Bonnie1106's Profile

蠔吧一直在做推廣優惠中$10 一隻蠔仲要係非常新鮮，同埋幫手開埋老公聽到都心心眼， 支持自己買都唔止呢個價錢今期嘅生蠔由韓國來， 偏向爽脆小鹹，但有一點點的甜另外發現他們星期二及星期三都有特價優惠$199 可品嚐八個不同國家的生蠔最重要的是還配送一杯酒精飲品（加一服務要原價計算） 夏天到來， 吃到冰凍鮮甜的生蠔簡直是放工後的一大享受 😎我們還點了一個Pizza ， 味道都是可以的， 兩個人食份量剛好還有很多款小食，下次再來…Read More

尖沙咀金凡潮州菜45蚊就可以食到多款下午茶，仲包野飲免加一！係度打卡影相，即刻免費送甜品！夜晚想去打冷試下條大眼雞凍魚😝我點了鵝肉雙拼飯份量非常充足， 滷水味道剛好不會太鹹朋友的牛肉湯河， 湯底亦10分清甜， 這個價錢包括一般熱飲，抵抵抵…Read More

今天午餐想飲湯類食物， 米線又有湯又係我鐘意既野食， 因為要飲d 湯， 所以如果勁味精或者飲完口渴既就唔好喇Facial 後諗左陣就去呢間，我記得佢雞湯係ok 既， 叫左自選米線- 呢間米線相比大型米線較爽身， 唔係硬， 係清爽型， 雞湯算清但唔係好種雞味，配料正常。 最後飲哂d 湯， 份量女仔而言算幾多多場加映事件簿： 隔離兩個女仔每人都叫兩份玉子豆腐及一份農米雞， 點解呢？ 好想知（ 離開旺角， 搭地鐵回家， 已到葵芳都唔覺口渴， good!)另有午餐推介…Read More

係荃灣想搵一些坐得耐少少傾下計既餐廳， 一定要搵集團式的， 始終細店要做多幾轉生意， 當然我們相當理解這一夜3人加手抱bb 要找甜品吃， 我就揀左呢間店入面位置不多在外有8個位點知兩個客人各自坐係一張4人檯等左10分鐘後無人想走，最後我地都係照坐其中一張桌  甜品價錢都唔平，大概$40 蚊一件， 雖然係荃灣黎講價錢唔算平，不過味道唔錯， 店員都幾細心介紹每款味道，呢個係柚子味，好清新，下面塊曲奇比朱古力味更好呢件係新推出的，入面有幾層餡料又幾好味，mango 既野都有d 保證， 質地鬆軟，雖然細細件， 但份量係岩岩好 大概10點我地便離開， 無人趕， 感覺良好…Read More

大熱天時， 見客後提著電腦踩著高跟鞋在中環要食飯於是只想快快食少少野再行陣街突然好想麻甩一番排隊食一樂被安排坐係⋯⋯⋯放外賣那張檯一袋二袋既我只想填肚叫了燒鵝（賴）, 加一罐可樂份量我諗女仔食會夠， 大食d 都未必夠旁邊兩位男仕一人一飯之後要再叫半隻燒鵝先夠其實D燒鵝係幾好食既，因為唔係好多骨，算多肉，不過可以坐得好D或者會好D。。。中環食$60-70. 係咪算平～。～ 我還要求什麼？ 又係自己要麻甩既～ …Read More

