逹西文的個人專頁

好食梗係要耐吾耐就去一下 好似呢間位於尖沙咀嘅泰國菜 真心係幾好味位於樂士佛臺 地點方便嘅 入門口已經見到大大個蓮花 泰國feel十足因為係星期六晏晝 所以casual啲叫咗…泰式奶茶/$28- 就係果種傳統泰國特別嘅茶香 滑滑地又甜甜地 十足feel叫咗份炸蝦餅/$88- 必點item 夠脆又彈牙 咬落去不單爽口而且重有肉汁點上泰國甜酸醬一齊食味道加分之後來了串燒/$18-串 一牛一雞 牛呢入味 食落去夠嫩吾老重有肉汁 而個雞串重好食 燒得啱啱夠火喉 加埋佢地個沙嗲醬真係頂呱呱因為我係雞控 所以兩個人叫多半隻海南雞/$108- 黃油雞 皮滑肉嫩而且去骨 正宗啖啖都係肉 朋友就食到停吾到口 …查看更多

醞釀已久，終於能夠約齊腳，齊齊挑戰渝味曉宇嘅麻辣大紅鍋。為配合大家，今次選擇了位於銅鑼灣渣甸中心八樓嘅分店。地方簡潔舒適，感覺不錯。由於一心希望能夠挑戰其主打大紅鍋（據稱係店內最辣嘅湯底），是晚湯底當然係色澤紅亮，十分吸睛嘅「九宮格麻辣大紅鍋」啦。初時上枱大家面面相覷，大概覺得無乜麻辣湯底應有嘅辛辣嗆鼻嘅感覺，原來喺辣湯開始滾起嘅過程，蒸汽徐徐飄起之際，才開始體會到嗆，辣攻鼻嘅刺激感，是晚刺激嘅麻辣之旅正式“啟航”啦。刺激食材一「大刀牛肝」：甚少喺香港食過牛肝，呢度嘅牛肝被切成薄片，食法係先將蛋黃同牛肝撈勻，再灼熟食，口感綿綿滑溜，作為開場也相當合適。刺激食材二「稻田毛肚」：亦即係牛柏葉，係店方極力推介嘅食材之一，面積大而薄，爽脆又煙煙韌韌，加上麻辣味嘅配搭，刺激感倍增。刺激食材三「鮮黃喉」：黃喉係豬嘅主動脈，單聽店方介紹可能會與血淋淋掛鉤，其實經過特別處理後，賣相顯然較想象更‘平易近人’，灼熱後食用，口感也依然爽脆，愈食愈過癮。刺激食材四「手打四寶丸」：有墨魚、蝦、鯪魚、牛肉丸，每一款都勁有彈性，富有口感，一客四種不同味蕾享受，推介！刺激食材五「曉宇嫩牛肉」：孝禹十味之一，又咁啱大家都係無牛不歡嘅神一般隊友，所以當然唔少得佢啦。經過特別醃製嘅薄切牛脂肪比例適中，鮮嫩多汁，與麻辣湯底非常之匹配。刺激食材六「鮮菇拼」：留待最後先食嘅菇類，原來係刺激食材之首，何解？因為經過浸灼嘅菇類，吸收鍋底的麻與辣精華後，辣勁倍升，刺激到眼水在眼眶轉幾個圈之後，仍不自覺咁流…刺激結論：「麻辣鍋底除咗麻辣味精彩，仲帶有絲絲溫和口感，相信與加了牛油有關；食材方面頗有心思，值得再次幫襯嘅重慶麻辣火鍋店。」…查看更多

聽朋友說在旺角開了間泰國麵館 之前因一直出差 到假期先才有機會前往光顧 近一年來泰國麵館在香港開得如雨後春筍 但試過數間也不怎滿意要不湯太咸或太淡或是藥材味過重或不足還是懷念當地的正宗泰麵今次這家麵店叫了牛肉丸船麵和串燒雙併即雞肉和豬肉串燒外觀燒得不俗 略帶金黃微焦 雞肉串味鮮帶嫩 且肉汁豐富 相對豬肉串就較為遜色了一點 但仍是個不錯的選擇牛肉丸船麵麵湯的味道夠濃很接近泰國傳統船麵的感覺有不同粉麵可供選 自己就點了泰國河粉 入口夠滑 牛肉丸份量頗足 味道還算不錯 牛肉味足而且口感十足值得推介的小店…查看更多

