fooddemon's Profile

近排成日OT, 晚飯都唔得閒煮，所以就斬料返屋企食。平平地已經有雞、有鵝、有叉燒，返到屋企煮條菜就得，真係平、靚、正！燒鵝雖然只買了半隻，但望落去好大隻，而且皮脆肉厚。我留咗一半第二日煮湯米粉食，放左湯仍然好夠味，讚👍🏻我老公怕肥，所以買左半斤瘦叉燒。有時買瘦叉燒雖然無肥肉，但就會乾爭爭，唔好食。但呢間既瘦叉燒瘦得黎又唔乾，仲要幾鬆軟添。最後就係懶人最愛既手撕雞，唔使自己斬和去骨，就咁食就得，超方便。我怕辣，所以買左原味手撕雞，鹹鹹香香，再加埋芝麻，真係好惹味。…Read More

近來天氣真的很熱，忍不住要吃些清涼甜品解暑！旺角糖水店一向多，不過這間算是座位挺寬敞和舒適。我每次都會叫綿綿冰，因為冰感真的能做到入口即溶，而這款抹茶綿綿冰抹茶味夠濃，配合紅豆茸、軟糯丸子和脆脆珠口感更佳。楊枝甘露芒果茸同茸果粒都夠甜，柚子肉份量夠又清新不會酸或苦，再配合椰汁西米同脆脆珠。朋友不想食生冷凍野，幸好都有不少養生糖水可選～桂花雙雪燉桃膠，除了有雪梨，還有雪蓮子、桃膠同桂花，味道清潤不會過甜，適合女士。除了各種甜品還有水果茶和其他飲品可選擇。洋甘菊水果茶以綠茶作底，洋甘菊香氣濃郁，聽說有助抗氧化和睡眠喔！配合水果粒，帶點清甜！而且還可以免費再加熱水👍🏻…Read More

九龍灣地鐵站的唐記包點無論返工，lunch time 和 放工時間，條隊都係好長。係咪超好食，我覺得味道係ok 既，不過佢絕對係以平取勝。當打工仔係九龍灣食個lunch 要$50-60，用$27 買個蒸飯絕對係抵🤑！今次我就買左兩個蒸飯，六個包和同事share 做早、午餐，埋單都唔使$100!每次都會點鳳爪排骨飯和北菇雞飯，都幾大個，抵食又飽肚。鳳爪好入味，排骨都多肉。北菇雞其實食過好多次，每次都點佢，貪佢多肉又唔肥，仲有少少椰菜底，感覺更健康。蓮蓉包、豆沙包、香菇雞肉包$8/個，饅頭$5/個我最鍾意食香菇雞肉包，因為無肥肉，好健康。蓮蓉包o既白蓮蓉非常幼滑，餡料多，甜度剛剛好。豆沙包既餡料同包既比例配合得非常好。饅頭都好軟熟，係飽肚和健康之選。不得不讚佢每樣食物都新鮮熱辣，所以拎都返公司食既時候包既表面都皺哂皮😂😂…Read More

星期日夜晚九點幾喺荃灣搵餐廳食飯原來都幾難，見丼丼屋雖然無咩人，但仲未截單，所以就入咗去食。我地點左十勝帶廣名物豚丼、信州風味醬汁吉列豚丼。我覺得十勝帶廣名物豚丼比較好食，豚肉既邊邊雖然有d 肥，但唔算油膩。豚肉好軟熟唔韌，日本米好飽滿，配合醬汁係剛剛好，唔會太鹹。如果個飯埋菜就更加好啦。信州風味醬汁吉列豚丼相對較失色。豬扒比較薄同埋有少少肥膏。另外個醬汁太甜同埋太多，所以完全掩蓋左飯味，醬汁少番啲會好啲。…Read More

係荃灣廣場隨便搵一間餐廳食tea,見euro gogo有位和有tea 食，所以入咗去。其實Euro Gogo 嘅味道真係好普通,同自己係屋企煮冇乜分別。食佢只不過係貪方便和夠快。蜜糖雞翼：味道普通，只不過係焗熟左然後加啲蜜糖，不過勝在一啲都唔吝嗇蜜糖，而且即叫即整，所以好熱。三色薯皮：薯皮有吞拿魚、芝士煙肉同埋雞肉味，味道都ok。熱朱古力：朱古力奶味夠重，反而朱古力味唔夠濃，我鍾意飲凍嘅多啲，因為有邪惡既忌廉😋…Read More