6月雨一直下， 困了在家不知多少天， 這一天到銅鑼灣coco cafe 參觀後，適逢朋友想到西貢逛逛好吧，也想看看海到了西頁碼頭後， 閒日及微雨的關係， 的確同平時見既西貢好唔同沿著海旁走了走， 我們便轉向左方海旁一直行差不多要吃晚飯，難得一場黎到， 又唔想行返出碼頭先食， 所以我地就望下附近的餐廳， 就揀左呢間泰國餐廳， 入黎前先有四面佛， 餐廳都幾大， 由於朋友要抽煙所以揀左戶外坐， 女侍應勁nice 放左個蚊香係檯底， 同埋都無味， 細心我們先叫左兩杯野飲， 經理推介我地飲冰沙， 朋友揀左芒果冰沙， 試左啖，芒果之餘仲有少少香茅味， 好清新我就穩陣叫左個椰青，解渴之選我地拎住本餐牌， 款款都有相， 望左好耐之後經理就問我地想食咩 ， 咁岩朋友都想食海鮮， 佢揀左蝦， 我就最近好想食蟹， 之後經理誠意推介食燒雞同黃金菜， 初時都諗叫咁會食唔哂， 不過諗住黎緊幾日要留家閉關， 有d野食拎走係屋企起碼可以維生吧， 好啦叫左先算， 原來雞係即刻燒， 大概等35分鐘第一碟黎左個黃金菜皇帝菜，原來係炸既， 好脆同埋到最後都依然翠緣（所以最尾都有打包），食落好爽口， 唔錯唔錯不一會， 朋友點既蝦都到左, 勁大碟， 以為爆炸大頭蝦會用河蝦，原來用海蝦～ 有好多炸粉絲裝飾， 食左係無味既， 撥開白色既面層， 戲肉黎了， 炸蝦肉質挺實，新鮮蝦既香味不停傳出，忍不住用手食， 佢地好似避風塘既做法，不過就係泰式香茅幼絲，好泰feel，蝦非常入味香口，輕易離殼，師傅將蝦炸得到位及到家蝦煮得耐就會縮水， 呢d 原隻咁大， 一d都無縮水食食下已經落手食， 咖哩蟹都黎左， 好大隻蟹， 我地傾緊究竟隻蟹有幾大隻？係咪斤半定係兩斤重？（好無聊既對話，hahaaa) 咖喱味香， 蟹身好索咖哩味， 應該走過油， 蟹鉗不得之了啖啖肉， 有部iPhone 6 咁大，D 汁真係送飯一流。。， 應該可以食多碗但係我地叫左招牌燒雞， 點都要留肚既， 雞到～～～～～～我地叫左半隻雞， 雞唔算大隻， 一放係檯上面會feel 好大陣雞油香， 唔係炸雞脾個種油膩，係濃味雞香，真係勁邪惡雞皮唔會因為燒烤而乾身左， 係好似燒味飯上熱既油雞而無咁多油， 唔算脆身， 不過雞肉真係好嫩滑有肉汁， 好想8下師傅點燒， 下次自己去bbq 唔使再燒到乾憎憎， 我諗應該需要好多耐性 食完慢慢散步出去， 突然食到餐好味既， 係下雨天以外的收穫。。。。整體服務都好好，因為之後諗返我地食海鮮但都無堆到成堆殻無人理，臨尾仲同個泰國人傾左陣計，都好nice…Read More

出來工作的初期，有試進心得很，報讚進修班希望為將來工作做多一點往後幾年的工作洗禮，興趣班或許會參加一下，已遺忘當初的堅持慶幸當時認識的組員，我們有時都聚一聚擔當小秘書的我選擇幾間已是經理級的人揀揀選址這間，德興街，十分方便食物有晚餐及散叫，侍應推介的是小食類，居然唔介紹下D牛扒呀，或貴價菜式最後我地揀左兩個晚餐加散叫pizza, salad , 蜆來試試Pizza 叫了3色pizza ....樣子不錯，可是火箭菜味道怪怪，是我們唯一你推我讓既食物其他的都不過不失，結帳時未能使用信用卡，UM。。。無得儲積分最近大家都流行使用 paywe,.. 我想是時候更新一下了（當天洗手間維修， 要出外使用) …Read More

舊同事當中有媽媽級的，所以難得出街一次，想找間舒服的邊食邊談聽就聽得多BOSCO有份開，雖然未至於想用餐時見到他，不過都係出名先黎先叫幾款小食，真係好好食，份量不多，好想encore,但要留肚食蠔同主菜，忍住朋友們叫了兩枝酒，所以每枝有關隻蠔送，好新鮮仲要味道好配酒，又想encore,  忍住，主菜我們叫了羊架，意粉，同薯條，今次真係好好味，真係要encore上菜時間偏長，明白用心煮要時間，若非book 了7點，我想這飯邊食邊飲要12 點才完…Read More

