籽，口感豐富。建議唔好淥太耐，保持其爽滑口感。🐮 潮汕牛筋丸（$48）潮汕牛筋丸一向出名，呢度嘅都唔例外。咬落去爽口彈牙，牛味濃郁，而且唔會黐牙，仲會爆汁㗎，要小心食。🍚 臘味煲仔飯（$118）煲仔飯即叫即做，需時約30分鐘。選用正宗廣府臘味，搭配軟糯香甜芋頭，底部有金黃香脆飯焦，鍋氣十足。店員會主動幫忙落豉油、起飯焦，服務周到。醬油係精心調配，味道恰到好處，為成個飯提升不少風味。下次再encore試埋佢哋招牌嘅竹笙椰子雞煲同橄欖脆皮雞煲。…Read More

小城大廚坐落於觀塘工業區心臟地帶，雖然隱藏在工業大廈內，但晚市時分總是門庭若市。餐廳保留了傳統大排檔的裝修風格，牆上掛著手寫菜牌，充滿地道風情。環境雖然不算豪華，但整潔乾淨，通風系統良好，不會有油煙積聚的問題。晚市時分人聲鼎沸，氣氛熱鬧非常，適合喜歡熱鬧氣氛的食客。如果是追求寧靜用餐環境的話，建議選擇平日晚市剛開始的時段。🥩 蜜椒薯仔安格斯牛粒 [$138]這道菜絕對是必點之選！安格斯牛粒煎得外焦內嫩，肉質鬆化且肉味濃郁，蜜椒醬汁香甜中帶黑椒的微辛，非常惹味。最出色是薯仔，先蒸熟再炸，外面香脆內裡軟糯，沾滿蜜椒汁後非常美味。份量足夠，牛粒數量也不少，絕對真材實料。🐷 酥炸豬大腸 [$98]這道菜處理得相當出色，大腸炸到剛剛好，外皮微焦帶勁脆，裡面處理得幾乾淨，沒有什麼肥膏。吃起來香口而不油膩，配搭甜酸醬更加開胃。雖然是油炸食物，但不會感到膩滯，令人一條接一條停不下來。🍆 魚香茄子煲 [$88]魚香茄子煲煲氣十足，上桌時還在滋滋作響，香氣撲鼻。茄子煮得軟糯入味，肉碎份量也不少，醬汁鹹香帶微辣，非常好下飯。雖然這道菜相對較油，但正是這種風味讓人無法抗拒。…Read More

最近同朋友去咗銅鑼灣嘅 香馥樓 試下佢哋嘅二人套餐✨ 擺盤有心思，整體感覺走精緻路線🤩我哋點咗 「夏日二人套餐」（$500），份量啱啱好，菜式以清爽同新意為主，當中有幾款都有驚喜～香煎蓮藕餅外層煎到脆卜卜，咬落去裡面有粒粒蓮藕脆感，整體幾特別但唔算驚喜。🥒 青瓜海蜇頭清爽解膩，海蜇爽口彈牙，青瓜冰冰涼涼，好啱夏天食。🥚 子姜皮蛋凍睇落好精緻，入口啫哩質感，裡面有皮蛋味幾突出，口感幾得意。🍳 黑魚子煙燻流心蛋呢個幾正！蛋白滑溜，蛋黃流心又香，魚子增加咗少少鹹鮮感，幾有層次。🍵 紫砂功夫燉湯最驚喜之一 ✨ 用茶壺盛住再倒落茶杯仔飲，好有心思。雞湯味濃郁，入面有瑤柱、人參、雞、瘦肉、龍眼同海螺頭，暖笠笠又滋補，好飲！🥬 金鈎蒜蓉蒸勝瓜勝瓜好 juicy，但味道偏淡，蒜香突出，如果口味重啲嘅人可能覺得太清。🦆 香馥秘製脆皮燒鵝必試！皮真係脆，咬落去有聲，鵝肉瘦身但唔乾，冇騷味，配埋醬汁一流。…Read More

