foodiecouple0417's Profile

大角咀不嬲都好多野食揀，今日就試依間友人推介既日本定食小店。鋪頭入面比較細，而且人手都唔多，流轉比較慢，我都等左差唔多半個鐘先有得入。我地兩個人入到去，竟然同我講淨返一份慢煮西冷牛丼，真係晴天霹靂。好彩佢同我地講仲有另外一款比較重油脂感既牛，我都唔記得左叫咩名，但係餐牌上面又冇，即管試一試。慢煮西冷牛丼，我地叫左個大盛，但個份量都唔算好大，食完岩岩好既份量，佢Ｄ牛肉都好腍，加埋乳酪醬，食得多肉都唔會覺得好膩。但係個人略嫌有Ｄ淡味，如果可以再加多少少調味就perfect啦。至於另外一個我都唔知叫咩名既牛，食落好重油香，送飯一流，個人覺得依個仲好食過慢煮西冷牛丼，真係塞翁失馬，冇哂牛丼，食到個應該係隱藏餐牌先有既野，各位黎既時候試下拎住幅圖問下佢有冇得食，絕對唔會令你失望。…Read More

自問係一個終極米線控，香港大大小小出名既米線都幾乎食過哂，但講最好食同最岩我食，一定係老闆娘米線。我最鍾意係佢既麻辣湯，小小辣多多麻，好惹味，會令人引唔住係咁食。另外佢既配料都係非常特別，最出名應該係炸物，我就叫左四款，分別係酥炸雞球/野菌腐皮卷/魚肉響鈴/蝦膠豆卜。酥炸雞球，食落啖啖肉，有好香既醃料味，D肉亦都非常之滑，不過略嫌炸粉有小小厚，但都值得一食。野菌腐皮卷，入面超級多菇，外面亦超級脆，鍾意食菌類既朋友就記得叫啦!魚肉響鈴，好有魚味既炸物，不過凍左就有少少硬身。蝦膠豆卜，係我最鍾意既一個配料，好脆又唔會太乾同油膩，有D似係長洲食到既炸豆卜…Read More

今日比女朋友帶左黎一間澳洲好出名既雪糕店，佢除左有賣經典既口味之外，仲有5款香港限定既口味，分別係蛋撻、港式奶茶、豆腐花、蔗糖、Jack of All Fruits。依到係落單前可以先試味，唔使驚買左先黎中伏，我地今次就叫左最signature既開心果味同埋港式奶茶。開心果味，食落口感好正，濃稠綿滑，又有少少果仁碎，而且開心果味極重，未試過既朋友一定要試。另外香港奶茶，食落有D似茶走多過奶茶，如果茶味再重D就好，不過食落都係好食，口感都幾幼滑。依間雪糕店一定會再返黎試埋其他味!!!…Read More

估唔到中上環都會有間平民價錢既西餐廳，普慶坊依邊算係比較清靜冇咩人。餐廳入面燈光比較昏暗，岩哂情侶黎拍拖傾計。我地今日叫左三樣野，好可惜佢個慢煮牛排賣哂，所以試唔到，我地叫左海鮮芝士忌廉菠菜苗/忌廉雜菌黑松露意大利雲吞/西班牙栗飼黑毛豬梅扒。西班牙栗飼黑毛豬梅扒，賣相平平，但食落都幾淋，都幾有豬味，配埋佢隔離有個柚子醬，感覺好清新開胃。忌廉雜菌黑松露意大利雲吞，食落個汁有D水，不過都重忌廉味同蘑菇味，有D廉價味道但又忍唔住食哂海鮮芝士忌廉菠菜苗，好多忌廉汁，睇落好似好重味，但食落又冇咩味，要配埋上面D芝士先叫岩岩好。…Read More

