oishi sushi's Profile

呢間餐廳開業初期排哂長龍，我係因為有朋友在海港城返工，放工去排隊才有幸同朋友在此食晚飯。去年我在海港城工作，我就喜歡嚟食午餐，因為一定有位。但lunch set就超大碟，每次都食唔晒，要打包。呢日約咗兩位舊同事聚下，三個lunch sets落完單先記起食物份量大，應該叫兩份三人分享。三個lunch sets 分別係：燒烤風味雞肉田園沙律 — 燒烤味雞肉香，蔬菜新鮮，配上脆脆，口感豐富雞肉蒜香檸檬忌廉意大利幼麵 — 很喜歡檸檬香味及酸酸哋，幼麵雖用忌廉但不覺膩香草三文魚 — 賣相已經好靚，三文魚配香草原來咁匹配，塾底薯蓉好香牛油味好滑我揀咗洋蔥湯(朋友揀飲品) — 好大碗，香濃洋蔥味由於其中一位朋友好想食cheese cake, 最後食剩嘅食物比之前更多，非打包不可。鹹焦糖芝士蛋糕 — 平日我好怕食焦糖，因為覺得非常甜，估唔到鹹焦糖感覺咁好，焦糖香又唔太甜，仲鹹鹹哋，與芝士蛋糕簡直絕配…Read More

睇完三色台三位嬌小玲瓏主持介紹呢間小店，約咗六位朋友一齊嚟試吓，訂位時預先寫咗菜單，人齊就可開餐。試新嘢呢日，其中一位朋友臨時要OT嚟唔到，唯有打包比佢食。店員好幫手，為我哋預了幾個膠盒，燉湯就直接幫我轉落膠碗中。1. 粒粒金磚豆腐 — 外脆內軟滑，豆味香濃2. 白胡椒鹹菜豬肚雞湯 — 原盅燉，足料，白胡椒味香，辣度適中3. 脆皮牛肋肉 — 脆皮唔太厚，牛肉肥咗D；這是我期待兩個菜嘅其中一道，沒預期咁好，但都唔錯4. 椒鹽鮮魷 — 看似簡單，但要做得好食唔易，鮮魷炸得鬆脆，椒鹽夠香5. 桂花金絲骨 — 落咗桂花嘅糖絲，食落有輕微苦，排骨好味6. 黃飛鴻脆皮豬手 — 原來使用了黃飛鴻家鄕嘅辣椒，估計有落孜然粉或類似香料丶豬手同花生炸得惹味7. 京蔥吊燒雞 — 京蔥好香，配上外脆內軟嘅吊燒雞食，一流；這就是另一道我期待的菜，冇失望，全晚我最喜歡這道菜8. 千層腐魚湯浸菜苗 — 魚湯鮮甜，食咗咁多肉之後好有清新感9. 金瑤芙蓉蝦腰煎米粉 — 米粉煎得幾好，可能個人口味問題，不喜歡有獻汁嘅餸，淺嘗一口而已此外，未嚟之前見到一些食客批評店員禮貌及服務唔好，我想在此為佢哋平反，因這晚都有八成客人，但唔覺得店員因太忙冇禮貌，我反而覺得佢哋幾細心幾好，比某些貴價有名氣嘅酒樓還好。…Read More

朋友為我興生，上網揾到呢間西餐廳，我唔熟悉呢區，之前有食過幾間唔錯食肆，包括有茶餐廳、酒店丶街市食檔丶甜品店等。估唔到呢區有間裝修咁型丶有live band丶氣氛丶食物飲品都唔錯嘅西餐廳。我哋四位叫咗五款食物：1. 九龍城雞翼 — 香口但不太特別2. 蟹蝦肉牛油果沙律墨西哥餅 — 墨西哥餅薄脆，配上份量好多嘅蟹肉丶蝦肉及牛油果，好特別同好味3. 鐵板釀製肉腸 — 咸咗啲4. 加拿大保濕嫩豬鞍 — 實如其名，肉很嫩，點醬或唔點醬都一樣好食5. 馬爹那本菇忌廉車打芝士幼扁麵 — 煮幼扁麵嘅時間拿捏得很好，軟硬適中，配上芝士和本菇鹹鹹香香好惹味6. 餐廳為我生日預備嘅祝福 — 好有驚喜，吹完蠟燭，侍應會點火，讓朱古力內心溶化，與雪糕一齊食，唔太甜，幾好味7. 士多啤梨乳酪 — 非酒精飲品嘅不錯選擇8. 藍莓乳酪 — 非酒精飲品嘅不錯選擇…Read More