上星期約埋一班朋友一齊食好西, 個個出哂雙糧花紅去食豪少少慶祝下, 加上個個都係牛魔王, 而我又好鐘意食日本料理, 呢間餐廳有燒牛又有日本料理, 真係滿足哂咁多人既願望.我地先黎個三點前菜, 雖然細碟左少少, 不過前菜又真係只能淺嚐一下, 呢個前菜最出色既係蒜頭, 完全食唔到蒜頭味, 真係估佢唔到, 我仲怕有陣生蒜味, 但食完我超想問佢地有冇得獨位買走, 真係一食難忘. 回味緊個蒜頭之際, 就上左個味醂魚乾, 魚乾熱熱地食落好咬口同好香口, 呢碟份量多少少唔使爭住食. 跟住再黎個洋蔥墨魚咀同茄子沙律, 又係香口野, 岩哂我呀....!終於等到戲肉啦....登登登登....五品刺身有(響螺, 三文魚腩, 牡丹蝦, 深海池魚, 銀線魚), 未食已經流口水, 忍唔住快快開動, 款款刺身都好鮮甜, 如果個蝦頭可以拎去做埋天婦羅就好啦, 因為我發覺大家都唔太識食蝦頭, 如果可以天婦羅蝦頭就更啦! 我地食完個刺身, 就到重點極上和牛盛宴出場, 真係期待已久, 成盤牛放係我面前, 好清晰知道自己食緊邊個部位既牛肉, 當前梗係相機食先, 睇到D肉質同色水就知係好野, 店務員仲幫我地燒埋, 真係好....起碼唔怕大家燒得太熟, 建議配埋白飯, 一啖牛一啖飯...冇得輸.我想講如果你係食物黑洞的話呢盤牛真係會唔夠食, 不過食完牛我地都仲有燒埋其他蔬菜(日本番薯, 日本長茄子, 粟米, 翠肉瓜), 仲有食埋日式炒野菜, 炸蝦天婦羅, 吉列生蠔(我另一個至愛吉列生蠔...yummy), 咁樣個肚先真正滿足呀!飯後甜品....海鹽雪糕...比佢 tiffany blue 既外表吸引住.…查看更多

前排同朋友去左御名軒食晚飯, 咁岩個晚有人攪晚宴活動, 間起左部分位置, 不過其他台都幾乎坐滿哂. 我地見到佢既廚師推介同晚市三寶好似好吸引, 所以大部分菜式都係叫左廚師推介同晚市三寶裡面推介既.  先黎個豐料燉湯, 好大煲呀......聞上去都有少少藥材味, 但飲落又冇藥材味喎, 可能因為有個魚頭既關係啦, 飲落仲好清甜....最後我忍唔住飲左兩碗. 飲完湯到個京式片皮鴨, 其實我好鐘意食片皮鴨, 最鐘意就係用薄皮加醬同片皮鴨包埋一齊食, D薄皮仲好熱...片皮鴨就肥瘦適中, 如果隻鴨肥多數食幾塊就覺得飽飽地. 我地食到咁上下又到條魚啦, 呢條沙巴龍躉真係好大條呀, 感覺仲好抵食...咁多條先二百幾蚊, 不過最出色既係...咁大條魚完全唔會"un", 真係蒸到岩岩好呀, 出去食咁多次飯..真係唔係間間都煮得好條靚魚, 岩哂我D鐘意食魚既魚怪.我地仲點左2款菜食, 有海鮮雜菜煲同生菜蠔大利, 食咁多肉都要食下D菜, 跟住上左款梨山醬手爪骨, 呢款一上台就聞到超香既味道, 真係叫到都忌唔住吞口水, 佢D醬酸酸甜甜, 外皮脆脆地....啖啖肉, D醬用黎同飯一齊食一流. 最後就到個臘味飯啦, 天氣咁凍唔食飯真係唔得, 同埋呢個時候最岩食臘味飯, 超大煲飯同勁多臘味, 不過即使臘味有幾出色都好, 都要有豉油配埋先好食, 我想講佢既豉油都好出色, 我食左2碗飯就收口啦...因為今晚真係食得太多啦!…查看更多

好耐冇食沾麵 今日心血來潮落咗去銅鑼灣店 進來本打算叫碗沾麺 但坐下來被陣陣黑松露的氣味所吸引 於是改變初衷 叫了個季節限定 黑松露元貝撈麵 原以為撈麵只用些黑松露油 但甫一上桌已發現了幾片黑松露 加上大大粒嘅元貝 夠香又惹味…查看更多

去咗食干炒牛河同時叫咗份白灼生腸併豬膶 干炒牛河水準之作 保持傳統味道 河粉夠色夠味 牛肉keep住嫩滑惹味 個白灼雙拼 唔點豉油都好有鮮味 生腸清得好干凈 夠爽口 而個豬膶就好精彩啦 食落有口感 夠爽夠脆又起砂 真係好味道…查看更多

