位於尖沙咀金馬倫道嘅黑木亭，門面低調但一入去別有洞天！裝修充滿和風氣息，木系設計，有秒穿越日本居酒屋嘅感覺。適合朋友聚餐。
今晚我哋主打無限追加A5宮崎和牛同吞拿魚拖羅🤩
✨A5宮崎和牛壽司✨
雪花紋路均勻細緻。燒到五成熟係最佳狀態，油脂豐盛，入口即化，牛油香氣瞬間爆發🤩
✨帶子蟹中寶✨
蟹蓋滿滿的一疏疏的蟹肉，超Creamy
✨吞拿魚粒牛油果鱈魚脆片✨
呢款配搭幾有特色同清新。
✨和牛牛角包🥐
樣貌已經好吸睛，打卡必點😍
刺身：
例如蟹腳、牡丹蝦、油甘魚、拖羅等也落足本，全部厚厚一大片，任點任食。
燒物：
蜜汁焗鱔、鵝肝多士、牛舌，黑豚荔枝卷，馬來西亞D24榴槤燒得出色，火候掌握得恰到好處。
甜品🍮
選擇比較多，馬卡龍，奶凍，啫喱，蛋糕🍰都有，為豐盛的一餐畫上完美句號。
店員態度親切，上菜速度快，每次點和牛同拖羅都絕不手軟，份量十足，完全冇漏單！
