workingfoodies's Profile

$1 一隻雞好似間唔中都見到、但$1 一條魚🐟真係第一次見！。泰式明爐烏頭魚。一入到已經見到每檯都有條烏頭魚😆星期三限定既一蚊魚、當然唔可以錯過。味道唔算太濃、唔太辣、算係比較清淡既泰式魚。入面有D椰菜、一齊煲完吸收左魚湯既味。鹹肉炒椰菜苗。夠穫氣！菜苗新鮮清甜、完全唔會有苦味。。泰式海南雞。雞肉都幾滑、配埋個泰式辣醬好好味！2個人食半隻雞，好快就食曬！。芒果沙冰同椰青。芒果🥭沙冰味道清新、不過好似淡左D、如果加多D果肉、口感應該會更好。椰青清甜爽口多汁！食泰國嘢必飲！。環境。室內環境比較西式同開揚。整體感覺唔錯、而且餐單都仲有好多菜色選擇、今次試食完、下次都可以encore再食其他菜色！…Read More

原來奧海城Simplylife 有 The East & The West Menu，同Bakery Cafe 有D 唔同。都幾得意，一於試試亞洲The East 風味野食。。大蝦紙米卷。味道唔錯，個汁都幾好味。。香芒紙米卷。芒果幾甜，好多蔬菜好大舊，比較難咬。同大蝦紙米卷既配汁唔同。。喇沙。覺得湯底比較淡，味道一般般啦。。馬沙文咖哩牛腩。叫左個薄餅配咖哩，薄餅即煎既，熱辣辣好香牛油味。碟咖哩略嫌多油，但味道唔錯，牛腩好腍好入味。而且份量比想像中大，都有幾多肉食！餐廳比較多人，環境較嘈。…Read More

今次慶祝紀念日試試情調法國菜。第一次食法國菜、真係可以每道都慢慢品嚐，全程食左3個幾鐘。Signature Tasting Dinner Menu - 8 courses下圖跟上菜順序🙂。Canepes。最愛白色迷你羊奶芝士撻。。棕櫚芯+熟蝦。。白蘆筍+金桔+炸帶子片+黑魚子醬。第一次見白蘆筍，味道清爽。炸帶子片既帶子味唔算太濃。。鮑魚+牛舌。第一次食到好脆口但又好腍既牛舌、口感好特別。鮑魚都好腍好入味！。烤雞+菇。雞皮頗脆、個黑松露加醋既汁ok~但整體唔太特別。。白蘑菇湯伴菠菜薯糰Button mushroom soup with baby spinach gnocchi 。餐廳特色照片菜之一，標榜完全無加水同調味料，僅加入少量忌廉。的確，每一啖都係好濃既菇菌香！好好味啊！飲完真係會齒頰留香！。龍蝦及+ dry aged ham乾醃火腿+豆蔻。。日本A4 和牛。需要另加$268轉，但原來咁細舊，覺得唔太抵。法國乳鴿-五成熟。未食過而個肉味、唔識形容。。梨雪葩。味道清新，個汁係Apple cider + 焦糖，甜味同酸味好夾。。柚子雪葩+souffle 梳乎厘。梳乎厘有D酒味，食道E道菜有D濟。。Petits Four 。Mini Desserts 迷你甜點，3款味道都一般，macaroon 馬卡龍太甜太甜。跟餐野飲叫左Hot chocolate 熱朱古力& Earl Grey Tea 伯爵茶。總結餐廳環境清淨、節奏悠閒，紀念日嚟都幾有情調。週日夜晚唔太多人。侍應態度好好，每次上菜會細心介紹。每道菜份量唔算太多，但食到好飽啊！係一次唔錯既Fine-dinning體驗。…Read More

想食韓國嘢，第一時間諗到韓式烤雞。之前去韓國食過，真係無油、非油炸！好味得嚟都比炸雞健康小小。。雙拼烤雞。口感香脆！平時唔太食雞皮，但脆皮真係好好味！入面啲肉仲係好嫩啖啖肉真係好滿足～不過辣果款真係幾辣，平時食開少辣既朋友要注意⚠️。韓式雞蛋卷。好香蛋味，個人覺得紫菜多返小小、味道會更好。。Caesar Salad。正常味道，有足夠芝士粉。。特色飲品。沙冰每款都好大杯、飲左好耐好耐都飲唔曬。味道方面、覺得偏甜，可能因為融冰唔太多。2個人食咁多嘢真係好飽，下次單點個烤雞應該已經夠食。…Read More