自從樓市低迷 反而多咗陪身邊D朋友去睇盤 是日坐西鐵去咗元朗 俾想象中方便同快捷 由紅磡出發差不多半個鐘就到 實在比起以前真係兩回事 始終唔係巿區 相對視野同空氣都好似好過市區睇完樓盤之後去咗附近商場食嘢 見到有間百樂潮州 反正有嗜鹵水者在 咁就去咗食潮菜 叫咗碟鹵水鵝片同幾款點心 其中煎糯米大腸值得一讚 將糯米 花生 臘肉粒混和 然後灌入豬腸中 先蒸後切片煎 香口惹味 外皮脆脆的 內裡香軟 加上花生同臘肉 增加口感之餘 更提高層次 另一招牌鹵水 鵝肉鬆化 鹵水汁味濃 而豆腐也不遜色 豆腐豆味夠並且滑 配上鹵水汁味道非常…查看更多

去完朋友屋企拜年之後就一齊外出醫肚 早前過年時連續的大魚大肉 今日想食得輕鬆D 唔想咁重負擔 卒之走咗去食雲呑麵 大家各有各叫 各式其適 我就叫咗個及第粥 粥底稠而且香又夠綿滑 材料都好多姿多彩 有齊傳統及第粥嘅料 好似有豬潤 生腸 豬肚 肉丸等 店家用料新鮮 豬潤夠嫩滑又夠沙 生腸爽口 味道絕對正宗…查看更多

約咗朋友假期食飯 千挑萬選都係揀返廣東菜 去完維園之後落咗天后食晚飯 碟肥叉又香又稔 燒得外皮啱啱好脆身 味道夠 半肥半瘦食落特別滋味 個枇杷鴿烤得唔錯 淡淡的檸檬味令鴿本身味道提升好多 加上鴿肉鮮味同鬆軟 加上一杯在手 實在係完美配搭之後清清地叫咗個杞子豆腐 味道又幾夾 杞子微甜配上豆腐香滑 唔錯 最後來個瑤柱蛋白炒飯 飯炒得幾乾身同香口 最基本的 做到 咁就夠lu…查看更多

而家愈來愈興all day breakfast 好似Little Vegas, Simplylife, Bricklane… 亦都愈開愈多 近住分域街呢間 之前應該係間意大利菜 而家就改咗the flying pan 入咗去自然叫咗個Full English嘅big breakfast 有蛋有肉 包括煎雙蛋 煙肉 香腸 蕃茄 磨菇 茄汁豆 同埋英式早餐包 味道還好 相信也好不了那裡也差不了多少 不可能有很大差別 但杯咖啡就欠缺味道 如水一般…查看更多

今日38婦女節 一大班女友都各有各忙 約唔到佢地食飯唯有靠自己 約咗另外個friend一去咗銅鑼灣食豬手 嘆黑啤 個黑啤經餐廳介紹 夠厚又醇 麥味好重 飲落口感夠rich 感覺好實在 超贊不得不提隻豬手 外皮超脆 但係唔肥膩 肉質鮮美嫩滑 皮與肉之間嘅夾層脂肪夠香 朋友多事問餐廳點解赁隻豬手唔油膩 原來佢地係焗而非油炸 反而將油全迫出來 因而見唔到油笠笠…查看更多

一間餐廳令你食得開心 一定會故地重游 上次的海膽杯還在腦海中遊走之際 師父已經問我們要不要試一試他的新菜 白子杯 白子其是魚的精巢 外貌有如豬腦 師父用上鱈魚的精子 份量之少可想而知 配上三文魚子 微微用火槍炙過 令外層呈現乾脆 加上昆布及米通 一勺入口 有著軟綿綿又脆卜卜的感味 比之前估計的還好吃…查看更多

去了港島區視察場地 同供應商睇吓傾吓了解吓就已經過咗午餐期 距離上次進食時間都超過十幾小時 反正在商場內 就在附近找些地方醫醫肚吧 原本想食個麵 簡簡單單 不過見到邊上的牛河賣相十足 轉章叫了個乾炒牛河 牛河甫上枱 非常吸引 色香俱全 入囗 牛肉香嫩惹味 河粉每條都上滿色 鑊氣十足 夾雜洋蔥和芽菜的爽脆 好食而不膩…查看更多

禮拜日約咗個閠密下晝Tea一Tea 同朋友去咗間泰國餐廳下午高茶 我叫了個桂圓茶 杯內放置大概六至七粒桂圓 毋須加糖已經味道十足 滋味滿分 但杯的容量略嫌不足 如果能額外加多壺熱水 相信會更加理想 下午茶拼盤種類都算豐富 其中以燒虎蝦法包加沙嗲醬 效果幾特別 虎蝦經燒烤過後令肉質結實 法包烤得外脆內軟 加上惹味醬子 好不滋味 另外一個生菜包 簡單的肉碎伴入洋蔥和其他香料 入口清清爽爽 喜歡清淡的那種感覺 不溫不火…查看更多