小時候每逢生日，媽媽總會大手筆地帶我們幾兄妹去太子總店鋸扒，閃爍的燈飾、紅白格仔枱布、厚重的實木椅，還有那標誌性的、會「叮叮」響的點餐鈴（現在較少見了），就是童年最豪華的慶典場地。媽媽總說：「生日大個仔/女，要食好啲！」一份鐵板餐，是平凡日子裡最閃亮的禮物。今晚近近地去左將軍澳分店懷緬一番，與朋友重溫舊夢。環境比記憶中的總店新淨光猛，少了點歲月沉澱的「江湖味」，但那份港式老牌扒房的格局還在：卡位、水晶燈、牆上的油畫🖼️還有最重要的是扒餐上枱時那震撼的「滋滋」聲！滾燙的鐵板承載著大塊厚切牛扒，淋上濃郁的黑椒汁（或蒜蓉汁），煙霧伴隨著悅耳的聲響升騰，是視覺、聽覺與嗅覺的三重享受。味道依舊「穩陣」，牛扒醃得入味，雖不是頂級和牛，但那份實在的肉感和懷舊的調味，就是金鳳的靈魂。配餐的羅宋湯夠濃郁，有牛肉碎和蔬菜，是經典港式風味；餐包也保持水準，熱辣辣、軟熟，蘸湯一流。當日我地點了✨招牌牛柳餐鍾意食腍身一定要叫，肉質相對軟嫩多汁，零筋位，適合喜歡啖啖肉又怕韌的朋友。配菜的炸薯條夠粗身、香脆，是令人滿足的澱粉擔當。✨貴族牛扒餐肉味特別濃郁，用上牛肩肉部份，所以特別有肉味及咬口。不得不提那杯「雪糕紅豆冰」，這絕對是金鳳的「非扒類」招牌。碩大的高腳杯，底層是煮得綿密起沙的甜紅豆，中間是滿滿的碎冰和淡奶，頂層再豪放地放上一大球雲呢拿雪糕。今天再嘗，味道如昔，每一口都是甜蜜的回憶。…Read More

✨麻糬甜品＋無限任飲特飲🍹幸福感爆燈🤤上次喺Cobber Coffee and Tonys Pastry食完佢哋嘅明太子燉飯已經念念不忘，今次終於試埋佢哋嘅姐妹店Cobber Noodle and Mochi！最正係佢哋有7款無限特飲任飲，飲到我好滿足😋🍤 大蝦黑松露忌廉蘑菇意粉（$128）呢個意粉真係唔錯😍 黑松露香氣好濃，忌廉醬好creamy，大蝦彈牙，完全啱晒我呢個黑松露控～🍚 明太子忌廉蝦肉三文魚子飛魚子紫蘇燉飯（$148）明太子飯本身帶住甜甜嘅味，加上啲三文魚子同埋飛魚子喺口裡爆開嘅時候，會有甜甜鹹鹹嘅感覺，好開胃。🍟 松露薯條（$68）薯條炸得香脆，配埋佢哋嘅黑松露沙律醬好match，食到停唔到口🤤🍗 鹽蛋黃黃金炸雞 (4件)（$48）雞皮炸得超脆，蛋黃味好濃郁，份量都啱啱好，小食必點！🥤 無限特飲飲品選擇多又清新🍹，凍熱都有得揀：凍飲：台灣茉莉綠茶、芒果冰茶、西柚特調、台灣炭燒烏龍、蘋果微炭酸熱飲：熱飲黃金大麥茶、綠姸茉莉茶茉莉綠茶香氣足，最愛佢嘅西柚特調，夠曬清新醒胃，配餐最夾！🍰 伯爵茶巴斯克芝士蛋糕（$68）芝士蛋糕淡淡帶出伯爵茶香，好特別又唔會搶味，甜度啱啱好。配埋乾橙片乾碎粒上去，香味即刻提升，好適合打卡📸🍵 抹茶雪糕麻糬拿破崙（$68）麻糬軟糯彈牙，拿破崙餅層酥脆口感 ，加埋雪糕令口感更加豐富，完美ending✨🌿整體感想🔸 佢哋甜品主打麻糬，值得一試🔸 建議book檯，因為人都幾多🔸 位有啲細，坐得比較密🔸 門口收銀仲有幾張特飲卡片俾大家拎返屋企留念…Read More

