Mammy Pancake

不嬲食開荃灣嗰間，水準都好好，今日行街行到有啲肚餓，見油麻地有媽咪雞蛋仔,就點返一底原味雞蛋仔。

見佢廚房好大，人手又夠，等嘅人又唔算多，應該都可以保持一貫品質。但收到之後真係極度失望，雞蛋仔完全唔係金黃色，好明顯都未夠時間。其實佢哋見到就應該再整多陣，仲要個餡係軟嘅，個外殼又唔脆，我真係好擔心佢熟咗未，好彩食完冇肚痛。

未試過食雞蛋仔，個樣似未熟,而且完全唔金黃嘅

其實佢特許經營，唔係應該set 晒時間嘅咩?點解都會差咁遠嘅呢?
經過今次教訓，除了荃灣店之外，我唔會去其他媽咪雞蛋仔。