上海工作嘅好友回港，當然要聚一聚，佢睇完電視台三位嬌小玲瓏嘅靚女主持介紹，好有興趣到寶哥哥主理這間以陳皮入饌嘅食肆，為食嘅我舉腳贊成啦。晚飯當晚，好友到達才發覺原來自己之前嚟過。由於相隔已有一段時間，已經唔太記得食過什麼，只記得叉燒好味，以為佢主要叫陳皮做嘅菜餚，原來佢最想食係30年陳皮做嘅紅豆沙。一行五人，叫咗一湯四餸一麵一甜品：1. 拖地蜜汁黑豚肉 — 即係厚切叉燒，切到咁厚都唔會韌，而且好入味，真係超正2. 例湯(粟米紅蘿蔔馬蹄煲豬展) — 餐牌顯示四人份，但分比我哋五位飲，每人都分到咁大碗，ok喎3. 靈芝野菌燒豆腐 — 我唔識什麼是靈芝或是靈芝菇，亦唔覺得特別好味，不過紅燒豆腐都幾滑4. 四川水煮牛 — 牛肉滑，辣度適中，墊底嘅粉皮索哂汁比較辣，但未必人人接受到這辣度5. 杞子花膠濃湯浸時蔬 — 估唔到花膠有好多，湯底都算鮮甜6. 海鮮兩面黃 — 個麵煎得兩面香脆，海鮮略少，按我個人口味不太喜歡7. 遠年陳皮紅豆沙 — 餐牌寫明用30年陳皮做，紅豆煮到起沙，有幼絲陳皮在內，少少甜加上淡淡陳皮香，好欣賞。食過這碗才知道我從前食嗰啲係紅豆糖水或紅豆湯，今次才是我一生人第一碗紅豆沙…Read More

家姐見我响社交網站post咗之前同朋友食孔夫子嘅相，好有興趣去食。於是大家夾埋為回澳洲家姐餞行。有上次經歷，今次我醒咗，訂位時已經預訂燉雪梨同拿破崙。基本上，大部分食物都係我上次食過，只有第1、7、8、10不同，所叫食物分別有：1. 龍皇吐霧酒香鮮鮑魚 — 鮑魚及墊底嘅菇一樣入味2. 酥皮茄子 — 性價比高，酥皮脆但唔膩3. 黃金鍋巴 — 性價比高，又香又脆，喜歡鹹蛋黃入饌嘅人必叫4. 奶湯雲吞煲 — 湯清及滑，配雲吞一齊食，一流5. 艷影蝦球 — 炸醬好趣，蝦大隻又爽6. 秘製陳皮甘香骨 — 排骨好惹味，陳皮中和了炸嘅油膩感7. 海南粗齋煲 — 不一樣的粗齋煲係落咗海南風味嘅椰奶8. 米皇淮山浸菜苗(揀咗豆苗) — 好特別，真係有啲米，好清甜9. 秘製陳皮燉雪梨 — 滋潤，不太甜10. 鮮雜果拿破崙 — 好大個，好多層，好多不同水果，真係好脆，好食…Read More

蟹—唔係我最鍾意食嘅海鮮，但每逢呢個時候總會覺得一年要食一次大閘蟹。之前試過响酒樓食，又試過自己屋企蒸，一隻起，兩隻止。今年Hubby上網搵到呢間，任食大閘蟹都係第一次。我哋下午搵嘅時候，餐廳未開沒預訂，唯有直接walk-in撞下彩。估唔到平日室內座位已訂滿，幸好仍有室外座位可選擇。現在天氣涼涼哋，坐得都好舒服。任食價格分3-4両公及3兩乸嘅$358、4-5両公及3両半乸嘅$428、5-6両公及4両乸嘅$588三款，我哋選了$428，大閘蟹及4款有關食品、飮品任飲。每人食咗大閘蟹各6隻(公4隻丶乸2隻)，真係破咗我人生紀錄。我哋始終喜歡公多D。至於其他食物，我覺得蟹粉水餃丶蟹粉扒時蔬及蟹糕臘味糯米飯都冇咩蟹味。反而個生滾大閘蟹粥幾好味，雖然蟹肉唔算多，但熱辣辣加上濃濃胡椒粉味又幾好食。最後我哋叫多碗，然後自己拆大閘蟹啲蟹腳蟹脾肉放入去，仲正…Read More