第一次食這間餐廳時， 是11月頭早兩星期的事， 朋友請我的生日飯， 味道不錯， 坐得舒服， 於是造就昨天再encore 的生日飯。姐姐和她男友專登黎同我食放棄已訂位的放題等了一小時位， 入座時8點半，給我們自選茶葉， 之後拿拿聲叫野食， 點知第一個失敗點黎喇無哂燉湯！！ 我返黎再食的其中一個原因就係個湯， 唔okay 囉， 佢地個個湯都重點推介， 點可以預份量咁失策之後揀左自選四小碟， 中間放個乾冰飄下煙，咁就理直氣壯收順d 極速黎左炒菜心，偏油薑蔥牛肉， 正常上海粗炒， 上碟時發現麵有麵放，菜有菜放， 唔係一齊炒咁款小籠包，正常， 夠熱鍋貼， 正常， 無特別叫埋日本溫室南瓜炒蝦球， 最好味的一個，不過一路食一路我係咁話太甜， 之後試下食d 南瓜邊混埋黎食， 咁先好點，其實好應該叫d侍應介紹一下本身想叫甜品， 但唔想浪費自己quota, 所以埋單， 加一後$673呢個價錢日本放題都係咁上下仲有一宗罪， 基本上無服務可言， 上菜姐姐永遠放野係邊位、要自己拉埋去， 唔加水，叫極先應機落單哥哥新黎， 又唔覆單茶餐廳扮高級， 如果係新開張未習慣的話， 只可以要求你們改善下啦…Read More

原來好多人誤會大排檔等於打冷， 其實是兩樣野。由於本人喜歡飲飲食食的關係，所以基本上的飯局朋友們都讓我選擇餐廳， 某一天見客後， 我在科學館對面馬路經過， 看見好多滷水鵝掛係度， 正！ 尖沙咀都有打冷？！仲要望入去都乾淨企理， 所以隔幾天就約左成圍去食餐廳安排後面最大張檯俾我地，餐牌價錢一d都唔貴， 仲以為係尖咀食野碟碟都過百鵝翼好大隻，入味， 唔韌， 份量都夠大碟之後叫左個炸生蝦， 本身我無期望， 以為普通野， 點知第一個朋友試過話正之後，一試先知用新鮮蝦炸同調味剛好係點一回事， 望返餐牌， $68 其實真係幾抵仲有炸蠔餅， 唔係好多粉一舊舊個d, 脆口好好味再黎個蠔仔粥， 隻隻蠔都脹卜卜， 勁多勁大碗， 絕不欺場， 佢有俾魚露給我們， 但我覺得已經夠味仲有幾碟小炒又係好好味不過綠色個d 我已經唔記得叫咩臨尾叫左個炒麵，又係好出色下次黎我會試多幾款美食， 價錢一d都唔貴， 抵食同正宗， 尖咀打冷既代表…Read More

10月中旬，收到另一組幾位同事請辭的消息， 就來個farewell lunch 同事神神祕祕話叫我返屋企食飯， 原來餐廳名稱叫在家只有12個坐位既空間， 由3位職員一手包辦我們看了看幾個套餐既選擇， 個個的名都好正wor, 3L 甜蝦 ， 海膽， 白吞拿魚等等等接著來了個有蝦味既麵豉湯 ，好飲到不得了， 剛好為昨晚的困擾來一刻舒緩不一會， 每人點的午餐到了， 大家都覺得新鮮到要影IG 相，海膽有兩款味道相當不俗而且還可以添飯， 米飯的日本米，可見用心，侍應十分有禮，再了解多點晚餐私房菜， 價錢很合理， 可以自己帶酒等等人生， 工作， 生活 在這一刻都於陽光照耀下變得更有意思離開是為走更有意思的路…Read More

基本上只有在假期才會於荃灣活動既我發現荃灣變遷很多很多連鎖店進駐衣服的食的來到峰壽司食飯， 等了差不多1小時才入座想當年佢係銅鑼灣迫爆時都唔使咁耐為慶祝姐姐男友早星期的生日， 儘管叫吧～～～～近來發福不少既我則逐件逐件計著自己quota , 不消一會， 已經一滿桌食物，加洲卷上的蟹子好似染色一樣， 紅橙色的～無咩味道其他的壽司都正常穩陣最後點了推介的蒜香草煮蜆，蜆細得可憐， 我寧願佢俾少幾粒要d大的， 最可惜係咸得令人皺眉， 立刻扣了些分～3個人；食到捧著肚子走；500元有找； 還投訴什麼？…Read More