我地咁岩依日係西貢玩完獨木舟，去到五點都未食午餐，就諗住求其搵間餐廳食飽就算，見到牛牛唔使排，又有D飽肚野食下，就衝左入去。二話不說就叫左黑椒牛脷飯同埋匈牙利牛頰飯再加多兩個羅宋湯。野食等左大約十分鐘就黎到，我地一食個牛脷同牛頰肉，「嘩!點解可以咁𡀝!」加上個汁又好好送飯好開胃，唔使三分鐘我地就秒殺左個飯。再飲埋個羅宋湯，唔算好特別，但勝在夠熱，都算好飲。成間鋪頭細細，好有住家既感覺。野食好食，價錢又唔貴，性價比好高。下次再黎西貢行山，一定要試埋佢個招牌沙嗲牛肉麵，同埋佢D小食!…Read More

聽講尖沙嘴開左間好特別既泰國菜，鋪頭內籠好似港式大牌檔。雖然似大牌檔，但坐落唔逼同都算舒服。我地今日好肚餓，叫左四樣野食，分別係冬陰功湯金邊粉 / 燒牛肉 / 酥炸皮蛋蝦餅 / 蝦膏炒飯。冬陰功湯金邊粉好多人推介依個，但我覺得佢唔算好驚喜，算係正常味道，佢味道偏甜酸，冇咩辣味，個人比較鍾意酸辣重D既冬陰功湯，下次黎就未必會再叫。燒牛肉依個真係必食同埋一定會再食，牛肉燒得岩岩好，唔會太熟好淋，唔使點咬已經食到，而且本身調味都好夠，真係會食唔停。酥炸皮蛋蝦餅今晚最驚喜既一道菜，完全冇諗過皮蛋同蝦餅係咁夾，但記得記得一定要點泰式辣醬，成件事係即刻變滿分。覺得依道菜會係伏既朋友，你叫完一定唔會後悔。蝦膏炒飯依個算係正常發揮，略嫌D飯未算好乾，但都有好香既蝦膏味，算係醫肚唔錯既選擇。…Read More

今日同男朋友慶祝生日，因為佢係食肉獸，所以揀左上環依間燒肉慶祝生日。果日好早12點就到左，係成間鋪頭第一枱客，我地就揀左住bar枱，貪佢有氣氛D同埋影相靚D。我地就叫左個combo set，入面有三款牛，分別係霜降，中等，赤身。食肉之前佢會有D前菜同埋牛骨湯，個牛骨湯好重牛味，好好飲。而主角牛終於上菜，職員都會好細心同你講係咩牛同埋點食會比較好，值得加分。個人就覺得霜降同赤身比較好食，霜降食到好香既牛脂味，而赤身就有比較重既牛味。但中等就相對真係普通左小小，唔算好林又唔算好重牛脂味。佢另外配左個蘿蔔蓉蛋黃醬料，都令到個牛加到唔少分。份量方面，男士可能會唔係好夠，所以我地就另外再叫左個和牛咖哩飯。和牛咖哩飯，好香咖哩味，會令人食唔停，但係唔係和牛就食唔出，可能因為咖哩味太濃，蓋過左和牛味。餐廳入面係一個類似boarding gate既佈置，臨走前佢地安排左我地係登機牌前面影相，仲轉左我男朋友生日既字句，幾特別既服務。而且佢地每次上菜都會用好激動既tone去叫，令成間餐廳既氣氛都好好。…Read More

等左好耐終於有得食既嘉多利餅屋，之前已經摸左幾次門釘，個法式布甸都賣哂。今次星期六晏晝時間打過去，竟然未賣哂，即刻拿拿林衝去買。一買完，即刻係門口就開餐，食落去個麵包皮係比較煙韌，入面就係好滑而且蛋味好濃既蛋漿，唔會太甜，令到人不停想食。聽人講話用焗爐焗佢，會令個麵包皮脆D，做到外脆內軟，我個人對依種口感就比較有興趣，下次會再買返去焗，睇下會唔會有驚喜。我建議未試過而又想試既朋友，記得打電話去問左有冇先好去，如果唔係好易摸門釘。…Read More

