門外見午市餐牌嘅選擇較左右兩間多，決定揀呢間東南亞菜。兩位家姐其中一位楝炸軟殼蟹撈檬套餐，另一位和我就揀馬來蜜汁炭燒厚切豬扒撈檬套餐。
如圖中所示，我的套餐包括涼伴螺肉沙律丶炭燒豬扒撈檬、木槺布丁及熱泰式奶茶。呢件又大又厚、表面看似义燒丶又似豬頸肉的豬扒，單看賣相已覺超吸引，咬落去好實在丶又juicy丶好滿足；凍檬材料充足，除檬粉外，有雜菜銯及花生，配上凍檬最佳拍擋嘅魚露，食到我舔舔脷
隔離枱的兩位靚女原來嚟過幾次，無私地分享了她們經驗 — 除炭燒豬扒外，海南雞及肉骨茶也是不錯選擇。哈哈，豬扒都未落隔，我已經諗定下次嚟要食靚女以上推介
其實我未埋單，都已經急不及待將呢張午餐相分別發給hubby和姨甥仔了，皆因我哋係為食家族
