今年Hubby上網搵到呢間，任食大閘蟹都係第一次。我哋下午搵嘅時候，餐廳未開沒預訂，唯有直接walk-in撞下彩。估唔到平日室內座位已訂滿，幸好仍有室外座位可選擇。現在天氣涼涼哋，坐得都好舒服。
3
任食價格分3-4両公及3兩乸嘅$358、4-5両公及3両半乸嘅$428、5-6両公及4両乸嘅$588三款，我哋選了$428，大閘蟹及4款有關食品、飮品任飲。
4
每人食咗大閘蟹各6隻(公4隻丶乸2隻)，真係破咗我人生紀錄。我哋始終喜歡公多D。
至於其他食物，我覺得蟹粉水餃丶蟹粉扒時蔬及蟹糕臘味糯米飯都冇咩蟹味。
反而個生滾大閘蟹粥幾好味，雖然蟹肉唔算多，但熱辣辣加上濃濃胡椒粉味又幾好食。
最後我哋叫多碗，然後自己拆大閘蟹啲蟹腳蟹脾肉放入去，仲正