一直都覺得香港唔係太多好食既台灣麵，聽朋友講依間都幾好，就一於黎試下係咪真係好食。夜晚時間基本上都好多人排，如果要食既話我建議係手機用”gulu”拎左飛先，咁就唔使等咁耐。手機拎左飛大約半個鐘左右就入得，鋪頭比較細，所以都坐得比較逼，牆上面貼左好多佢地既產品，有拌麵同各種小食都有。我地今日唔係太肚餓，所以淨係叫左兩個主食加一個小食，分別係紅燒牛肉牛筋麵 / 麻辣肉燥拌麵 / 鹽酥雞。紅燒牛肉牛筋麵，牛肉好淋，唔使點咬就食到，個湯有陣陣香料味，加埋酸菜食都幾開胃，但我發覺加左佢地自家制既辣椒醬完全係將成碗麵昇華左，鍾意重口味少少既一定要加，會令成碗麵好食好多。麻辣肉燥拌麵，依個係出奇地好食，超級開胃，唔會太辣，好惹味，令到人食唔停既選擇。鹽酥雞，炸粉唔會太厚，食菅都唔會好乾，有人覺得佢好淡，但我自己唔食咁咸就覺得岩岩好，鍾意咸D可以自己再落調味粉。…Read More

今日同男朋友慶祝生日，黎到囍公館食晚餐。雖然餐廳主打食中菜，但環境幾似西餐廳，燈光比較昏暗，氣氛都唔錯。野食方面我地就叫左三樣野，分別係香草蜜豆玫瑰露叉燒 / 龍皇海鮮泡飯 / 大廚炒飯。香草蜜豆玫瑰露叉燒，食落其實有少少失望，因為好多人推介依個，但我覺得都係有少少普通，相比一D專門食叉燒既餐廳有段距離，而且價錢唔算特別平，如果唔係特別喜好叉燒可以唔使試依個。龍皇海鮮泡飯，依個就相當有驚喜，佢上菜時湯同飯係分開上，個湯係熱到滾果種，值得一讚! 而個飯好特別，佢係有種脆脆地既感覺，唔係一般平時食到既飯，再加埋個湯有好濃既龍蝦味，成件事加埋好正，都好岩冬天食，食完會有好暖既感覺。大廚炒飯，成個飯都好足料，有蝦肉、帶子等等，而且個飯都炒得幾乾爽，算係幾抵食。到最後我預備左個生日甜品比我男朋友，外面係朱古力，而入面應該係有D酒心紅莓醬，食落酸酸甜甜，都幾特別。我覺得成個餐廳野食並唔係重點，當然都算係合格之上，而係餐廳氣氛環境都好適合情侶黎慶祝，而且出面就係無敵大海景，夠哂浪漫。準備慶祝既你都可以諗諗黎依到一試。…Read More

一路都有聽過依間餐廳係有個藝人開，而且仲幾好食。今日咁岩行開旺角就黎到通菜街試下有咩咁特別。夜晚食飯時間都要等位，等候時間都唔算好耐，等左大約十分鐘就入得。鋪頭入面裝修簡單，但坐得都算舒服唔會好逼。我地就叫左佢地兩樣好多人推介既野，忌廉汁自家製醃肉及日本生雞蛋配手製闊麵同埋焦糖脆脆蛋糕。一上枱就見到闊麵上面有一隻日本生雞蛋，需要自己撈勻佢，撈既時候已經聞到好香。食左第一啖，已經覺得佢個蛋香味超正，配埋佢自家製醃肉，又香又好味。而且佢個闊麵好彈牙，值得一讚! 唔使5分鐘已經秒殺左個闊麵，男士們食完可能會唔夠飽。跟住就再試埋焦糖脆脆蛋糕，依個都係非常有驚喜，食落好軟，唔會太甜，加埋個脆脆，真係可以食極唔停。成餐飯味道冇得頂，價錢又唔算貴，不過份量方面就略嫌唔太夠，鍾意食手工意粉既話應該要去試下!…Read More