Hubby和我都放假，好想出去走走，最終決定去石澳行吓。石澳對我嚟講有好多回憶，記得以前間中跟公司老闆及同事放工揸車嚟一間做燒鵝出色嘅餐廳晚飯。我公司老闆去世後沒有再嚟晚飯，夏天都有嚟沙灘玩，但這也是十多年前嘅事了。今日天氣好好，我哋打算行情人橋，怎知橋消失了，橋座鐵枝也露出了，不知是否之前被颱風山竹破壞，還是純粹定期維修。雖然和情人橋緣慳一面，但周圍景色好靚，看著海浪打上石灘上巨石濺出嘅水花，寧靜中嘅浪聲，看著丶聽著，有洗滌心靈感覺，好舒服。逗留一陣開始有肚餓感覺，於是出去搵食。嚟到這間泰菜館門前，被它外貌吸引，餐廳主色係淺青綠色，好有大自然氣息，加上開放式嘅座位，勁有渡假feel。雖然天氣唔算熱，但响有置身泰國感覺嘅餐廳，好自然想飲凍嘢，我哋叫咗椰汁沙冰丶芒果沙冰丶柚子沙律和泰式拼盤。這椰子沙冰係用椰子肉做，與我之前飲用新鮮椰青水不同，故此有少少失望。芒果沙冰香甜；柚子沙律柚子很多，酸甜度適中；泰色拼盤，份量啱啱好，最重要係每樣食物都炸得香脆。冇楝錯，有機會要同多啲朋友嚟，可以食多啲其他嘢。最後，我哋去沙灘行及坐咗一陣，享受了遠離繁囂嘅一小段時光，感恩。…Read More

原本約咗共6位朋友食中餐為十月之星興生，但突然其中三位不能出席，剩低三位其中一位壽星女建議去Curator，因為佢好想整幅自己照片嘅藝術打印咖啡。可能係星期一，餐廳食客唔多，等友人期間，我就周圍影吓餐廳相。人齊後，我哋揀咗吞拿魚沙律丶雜菌意粉及豬扒share食，兩位友人揀咗藝術打印咖啡，我選熱洋甘菊柚子茶。三款食物味道也不錯，但切豬扒時我覺得有點吃力，心諗肉質可能好硬，但食落又幾好，相信把刀唔夠鋒利啫。講番藝術打印咖啡，若客人用自己相片，需要用Airdrop發給餐廳。因壽星友人用Android，為我哋落單女侍應建議把相片以WhatsApp傳給另一友人一次過發比餐廳。女侍應收相後問了哪相片是凍咖啡及哪是凍朱古力底，友人回答後佢複一次但錯，友人更正，但女侍應聽完後復述又錯，友人再更正，女侍應再復述但仍錯，今次我哋三人一齊更正，女侍應沒再重複，而我哋諗佢今次應該收到了。咖啡嚟到，我哋急不及待影相，但發現其中一杯相片影像化咗，唔肯定侍應送來時手震還是這藝術打印出問題所致，專誠來飲藝術咖啡的壽星友人有點不開心，但也打算接受。可惜佢哋一飲，就發現女侍應根本沒有正確地落單，兩杯味道對調了，於是找來一位男侍應查詢。有關影像質素，男侍應解釋應該是相片經過WhatsApp發像素低(落單女侍應沒有提及這點)，至於味道與影像錯配，男侍應道歉並重新整過兩杯飲品。由於友人相片像素低，最後佢以梵高畫作代替自己相片。我哋想埋單，等了數分鐘也沒一位侍應，友人唯有親自去水吧叫埋單，當時有職員點頭示意明白。由於那晚地鐵服務提前結束，我哋想快啲埋完單就走，但等了好久也沒侍應行動，友人再去水吧詢問，但發現這幾位侍應全無反應，友人真的發火了，佢向在場的外藉經理(或主管)反映了以上一連串問題，我從坐位遠見友人不斷投訴而這高層也不斷道歉，可惜友人心情沒有好轉。其實我很明白佢心情，原以興生心情去一間自己想去嘅餐廳享用晚餐，卻一次又一次換來失望。希望餐廳見到這意見能虚心改進。…Read More