很久沒有姐妹3人行了， 終於可以見個面， 食頓飯～ 朋友去過觀塘店， 於是建議到荔枝角店嚐嚐， 然後方便我們回家月尾是星期五， 簡直係double happy , 不過最後都係遲收工， 由於我8點到步， 一入去勁嘈， 只可以話係隨意既餐廳吧～她們已揀選了二人餐及散叫一些小食， 侍應有講明佢地既意大利飯係用正宗意大利米， 要唔要軟身d, 呢part 都幾細心餐湯少少杰身， 唔係剩係水個d 田螺每人都有兩粒， 托底d薯蓉不吃也罷主餐上牛扒忘了拍照， 配菜係紅蘿蔔切條扮薯條， 都幾特別， 牛扒則正常3成熟， 無overcook意大利飯都唔錯， 帶子煎得岩岩好， 切落去林身， 不過味道唔出色最後最令人氣憤的場面到了，侍應keep 住話收我地碟，咁我地一路傾一路食，梗係有DD野未食完。。。之後就問餐要咩甜品，女侍應話有跟餐個咩荔枝＿凍（我唔記得個名），如果叫甜品就無野飲，於是加多個左心太軟同餐既果凍點知黎到係一杯飲品，我地問男侍應係咪黎錯， 佢話係我地個甜品，佢咁肯定話係咪3個女仔拎匙筆杯野黎食囉最後黎埋個正常好味心太軟無耐， 又催我地收碟， 無哂mood , 埋單～黎到我地check 單， 見有一項加左$8 ， 原來係甜品飲品， 我問個侍應打錯左既時候， 佢態度勁差話你飲左杯野架wor, 的確我地飲左， 但係你同事話係甜品， 我無理由質疑者～ 雖然最後佢都好好扣減左， 但係這次經歷我應該唔會再試lu ~ …Read More

中秋正日， 公司給我們提早放工， 於是這天心情輕鬆，午飯時間到了， 不少人都午餐造節，酒樓爆滿。我們倆就走到東廣場找東西食。發現新開了一間韓國餐廳， 點餐後才認真再看看餐牌,看著美女廚師（正宗韓國人）正為每個餐放上不同配菜， 看到放上生既金菇！ 收銀姐姐話韓國人興咁食， 最後我地兩個都唔敢食～～ 她會以唔純正英文叫號碼讓客人自行取餐印象中豬肉飯好多肉， 汁都可以送飯， 炒粉絲就屬於正常味道， 加$6 可配梨汁.$60元左右份量都算ok, 女仔食岩岩好或多左d， 男仕可能要添飯～ 值得再來支持～在觀塘工作兩年多， 東廣場的新餐廳的確令我們有多一點選擇～…Read More

2016 年8月的restaurant week, 我共book 左4間餐廳， Whisk 係其中一間， 上一次食已是好幾年的事， 今次是和其中一位要好朋友慶生，雖然遲左一個月， 但好朋友就不會計較這些吧由於塞車既關係，朋友早到了在lounge 等我一會，到達後她跟我說是Mira Member , Happy hour 買一送一， 我無跟她一起點，畢竟晚餐是重要。朋友跟職員說要上餐廳食飯， 職員便建議我們直接上去餐廳， 他會通知同事把餘下的一杯再倒給我們， 酒店服務真係好細心到了whisk 後， 我們被安排坐了中心的方形桌， 已經坐了很多人，太概7成入座。 於是朋友又說是不是一定要試tasting menu? 我心想， 唔通唔岩食？ 她續說： 她有一張一枝香檳既coupon, 加上VIP discount ,不如就今天用。 就這樣，我們就在正常menu選了 ....我們點了starter, Whisk eat up salad 沙律及著名乳豬再想叫多一份牛排之際，侍應生語重心長阻止我們叫下去， 他說這個沙律份量很大， 對你們來說太多了， 沙律都會吃到飽，咁睇少我地果然，我地的確食唔哂開始時的bread   basket 好好食，微暖～～我最欣賞呢個蟹餅，口感很好，唔乾，表面仲脆脆的，金黃色令食慾大增，啖啖肉好味到要慢慢食。。。。沙律到了，上碟是一個 平底pan, 難怪侍應之前這麼說，他好細心為我們夾了兩小碟出來，細問之下，可以講出18-19樣食材，沙律菜，幾款芝士，加無花果等幾款水果，仲有煙肉。。這個份量，這個價錢，拍爛手掌般抵。我地已經食了好幾回，都飽飽地，為怕食唔落乳豬，就著他們再上下一個主菜黎喇黎喇真係好香噴噴，油光剛剛好，雖然份量唔多，原來，我地都係食唔哂。跟中式乳豬相比，是多一種西方的香料的味道，好好味，口感鬆化，真材實料，物有所值，加上兩款醬汁，正正正忘記了加了side dish...黑松露通心粉，由於乳豬太好味既關係，呢個就算有truffle ，都變得正常好味～由於餐廳11時關，我們已是最後的，為免阻住人收工，到旁邊的諾士佛臺再食再飲過。。。。朋友生日，我也 許了願～VIP discount: 25% off ，比tasting menu  更抵。。。…Read More