其實已經食過幾次，一直都覺得係一間性價比唔錯既餐廳。但每次晚飯時間基本上都要等位，最好預早小小時間去拎位。入到黎已經聞到好香既吉列牛味，我地兩個人都叫左板燒吉列牛再加定食，包左一個飯、糖心蛋同埋一個湯。板燒吉列牛黎到，份量都算正常，唔會太少。而個飯上面有d飯素，都幾開胃。至於個湯飲落就冇咩味，似係比你食飯時唔好咁乾。塊板上面有舊牛既脂肪，一路燒就一路出油，非常香口。燒吉列牛幾本上操作都好簡單，就算唔識燒基本上都唔會唔好食，好岩我依d唔識睇火侯既人。整體成間餐廳都好滿意，性價比高，回頭率高，但要注意食完成身都可能會有陣油煙味…Read More

果日出旺角，行行下街諗住搵野食，比我見到開左間咁搶眼既鋪頭，睇下食咩完來係食丼飯，旺角都好少剌身丼飯既選擇，就試試佢。一入鋪都係比D好搶眼既裝修吸引住，睇睇餐牌，以旺區黎講一百蚊頭食到刺身飯都算係咁。我地兩個人就叫左兩個野，虎士山丼同埋乜蟹都有丼，落單果時職員仲話有得免費加飯，幾抵食。而且鋪頭都算幾貼心，食刺身飯配熱茶，值得一讚。虎士山丼，好少人推薦，但我覺得依個係最有驚喜。三文魚同吞拿魚溶加埋一齊，令到個飯食落好creamy，同埋佢上面有D黑松露醬，成件事係超級夾，又香又好味，一定要試!乜蟹都有丼，成碗飯好足料，真係咩蟹肉都有，加埋佢D豉油，好鮮味，好快就食哂成豌，仲要加飯，不過加左白飯就顯得唔夠料。如果肚餓要加飯，就記得唔好咁快食哂D料啦!總括成間餐廳各方面都幾好，個人推介一定要叫虎士山丼，一定唔會後悔。…Read More

聽講依間係米芝蓮推介既新加坡菜，夜晚8點鐘黎到居然唔使等位，直接就有位食。我本身都幾鍾新加坡偏胡椒既肉骨茶，所以都有D期待。我地2個人叫左3個野食，分別係招牌辣椒板麵 / 古滑雞飯 / 唐排肉骨茶。辣椒板麵食落都幾惹味，有少少辣，但唔會太辣接受唔到，但本身個麵冇咩汁，所以冇配料一齊食既時候就會有D啖同乾。不過佢跟麵會比左個魚蛋湯，可能就係預你會食到乾黎飲。古滑雞飯賣相都幾吸引，食落個雞都真係幾滑，個飯係有特登整過，有D味同比較淋身。不過我個人本身對淋身既飯就麻麻地，可能其他人會鍾意依種煮法。招排肉骨茶，係我最期待既一道菜。但坦白講，飲完真係有少少失望，飲落只係好似胡椒湯，冇肉骨茶既肉味，而且再加湯既時候，個湯又唔熱，係要扣D分。而入面既肉都未算好淋，所以同我之前係新加坡食到既肉骨茶都係有一段距離整體而言，我覺得未去到米芝蓮推介級數，但普通平平地食餐飯，都可以值得去試一試。…Read More

今次特登黎到沙嗲牛麵最人氣鋪頭，自己平時早餐都好鍾意食。我平日晏就黎都要排左大約十分鐘先入到去。鋪頭唔算大，所以坐得都有少少逼，工廠區快餐店都可以接受。我就叫左個沙嗲牛肉麵餐加雙蒜蛋，盛惠$48蚊，午餐黎講都算正常價。食落的而且確好香又好濃既沙嗲味，加上有少少甜甜地，成碗野都唔會太咸，值得一讚。如果鍾意沙嗲牛既朋友都可以黎試下，但如果排太耐既話，對於我就唔值得等咁耐LU。總括而言，成間餐廳價錢食物質素都幾好，係環境坐得唔算太舒服，有d逼住快d走既感覺，但都可以一試。…Read More