見蘭杜街開左（新）餐廳，灣仔返工既朋友即刻約埋一齊試試。午餐。咖哩唐揚炸雞蛋包飯。。咖哩吉列豬扒蛋包飯。咖哩味道普通，個蛋煮到好滑，而且特登放到好似一朵花咁。唐揚炸雞蛋都酥脆，但吉列豬扒皮就偏硬，同埋感覺好熱氣。。滷肉飯。滷肉飯可以自選配菜。滷肉比較大粒，同埋偏瘦。個人鍾意食瘦肉，不過瘦肉口感的確無半肥瘦咁軟咁腍。同事試左滷水豬軟骨，牛肚及豬大腸，好快食曬，味道都OK!。餐具。餐廳裝潢偏近北歐風，午餐餐單就偏向多國菜。午餐套餐包飲品，冷熱同價。灣仔返工既朋友可以一試。…Read More

We booked this restaurant for anniversary celebration & we love it!。Starter 。。Interior environment。We went there at around 1:45 p.m. on Saturday, not many people. It's cozy & relaxing!。Seafood Mixed Grill。 $898The mixed grill is so good!  This dish includes Boston lobster, king prawns, scallops, cherry stone clams, abalone, calamari and cod fish skewers. It's a seafood all-in-one dish!!! And, is enough for 2 people.  The dish is served with drawn butter and garlic paste sauce, which adds even more flavors to the grill. Love it!Ordered  white wine to pair with the seafood. And also a sidekicks, which is House-made fries- Potatoes $88. Forgot to take photos but there is nothing special for this one. Suggest you to try other sidekicks Overall it's a wonderful dinning experience with a full stomach leaving the restaurant!…Read More

近期多左好多Crepe Cake 千層蛋糕選擇。今次就試試新野。之前適逢情人節，買左情人節限定版！！！透明盒包裝，清楚見到粉嫩玫瑰花蛋糕！食之前要影一餐先～蛋糕個樣好似一朵玫瑰🌹好靚！Size適中，2個人食啱啱好！切既時候感覺到蛋糕好脆，層次分明。雖然賣相滿分，但味道就有D失望。今次E個係玫瑰味，我地覺得有D苦澀味。好似通常玫瑰味既野食都係好睇唔好食。自己係屋企再加左朵士多啤梨玫瑰花伴碟。 店鋪大部分蛋糕都係糖果色系！好靚啊！仲有較少出既味道，班蘭味！下次再試試其他味～…Read More

經過灣仔船街，最搶眼就係而間餐廳，獨特藍白色磚牆，有D似馬賽克牆既感覺，特別有異國風情。今日終於約到朋友一齊試試。。Jamon corquettes & Clams。火腿片唔算太鹹，個包烤到好脆蜆味道ok, 但因為頭盤分量較細。。Brussels sprouts。迷你椰菜仔樣，上網查叫抱子甘藍？。Mixed tomatoes。紅色綠色黃色番茄，好味！。Braised Lam Shank。主菜之一，煮到好腍，好入味。Pan Fried Seabrass。另一主菜，賣相一流，味道就不過不失啦。。Coffee。普通。Dessert- Chocolate mouse 朱古力味濃、滑、香！。午餐餐牌。下次再試其他野食。…Read More

上網見E間潮州菜裝修唔錯，而且openrice可以直接book，方便快捷，所以試一試。。胡椒排骨花膠煲。好味！好暖胃。個湯感覺好滋潤。眼見都算有唔少花膠，比較足料。。蝦子扒柚皮。第一次試E道菜，應該都唔係好多地方食得到。柚皮做到好腍，完全無苦澀味。栗子方魚焗雞球。比較多栗子，好飽肚食完都唔太清楚咩係方魚.....。鮮蝦水瓜烙。潮州菜名比較得意。E 個水瓜烙餅味道好好！。滷水鵝肉拼盤。味道不過不失，好細碟。。炸魚。炸皮鬆脆，唔錯。餐廳環境OK，今次5個人食位置都鬆動。而且可以慢慢食，飲下茶傾下計。建議家庭聚會可以試試！…Read More

放假經過灣仔覓食，見到而間新派韓國菜，即刻上去試試！星期日午餐都幾多空位～可以慢慢坐～慢慢食👍🏻坐低望左menu 好耐好耐，因為有好多單睇個英文名、都唔知係咩菜。😅😅最後撞彩咁叫嚟食。。炸牛肉餅。見到其他人openrice 有介紹所以試下。真係好好味！入面好juicy！個皮好煙韌、有d似係糯米粉做既，配埋Ｄ醬好好食，但價錢就偏貴。。烤大白菜。睇個名大家諗到咩樣既菜色呢？我地就咁睇個名完全諗唔到係咩，所以好奇一試一上菜見到就好開心！未食過類似既煮法。有Ｄ似千層麵既做法，一層白菜、一層肉碎醬汁。真係好正好好味！最重要係千層菜感覺比千層麵健康好多。辣牛肉湯配飯。好多牛肉碎、材料都算豐富。味道唔算太辣、冬天配飯食唔錯！好暖胃。餐廳環境。午餐時間開陽悠閒。。二人檯。唔太夠大。餐具有襯過，都幾靚。總括而間韓國菜都幾驚喜。特別鍾意千層大白菜一定要試！…Read More