去宜家傢俬之前想搵個地方食嘢，見呢間餐廳唔使排隊，所以就同先生去咗食。不過唔使排隊都有原因嘅，就係食物普普通通冇乜驚喜。五越湯河：五越湯河入邊有生牛肉、牛扎肉、牛肚、牛腩片、牛丸。河粉比普通份量多少少，所以都幾飽，牛札肉和牛丸有d肥膏，牛腩片唔夠淋，味道一般。因為我唔食得生野，所以兩碗河粉都走哂洋蔥、芫茜、香葉等等，唔知會否因爲咁，所以影響左河粉既味道。香茅雞中翼湯河：香茅雞翼炸得香脆入味，河粉都係普普通通。…Read More

不嬲食開荃灣嗰間，水準都好好，今日行街行到有啲肚餓，見油麻地有媽咪雞蛋仔,就點返一底原味雞蛋仔。見佢廚房好大，人手又夠，等嘅人又唔算多，應該都可以保持一貫品質。但收到之後真係極度失望，雞蛋仔完全唔係金黃色，好明顯都未夠時間。其實佢哋見到就應該再整多陣，仲要個餡係軟嘅，個外殼又唔脆，我真係好擔心佢熟咗未，好彩食完冇肚痛。其實佢特許經營，唔係應該set 晒時間嘅咩?點解都會差咁遠嘅呢?經過今次教訓，除了荃灣店之外，我唔會去其他媽咪雞蛋仔。…Read More

老婆話lunch食開呢間餐廳，海南雞和喇沙都好食，所以就入去食晚飯。比起其他餐廳，呢間餐廳晚飯唔算多人。兩個人都可以坐四人位。因為我地唔太肚餓，所以我哋兩個只是點了串燒和炒金邊粉。炒金邊粉炒得太濕，一pat pat咁，我唔係咁鍾意食。不過係啲蝦係大隻和爽嘅，味道還可以。串燒點了雞和牛，雞同牛串燒味道都ok,不過牛就有d靭。經過今次，我有少少質疑我太太既味覺，不過佢堅持海南雞和喇沙係好味，只不過今次我地無點wor.…Read More

今日同太太去了友愛，當時已經晚上九點，見佢未關門所以就入咗去食。點左馬拉盞炒通菜、蟹肉炒飯和泰式金邊粉，每樣都係$68。可能因為人少，點菜後5分鐘，就已經有炒通菜。通菜係炒得好食同埋翠綠，不過呢啲味道係由蒜頭和大量既油炒出來。出街食就預咗冇屋企自己煮咁健康㗎啦。蟹肉炒飯都幾大碟，不過仲有一舊舊飯，明顯炒得唔夠均勻，同埋蟹肉都有少少殼。炒金邊粉蝦都大隻嘅，味道酸酸甜甜。不過我自己就唔太鍾意食，因為始終覺得太濕，我鍾意乾炒。食物份量算大，所以加兩蚊要咗個外賣盒，環保啲唔好浪費食物。第二日整返熱嚟食，竟然係炒金邊粉好食過蟹肉炒飯。…Read More

約咗朋友去大角咀做嘢，臨走要醫肚，佢推介Burgerman。佢已經食過幾次，質素應該有保証，所以我都決定一試。門面易認，裡面可以坐約15人。我地在五點幾去，仍未到繁忙時間，仍然搵到位。啲burger價位五十幾至百三，可以揀淨包或者連埋薯條汽水，我咁大個胃當然揀跟餐。我點咗至尊漢堡，再加combo薯格。個burger係即造的，一定新鮮。個包唔算大，但中間嗰層真係好厚。要一口咬落去都唔簡單。個burger好足料，有兩塊肉，兩塊芝士，一塊蛋，一塊菜，一塊蕃茄，仲有菇同埋洋蔥。味道亦唔錯。薯條也好薯格也好，其實只要炸起即食，基本上都會好食的。但就係好多地方都唔易食到剛炸起的薯條。今次個friend都算係好介紹。以後來大角咀做嘢食飯又多一個選擇。…Read More