之前在南區工作，公務或私人午餐都有不少機會嚟呢間酒樓，因為地點方便、公務又有房間供預訂、私聚又可滿足我食好西嘅慾望(個人最喜歡雪山义燒包)。今次係舊同事十月之星興生晚飯，也是我第一次品嘗這裡的晚餐，原來一樣出色，大家有讚無彈。一行九人，點咗十一個餸：蒜泥陳醋拍黃瓜 — 黃瓜爽脆丶蒜泥陳醋份量適中，不會太辣太酸。望落去好似細細碟，但食極都有，呢張相係食咗一round才記得映乳豬拼叉燒 — 乳豬皮薄好脆、叉燒肉軟入味京式烤片皮米鴨 — 我唔食鴨，只能分享朋友意見：讚想不到這不是專做京菜的酒樓也能做出這水準；一隻鴨配兩籠薄餅，熱辣辣又軟熟，最後另加一籠生菜包鴨崧 — 我唔食鴨，只能分享朋友意見：肉崧炒得好香及惹味，配生菜包吃不覺膩桂花鮮蟹肉炒日本宗谷元貝 — 蟹肉元貝料唔少，炒得乾身但唔痴牙，估唔到仲有濃濃蛋香藍徽芝士焗金菇石斑卷(漏咗映相) — 嫩滑石斑捲着金菇配上濃厚芝士，食到舔舔脷(4星)伴水芹香百合鮮蘆筍扎 — 賣相好靚丶各種蔬菜新鮮脆嫩上湯瑤柱大澳蝦乾粉絲什菜煲 — 大大煲雜菜滿足我對蔬菜的慾望脆皮炸子雞 — 皮脆肉嫩、蝦片也好脆米網拔絲菠蘿草莓咕嚕肉 — 這正是全晚最有驚喜的，糖面做得好脆又多拉絲丶咕嚕肉大大粒又炸得香口，份量還不少羊肚菌金菇炆伊面 — 唔油膩，羊肚菌口感幾好…Read More

我想食素已經好幾次，但身邊朋友又冇咩興趣。Hubby放假問我想食咩，我即刻提議食素。若兩個人去傳統素食餐廳，一碟正常size嘅餸對我哋兩個人嚟講，可能叫三碟已經太多；所以想食多款但又不會浪費，最好都係食自助餐。上open rice睇食評，決定去呢間試下。午餐限時75分鐘，每人$88，冇加一。飲品有熱嘅羅漢果水丶凍嘅橙汁及桂圓水果茶。食物大致分前菜丶湯丶熱葷丶炸物丶主食丶甜品等。個人認為做得特別出色有：1. 花生脆蘋果 — 蘋果片清爽丶花生醬和脆脆香口2. 羅漢齋 — 材料多丶夠入味但唔咸，尤其係烤麩3. 豉椒涼瓜 — 涼瓜靚丶入口甘4. 炆蓮藕 —蓮藕靚丶多蓮藕絲5. 紹菜芋絲魚腐 — 各材料入哂味6. 咕嚕合桃 — 合桃香脆、酸甜度適中開胃7. 香蕉糕 — 香蕉味濃丶少甜健康較為失望的有糯米飯丶蘿蔔糕及反砂芋。其實仲有好多嘢未食，雖然冇食早餐，但都唔能夠一次食太多。整體都唔錯，但難找朋友陪，短期內未必可再嚟。…Read More

去年5月係我第一次嚟，裝修環境幾靚、食物特別又幾好味，我當時有寫食評分享。今年4月和另一批朋友嚟，食咗新嘢幾好味，但太忙冇寫食評。今次不能懶，一定要同大家分享下。今次飯局係靚女好友安排，佢係club east會員，除埋單有會員優惠外，最重要係識得精明點菜。我哋今次一行六人，叫咗八道餸菜及一個甜品(靚女好友推介訂位時要預訂，否則未必有得食)。其中三款係我哋之前食過再叫*1. 秘製陳皮蒸蕃茄* — 看似普通，陳皮味道清新特別，一食即愛上2. 酥皮茄子 — 南乳汁與茄子好夾，惹味3. 黃金鍋巴 — CP值最高，鹹蛋香，鍋巴脆，一流4. 艷影蝦球* — 蝦肉爽口彈牙，橙色醬汁完全去除炸物油膩感覺5. 奶湯雲吞煲 — 奶湯濃，雲吞皮薄餡靚6. 雪裡藏珠 — 蛋白滑但味較淡，較遜色7. 秘製陳皮甘香骨 — 陳皮味恰到好處，肉骨炸得香酥惹味8. 薄荷黃金豆腐* — 豆腐外脆內軟，薄荷醬增添清新感9. 秘製陳皮燉雪梨 — 雪梨連個心都去埋，好細心；適量陳皮成功帶出雪梨嘅清甜，口感滋潤，呢個秋涼時候食就最正甜品除燉雪梨外，發現有好多枱都食拿破侖，但原來都要預訂，所以今次冇得食。唯有下次訂位時預訂，食完再同大家分享！…Read More

