冬陰功湯金邊粉
好多人推介依個，但我覺得佢唔算好驚喜，算係正常味道，佢味道偏甜酸，冇咩辣味，個人比較鍾意酸辣重D既冬陰功湯，下次黎就未必會再叫。
燒牛肉
依個真係必食同埋一定會再食，牛肉燒得岩岩好，唔會太熟好淋，唔使點咬已經食到，而且本身調味都好夠，真係會食唔停。
酥炸皮蛋蝦餅
今晚最驚喜既一道菜，完全冇諗過皮蛋同蝦餅係咁夾，但記得記得一定要點泰式辣醬，成件事係即刻變滿分。覺得依道菜會係伏既朋友，你叫完一定唔會後悔。
蝦膏炒飯
依個算係正常發揮，略嫌D飯未算好乾，但都有好香既蝦膏味，算係醫肚唔錯既選擇。