上環OVO CAFE 十分適合聚會gathering傾計既朋友。平日去過幾次食晚餐，都好舒服又唔太多人。今次已經第3次去食，但因為野食選擇都唔少，今次又試新野啦！。燒菠蘿冬蔭功意大利飯。新鮮菠蘿好甜好多汁～仲有燒過既香味！正！！！原本係貪得意試下E個飯，估唔到冬蔭功汁煮意大利飯原來咁好味而且酸酸甜甜又惹味，又開胃。。猴頭菇蒟蒻麵。蒟蒻麵超低卡路里！！！而且纖維高，十分飽肚！減肥食飽飽都唔會有罪惡感。猴頭菇好大粒好JUICY!正！。核桃綠茶窩夫。忍唔住叫左甜品，好味！個人特別鍾意食核桃脆脆食肉獸想take 個break 抖一抖，一定要試試！…Read More

。餐廳環境。由於我地當日好早收工，去到餐廳未有太多人。餐廳環境唔錯，入面氣氛休閒，吊燈好靚。而落地玻璃望到出面景色怡人。餐包。質地偏硬，蒜蓉包牛油蒜蓉味好濃。西班牙tortilla omelette 。由於入面比較多餡，多以切開後較為多汁。入面既西班牙火腿有D似臘腸味。海鮮籃。伴墨魚汁醬，十分特別。味道唔錯，無腥味！入面有蝦有魚有魷魚圈同蠔等，大集匯咩都有d。牛扒。叫左5成熟，煎得好香！可以加埋醬包落生菜食，即刻變韓式烤牛肉 一道菜有兩種食法～。蘋果酥皮撻。酥皮層次分明，好好味！可惜味道偏甜，食兩啖就濟左.....Vanilla 雪糕幾滑。總括野食都多元化，味道唔錯，環境舒適，適合紀念日試試！另外值得一提既係，侍應服務態度好好！:)為餐廳加左好多分。…Read More

成日經過都見好多人排隊，諗住一定有佢既吸引之處。平日放工6點9去到攞飛，都起碼要等半個鐘以上。等到天荒地老終於入到去。即叫野食！。炸壕餅。雖然賣相麻麻地，但味道唔錯。蠔仔好滑。小籠包。味道ok，皮就唔太薄。。烤羊腿。好味！唔會太騷。一上檯、侍應就即刻幫手切開曬羊腿，無時間影正常樣。冷盤-片皮鴨桂花糕。個樣幾靚，但建議大家唔洗試，個皮唔脆的、而且成個組合唔太夾。。糖醋排骨。顏色都幾紅、感覺有人造色素......味道一般。食一舊就唔會想再食。:(。蘆筍炒帶子。炒得有鑊氣、幾香幾好味。但定價就偏貴啦。事後發現最重要既片皮鴨唔記得影相😰話曬係招牌菜、味道都唔錯，但未至於覺得驚艷。而且叫半隻鴨......真係好細碟。4人以上建議叫一隻。餐具精緻。環境方面，因為太多人，都比較嘈、座位唔算太寬敞。侍應態度一般，因為太多人、好似好難叫到佢地咁:(總結唔明點解可以一直咁多人等位......未至於好食到咁......…Read More

口痕想食French  Crepe /Galette（法式可麗餅），見到E間餐廳都有得食，即刻入去試試！午市套餐Lunch Set。頭盤。可以揀沙律或湯，當然2款都試試！。French Galette - Ham, emmental cheese & egg。經典火腿芝士真係真係最佳配搭！未食過French galette 既朋友可以先試E個味，既可以食到煎餅既蛋香、又有濃濃既芝士味👍🏻。French Galette -Mixed seafood。材料比較豐富，海鮮可能比較多醬汁同水，個餅底比較濕，質感就無上面果個咁好喇。。Portobello & Mixed Mushroom Risotto。我最中意食既菌類啊！都幾多菇！好味！但個人暫時未食得慣正宗Risotto 煮到硬硬地既質感。午餐餐牌。俾大家參考。總結最愛French Galette經典配搭火腿芝士。灣仔搵食既朋友又多一個選擇啦！…Read More

係德福行完街搵野食，行過見入面環境幾寬敞，唔太多人，原本以為係西式cafe，點知原來係食泰國野。覺得幾得意，就入去一試。。牛油薄餅。就咁食都好食，不過配返個咖哩類既菜色一齊食，應該會更加好。分量太細，唔太抵食。。巴東牛肉。味道唔錯，分量唔太多。由於比較濃味，最好同配飯一齊食。。蒜蓉鮑魚。上網見其他食評有推介，所以試試。鮑魚好厚肉，都算幾抵食。肉質彈牙，而且一D腥味都無，好味啊！美中不足係炸蒜蓉有D硬，口感唔太好。。芒果糯米飯。椰汁好稠，好味！可能因為冬天，芒果唔當造，唔係太甜…Read More