今年商場Food Park這邊開了很多食肆，之前食過美琪BB開嗰間和以不同顏色小籠包作招徠嗰間，今天和兩位家姐想試下D新嘢門外見午市餐牌嘅選擇較左右兩間多，決定揀呢間東南亞菜。兩位家姐其中一位楝炸軟殼蟹撈檬套餐，另一位和我就揀馬來蜜汁炭燒厚切豬扒撈檬套餐。如圖中所示，我的套餐包括涼伴螺肉沙律丶炭燒豬扒撈檬、木槺布丁及熱泰式奶茶。呢件又大又厚、表面看似义燒丶又似豬頸肉的豬扒，單看賣相已覺超吸引，咬落去好實在丶又juicy丶好滿足；凍檬材料充足，除檬粉外，有雜菜銯及花生，配上凍檬最佳拍擋嘅魚露，食到我舔舔脷隔離枱的兩位靚女原來嚟過幾次，無私地分享了她們經驗 — 除炭燒豬扒外，海南雞及肉骨茶也是不錯選擇。哈哈，豬扒都未落隔，我已經諗定下次嚟要食靚女以上推介其實我未埋單，都已經急不及待將呢張午餐相分別發給hubby和姨甥仔了，皆因我哋係為食家族…Read More

跟友人在這酒樓食過兩次晚飯，印象都係一般的屋邨酒樓 — 為邨民提供基本家常便飯嘅選擇。和上兩次一樣，我哋六人叫了一個晚市套餐，包括乳鴿丶白灼蝦丶蒜蓉粉絲蒸蟶子丶枝竹斑腩煲丶欖菜炒飯丶例湯。但今次我哋大食鬼上身，另加兩款特價食物，分別是燒BB乳豬(原價$400多，推廣價$100多)和阿拉斯加皇帝蟹(特價$600多，只做10月1日公眾假期一天)。乳豬燒得香脆丶蟹大隻又新鮮。當晚目測每枱都有叫其中一款，或叫哂兩款。想不到屋邨酒樓也能提供類似集團式酒樓嘅平靚正及時令食物，充滿意外驚喜的一餐。…Read More

其實我嚟這餐廳已多次，午丶晚餐都試過，一直都很滿意，只係自己之前太忙，就算影咗食物照片，最後也沒有寫食評。今次我同自己講，幾忙都要寫，好想比番個credit間餐廳，又想繼續將好嘢介紹比人。 餐廳提供多款午市及晚市套餐，此外更有一個$400多的二人餐。因hubby和我超為食，始終覺得套餐唔夠自選咁正。當晚所叫嘅食物如圖(除沖繩啤酒，忘記影)，基本上都係我哋喜愛的，今次我特別推介以下三種：- 蟹子沙律 (青瓜絲丶蟹柳丶蟹子丶沙律醬份量恰到好處，撈得均勻，抵食)- 鮮蔥吞拿魚腩茸軍艦 (魚腩茸新鮮丶量多到滿瀉)- 燒豬仔髀 (燒得香口丶加上芥末醬簡直絕配)近兩次晚餐都想叫燒豬仔髀，但第一次無貨丶第二次waitress落錯單，一直未有口福。今次落單時waiter原本話無，後來check完廚房確定有，開心；食完知道燒得咁香，為食嘅我感覺非常滿意幸福。…Read More

舊同事從上海回港，一早約好其他朋友在銅鑼灣飲茶聚舊。可惜當日大部分地鐵站都停止服務，已訂位的酒樓一早打來通知暫停營業。大家商量後決定改去北角這比較安全地方食下午茶。這是我第一次來，酒店位置靜中帶旺，上到餐廳一看這個靚境，立時能把心中不安丶煩憂都暫時放下，完全陶醉於這個超治癒的景色中。我哋一行五人叫了兩個二人afternoon tea set，賣相精緻、鹹丶甜點都有，鹹點比較特別，包括有鵝肝及和牛等食材。飲品除一般咖啡奶茶外，還提供多款特色茶類供客人選擇。埋單時才知某信用咭，有85折，平均每人唔駛$200，超值。這𥚃絕對適合三五知己閒時飲飲食食吹下水，我相信我會再來，期待下一次的心靈放鬆。…Read More