呢間餐廳一直都係我recommend帶朋友聚餐或者小家庭聚會嘅好地方，介紹親朋友過嚟個個都有讚冇彈。除咗佢哋環境坐得舒適😌服務嘅態度亦都好友善🥰。今晚我終於帶埋男朋友過嚟試試呢一間米芝蓮團隊主理嘅泰式fusion餐廳。坐低咗冇耐，店員就同我哋介紹返佢哋出咗好多新菜式，而且仲介紹得非常詳盡，睇到眼花撩亂嘅我哋終於可以鎖定目標食啲乜嘢🤭✨柚子沙律 🥗 $128好清新嘅開場！柚子肉夠曬多汁清甜，沙律汁酸甜開胃，帶少少辣勁，好醒神，食落完全唔膩，夏天食一流。✨鐵板蠔餅 $108必試推薦！上枱時鐵板熱辣辣好誘人。蠔仔份量好多，粒粒都好飽滿。重點系個粉漿，煎得超級香脆，邊緣帶少少焦香，入面又唔會太粉，口感一流！點埋佢配嘅醬汁，更提鮮。✨珍寶蟹肉蛋咖喱 $188個名無改錯，真系見到「珍寶」蟹肉一梳梳。蟹肉絲鋪滿成個面，份量十足，食落鮮甜。咖喱汁系溫和嘅黃咖喱，帶蛋香，濃郁但唔算好辣，送飯簡直一流。撈飯食真系超滿足。✨凍泰式奶茶 $40地道風味！茶味夠濃，甜度適中，奶絲滑，解辣解膩。✨藍椰奶 $48打卡一流！藍色好搶眼，味道就系香甜嘅椰奶味，口感順滑，比較清新，唔會太甜膩，女士同小朋友應該會好啱飲。…Read More

週末同妹妹👭去完荷花BB展，順便去咗呢間法國餐廳嘆個午餐～我哋嗌咗兩份 brunch set（$95 起），每份揀一個主菜，包前菜＋飲品，然後我哋仲額外再加咗小食同甜品🤤🥚 法式香草蛋沙律蛋黃拌忌廉釀返落蛋白，滑身香口，唔會膩；旁邊有幾粒烘得乾爽嘅麵包粒，上面灑咗碎芝士，質感唔會腍，整體清新又開胃✨🐟 炸白汁三文魚球外層炸得脆，唔油膩，裡面嘅三文魚餡混咗香草白汁，入口軟滑，香料味突出，有少少似 croquette！🦐 普羅旺斯香草燒蝦 5 件（追加 $68）蝦用香草同橄欖油低溫煮熟，保留嫩滑口感；橄欖油香氣好重，撈埋麵包一齊食幾惹味😋🍝 香草脆皮雞意粉（$95）雞皮脆，肉質算嫩，醬汁係番茄同意大利青瓜混合。意粉正常發揮，冇太大驚喜。🐟 香煎盲鰭魚（$170）魚皮煎得香脆，配番茄紅椒醬好夾。底層嘅北非小米粒粒分明，有口感。🍋 小青檸氣泡特飲（+$8）微酸微甜，有清新檸檬香，配前菜或炸物啱啱好！🍏 抹茶青蘋果特飲（+$20）味道偏酸，抹茶味主導，帶出淡淡蘋果清香，整體清爽，適合鍾意酸感嘅人；抹茶控如果鍾意 refreshing 嘅口味，可以試下！🤩🍮 開心果焦糖燉蛋（甜品優惠 $38）面層焦糖脆薄，表面有一粒粒開心果碎，不過入面質地偏液體。整體偏甜，啱鍾意濃味同開心果味嘅人嘗試。🌿 整體感覺唔錯，環境舒適，價錢合理，適合weekend嚟食個brunch～…Read More