門面易認，裡面可以坐約15人。我地在五點幾去，仍未到繁忙時間，仍然搵到位。
啲burger價位五十幾至百三，可以揀淨包或者連埋薯條汽水，我咁大個胃當然揀跟餐。
我點咗至尊漢堡，再加combo薯格。
個burger係即造的，一定新鮮。個包唔算大，但中間嗰層真係好厚。要一口咬落去都唔簡單。
個burger好足料，有兩塊肉，兩塊芝士，一塊蛋，一塊菜，一塊蕃茄，仲有菇同埋洋蔥。味道亦唔錯。
薯條也好薯格也好，其實只要炸起即食，基本上都會好食的。但就係好多地方都唔易食到剛炸起的薯條。
今次個friend都算係好介紹。以後來大角咀做嘢食飯又多一個選擇。