今日特登出銅鑼灣同朋友食飯，點知出到去竟然落雨，好彩餐廳係sogo 隔離，非常方便，都唔怕淋濕。去到樓下發覺呢棟大廈有好多餐廳，下次可以試下唔同餐廳。侍應話呢度嘅海鮮都係活海鮮，所以今次就點多啲唔同品種嘅海鮮試吓。燒牛舌火候燒得剛剛好，雖然厚，但就柔軟而且唔會有浸怪味（平時食總係覺得有怪味），而且仲有少少既肉汁，都幾juicy。A4和牛通常係日本先捨得食，今次同朋友食豪dd，點左一客，而牛肉絕對無令我地失望。牛肉燒得半生熟，生的部份較軟滑juicy，而熟既部份亦好香口，軟熟。通常食酒樓既清蒸鮑魚仔😂，今次食日式燒鮑魚，又幾好食wor。記得係韓國食過飽魚刺身，肉質比較硬，所以我鍾意食熟鮑魚。呢隻鮑魚肉質鮮味又唔腥，真係一流👍🏻👍🏻👍🏻最令兄我食指大動係味噌燒龍蝦，燒出黎個賣相已經好吸引，隔離枱見到之黎都即刻點左一隻。侍應仲話已經係最後一隻，可見佢既海鮮入貨不多，只選新鮮靚海鮮限量發售。龍蝦本身已經爽口而帶咸鮮，加埋味噌燒，更加惹味。呢個燒吞拿魚扒都幾特色。一般餐廳通常係燒銀雪魚、三文魚、鯖魚、秋刀魚等。燒吞拿魚扒真係第一次食，味道都ok，可以一試。點左燒小丸子，一串紅豆，一串芝麻。我比較喜歡紅豆蓉，個餡熱滑d。芝麻餡都好濃，但就較「杰」。…Read More

近排放半日，特登和同事一行七人搭的士去葵芳嘅但馬屋食lunch。去到都幾多人排隊，而且因為我哋七個人，都等左10-20分鐘。同事話北海道大地之豚好食，所以點左個90分鐘放題。除咗大地之豚之外，其實都有兩款牛肉係可以任點，不過唔記得係乜嘢肉。湯底有好多選擇，但係我哋大部份都係揀咗美肌鍋。呢度最好嘅地方係一人一鍋，乾淨衛生好多，又唔驚其他人啲野未熟。同埋佢嘅配料都有好多選擇，不過今次就冇粟米。飲品都係任飲。最正係有四種味嘅Häagen-Dazs雪糕任食，可惜我依家唔食得😞雪糕，望住啲同事食左幾球，真係好想食😩咁我唯有食多啲牛同埋豬返本。北海道大地之豚真係好滑，同埋比其他兩種牛好食。所以同事通常係食豬多過牛。其實唔係牛唔好食，只不過係豬好啲，如果點再貴啲嘅牛，就應該牛嘅質素會好食d。…Read More

每次去老虎堂都只會飲熱嘅波霸鮮奶，因為近排唔飲得凍野。我平時飲奶茶會瞓唔着，所以呢個波霸鮮奶就最啱我。可能係平日，所以去旺角分店等左5分鐘都唔使就已經有啦。上次試過星期六日去，等左成20-30分鐘。我覺得呢間波霸鮮奶好飲嘅地方係佢個鮮奶同埋黑糖好夾，而且甜度剛剛好。我暫時未移情別戀，每次飲親都係飲呢間。…Read More

今日同屋企人去咗元朗站嘅彩晶軒，雖然雖然係平左但係都等左一陣。平日飲茶都要等位，證明質量不錯。四大一細，食咗啲點心同埋小菜，質素都OK。點左菜苗餃、馬拉糕、小籠包、苦瓜炒燒腩、叉燒酥、蝦腸、叉燒包、炒飯。小籠包正正常常，但唔好期望好似去上海餐廳食咁皮薄餡靚，個皮始終爭啲。叉燒酥個酥皮幾好食，好鬆脆但唔會好油。蝦腸已經幫你切好晒，一件一粒蝦，非常均真，唔驚爭蝦食😂😂我姨生女最鍾意食馬拉糕，不過我本身唔鍾意食，所以我無食，姪女話好好味喎。（其實佢食所有嘢都話好食😂😂）其他食物不過不失，但係都OK嘅。…Read More

食上海野緊係去上海婆婆今日同屋企人去荃灣食飯，星期五周圍都多人，好彩上海婆婆唔使等好耐。每次必點小籠包，皮薄多汁。食既時候要小心熱和爆汁。清廷炒麵，似上海粗炒，無咩特別。蒜蓉西蘭花🥦，炒得太油和太淋了。生煎包都煎得幾香口，同埋都有少少汁爆出黎。三個人食四樣嘢，估唔到又夠飽喎。整體來講不過不失，冇咩特別。…Read More